07/04/2026
طيب أنت ليه بتعيط دلوقتي؟ مش احنا لسة راجعين من خروجة حلوة وانت كنت مبسوط !!
مشهد بيتكرر كثير وبيحسسك بالإحباط و كأنك مبذلتيش جهد تفرحيهم او انهم طول الوقت مش راضيين او مهما كانت الخروجه حلوة هما مش مقدرين …. أولادك مش أعداء الفرحة ولا الخروجة كانت وحشة ولا مهما بتعملي مافيش فائدة 🫣
تعالى البسى نظارة المتخصص 🤓 و شوفي من هنا ايه اللي بيحصل جوه عقل وقلب ولادك 🫰🏻💚
 الولاد بيعيطوا عشان الخروجة كانت حلوة وحلوة جدا كمان🥳🥳🥳🥳 بس بيكون زعلانين عشان الشعور الحلو اللي كانوا حاسين به جوا الخروجة خلص خلاص 😔🥺
 نهاية الخروجة بالنسبة لهم زي شعور أنهم فقدوا حاجة مهمة جدا وغالية عليهم فقدوا وقت هيوحشهم هما عايزين طول الوقت في انبسااااط وسعادة 💛✨
 و بما انهم في مرحلة تكوين و لسه بيتعلموا ازاي يتعاملوا مع النهايات ☺️
نهاية وقت اللعب 😇
نهاية الزيارة الحلوة 🥰
نهاية لحظة الضحكة الحلوة 😍
ويا سلام بقى لو انبسطوا انبساط كبير في الخروجة دى وقتها جهازهم العصبي هيكون محمل بمشاعر كتيرة و لما اللحظة تنتهى كل المشاعر بتخرج دفعة واحدة في شكل عياااط و رفض و توتر و ده طبيعي وصحي لكنه إشارة 💚🫰🏻
لكن وقتها بيحتاج مننا  نحضره و نأهله نفسياً للنهاية قبل ما تحصل فجأة 💥
نمهد له … كمان ١٠ دقائق هنمشي …. دي آخر لعبة وبعدها هنرجع علشان يقدر يستعد 😇
💚🫰🏻 علشان أوقآت المفاجأة بتصدمه و مش كل عياط محتاج حل … او نوقفه … بعض العياط محتاج احتواء حضن يطمن مع كلمة تطبطب علي قلبه 🫂
انت مبسوط والمكان حلو اوي واليوم جميل والوقت خلص بسرعه لكن هنرجعله تاني بكل طاقة وحماس 🥳
في كل مرة هيتم احتواء مشاعره من غير لوم و لا غضب ولا تجاهل مننا
هيتعلم ان نهاية الوقت الحلو مش بيخوف هو بيخلص علشان يرجع تاني في وقت تاني 🥳
وده سبب من أسباب كثير بتخلي الاولاد يعيطوا في نهاية أي وقت جميل لو ابنك أو بنتك بيحصل معاهم نفس اللي أنا قلته يبقى أنا في انتظارك في أول جلسة عشان نطمن على صحتهم النفسية 💚🫰🏻
