صيدلية د.محمد صالح Dr.mohamed saleh pharmacy

صيدلية د.محمد صالح Dr.mohamed saleh pharmacy Contact information, map and directions, contact form, opening hours, services, ratings, photos, videos and announcements from صيدلية د.محمد صالح Dr.mohamed saleh pharmacy, Alexandria.

28/08/2025

حرامى

15/05/2023

حراميه
اللي يعرفهم يدلنا عليهم

🛑👈زي ما وعدتكم ، 👌مالتي فيتامين مهم للسيدات والرجال لدعم المناعة والنشاط وصحة شعرك وبشرتك واظافرك. ✍️في دراسة مرجعية ...
28/12/2021

🛑👈زي ما وعدتكم ،

👌مالتي فيتامين مهم للسيدات والرجال لدعم المناعة والنشاط وصحة شعرك وبشرتك واظافرك.

✍️في دراسة مرجعية ربطت بين نقص الفيتامينات والأمراض المزمنة .

🧑‍⚖️خد بالك جسمك بيحتاج تهتم بالمالتي فيتامين وقت السترس وقلة النوم وقلة المداومة علي الرياضة .

🤷إمتي ناخد مالتي فيتامين ؟
بشكل عام لما تحس أنك مش بتتغذي كويس .

🕵️خبراء التغذية بيهتموا ب ٧ عناصر مهمة تدور عليها في أي مالتي فيتامين :

🦴فيتامين دال ( ود لأنه مهم للمناعة وصحة العظام والأعصاب ومهم للشعر. خاصة إن أكتر من نص سكان العالم بيعانوا من نقصه .

⛄الماغنسيوم ودا اغلب الناس عندهم نقص منه بردة ، مهم لتهدئة الأعصاب ، وبيسهل النوم ، ويساعد في تنظيم نسبة السكر .
🍁الزنك بردة حوالي ٢ مليار شخص علي مستوي العالم بيعانوا من نقصه ، الزنك مهم للمناعة والنمو والتئام الجروح وللتذوق والشم .

🏛️الحديد ودا مهم للنشاط وتحسين أداء ووظايف المخ ، ولمنع الأنيميا ( نقص الحديد ) ومهم ايضا للشعر .

🎇حمض الفوليك ودا مهم لصحة الاظافر ويخفف من الإكتئاب ويقاوم الإلتهابات.

🎊فيتامين باء مركب ودا مهم لصحة الاعصاب وتحفيز العمليات الأيضية والحرق.

👌في مالتي فيتامين تركيبته عجبتني متوفر في الصيدليات فيه ٢٦ عنصر من ضمنها العناصراللي نصح بيها الخبراء بتركيزات جيدة وقريبة من الإحتياج اليومي لكل فيتامين ومعدن .

💙في منه نوعين نوع للرجال لونه ازرق ( بيفرق عن نوع السيدات إنه فيه إضافة الليكوبين ودا مضاد للأكسدة وبيقاوم سرطان البروستاتا ، يعني بيدعم صحة الجهاز التناسلي للرجال ) . كمان نسبة الزنك وفيتامين باء أعلي ودا مهم للنشاط والحيوية للرجال. ٣٠ كبسولة .

♥️النوع التاني للنساء لونه أحمر نسب الحديد والكالسيوم أعلي ودا مهم للسيدات خاصة انهم اكثر عرضي لفقد الحديد من الرجال .

♥️💙النوعين فيهم فيتامينات ومعادن بتدعم مناعة الجسم زي فيتامين دال والزنك وفيتامين سي .

فيهم مضادات اكسدة مهمة للبشرة زي فيتامين هاء وسي والف السلينيوم والزنك .

👰فيهم عناصر مهمة للشعروالأظافر، زي البيوتين والفوليك والحديد والبانتوثويك .

🧑‍🔧فيهم عناصر لتنشيط الجسم ومساعدته علي استخدام الطاقة والحرق والنشاط زي فيتامين باء مركب والزنك .

تركيبة محترمة بتركيزات مناسبة جدا وسعرها معقول .

إسمه ليمتلس مان ماكس للرجال .
ليمتلس ومان ماكس للسيدات .

٣٠ كبسولة جرعة شهر ب ١٣٠ ج ، متوفر في الصيدليات ومصرح به من وزارة الصحة .

🛑👈تاخدها لو حسيت إنك مش بتاخد العناصر دي بما يكفي من غذائك .

#بشرة #شعر #أظافر #نشاط #مناعة

🧑‍💼🧑‍🦳مهم عشان طلاب المدارس والكبار اللي بينسوا وعايزين يركزوا ٦٠ ٪ من تكوين مخنا ، دهون . نص الدهون دي الأوميجا ثري . 🔰...
27/12/2021

🧑‍💼🧑‍🦳مهم عشان طلاب المدارس والكبار اللي بينسوا وعايزين يركزوا

٦٠ ٪ من تكوين مخنا ، دهون .
نص الدهون دي الأوميجا ثري .

🔰الاوميجا ثري دي بستخدمها العقل عشان يبني خلايا المخ والأعصاب .

عشان نعرف نركز اكتر ونتعلم أكثر محتاجين الاوميجا ثري عشان تجديد الخلايا

🔰 يستخدم عقلك أوميجا ثري لبناء خلايا المخ والأعصاب ،
وهذه الدهون ضرورية للتعلم و #الذاكرة .

⁦✔️⁩الاوميجا ثري موجودة في السالمون والسردين

👈 وموجودة في كبسولات اسمها اوميجا ٣ واميجاسيف وايفالكس كبسولات . وولأطفال شراب أيفالكس ب ٦٧ ج ومعاه فيتامين هاء ، وفي هالورانج شراب بحوالي ١٣ ج الحجم الصغير دا شراب كبد الحوت ودا غني بالاوميجا ٣ وفيتامين دال والف .

⁦✔️⁩الطالب والكبير اللي بينسي ، الاوميجا ٣ سواء من الاكل او من الصيدلية مفيدة جدا . رابطة

26/12/2021

قلل سكر أبيض ، خف العيش ، زيادتهم بتزود الإلتهابات ، بتزود الوزن ، مش مفيدة لمرضي القلب والاوعية .. وبالتالي بتضعف مناعتك.

اشرب مية كل ما تعطش ، نقص المية ممكن يجفف خلاياك ، يوترك ، يصدعك ، يعصبك ، يعملك سوء هضم ، يزود نسبة الأملاح. لون البول اصفر داكن ، مؤشر غلط ، لازم يبقي لونه اصفر فاتح ، يبقي إشرب كل ما تعطش ، مناعتك هتبقي أفضل.

خد زبادي ، فيها بكتريا نافعة ( بروبيوتك ) ، مهمة لمناعة جهازك الهضمي ، بتحميه من البكتريا الضارة . زبادي ، مناعتك افضل.

زود الخضروات ولونها ، جزر ، خيار ، طماطم ، خس ، فلفل أحمر

فيهم الياف ( بريبيوتك دي غذا للبكتريا النافعة اللي بتعيش طبيعياً في جهازك الهضمي و وبتحمي وبتوزان البكتريا الضارة وبالتالي مناعتك افضل ) .

الخضروات فيها معادن وفيتامينات ومضادات أكسدة ، بتحمي من الالتهابات اللي لو طولت في الجسم بتضعف مناعتك .

الفواكه خاصة البرتقال والجوافة واليوسفي فيه فيتامين سي بيدعم المناعة وبيحمي وبيقلل فترات دور البرد او الأنفلونزا يعني وقاية ومساعدة في العلاج .

كبشة مكسرات يومية فيها زنك والياف ودهون نافعة بتدعم مناعتك .

معلقتين زيت زيتون علي الجبنة او الفول او السلطة مضاد إلتهاب قوي .

الاسماك الزيتية ، التونة ، السالمون ، الماكريل غني بالأوميجا ثري ، دي دهون نافعة وبتقلل الإلتهابات وبالتالي تدعم مناعتك .

الحبوب الكاملة والبذور زي بذور الشيا الياف وبروتين واوميجا ثري تدعم مناعتك .

نام باليل ، وجعلنا الليل لباسا ، وثبت ميعاد نومك واظبط ساعتك البيولوجية ونام في ضلمة وابعد عن الموبايل والكمبيوتر فيهم ضوء ازرق بيلغبط الميلاتونين ( هرمون النوم ) بيخليك تسهر . النوم للكبار ٧ ساعات الي ٨ ، المراهقين ٨ الي ١٠ ، الرضع والأطفال حتي ١٤ س دا الطبيعي وباليل هيدعم مناعة جسمك .

مارس الرياضة ٥ مرات اسبوعيا ، كل مرة نص ساعة ، اجري في مكانك ، اركب عجلة ، روح الجيم ، العب زومبا .. الرياضة متوسطة الشدة ثبت علمياً إنها بتدعم مناعة جسمك.

وبتحسن مزاجك وبتقلل التوتر وبتحفز هرمون الإندورفين أقوي مسكن طبيعي للالم . وكمان بتحسن شكل عضلاتك وبتشد جلدك وترضي عن شكلك .

خفف التوتر ، عارفك تعبان ومصغوط واالله وحاسس بيك ، بس حاول تجتهد ، حل مشاكلك ، اهتم بنفسك شوية ، حب نفسك ، حقق ذاتك ، اقرأ ، تدبر ، تفكر في كلام الله ، عظمة خلق السما والنجوم ، وروعة نسمات الهواء ونقاء تنفسه ، تأمل ( عبادة 👌) .. فكر ، ركز ، نظم نفسك ، العب يوجا ، اخرج لجنينة ، إمشي ... ريلااااكس . عشان مناعتك تقوي .

ادعي ربك يساعدك ، يصلحك ، يقوي قلبك ، يقوي جسدك ، يشفيك ، يسعد قلبك ، ينور طريقك . ربنا يسعدني ويسعدكم 🤍🤎💜💙💛❤️ كتبته بحب ♥️🤍🤎💙💛

26/12/2021

الكركديه سخن أو ساقع ، بيخفض الضغط . شكراً 👌

26/12/2021

#المغص عند #الرضع :

خلال أول 3 شهور طبيعي جدا إن البيبي يعيط بدون سبب واضح لمدة تزيد عن 3 ساعات يوميا ، 3 مرات في الأسبوع علي الأقل . خد بالك بعد الشهر التالت بيروح المغص ده في اكثر من 90 % من الأطفال طبيعيا.

دي بعض النصايح اللي هتساعد البيبي أنه يبقي كويس ويخف المغص وكمان يقل البكاء 😢.

# رضعي طفلك وهو في وضع قائم مش مايل أو نايم وجشأيه ( كرعيه يعني 😀 ) بعد الرضاعة .

# غيري الببرونة أو الحلمة لأنها ممكن تكون السبب ، ويفضل الببرونة الزجاج .

# مفيش مشاكل انه يستخدم السكاتة ( التيتنه 😀يعني او اللهاية بالسعودي 😉 )

# شيلي الطفل وضمه لصدرك مهم جدا من حين لأخر ، او حتي تشيليه بالحماله ( اللي بتلبسيها وتبقي شبه الكليمنجارو دي😀 )

# المساج💆 علي بطن الطفل في غاية الأهمية .
# وضع قربة فيها مية دافية علي البطن ( مش سخنة 😅 اوعي تولعيه الله يخليكي😢 ) بيساعد علي استرخاء عضلات البطن .
# الدش الدافيء ممتاز جداا جداا جداا 👍 .

طيب لو عملتي كدة ومفيش نتيجة ملحوظة :
#لو بيرضع صناعي ؛ غيري اللبن لنوع سهل الهضم من نفسك ( مفيش مشكلة 😊 )
#لو بيرضع طبيعي ؛ هتمنعي نفسك لمدة اسبوع من الأكل المحتوي علي الالبان ، القمح ، المكسرات وتشوفي بعد اسبوع لو طفلك اتحسن يبقي تمنعي الحاجات دي من اكلك لغاية ما الطفل يكبر شوية ؛ لو زي ما هو ومفيش نتيجة يبقي مفيش مشكلة في أكلك ، وأرجعي كل الحاجات دي تاني .

وعامة متخافيش كدة كدة المغص دا بيقل بصورة كبيرة لما الطفل يعدي أول 3 شهور من حياته .

Address

Alexandria

Opening Hours

Monday 9am - 1am
Tuesday 9am - 1am
Wednesday 9am - 1am
Thursday 9am - 1am
Friday 2pm - 1am
Saturday 9am - 1am
Sunday 9am - 1am

Telephone

+201002845768

Website

Alerts

Be the first to know and let us send you an email when صيدلية د.محمد صالح Dr.mohamed saleh pharmacy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صيدلية د.محمد صالح Dr.mohamed saleh pharmacy:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram