11/01/2025
و بعد مرور خمس أعوام … مازال العبث مستمرًا 😅
٩-لسه إلى يومنا هذا لم يخترع جهاز او ليزر للشعر الوبري او الأشقر او الأحمر.
١٠- والله والله والله الليزر طاقة حرارية مش ملقاط اقتناعك بأن في شعراية الليزر مجاش جنبها في الجلسة دي ملحوقة و هي يا هتقع وحدها بعدين حين تتوفاها المنية او هتحصل أخواتها في الجلسة الجاية
١١- أسطورة الretouch او ما يسمى ب جلسة الريتاتش 😅 بعتذر لأساتذة الفيزياء و الأحياء و العلماء السابقين و اللاحقين على هذه الأسطورة او ما يسمى في القطاع الطبي ازاي تريح الزبون 🫣
على سبيل المثال و ليس الحصر نتخيل المشهد ك الآتي…بيت أتحرق و بقى رماد بس لاقينا جواه شوية حاجات معدن مازالت قائمة هي مش على حالتها السابقة بس موجوده نروح نقول لشركة التأمين ثواني بس بعد اذنك ارجع احرق الكام قطعه اثاث دي عشان تديني فلوس التأمين؟!!!!
اقتنعتي؟ طيب بلاش
انتي بتطبخي مثلاً و لسبب كل الناس الي أكلت من الاكل ده جالها تسمم بعدها فيما عدا واحد فلت منيهم 😅 تقولي لا و الله التسمم ده مكانش من أكلي بدليل ان في واحد فيكم مجالوش اهو و عشان نقنعك نروح نطلب منك تطبخي نفس الطبخة تانيه و نأكله منها يمكن يتسمم! 😅😅😅
لو كانت الأمثلة السابقة مش موضحة بما فيه الكفاية طيب
بصي يا بنتي لو فضلتي تعملي الجلسات كل شوية بلازمة و بدون لازمة و على كام شعراية مضيقينك ف انتي بتجوري شكلهم صدقني الوضع هيظل كما هو عليه او يقلب ضده ف بلاش جلسات كل أسبوعين دي ولا ما يسمى بجلسات الريتاتش 😓
١٢-الأبيض تاني و ثالث و رابع متجييييش جنبه متجيش جنبه هو فقط فقط فقط في حالات بسيطة و محدودة للشعر الأبيض الي تقيل الي ممكن يظهر في الوش و تضطري تعمليه كل يوم او يومين بننصح باستخدام الelectrolysis.
١٣- خايفة من انتقال العدوى من الجهاز او الجزء الملامس احب اقولك ان لو عندك قابلة انها تجيلك ف هي نسبة الإصابة بيها في حمام الجامعة او الشغل او الكافيه او غيره اعلى 🫣😓 و اعلى اكتر في الكشف النسائي و اعلى اكتر و اكتر في الساونا و الحمام المغربي و غيره 😅 حابه تأمني نفسك ممكن التطعيم بعيدًا ان اننا فجأة بعد حاجة و عشرين سنة ليزر نكتشف من على السوشيال ميديا انه مسبب رئيسي ليها رغم ان اي عيادة طبيبة ملزمة بالتعقيم الطبي المناسب و عشان كده بنقول بلاااااش نروح للأماكن الي اسعارها مريبة 🫣😓
١٤- لما بنقول بلاش في الصيف لمكان معين في بشرتك او نقولك ان انت تحديدًا بلاش تعملي جلساتك في عز الصيف ياريت نلتزم و برضو بلاش جلسات الفرهدة و المليون الف ومضة ليزر في الصيف عشان صدقيني انتي لو جسمك تمام و مش بيجراله حاجة و كله تمام و عملتي كده في الصيف انتي هتزعلي و جلدك هيزعل و احنا كلنا هنزعل 🫣
و ايوه والله عارفين و مقدرين انك لسه مطلعتيش لا الساحل ولا المصيف ولا اخدتي تان 😅 هو الفرن الصيفي يا بنتي كفيل انه يغمق جلدك.
١٦-بس أنا عملت مئة و خمس مليون جلسة و مفيش نتيجة ف جاية اجرب الجهاز ده! نكتشف ان المليون جلسة دي كانت في كوافير 😅 او بجهاز وميض ضوئي زي الليزر المنزلي و انت بتحلفي مليون مرة انك كنتي ملتزمة و بتعملي مرة كل ٦ شهور جسمك كله 🫣🫣🫣🫣 مش عارفه أواجهك بالحقيقة ازاي بس كل الي حضرتك قولته ده بالنسبة لينا صيييييفر جلسات تقليل شعر بالليزر 😓
١٧- الجلد حطينا مخدر, makeup، كريم مرطب، مزيل عرق، كله لازم يتغسل قبل الجلسة "يتغسل مش يتمسح بالwipes ولا بالمنديل".
انتظرونا كمان خمس سنين يكونوا اخترعوا جهاز ليزر ألترا بروماكس اكس 😅
#الليزر vs #التوقعات
