Moustafa Hisham Speech Therapy

30/03/2026

بتنادي عليه… ومش بيرد؟

غالبًا أول حاجة بتقولها:
👉 يمكن سمعه

بس الحقيقة؟ 👇

هو ممكن يكون سامعك كويس جدًا…
بس مش شايفك أصلاً

مش مركز
مش فاهم إنك بتكلمه
أو مش عارف يتفاعل

وهنا المشكلة أخطر 👀

السمع حاجة…
والاستجابة حاجة تانية خالص

ما تستناش وتطمن نفسك بكلمة
افهم اللي ورا السلوك

عشان الفرق صغير…
بس نتائجه كبيرة جدًا
#تخاطب #توعيه #اطفال

16/03/2026

كتير من الأهالي بيفتكروا إن الفيديوهات التعليمية
بتعلم الطفل الكلام.

لكن الحقيقة إن الطفل ما بيتعلمش اللغة من الشاشة.

الطفل بيتعلم اللغة من:
• التفاعل
• الكلام المباشر
• اللعب مع الناس

الاستخدام الطويل للشاشات في سن صغير ممكن يسبب:
• تأخر في الكلام
• ضعف التركيز
• قلة التفاعل الاجتماعي

ولو الطفل عنده استعداد لمشكلة في التواصل
زي اضطراب طيف التوحد
البيئة اللي فيها شاشات كتير وقلة تفاعل
ممكن تخلي الأعراض تظهر أسرع وتزيد حدتها.

الشاشة ممكن تسكت الطفل…
لكن التفاعل هو اللي يعلمه يتكلم.

⸻

🎬 من سلسلة
حالة ولا حكاية
#تخاطب

10/03/2026

10/03/2026

في ناس بتفتخر إن طفلها
“ما بيفهمش عربي وبيتكلم إنجليزي بس.”

لكن اللغة مش كلمات محفوظة.

اللغة إن الطفل يعرف:
• يفهم الناس
• يرد عليهم
• ويتعامل مع المجتمع اللي حواليه.

تعليم الطفل لغة تانية حاجة ممتازة
لكن لازم الأول يبني لغة قوية يفهم بيها البيئة اللي عايش فيها.

بعد كده يتعلم إنجليزي
أو أي لغة في العالم.

المشكلة مش في اللغة التانية…
المشكلة لما الطفل ما يفهمش لغة الناس اللي حواليه.

⸻

🎬 من سلسلة
حالة ولا حكاية
#تخاطب

05/03/2026

مش كل طفل بيعيط على حاجات بسيطة
يبقى مدلل.

بعض الأطفال بيتضايقوا من المؤثرات اللي حواليهم أكتر من غيرهم:

🔹 الأصوات العالية
🔹 النور القوي
🔹 الزحمة
🔹 ملمس بعض الهدوم

ولما المؤثرات دي تزيد عليهم مرة واحدة
ممكن يحصل حاجة اسمها Sensory overload

يعني دماغ الطفل يستقبل مؤثرات كتير في نفس الوقت
وما يعرفش ينظمها أو يعبر عنها.

ساعتها الطفل ممكن يعيط
مش لأنه دلع…

لكن لأنه مش قادر يشرح هو متضايق من إيه.

لو لاحظت إن طفلك بيعيط مع الأصوات العالية
أو بيتضايق من الهدوم
أو الأماكن الزحمة

ممكن يكون محتاج نفهم إيه اللي مضايقه
مش بس نقوله:
“بطل دلع.”
#تخاطب

02/03/2026

مش كل لدغه “هتروح لوحدها”.

لو الطفل بعد سن 7 سنين
لسه بيبدل حرف بحرف
زي الراء تبقى غين بشكل ثابت…
ده مش دلع لسان.

ده بيصنف تحت:
Speech Sound Disorder
يعني خطأ نطق في صوت معين
محتاج تدريب بسيط يتظبط بدري.

المشكلة مش في الحرف…
المشكلة لما نتعود عليه
ونعتبره عادي.

التدخل بدري
بيفرق في الثقة قدام المدرسة
وقدام صحابه
وقدام نفسه.

لو عندك سؤال عن اللدغه أو النطق
اكتبه في الكومنت 👇🏻
#تخاطب #لدغه

26/02/2026

مش كل طفل “ساكت” يبقى هادي.
وأحيانًا السكوت مش طبع… لكن تأخر.

في سن 3–4 سنين الطفل المفروض:
• يكوّن جمل بسيطة
• يعبّر عن احتياجاته بالكلام
• يتفاعل لفظيًا مع اللي حواليه

لو الطفل بيعتمد بس على الإشارة أو كلمتين متقطعين
ده ممكن يكون تأخر في اللغة التعبيرية.

اللغة مش بس وسيلة طلب.
اللغة أداة تفكير، تعبير، وبناء شخصية.

التدخل بدري مش معناه إن في مشكلة كبيرة.
معناه إن في فرصة أكبر انك تلحقه .

23/02/2026

مش كل طفل عنده سلوك متكرر
يبقى عنده اضطراب طيف التوحد.

ومش كل طفل بيحب يلعب لوحده
يبقى محتاج تشخيص.

المشكلة إننا بقينا نقرأ عرضين على جوجل…
ونكتب الحكم بنفسنا.

تشخيص اضطراب طيف التوحد
مش كلمة،
ومش اختبار على الإنترنت،
ومش مقارنة بابن الجيران.

التشخيص بيعتمد على:

✔ نمط مستمر من صعوبات في التواصل الاجتماعي
✔ سلوكيات متكررة واضحة
✔ تأثير فعلي على الأداء اليومي
✔ تقييم مهني شامل

فرق كبير بين:
“قلقان”
و “شخصته”.

جوجل بيعرض معلومات…
لكن المتخصص بيقرأ الصورة كاملة.

لو قلقان فعلًا على طفلك،
اطلب تقييم…
مش رأي من بحث سريع.

19/02/2026

مش كل طفل بيتحرك كتير يبقى عنده ADHD.
ومش كل طفل سرحان يبقى عنده مشكلة.

الفرق الحقيقي مش في “الحركة”…
الفرق في تأثيرها على التركيز، الدراسة، وتنظيم السلوك.

في الحلقة دي بنناقش:
✔️ إمتى نقول ده نشاط طبيعي
✔️ وإمتى نبدأ نفكر في اضطراب نقص الانتباه وفرط الحركة
✔️ وإيه العلامات اللي تخلي الأم تقلق بجد

اتفرج للآخر قبل ما تحكم 👀
#حاله ولا حكايه

05/11/2021

كتير من الاخصائيين بيفصلوا الأهداف التدريبية و ويطبقوا كل هدف بtool مختلفة....حابب النهاردة اشارككم فيديو Moussa ازاي من خلال نشاط واحد قدرنا نوظف اكتر من هدف👇👇👇
لغة استقبالية عن طريق الأسئلة Receptive Language
تصحيح النطق phonological errors
مهارات انتباه وتركيز Visual & Auditory attention skills
مسح بصري visual scanning
مطابقة وتعميم similar & generalization
زيادة المعرفه اللغويه عن طريق التسميه increasing the knowledge level by naming

📝 The aim of applying English language sessions is because they gonna live in an English society

21/10/2021

من أهم الخطوات أثناء الشغل مع ضعف السمع hearing impairment هو التأكد من أن المعين السمعي hearing aid يكون سليم والطفل مميز كل الترددات الأصوات الكلامية وده بيكون عن طريق( The Ling sounds ( ah /oo /ee /sh /s /mm
و تم تطبيقها عن طريق استخدام الهدف الأكاديمي مع الهدف المهاري السمعي (Auditory discrimination skill) عن طريق معرفه الطفل للحروف الانجليزية English letters

19/07/2021

كل سنه و انتم طيبين 🥰
عيدكم مبارك 🐑❤