https://www.facebook.com/101363555894796/

Nutritionist - Dr. Naglaa Mohamed د. نجلاء محمد

Home
Egypt
Alexandria
Nutritionist - Dr. Naglaa Mohamed د. نجلاء محمد

Food Technologist and Dietitian �� Master degree in food technology and human nutrition, uniwersytet przyrodniczy, Poznan �

05/06/2025

كل سنة وانتم طيبين بمناسبة عيد الأضحى المبارك 🐑

متنسوش تاكلوا الفتة في حدود سعراتكم اليومية♥️😂

24/05/2025

� إشاعة الفراخ وانتو صدقتوا؟! 🐔

إشاعة نفوق الدواجن في مصر 🛑

بجد اللي بيحصل ده غريب جدًا! إشاعة طلعت بتقول إن في “فيروس قاتل” بينتشر في الفراخ ومسبب نفوق جماعي، وناس بدأت تخاف تاكل فراخ أو بيض! 😳

وطبعًا الإشاعة دي طلعت إمتى؟
قبل العيد الكبير على طول!
ليه؟ عشان الناس تخاف من الفراخ وتسيبها، وتروح تشتري لحمة بالعافية!
يعني غير إنها إشاعة، دي كمان مقصودة جدًا! 😒

في الأيام الأخيرة، انتشرت على وسائل التواصل الاجتماعي إشاعة تدعي وجود فيروس قاتل تسبب في نفوق جماعي للدواجن في مصر، مما أثار حالة من الذعر بين المواطنين ودفع البعض إلى الامتناع عن تناول الفراخ والبيض.

طب اسمعوا كده من الآخر:

✅ الحكومة بنفسها نفت الكلام ده، وقالت مفيش لا فيروس قاتل ولا كارثة ولا حاجة من دي خالص.

المركز الإعلامي لمجلس الوزراء أوضح أن التحصينات متوفرة، وتُجرى حملات ترصد وفحوصات دورية لضمان سلامة الدواجن.

رئيس شعبة الدواجن بالغرفة التجارية، الدكتور عبد العزيز السيد، أشار إلى أن حالات النفوق الحالية ضمن النسب الطبيعية نتيجة ارتفاع درجات الحرارة، وهي ظاهرة موسمية معتادة. كما أكد وزير الزراعة، الدكتور علاء فاروق، أن نسب النفوق تتراوح بين 3% و6%، وهي متوافقة مع المعدلات العالمية.

✅ النسب اللي الفراخ بتموت بيها دي طبيعية وبتحصل دايمًا مع الحر، يعني الموضوع موسمي ومش مفاجئ.

✅ في رقابة شغالة، وتحاليل بتحصل باستمرار، ومفيش أي حاجة تدعو للذعر.

لكن كالعادة…
الناس صدقت، السوق اتقلب، الأسعار ولعت، والدنيا اتهزت على الفاضي

📌 رسالة بسيطة مني ليكم:
بلاش نصدق كل بوست بيتنشر، اسألوا نفسكم: ده كلام من مصدر موثوق؟ ولا مجرد تريند بيخوف الناس وخلاص؟
انشروا وعي مش إشاعة 🙏

16/05/2025

الامراض المزمنة فقدان الوزن بشكل صحي مهم جدا عشان نحسن جودة الحياة وتعيش حياتك بصحة #تغذية

15/05/2025

مشكلةان بعد ما بنوصل لوزن معين بتلاقي في ثبات الوزن😭!
ليه وتعمل ايه ؟ شوفوا الفيديو
ومتنسوش اللايك والشير 🫶🏻

#ماميز

12/05/2025

خطوات مهمة وبسيطة عشان تخسي وزن الحمل والرضاعة 👏🏻🫶🏻 #ماميز #رضاعة

10/05/2025

لو شبعت… قوم.

كتير مننا اتربى على جملة “كل كل اللي في طبقك”، أو “ماتسيبش حاجة وراك”، أو “حرام نرمي الأكل”، فبقينا نحس بالذنب لو وقفنا أكل وإحنا لسه شايفين أكل في الطبق—even لو كنا شبعانين جدًا!

بس الحقيقة؟
الأكل فوق طاقتك مش كرم… ده حمل.

جسمك مش محتاج كل الكمية دي، ولما تكمّل بعد الشبع، بتحمّل معدتك شغل زيادة، وبتتعب جهازك الهضمي، وبتتخزن الطاقة الزيادة في شكل دهون.
وده مع الوقت ممكن يسبب:
• انتفاخ وتقلصات
• كسل وخمول بعد الأكل
• زياده في الوزن
• خلل في إشارات الجوع والشبع
• مشاكل في الهضم والقولون
• إحساس دائم بالندم أو الذنب

النبي صلى الله عليه وسلم قال:
“ما ملأ آدمي وعاءً شرًا من بطنه، بحسب ابن آدم لُقيمات يُقمن صُلبه، فإن كان لا محالة، فثلثٌ لطعامه، وثلثٌ لشرابه، وثلثٌ لنفسه.”

يعني ربنا خلق المعدة مقسومة تلات أجزاء:
• جزء للأكل
• جزء للشرب
• جزء فاضي علشان النفس والهضم

لما نلتزم بالميزان ده، بنلاقي:
• راحتنا بعد الأكل
• جسمنا بيهضم بسهولة
• شبع حقيقي بدون تخمة
• نقدر نتحرك وننجز من غير خمول
• صحتنا تتحسن مع الوقت

فاسمع جسمك.
لو قالك “شبعت”… صدّقه.
قوم وانت مرتاح… مش لازم تخلص الطبق، لازم تخلّص لنفسك.

الأكل نعمة، والاعتدال فن… ومعدتك تستاهل الراحة مش
المعاناة

#ماميز #تغذية

09/05/2025

لو طفلك بيرفض نوع او انواع من الاكل لازم نعرف كويس ازاي تتعامل معاه عشان الموضوع ميستمرش طول العمر! ازاي نتعامل مع رفض الاطفال للأكل؟ #تغذية #ماميز #ترند #مصر

07/05/2025

اللي واقفة دي مش بتطبخ، دي بتلعب لعبة البقاء للأقوى في المطبخ!
وأهو الطفل قرر إن أحلى وقت يعبر فيه عن مشاعره هو وهي بتقلب في الطاسة!
تفتكروا كان عايزها تتطفي البوتاجاز؟ ولا كان بيقولها “إحنا جعانين يا ماما؟”
ولا هو بيقول: “سيبي الأكل وتعالي ننهار سوا؟”

الست بتشتغل 4 شيفتات في نفس الوقت…
أم، طباخة، عاملة نظافة، مربية، كل ده وفي صوت زن و عياط دائم، وخطر التعرض لهجوم مفاجئ وشعلقة في رجل البنطلون والأكل بيتحرق على النار!

بس أكتر حاجة بتتعب مش الزن…
هو إنك تحس إنك لوحدك…
إنك بتجري طول اليوم، ومفيش حد شايف ولا مقدّر.

يا رجالة…
الست مش هيرو مارفل، هي بشر…
بلاش تتعاملوا معاها على إنها “بتقعد في البيت”
البيت ده عامل زي الـ WWE، وفيه أكشن أكتر من أفلام نيتفليكس.

خليك سند، مش حمل زيادة على قلبها.
شاركها شوية في الفوضى، ولو مش هتنضف متوسخش، مش هتبطخ متعلقش بسخافة على الأكل اللي اتعمل، الست مش بتخلف لوحدها وبالتالي الطفل مش مسئوليتها لوحدها، متقولهاش شيلتلك البيبي ربع ساعة، ده ابنك برده!… على الأقل، قول كلمة حلوة، حضن، أو حتى تسكت لو مش هتقول حاجة كويسة

#ماميز

#اكسبلور

06/05/2025

ازاي منكسلش؟ خطوات تسهل علينا الالتزام 💪🏻💪🏻 #دايت #تغذية #ماميز #مصر

04/05/2025

بان كيك صحي للنونو ♥️👶🏻👏🏻
البان كيك ده اختراع عظيم، اي صنف طفلك مش بيحبه حطيه في البان كيك هيتاكل على طول ♥️😋
عشان يبقى صحي بنعمله بدقيق قمح كامل او دقيق شوفان
لو حلو استخدمي الموز عشان يبقى مسكر

اللي انا عاملاه ده مكوناته:
موزتين
ربع كوب لبن
٣ بيضات صغننين او ٢ كبار
ربع كوب دقيق قمح كامل
نص معلقة بيكنج باودر
رشة فانيليا
و رشة قرفة
و نص معلقة عسل ابيض (لو النونو بعد السنة)

وجبة كاملة😎👶🏻

ممكن بدل الموز تستخدمي اي فاكهة تانية
الكمية دي طبعا بقسمها واحطها في الفريزر على اد استخدام المرة و بتبقى صالحة لمدة ٣ شهور
خلي بالك لو فكت مينفعش تتجمد تاني

وبألف هنا للنونو ♥️

الجو في بولندا رجع سقعة و شتا تاني😂 الجو عندكم عامل ايه؟

03/05/2025

ازاي ترجعي تحبي نفسك تاني بعد طحنة الأمومة؟ #تغذية #ماميز #اكل #رضع #مصر

Address

Alexandria

Website

facebook.com

Alerts

Be the first to know and let us send you an email when Nutritionist - Dr. Naglaa Mohamed د. نجلاء محمد posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Nutritionist - Dr. Naglaa Mohamed د. نجلاء محمد: