Dr. Roa Gamal Alamrawy - د. رؤى جمال العمراوي

20/04/2026

التحسن في العلاج النفسي ، في أوقات كتير بـ يبان في الحاجات الصغيرة اللي الشخص مش آخد باله منها ، لو بتركّز على التغيرات الكبيرة بس ، فـ ديه أصلاً واحدة من المشاكل الي بيتم استهدافها في العلاج النفسي.

18/04/2026

فيه لحظات بتحس فيها إن مفيش معنى، وكل حاجة باهتة، بس ده مش دايمًا اكتئاب، أحيانًا بيكون سؤال أعمق عن الحياة نفسها أو أزمة وجودية !
What is the Difference between an Existential Crisis and Depression ؟

18/04/2026

شخص بين كل ٨ أشخاص يعاني من اضطراب نفسي أو أكثر

17/04/2026

في الطب النفسي ، زي باقي فروع الطب ، المريض بـ ييجي بيشتكي بشكوى أو أكتر ، والطبيب بيساعده بإنه يستبعد أو يشخص اضطراب أو مرض معين ، ويتبعه بخطة علاجية هدفها إن المريض يخف .
بس ليه المريض ممكن يتضايق وكمان ما يصدقش لما يعرف اسم الاضطراب النفسي اللي عنده ؟

16/04/2026

الشعور بالإحباط أو الاكتئاب من وقت لآخر هو أمر طبيعي. ولكن إذا استمرت هذه المشاعر لمدة أسبوعين أو أكثر مع أعراض أخرى مثل مشاكل النوم والشهية ، والشعور بالذنب ، أو بدأت في التأثير على الحياة اليومية ، فقد يكون ده علامة على الاكتئاب.

الاكتئاب ممكن يتطور ببطء، والشخص المصاب بالاكتئاب قد لا يدرك أو يعترف دائمًا بأنه متغيّر سواء في شعوره أو سلوكه ، وبالتالي إنت كصديق أو فرد من الأسرة أو زميل عمل، قد تكون إنت أول شخص تاخد بالك إن الشخص ده بيعاني، ومحتاج مساعدة.

ولكن كيف تساعد شخص مصاب بـ الاكتئاب بدون أن تؤذي نفسك أو الآخرين ؟

وبالمناسبة فـ خدمات الطب النفسي مكفولة للمواطن من الدولة المصرية مجاناً وعلى نفقة الدولة، والخدمات شاملة التقييم والتشخيص والمتابعة الدوائية مع جلسات العلاج النفسي وخدمات الحجز في المستشفيات النفسية الحكومية ، مع توفير خدمات الفئات المتخصصة مثل عيادات علاج المرأة والأطفال والمراهقين والمسنين ، وحتى خط طوارئ الطب النفسي اللي هو 16328 وحتى خدمات العلاج النفسي المجاني عبر الإنترنت اللي بتوفره الأمانة العامة للصحة النفسية ، والرابط في أول تعليق، بالإضافة لقائمة بمستشفيات الأمانة العامة للصحة النفسية في عموم جمهورية مصر العربية.

15/04/2026

14/04/2026

المريض بـ اضطراب ثنائي القطب أو الاضطراب الوجداني بيعاني من مشاكل كتير وتقلبات مزاجية واكتئاب ، ولأ ما عندهوش شخصيتين ولا انفصام في الشخصية ، لكنه بيعاني في حرب لا يعلم عنها أحد شيء ربما تشمل أعراض عكس بعض وأعراض عكس طبيعة الشخص بل حتى ممكن أعراض تكون مرضية ومؤذية ولكنها مقبولة اجتماعياً .. وده ممكن يخلي الشخص يفضل بيعاني أكتر من ١٠ سنين عقبال ما يتشخص صح وياخد علاج يساعده على استعادة حياته !

13/04/2026

سيدة من كل ٧ سيدات بيعانوا من اكتئاب الحمل والولادة
ومع ذلك محدش بيبقى فاهم الأم بتمر بإيه ويتعمل لها ايه !
ده برنامج دعم نفسي مجاني للأمهات في فترة الحمل وما بعد الولادة اللي بيعانوا من أعراض الاكتئاب والضيق النفسي البرنامج مجاني تماماً وتابع لعيادة العلاج النفسي بمستشفى الحضرة الجامعي.
الأماكن محدودة والحجز وتنسيق المواعيد بالإرسال على واتس آب على الرقم: 01508050166

حاسّة إنك مش على طبيعتك خلال فترة الحمل أو بعد الولادة، ومش فاهمة ليه؟ 🤍

من الطبيعي تحسي بتقلبات مزاجية mood swings، ونومك يبقى متلخبط، وشهيتك تتغير، و خصوصًا في أول أسبوعين بعد الولادة
لكن ⚠️
لو الأعراض دي كملت، أو زادت، أو بدأت تأثر على:
• قدرتك تهتمي بنفسك أو بطفلك
• إحساسك بالراحة أو الاستمتاع
• مستوى القلق أو الحزن عندك

يبقى ممكن تكوني محتاجة دعم نفسي💗
إنتِ مش لوحدك وفي أمهات كتير بتمر بنفس التجربة

هنبدأ قريب المجموعة التانية من برنامج الدعم النفسي للأمهات في فترة الحمل وما بعد الولادة

✨ المشاركة مجانية تمامًا و العدد محدود
✨ تحت إشراف طبي من قسم الطب النفسي – مستشفيات جامعة الإسكندرية
للمشاركة:
📩 ابعتي على الرقم: 01508050166
أو سيبي بياناتك في اللينك التالي وهيتم التواصل معاكي:
🔗 https://forms.gle/B8T9S9sDTTcMddav5

13/04/2026

الأفكار الدخيلة المتكررة اللي بتسبب لك ضيق وقلق في الدين و العقيدة و العبادات و تفسيرات الأحكام الفقهية و معاني الآيات هي أفكار وسواسية مرضية مش أفكارك الطبيعية !

الأفكار ديه مرضية و مؤذية لك نفسياً وهي جزء من اضطراب الوسواس القهري الديني و مش بتعبّر عن مقدار التزامك بالدين ولا تقديرك له و لذلك علاجها مش في التفقه الزائد في الدين أو تعلم العقيدة ، أو الزيادة في العبادات .. العلاج منها من خلال الطب النفسي باستخدام الأدوية النفسية و جلسات العلاج النفسي بحسب تقييم الطبيب للوضع !

هل الناس بتتحسن ، بالتأكيد .. بس أول خطوة إنك تعرف إن الأفكار اللي بتخجل منها هي اضطراب نفسي بيعالجه الطبيب النفسي مش رجل الدين ، ولا القراءة وسماع الدروس أو البودكاست ولا إنك تحاول تحل ده مع نفسك !

12/04/2026

اللي بتقول عليه اكتئاب ربما يكون حزن ، واللي بتقول عليه حبة زعل ممكن يطلع اكتئاب!

12/04/2026

هل اللي بيقدمهولك الطبيب النفسي نفس اللي صاحبك بيقدمهولك ؟
الإجابة لأ !

11/04/2026

ناس كتير بتمر بحالات نفسية معقدة، لكن ما عندهاش لغة توصفها، فـ الإحساس يفضل عام ومربك، وده في حد ذاته بيزود التوتر.
رغم إن مش كل إحساس أو حالة لها اسم، لكن فهمهم هي واحدة من المهارات اللي الطبيب النفسي يقدر يساعدك فيها ، ونقدر نساعدكم زي ما ساعدنا كتير في ده من خلال العيادة والجلسات الأونلاين عن بُعد ، والتفاصيل في البايو وأول تعليق.