03/09/2025
هعرض التجربة كاملة "تجربة الوصول للقمة" ❤️🤩
بس في الاول هو ليه الطرف الصناعي عامل كده؟
احنا عندنا صاحبتنا من وعمرها ٣ سنين ونص ودلوقتي ما شاء الله عمرها ١١ سنة وهي عندها عدم اكتمال نمو في الساق اليسرى والركبة اليسرى يعني الساق طريلة ومستقيمة ومفيش ركبة ومفيش قدم والعظام من جوه ضعيفة شوية. طب نعمل ايه؟
نعمل طرف صناعي طويل ونخليها تمشي بشكل طبيعي من صغرها بدل مانقعد في البيت او نفضل شايلينها وننسى المشي..
طيب ليه اختارنا اللقطة دي؟
عشان نقول ان مهما ربنا ادانا شكل معين لجسمنا فا بردو ادانا الحلول والعلم اننا نحاكي الوضع الحالي ومرة في مرة نقدر نطور الدنيا ونخليها تعيش حياة طبيعية عادية وكمان نعمل شوية حاجات في النص زي التسلق على جدار زي دا عشان نعرف هل نجحنا ولا لأ.
الصراحة المحاولة بتاعتنا والنجاح من عند ربنا والنجاح للبنت القمر عشان هي حاولت كتير عشان تعرف وتطلع وتمشي وتنطلق زيها زي اللي في سنها ❤️🌸
الحمد لله على كل الاحوال اللي الواحد فيها بس حاول وان شاء الله هتنجح بكرم ربنا وتوفيقه وكرمه علينا
❤️
