26/05/2025
جلد الذات VS التعلم من الخطأ
لما تغلط أو تواجه موقف صعب، طبيعي تحس بخيبة أمل أو زعل من نفسك. بس الفرق الكبير بيكون في طريقة تعاملك مع اللحظة دي.
- جلد الذات:
هو لما تفسر الغلط بشكل سلبي وتحكم على نفسك زي:
- "أنا دايمًا بفشل، عمري ما هنجح."
- "أنا غبي، ده واضح."
- "الغلط ده دليل إني ضعيف ومش بتعلم."
الطريقة دي بنسميها ( Negative Explanatory Style ) بتخليك تربط الغلط بشخصيتك كلها وتشوف نفسك على أنك أنت المشكلة، مش إن الغلط مجرد موقف عابر
فبتحبسك في مكانك وبتستهلك طاقتك كلها في الشعور بالذنب.
- التعلم من الخطأ:
ده لما تبص على الغلط كموقف منفصل وفرصة تتعلم منه حاجة جديدة. وده (Positive Explanatory Style)
فبدل ما تقول :
- "أنا فاشل."
تقول: "ده درس أتعلم منه عشان المرة الجاية أكون أفضل."
- "مشكلتي إني غبي."
تقول: "في حاجة محتاجة تركيز أكتر."
- "مش هنجح أبدًا."
تقول: "هغير طريقتي وحاول مرة تانية."
الفرق هنا إنك شايف الغلط كجزء طبيعي من التطور، مش حاجة بتحدد قيمتك أو شخصيتك كلها.
افتكر دايمًا:
إن اللي بيفرق مش إنك تغلط، لكن إزاي تفكر في الغلط ده وتتعلم منه، لأنك مش غلطاتك، أنت محاولاتك.
