21/08/2023
ليه تركيب اللولب أثناء القيصرية من الأشياء المفضلة لكِ . . .🧐
علشان له مميزات كتيرة مش بتتوفر فى الظروف العادية بعد الولادة منها:
1-انك أثناء القيصرية بتكونى تحت تأثير البنج يعنى مفيش اى احساس او الخوف من الالم.
2-ان المكان والأطباء والتمريض فى تعقيم تام 😷وكمان بتكونى اصلا واحدة المضاد الحيوي قبل العملية يعنى مفيش مجال للتلوث او الالتهاب.
3-مفيش اى نسبة خطأ فى تركيب اللولب, يعنى اللولب متركب صح, وعمره ما هيكون خارج الرحم ابدااا . . .✅
4- انك مطمنة انك استعملتى وسيلة تنظيم الأسرة وخلصتى🥳
مش لسة هتستنى الاربعين يوم او نزول الدورة وممكن الدورة ما تجيش لانك بترضعى نضيف وفى الحالة دى ممكن تطلعى حامل قبل ما الدورة تيجى وده حمل انت مش مخططه له ولا مستعدة له🤷♀️
وفى الحالة دى كمان الطفل اللى لسه مولود ده اتظلم لانه ما لحقش ياخد الرعاية الكامله من أمه👼, اللى هما السنتين اللى ربنا أوصى بيهم فى القرٱن📖.
وكمان هتكونى ظلمتى نفسك لأن جسمك لم يحصل على الراحة والتغذية الكافية بين الحملين وتصابى بالأنيميا وسوء التغذية وضعف العظام والأسنان😩
والطفل اللى لسه ما اتولدش هو كمان اتظلم, لأننا مضطرين نولدك بدرى شوية المرة دى⏱لأننا خايفين أن الرحم ينفجر فى أخر الحمل لأن جرح القيصرية الاخير ما لحقش يلتئم بالدرجة الكافية, وبكده ممكن الطفل ده يدخل الحضانة.
صحيح فى نسبة قليله أن اللولب ممكن ينزل من الرحم عادى جدا فى المتابعة الدورية اللى بتعملها بيتم إزالته وتركيب غيره فى العيادة او نستخدم وسيلة تانية تكون مناسبة معاكى.
فى كمان وسائل لتنظيم الأسرة ممكن تستعمليها بعد الولادة مباشرة أو خلال الأسبوع الأول من الولادة زى الكبسولة أو حبوب الرضاعة 💊
لو الطبيب شايف أن اللولب غير مناسب لحالتك من الناحية الطبية . . .
ركبى اللولب أثناء القيصرية واستفيدى بالمميزااات👌
لو فى اى استفسار يمكنك التواصل معنا
