31/07/2025
حوادث القتل في الشهور الأخيرة واللي كانت مروعة بشكل مرعب، ارتبطت بـ مخدر الشابو أو الكريستال مث
آخرهم حادث قتل الاسماعيلية
وقبلها حادثة قتل طفل 10 سنوات علي يد والده في شهر ابريل بالاسماعيلية برضوا
ومجزرة الفيوم، شخص قتل زوجته و أبناءه الـ 6 وقت سحور رمضان السنادي.
🔴 فـ إيه هو الشابو؟
الشابو أو الكريستال مث أو الآيس، هي أسماء عامية لمخدر الكريستال ميثامفيتامين، وهو محفز قوي جدا للجهاز العصبي المركزى (المخ و النخاع الشوكي)
- انتشر خلال الحرب العالمية الثانية، كان بيُعطي للجنود علشان يفضلوا فايقين لمدة أيام
- بيتم تعاطيه بطرق جديدة، أشهرها في مصر الشم أو شم محتويات حرقه
- يتم تصنيعه باضافة الميثافميتامين إلي مادة السودوافدرين الموجودة في أدوية البرد، و من فترة لأخرى تضيف مافيا الإدمان له مواد مختلفة مصنعة.
- بمجرد تعاطيه، تغمر مادة الدوبامين مناطق مختلفة فى المخ، والدوبامين مادة بالمخ مسؤولة عن السعادة ومركز المكافأة بالمخ
- وكمان مسؤولة عن وجود الدافع وبتأثر علي التفكير الخاص بحل المشكلات والمهارات والذاكرة
فـ إيه اللي بيحصل؟
الشخص اللي بيتعاطى بيشعر بسعادة غامرة، وبيكون أنشط وواثق في نفسه أكتر
وخروج الدوبامين بنسبة عالية في مركز المكافأة بيحفز الشخص علي إعادة التعاطي مرة تانية
لكن مجرد خفوت الجرعة بيحس الشخص بالاكتئاب والتوتر
🔴 وللأسف يمكن إدمانه من جرعة واحدة!
¥ الأعراض الظاهرة عند تعاطيه :
_ عدم النوم لفترات طويلة مع شعور بالسعادة والتركيز الشديد والنشاط يتبعه شعور بالاكتئاب والتوتر
_ إهمال الشخص للنضافة الشخصية
_ تقلبات حادة في المزاج ونوبات من العنف
_ نزول واضح فى الوزن لفقد الشهية
_ يسبب شعور الحكة في الجلد لذلك أغلب المدمنين به من كثرة حكهم للجلد عندهم قرح في الجلد
_ يسبب تآكل بالأسنان ومشاكل باللثة تكون واضحة بالنظر
_ مشاكل بالقلب وضغط الدم و الجهاز المناعي والكلي
¥ المصريين عرفوه من خلال دول الخليج، كان الحرفيين وغيرهم هناك بيتعاطوه بشكل واضح
سعر الجرام الواحد من ٨٠٠ إلى ١٢٠٠ جنيه مصري، علشان كدا اللي بيتعاطيه بيخسر فلوسه كلها
وشفت بنفسي اللي باع أخر حاجة عنده، بعده ما كان عنده أراضي وعقارات
🔴 بس ليه الشابو مرتبط بالعنف ؟
تحفيز الكريستال المبالغ فيه للدوبامين يقتل خلايا الدوبامين بالمخ, ودا بيسبب الأعراض الذهانية
الدراسات بتقول إن 35% من متعاطي الكريستال بيصابوا بنوبات ذهانية حادة
ولو متعرفش إيه هو الذهان!
ببساطة هو إنفصال الشخص عن الواقع، المصابين به بيسمعوا أصوات غير موجودة، وبيشوفوا حاجات غير موجودة،
ضلالات الكريستال غالبا ما تكون ضلالات الاضطهاد والخيانة : فجأة تري الشخص يعتقد أن هناك من يراقبه يتبعه إعتقاد أن هناك أشخاص يسعوا لأذيته
¥ والأخطر هو ضلالات الخيانة، حيث فجأة يعتقد الشخص أن زوجته وأمه وأخته يمارسوا علاقات جنسية مع الغير وبالتالي يبدأ في الشك فى نسب أولاده و غالبا هذه الضلالات يتفاعل معها الشخص بعنف شديد كما يقول مثلا قاتل الإسماعيلية أن المقتول كان يمارس الجنس مع والدته و أخته !
¥ للتوضيح أكتر بمثال : في مرة شخص متعاطي للكريستال كان مع زوجته في أحد عيادات الإدمان، دخل ممرض و عزم على الطبيب بعصير فرد الطبيب: شكرا أنا تعبان مش قادر
انفعل المريض لأنه فهم فى التو و اللحظة أن كلمة (تعبان و مش قادر) تعني إجهاده جنسيا و سأل زوجته انتي تعرفيه ؟ وانت تعبان ليه يا دكتور علي الصبح كدة !
🔴 قد تتسائل هل له علاج، أيوة
يتم إعطاء المريض أدوية لكي يستطيع سحبه من جسده و ليستطيع تجاوز أعراض الإنسحاب، ثم دمج المريض في العلاجات السلوكية و المعرفية (مع الدواء) لمعالجة الأعراض و الأفكار و تأهيل الشخص على التعايش بدونه لمنع الإنتكاسة.
نصيحة أخيرة، لو مشفتش فيديو جريمة الاسماعلية، متشفوش،
ومتخليش حد يشوفه ولا تشيره، لأنك قد تكون سبب في إصابة الغير بأعراض نفسيه نتيجة نشره.
للتواصل01205857100
