Dr. Sarah Nasreldein Nutrition Clinic د. سارة نصر الدين

09/07/2025

ا. د خالد عبد العاطي استاذ مساعد الجهاز الهضمي و امراض الامعاء المناعية بيكلمنا عن بعض اعراض مرض كرونز اللي ممكن المريض يكون بيعانى منهم من غير ما يعرف ان مرض كرونز هو السبب فيهم

24/06/2025

١+١ في صحتك مش بيساوي ٢

10/06/2025

لوجود خطأ في الإنتاج يؤدي لانفصال قطع معدنية صغيرة أثناء الاستخدام وابتلاعها مع الطعام.. وبالتنسيق مع جهاز حماية المستهلك..

《ايكيا تستدعي عصارة الثوم IKEA 365+ VÄRDEFULL سوداء اللون نظرًا لوجود خطأ في الإنتاج تسبب أضرارًا لمُستخدميها.. وتناشد عملائها التوقف فورًا عن الاستخدام واسترداد ثمنها بالكامل》
...................................................................

بيان صادر عن جهاز حماية المستهلك:

أعلنت شركة "ايكيا " العاملة في مجال الأثاث المنزلي والتجهيزات المنزلية ، عن استدعاء عصارة الثومIKEA 365+ VÄRDEFULL، سوداء اللون ، نظرًا لوجود خطأ في الإنتاج، تم تحديده بعد تحقيق داخلي، يشير إلى خطر انفصال قطع معدنية صغيرة أثناء الاستخدام داخل الطعام دون ملاحظة المستخدم، الأمر الذي قد يُسبب مخاطر صحية جسيمة في حال ابتلاعها، ويمثل تهديدًا مباشرًا لسلامة وصحة مُستخدميها.
يأتي ذلك في إطار الدور الرقابي لجهاز حماية المستهلك وانطلاقا من حرصه الدائم على أمن وسلامة المستهلكين، وبعد تلقيه اخطارا رسميا من الشركة المالكة تفيد بتسبب احد منتجاتها المتداولة في السوق المصري بأضرار علي مستخدميها، لذا فإن الشركة المالكة للعلامة التجارية، اتخذت كافة التدابير الإحترازية لإستدعاء المنتج من السوق المصري وإخطار جهاز حماية المستهلك بالأمر.
ويهيب جهاز حماية المستهلك بالسادة المستهلكين ممن قاموا بشراء هذا المنتج بضرورة التوقف الفوري عن استخدامه، والتواصل مع فروع شركة "إيكيا" أو خدمة العملاء الخاصة بها عبر الرقم《 16576 》 لإعادة المنتج واسترداد قيمته أو استبداله دون اشتراط وجود " فاتورة الشراء " وفقًا لما تقتضيه إجراءات السلامة المعتمدة.
كما يُؤكد الجهاز على استمرار متابعته الدقيقة لمثل هذه الحالات، واتخاذ كافة الإجراءات اللازمة لحماية حقوق المستهلكين وضمان سلامتهم، وأن هذا الإجراء يأتي في إطار الإلتزام بأحكام القانون رقم 181 لسنة 2018 ولائحته التنفيذية، وخاصة المواد المتعلقة بسلامة وجودة السلع والخدمات المتداولة في السوق المصري، والتي تلزم الموردين بالإبلاغ عن أية مخاطر محتملة قد تنتج عن استخدام المنتجات المعروضة، واتخاذ كافة الإجراءات التصحيحية اللازمة فور اكتشاف العيوب.
كما يُشدد الجهاز على أنه سيواصل التنسيق والمتابعة مع شركة "إيكيا" وفحص جميع الإجراءات الفنية الخاصة بسحب المنتج من الأسواق المصرية، لضمان عدم تكرار هذه الواقعة، والتأكد من التزام الشركة بالمعايير والمواصفات القياسية الخاصة بالسلامة.

📌 وفي حالة وجود شكوي أو مُخالفة ،يُرجي الإتصال علي الخط الساخن لجهاز حماية المستهلك (19588) من أي خط أرضي ، أو إرسال الشكوى عبر تطبيق "جهاز حماية المستهلك " للهواتف الذكية، أو من خلال الموقع الرسمي للجهاز https://cpa.gov.eg/ar-eg/

03/06/2025

كل سنة و انتوا طيبين

30/05/2025

تهنئ د. سارة نصر الدين د.امانى العوامى لحصولها عن جدارة و استحقاق علي منصب رئيس رابطة اطباء التغذية العلاجية بالبحيرة متمنية لها دوام النجاح و السداد

25/05/2025

20/05/2025

19/05/2025

فيه سؤالين كدة بيعصبوني جزاكم الله خيرا محدش يسألهم

👈هخس قد ايه في الاسبوع : لاني و الله فعلا ما اعرف .. كل جسم غير التاني و نزول الوزن متوقف علي عوامل كتير جدا .. فخلي نفسك طويل شوية عشان تنزل بصحة ..

👈اكتبيلي حاجة تزود الحرق : 👩‍⚕️هشرحلك يعني ايه اصلا حرق ..

👩‍⚕️الحرق هو السعرات اللي جسمك بيحرقها علي مدار اليوم كله .. يعني و انت نايم و انت بتتفرج علي التليفزيون و انت في الجيم. ..

دة (الحرق) بالبلدي كدة مع انها كلمة مش علمية ..
المهم انك ايه بقي اللي يزود الحرق عندك..

✔️ تاكل احتياجاتك كلها و خصوصا البروتين .. يعني متفوتش وجبات عشان تخس اسرع .
✔️ تتحرك و تزود نشاطك البدني قدر الامكان.
✔️ تنام كويس و باليل عشان توازن هرمونات جسمك زي هرمون النوم و الكورتيزول.
✔️ تشرب مية لانها عامل ضروري لكل العمليات الحيوية في جسمك
✔️ تعوض نقص الفيتامينات و المعادن في جسمك عشان يشتغل صح فيحرق صح.
✔️ تعالج المشاكل الهرمونية ان وجدت .
✔️ تزود كتلتك العضلية بالتمرين و البروتين لان العضلات علي عكس الدهون بتحرق سعرات و انت قاعد.

مفيش حاجة (للحرق) و الادوية الآمنة اللي في الصيدلية و اللي فيها مواد طبيعية ملهاش تأثير من غير اللي قلته فوق دة و لو عملت الكلام دة فمش هتحتاجها
طبعا مش هتكلم علي الادوية الاونلاين اللي من غير ترخيص دي ليها بوست لوحدها بس هلخصها في كلمة واحدة ( مصيبة) .

17/05/2025

شهر مايو هو شهر التوعية بكثير من الامراض ..

👩‍⚕️هنتكلم عنهم في سلسلة بوستات خفيفة و سريعة هدفها نشر التوعية و العلم و انها تساعد ناس كتير عندها خلط في المفاهيم عن الامراض دي..

⚘️هنبدأ بمرض سيلياك و هو حساسية القمح و اللي بالمناسبة انتشر كتير مؤخرا في مجتمعنا و بقينا بنشوفه كتير في العيادات ..

👩‍⚕️المعلومة الثانية عن مرض سيلياك👇👇

❌️ لو نفسك في قطمة عيش او مكرونة او بيتزا خد مش هيحصل حاجة .

✅️ لا هيحصل ضرر للاسف و مش هنقدر نتنبأ ايه بالظبط اللي هيحصل.. حساسية جلوتين زي اي حساسية لما بتاخد الجلوتين جسمك بيعمل رد فعل مناعي حتي لو من قطمة و رد الفعل دة لو اتكرر بيسبب التهاب مزمن و سوء امتصاص و سوء تغذية و مشاكل ممكن لاقدر الله تصل الي الاورام ..

👩‍⚕️ولا قطمة من منتجات القمح و غيرها من مصدر الجلوتين.. تقدر تعمل اللي تحبه بمنتجات خالية الجلوتين..

👩‍⚕️انشروا المعلومات الصحيحة لعلها تكون سبب في شفاء الناس ❤️