أسماء عبدالسلام - أخصائية نفسية

04/03/2026

لو فاكر ان القسوة مع نفسك هي الي هتخليك متغلطش ابداً !!
يبقى الورشة دي ليك 👌
هنتعلم طريق جديدة للتعامل مع نفسنا بشكل رحيم حتى وقت الغلط ❤️‍🩹

بتعامل نفسك إزاي؟
لما تغلط… بتعدّيها؟
ولا بتفضل تأنّب نفسك… وتفكر… وتجلد… وكأنك عملت جريمة؟
الغريب إنك ممكن تكون أحن واحد على الناس…
بس أقسى واحد على نفسك!
ولو ركزت…
هتلاقي إن الصوت اللي جواك طول الوقت بيقولك:
(إنت مش كفاية… إنت لازم تبقى أحسن… إنت دايمًا مقصر... أنت فاشل)
والنتيجة؟
تعب نفسي… ضغط… إحساس بعدم الرضا مهما عملت من مجهود

بس الحقيقة إن المشكلة مش فيك…
المشكلة في علاقتك بنفسك

"رحلة من جلد الذات إلى التراحم مع النفس"

في الورشة دي هتفهم:
ليه بتجلد نفسك أصلاً !
الصوت الداخلي ده جاي منين !
لو فضلت تجلد نفسك إيه الي ممكن يحصل !
وإزاي تبدأ تبقى رحيم بنفسك بدل ما تكون ضدها !

هنتعرف علي كل ده ونسمع أسئلتكم مع:
أ / أسماء عبد السلام ( أخصائي نفسي اكلينيكي )
متخصصة في الإضطرابات النفسية للمراهقين والراشدين، خبرة أكثر من ٥ سنوات في العلاج النفسي
باحثة ماچستير علم النفس الإكلينيكي
عضو مشروع نفسي

ويُدير النقاش:
أ / أحمد السيد ( أخصائي نفسي اكلينيكي ورياضي )
باحث ماچستير علم النفس الإكلينيكي، دبلوم علم النفس الرياضي
خبرة أكثر من ١٠ سنوات في المجال النفسي
متخصص في العلاج النفسي للأضطرابات النفسية والشخصية، التأهيل النفسي للرياضيين
مؤسس مشروع نفسي

⚠️ الورشة مجانية… بس لازم تكون موجود في جروب الواتساب هتلاقيه في أول كومنت 👇🏻 علشان توصلك التفاصيل ورابط الحضور

27/10/2025

🛑 إزاي تتحرر من "الناقد الداخلي" وتنجح؟ 🛑

كلنا عندنا صوت جوّانا بيقلل مننا و يحبسنا جوا دايرة الفشل و السلبية ، الصوت ده مش ضعف، ده نتاج "برمجة قديمة" من انتقادات زمان أو تعميمات سلبية للفشل.
تأثيره المدمر:
بيخليك تشوف أخطائك بس، تتجنب الفرص، وتستهلك طاقتك في جلد الذات بدلاً من الإنجاز.
✅ 3 خطوات لإدارة "الناقد" بذكاء 👌
# الملاحظة الواعية 🧘‍♂️:
لما تسمع الصوت السلبي زي: " أنت فاشل "، وقّف التفاعل.
قول بهدوء: "دي فكرة الناقد، مش حقيقة."
# التحدي المنطقي 🧠:
اسأل: "إيه الدليل القاطع على صحة الجملة دي دلوقتي؟"
غالبًا مفيش دليل.
# الحوار الداعم 💖:
استبدل الجملة السلبية بواحدة واقعية ورحيمة.
بدل "أنا كسول"، قول: "أنا مرهق ومحتاج راحة، وهبدأ تاني بعد شوية."
🤍 مهم تفهم 🤍
أنت مش أفكارك السلبية. ابدأ تدريب نفسك على التعاطف الذاتي من النهارده و دلوقتي 🤝

05/08/2025

28/07/2025

🧠 اللي بيسبب لنا التوتر أو الألم النفسي مش دايمًا اللي بيحصل حوالينا... لكن "إزاي بنفكر" في اللي بيحصل!

يعني مش الحدث نفسه هو اللي بيأذينا، لكن تفسيرنا ليه هو اللي بيأثر على مشاعرنا وتصرفاتنا.

📌 مثال بسيط:
تخيل إنك بعت رسالة لحد، ومرّ وقت طويل ولسه مردش.

كل شخص هيبدأ يفسّر الموقف بطريقة مختلفة:
👩‍🦱: "أكيد مشغول، هيرد لما يفضى" (بيطمن نفسه)
🧔: "واضح إنه بيطنشني، شكله مش بيحبني" (زعل وغضب)
🧕: "يا ترى حصل له حاجة؟! يمكن تعبان" (قلق وتوتر)
🧑‍🦳: "نسيت أبعتهاله أصلا؟! هراجع تاني" (تصرف منطقي)

كل واحد حس بمشاعر مختلفة رغم إن الموقف واحد!
السر؟ 👇
طريقتنا في التفكير هي اللي بتشكل مشاعرنا...
وده بالضبط اللي بنشتغل عليه في العلاج المعرفي السلوكي (CBT)
🌟 بنتعلم إزاي نفهم أفكارنا
🌟 ونعدّل اللي منها مش واقعي أو سلبي
🌟 علشان نحس أفضل ونعيش براحة نفسية أكتر

ابدأ رحلتك النفسية وادّي لنفسك فرصة تعيش بسلام حقيقي ✨
الجلسة الصح ممكن تغير كتير 💬❤️

26/07/2025

✨التليفون بيرن 📱✨
دماغك 😱:
اكيد حد مات .. البيت وقع .. حد من العيال راح المستشفى .. التحاليل طلعت في مرض خطير .....إلخ

((عن التفكير الكارثي نتحدث))

التفكير الكارثي هو واحد من أشهر أخطاء التفكير
العقل بيقنعنا إن كل حاجة هتتحول لكارثة حتى لو مفيش دليل على كده!

يعني الشخص يتخيل إن أي حاجة بسيطة هتؤدي لنهاية مأساوية
وده بيخليه دايمًا في حالة قلق وخوف غير مبرر.

مثال:
شاب رايح أول مقابلة شغل في حياته
التفكير الكارثي ⬅️ أكيد هتلغبط وهفشل ومش هقبل في أي شغل وهفضل قاعد في البيت طول عمري ومش هنجح في حياتي و هموت وحيد و العالم انتهي خلاص 😓💔

شايفين الفيلم؟
هو لسه رايح أول مقابلة بس مخه عرضله نهاية المسلسل كلها ب ابشع سيناريو !

في الجلسات بنساعد الشخص يفهم إزاي يوقف الفيلم ده قبل ما يشتغل،
ويتعلم يشوف الأمور بحجمها الحقيقي مش بحجم خوفه منها 🤍

25/07/2025

✨ مش كل وجع بيبان على الوش… في وجع ساكن جواك من كتر ما اتكرر ✨

🏠 لما البيت اللي المفروض يكون أمان، يتحول لمصدر أذى وكلام بيوجع
بيسيب جواك خوف، قلق، وشعور بالوحدة حتى وسط الناس

🔹 مش طبيعي تحس إنك السبب
🔹 مش سهل تبني علاقة وانت متعود تخاف
🔹 مش لازم تفضل ساكت علشان تحافظ على السلام

💭 اللي حصلك مش ذنبك
وإنك تتأثر ده مش ضعف… ده إنسانية

ساعد نفسك، لأنك تستحق بيت يطمنك… مش يكسر قلبك

24/07/2025

أوقات كتير بنكون أحن على الكل... إلا نفسنا.
بنحاسب نفسنا على كل غلطة، ونقسّى عليها وقت التعب، وننسى إننا بشر.

لكن التراحم مع النفس هو إنك تكوني حضن لنفسك قبل أي حد.
يعني:

🌿 لما تغلطي، تقولي: "أنا بتعلم مش بفشل."
🌿 لما تتعبي، تسمحي لنفسك ترتاح من غير شعور بالذنب.
🌿 لما تحسي إنك مش كفاية، تفتكري إنك بتحاولي بكل اللي تقدري عليه.. وده كفاية جدًا.

التراحم مش ضعف، ولا تهرب من المسؤولية،
ده طريقة ناضجة علشان نعدّي وننضج ونكبر من غير ما نكسر نفسنا في الطريق.

جربي النهاردة تسألي نفسك:
"لو حد غالي عليّ كان مكاني، كنت هقوله إيه؟"
وقولي لنفسك نفس الكلام 💛

06/03/2025

لايف عن مشكلات الاطفال
انتظرونا 🤍✨

هل طفلك يعاني من مشكلات سلوكية أو نفسية؟ 🤔
هل تجد صعوبة في التعامل مع طفلك؟ 😟
هل تلاحظ على طفلك قلق زائد، أو صعوبة في التركيز؟ 😵‍💫
هل تجد صعوبة في التعامل مع عناده أو نوباته العصبية؟ 😤🤬
هل يعاني من حزن شديد، عنف، خجل، أدمان النت والألعاب الألكترونية وغيرها...؟ 😔

❌ التوبيخ والصراخ مش حل!

هنعرف مع بعض 👌 :
✅ ما هي المشكلات النفسية والسلوكية التي تحدث للأطفال ؟
✅ لماذا يعاني بعض الأطفال من اضطرابات نفسية وسلوكية؟
✅ كيف تميّز بين السلوك العادي والمشكلة الحقيقية؟
✅ أقوى الاستراتيجيات للتعامل مع التحديات اليومية!
✅ ما هو دوري كأم أو أب ؟
✅ متى تحتاج لاستشارة مختص نفسي ؟

أنضم لينا في محاضرتنا الأونلاين Live 🔴
مع الأخصائي النفسي الإكلينيكي أ / أسماء عبد السلام
متخصصة في الأضطرابات النفسية للأطفال والمراهقين
خبرة اكثر من ٤ سنوات في العلاج النفسي
باحثة ماچستير علم نفس
عضو مشروع نفسي

👨‍👩‍👧‍👦 الفئة المستهدفة: أولياء الأمور، معلمون، أخصائيين نفسيين

طفلك يحتاج منك الدعم 🥰
أفهمها… تعامل معها… ساعد طفلك بطريقة صحيحة 🤩

لينك اللايڤ في أول كومنت 😉🩵

10/12/2024

14/04/2024

بشرى لاهالى العجمي و الكيلو 21 و المناطق المجاورة🤩
تشرفت بالانضمام إلى مركز الفريدة 💙
للحجز و الاستعلام برجاء التواصل مع الارقام داخل البوست 👇👇

📢 تعاون جديد بمركز ( الفريدة) لتأهيل التخاطبي وتنمية مهارات مع الأخصائية

أسماء محمد عبد السلام

اخصائية نفسية اكلينيكية
كلية الآداب قسم علم النفس جامعة الاسكندرية
طالبة دراسات عليا كلية الآداب بجامعة طنطا
باحثة ماجستير في علم النفس
حاصلة على دورات متعددة في العلاج المعرفي السلوكي
ومهارات العلاج الجدلي السلوكي
متخصصة في علاج حالات الاضطرابات النفسية
واضطرابات الشخصية

متخصصة في العلاج المعرفي السلوكي
لحالات القلق والاكتئاب
و الوسواس القهري
و اضطراب کرب ما بعد الصدمة
و اضطرابات الشخصية
و الادمان
وحالات الفصام
و اضطراب الوجداني ثنائي القطب

📞 للتواصل والحجز
هاتف وواتساب :-
01276863273
01207114626
01018244596

📌 العنوان : العجمي - ميدان الكيلو 21 - ناصية شارع مدرسة شيرين فوق معمل أحمد شتيوي - الدور الثاني