https://www.facebook.com/105928261243300/

dr_amira_aref, Mostafa kamel, Alexandria (2025)

29/08/2021

٣ شهور من الاكل الصحي ممكن تعمل ايه لطفل بيعاني من السمنة؟؟

23/08/2021

تقدري تأكلي ابنك غصب عنه؟؟
اوعي تعملي كدة
تعالي نشوف انت تقدري تتحكمي ازاي في اكل طفلك
و تسيبي له ايه يقرره

١- ايه؟ انتي اللي بتشتري الاكل الصحي و تحضريه بطريقة صحية (متنسيش تخليه مغري للطفل و طعمه حلو.... حنتكلم في الموضوع ده بعدين)
٢- امتي؟ حددي ٥ وجبات للطفل ٣ اساسيين و ٢ سناك و بين كل وجبة و التانية ٢-٣ ساعات
٣- فين؟ الوجبات الاساسية الافضل تكون مع العيلة و السناكس علي قد ما نقدر بعيد عن التليفزيون او الموبايل

الطفل بأه بيحدد
١) حياكل ولا لأ : لو هو مش جعان او عاوز حلويات بدل الاكل الصحي ... اسمحي له يجوع 😊.... حتلاقيه الوجبة اللي بعدها بياكل عادي جدا
٢) الكمية اللي حياكلها : يعني لو الطفل شبع مش لازم ارغمه يكمل الطبق.... لازم احترم اشارات جسمه و اخليه يفهمها ولا كدة انتي بتعلميه ياكل اكتر من طاقته

16/08/2021

ابنك مش بياكل جزر؟؟
تعالي اقولك ازاي تتغلبي علي المشكلة دي
١) خليه يساعدك تنقي الجزر من السوبرماركت
٢) في البيت خليه يغسل الخضروات و معاه الجزر
٣) ممكن يساعدك في تقطيعه
٤) حنحط الجزر علي السفرة عادي و ممكن نغرف للطفل منه ( لو هو سمح بكدة) و مش لازم ياكل منه
٥) اقترحي علي طفلك انك تحطي جزر مفروم علي صوص المكرونة البولونيز او في الكفتة او مثلا في كيك جزر ( بلاش تعملي كدة من وراه عشان ممكن يفقد الثقة فيكي 😊)
كل الخطوات اللي فاتت دي حتزود التعرض او exposure الطفل للجزر و حتخليه مش مستغرب ريحته او ملمسه و ممكن تثير عنده الفضول انه يدوق منه

بس اوعي تحاولي تأكليه جزر بالعافية او مثلا تقو لي له لو اكلت الجزر حتاخد الشوكلاته دي
لان ده حيجيب نتايج عكسية

قولوا لي عرفتوا قبل كدة تأكلوا اطفالكم حاجات جديدة مش متعودين عليها و ازاي؟؟

14/08/2021

طول ما الطفل بيتناول الحلويات بصفة مستمرة حيكون تقبله للاكل الصحي اقل
قللي استهلاك طفلك من الحلويات و خليها مرة او مرتين بس في الاسبوع ... ده حيخلي تقبله للفاكهة و الخضار و الاكل الصحي افضل بكتير
و ده لان تناول الحلويات و السكريات بيولد شعور المكافأة في المخ اكتر بكتير من تناول موزة او تفاحة
-
اسالني عن برنامج تغذية الطفل

13/08/2021

نحرم ليه نفسنا و اطفالنا من الاكل اللي بنحبه؟؟
انا مقتنعة اننا ممكن نحول اي اكلة.... اي اكلة فعليا للنسخة الصحية منها لو غيرنا حاجة بسيطة في المكونات

الاطفال و الامهات مش بيبطلوا يبهروني بوصفاتهم الصحية و دي واحدة منهم:
طبق كامل محشي معمول ب ٤ ملاعق ارز بس ( مع الرز خضرة كتير و فلفل الوان و لحمة مفرومة و من غير دهون)

انا قررت الفترة الجاية انزل لكم صور لاطباق الاطفال من البرنامج الاول و الوحيد لتعديل السلوك الغذائي للاطفال
عشان ده اكبر دليل ان الاطفال ممكن تستمتع بالاكل الصحي

قولوا لي ايه اكتر اكلة بتحبوها و انا اقول لكم ازاي تعملوها بطريقة صحية👩‍🍳😋

12/08/2021

كب كيك الشوفان بصوص الكراز

دي وصفتي :
كوب زبادي + ربع كوب لبن + ثلث كوب عسل + ٢ ملعقة كبيرة زيت + بيضة + فانيليا ( نخلط كل ده مع بعض)

كوب و ربع شوفان مطحون + نصف كوب دقيق + رشة ملح + ملعقة بيكنج بودر + ملعقة بيكاربونات الصودا (نخلط كله مع بعض)

و بعدين نخلط المكونات الجافة بالسائلة

التوبنج ( ١ كوب كراز مقطع + ٢ ملعقة عسل و ربع كوب مياه يستوي علي نار متوسطة ربع ساعة تقريبا)
بنحط العجينة في قوالب الكب كيك و نحط معلقة صوص الكراز علي كل واحدة و نقلب تقليبة صغيرة اوي

و تدخل الفرن ١٨٠ تلت ساعة
جربوها مع اولادكم .... صحية بتشبع و كمان مغذية جدا
تنفع فطار و كمان سناك في النادي بدل الحلويات

ايه رأيكم بعرف اصور ؟؟ 😉😉

07/08/2021

صورة بعنوان : المرضي بتوعي بيموتوا فيا 😂😂😂

06/08/2021

ابنك مش بيحب الخضار او الفاكهة؟؟
انتقائي لدرجة انه ممكن طول اليوم مياكلش الا بطاطس محمرة و ناجتس؟
قبل ما تحاولي تحلي المشكلة دي لازم تعرفي سببها
الفيديو ده بيوضح
-اسباب ال picky eating او الانتقائية عند الاطفال
-ازاي اتعامل معاها
-امتي اقلق و يبقي لازم اعرض الطفل علي طبيب
- و ازاي اقدر احل المشكلة دي

-
اساليني عن متابعة الاطفال وبرنامج تغذية الاطفال

#صحة #ام

22/06/2021

Sneak peek to this week’s online session of summer round
Only 7 days have passed since the beginning of this round & kids are onnn 🔥🔥🔥🔥

02/06/2021

امبارح كان صورة before & after لرنا
بس انهاردة نبذة كدة عن الرحلة

مفيش حد يقدر يمشي علي لايف ستايل صحي الا لو كان مستمتع بالاكل اللي بياكله و رنا مثال حلو اوي علي كدة

علي فكرة انا كنت في نفس المدرسة اللي فيها رنا عشان كدة احنا متفاهمين 😉
EGCians & proud 🤍🤍
و كمان احنا الاتنين بنحب المطبخ و الاكل الصحي 😍😍

افتحوا اللينك ده 👇و ‎اتفرجوا علي الوصفات و ان شاء حتعجبكم...انا عن نفسي عملت منها و استمتعت بيها

https://www.instagram.com/p/CPnagvBhUa0/?utm_medium=copy_link

31/05/2021

رنا الجميلة
رنا ١١ سنة
آخر يوم في الراوند اللي فات كان عيد ميلادها و هي قالت لي "انا قررت ان هديتي السنة دي اني اظبط جسمي قبل عيد ميلادي" و قد كان
رنا بدأت معايا من ٣ شهور تقريبا خلال الفترة دي نزلت ٥ كيلو دهون و زادت ٣٠٠ جرام عضلات (بالمناسبة معدل نزول الوزن الصحي للاطفال من ١-٢ كيلو في الشهر)
نسبة الدهون في جسمها نزلت ٦٪؜ و طبعا فرق المقاسات مش محتاج كلام 😍😍

توقعاتي كدة انها حتبقي food blogger وهمية لان كل يوم كانت بتبهرني بافكارها في الاكل و الوصفات عشان كدة انا عملتلها مفاجأة ( لسه حنزلها بوست بكرة)

و كمان قررت انها حتدخل معايا في الراوند الجاية كواحدة من ال team بتاعي 💪💪
في ال fooducate summer round

رنا حتقرأ كومنتاتكم ..... بليز شجعوها 😍😍😍

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA
مؤسسة .clinic.eg

25/05/2021

Something BIG is in the oven .... stay tuned😍

18/05/2021

تشبيه قريته قبل كدة و عجبني جدا و من ساعتها و ده شعاري في شغلي مع الاطفال اللي بيعانوا من السمنة
❎مينفعش ابدا نضغط الطفل عشان نشبع عندنا رغبة ان نلاقي نتيجة سريعة و نزول في الوزن كل اسبوع
لان كل ما نضغط الطفل اكتر و ندخله في انظمة قاسية كل ما ده بيعرضه انه ي binge او يعوض النقص ده باكل كميات كبيرة 🍔🌭🍭اكتر من طاقته عشان يعوض الحرمان اللي بيعاني منه في الدايت
و كمان اول ما بتتاح له الفرصة انه ياكل بدون ضغط او رقابة بيفتح علي الرابع ( زي مثلا لما يزور جدوده يوم الجمعة او يطلع رحلة مع اصحابه)

📍بالظبط زي لاعب الماراثون اللي عمره ما بيبدأ السباق باقصي سرعة له لانه لو عمل كدة حيتعب و حيخسر
علي عكس سباقات الجري القصيرة ( sprint)

📍الحل ؟؟
✅تغيير اللايف ستايل للطفل خطوة بخطوة بالرتم اللي يناسبه
و ده بالظبط اللي بعمله في fooducate program

صور الميزان دي لطفل كان مشترك في winter round
و الحمد لله قدر ينزل في الوزن و يخسر ٥ سم من محيط البطن و الاهم من ده انه لم يزيد اي وزن في شهر رمضان بالرغم انه مكانش ماشي علي اي دايت 💪💪💪

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA

09/05/2021

مين بيفكر في سحور مش تقليدي شوية

زبادي يوناني بالتفاح و الجرانولا من احلي الحاجات اللي ممكن تجربوها عالسحور

٣ طبقات
الطبقة الاولي 🥛: زبادي يوناني خالي الدسم ( الزبادي اليوناني فيه ضعف كمية البروتين اللي موجودة في الزبادي العادي و ده بيزود الاحساس بالشبع)
الطبقة التانية 🍏🍎: حشوة فطيرة التفاح الصحية ( تفاح مقطع مكعبات + قرفة + ملعقة عسل و يدخل الميكروويف دقيقتين)
الفاكهة في السحور مفيدة جدا لانها غنية بالالياف اللي بتحسن الهضم و بتدي احساس بالشبع خصوصا التفاح لانه عالي في البكتين و كمان مليانة فيتامينات
الطبقة التالتة ( جرانولا او شوفان محمص ) : النشويات المعقدة عموما بتخلي مستوي السكر في الدم ثابت الي حد كبير و ده بيدي احساس بالشبع و يقلل ال
Cravings
ده غير ان القرمشة بتاعة الجرانولا في الطبق ده متعة لوحدها.

علي فكرة .... الوجبة دي تنفع اوي فطار بعد رمضان .... و حتخليكوا تحسوا بالشبع لغاية ميعاد الغداء
#سحور #تفاح

28/04/2021

وانا بحاول اخبي البروكلي في صوص المكرونة 😂😂😂
Who can relate??

26/04/2021

مازن ١٢ سنة
اكتر اكلة بيحبها : اندومي
اكتر سبب مخليه عاوز يظبط وزنه: عشان يعمل فيديوهات علي تيكتوك و يكون شكله حلو فيها
لما سألته اول مرة يجيلي عن السبب اللي مخليه عاوز يظبط جسمه و سمعت الرد اللي فوق ده استغربت قلت في نفسي مش ممكن يعني هو ده الدافع اللي حيخليه يخس؟؟
بس ساعات اللي في عينينا بسيط و صغير بيكون بالنسبة للطفل حاجة كبيرة و حياته كلها
انا مش حابة اقول ان دي
Success story
لان مش دي النهاية لكن احب اقول عنها بداية ناجحة

في شهرين مازن قدر ينزل ٦.٢ كيلو دهون و يزيد ٢٠٠ جرام عضلات
و ده النزول المثالي في سنه انه ينزل وزن بدون فقد اي عضلات

احب برضو اقول ان النتيجة دي لان مازن بدأ ياكل صحي و يغير اللايف ستايل عن طريق fooducate program
و ده البرنامج الوحيد اللي بيعتمد علي تغيير اللايف ستايل للاطفال بطريقة مريحة من غير الدايت اللي يخنق اللي عمره ما يقدر يوصل الطفل (قصدي شاب آسفة يا مازن 😂) للنتيجة دي

لسه مازن مخلصش حكايته و مكمل
بس انا ليا طلب لو قصته لغاية دلوقتي الهمتكم او ادتكم امل لو بسيط سيبوا كومنت شجعوه فيه لانه حيقرأ كل الكومنتات

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA

spring round

#سمنة

25/04/2021

في ركن في السوبرماركت اسمه ركن مأكولات مرضي السكر او مأكولات الريجيم
ابعدوا عنه
ايوة نصيحة ابعدوا عنه خالص
لانه ببساطة
١-اكل معبأ مصنع (اسوء انواع الاكل... معروفة)
٢-غالبا غرقان aspartame او اي نوع رديء من سكر الدايت فبالتالي مينفعش للاطفال و غالبا للكبار
٣-عادي جدا يكون قليل في السكر بس مليان زيت نخيل مهدرج زي البسكوت و المخبوزات ( كدة حيعالج السكر و يجيب القلب 😊)
٤- و لأن الرقابة علي الأغذية و ال labelling بتاعها عندنا في مصر ضعيف جدا ممكن اوي تلاقي عسل مكتوب عليه لمرضي السكر (حدث بالفعل)
٥- بيلعبوا في ال serving size يعني مثلا ممكن تلاقي علي عبوة الكوكيز انها ٥٠ سعر حراري في حين ان ال serving size محسوب علي نصف بسكوته مثلا 😂😂و العبوة فيها ٤ بسكوتات
٦- السعر.... الصورة حتتكلم 😂😂

طيب ايه الحل؟؟
الحل ان في ركن اسمه ركن الخضروات و الفاكهة
و ركن اسمه ركن الالبان
و ركن تالت فيه مكسرات
الاركان دي هي اللي احسن كتير تجيبوا منها اكل "الدايت"

كلمة اخيرة ..... ليه الاكل المعبأ المصنع سيء؟؟
دي قصة طويلة ححكيهالكم بعدين ☺️☺️

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA

20/04/2021

يجيلك قلب تعمل كدة في عربيتك؟؟ 🚘
طيب ايه رأيك انك بتعمل كدة في جسمك لما تكسر صيامك علي عصير قمر الدين او خروب او اي من العصائر الرمضانية؟؟ 🥛🧋🍹

قبل الفطار بيكون السكر في الدم في اقل مستوياته
و لو فطرت علي سكريات بيحصل الآتي:
١- السكر في الدم بيرتفع بسرعة 📈
٢- خلايا البنكرياس (islets of langerhans) بتفرز كميات انسولين رهيبة 💦💦عشان تسيطر علي المستوي العالي للسكر في الدم
طيب لو حد عنده قابلية للاصابة بمرض السكر؟؟ ده بيسرع من ظهور المرض بصورة كبيرة لانك كدة بتحرق بنزين ( قصدي بترهق الislet cells) او بيحصل لها burning out 🔥🔥🔥🔥
و كمان بيحفز الجسم لتخزين الدهون
٣- الانسولين بيدخل السكر جوه الخلايا بسرعة عشان كدة بعد فترة قليلة مستوي السكر في الدم بينزل و بتحس بهبوط و جوع و تبدأ تدور علي اكل تاني خصوصا الحلويات و ده اللي اسمه cravings 🍬🍭🧁🍩🍯

حاولوا علي قد ما تقدروا تبعدوا عن العصاير الرمضانية و خلوها مرة او مرتين في الاسبوع لان السكريات فيها عالية جدا
(مثلا السوبيا كل ٤ اكواب بيضاف لهم فنجان سكر كامل)
و احرصوا انكم تشربوا ٨ اكواب من المياه ( كوب كل ساعة) بين الفطار و السحور

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA

13/04/2021

كل سنة و انتم طيبين و رمضان كريم
البوست ده مهم جدا للناس اللي بتعاني من الصداع مع الصيام

الصداع اثناء الصيام له سبب من ٣ لو عرفناهم حنقدر نتجنب حدوثه و الصيام حيكون اسهل كتير

📍السبب الاول:
انسحاب الكافيين من الجسم ☕️☕️
‏(caffeine withdrawal)
و ده بيحصل للناس اللي متعودة تشرب قهوة الصبح
الحل اننا قبل رمضان نقلل استهلاك الكافيين .... طيب لو خلاص رمضان بدأ ممكن بعد السحور نشرب شاي او شاي اخضر او اي مشروب فيه كافيين.

📍السبب التاني:
الجفاف 💦💦
٧٣٪؜ من المخ بيتكون من المياه
لما الجسم يكون فيه جفاف المخ بيفرز هيستامين اللي بدوره بيسبب الشعور بالارهاق و الالم ( الصداع)
اتغلب علي الموضوع ده ازاي؟؟ اني اشرب كوب مياه كل ساعة بين الافطار و السحور

📍السبب التالت :
هبوط مستوي السكر في الدم 🍭🍬
و ده بيحصل اكتر للناس اللي بتاكل سكريات كتير خصوصا وقت السحور
اللي بيحصل الآتي:
آكل بسبوسة بعد السحور⬅️ السكر في الدم بيعلي ⬅️ الانسولين يزيد جدا⬅️بيقلل السكر في الدم ⬅️الشعور بالارهاق و الجوع
معني كدة اني لو اكلت سكريات اثناء السحور حجوع اكتر وقت الصيام

و في حاجات تانية بتزود نسب حدوث الصداع زي قلة النوم و الضغط النفسي او الجسماني (stress)

ملحوظة: كل الاسباب اللي فوق دي ممكن كمان تعمل mood swings يعني عصبية و نرفزة و كل الحاجات اللي بنشوفها في الشارع الصبح 😀😀

د. اميرة عارف
-اخصائية التغذية العلاجية و السمنة و النحافة و تغذية الاطفال
-ماجستير تغذية الاطفال- المعهد العالي للصحة العامة
-اخصائي تغذية رياضيين معتمد من الجمعية العالمية لتغذية الرياضيين ISSA

31/03/2021

📍في ناس بتسألني ازاي قدرتي تقنعي طفل ياكل صحي؟؟

ببساطة كدة حضرتك حتتقمص شخصية ماما كريمة
١- تعاطف مع الطفل و دايما سانده (حتي لو هو بيقول كلام مش منطقي) كدة حتخليه يقبل يسمعك
٢- شوف الاول هو مستعد يغير طريقته ولا لأ ( لأن كل مرحلة لها طريقة تعامل )
٣- قَوِّله الكلام اللي انت عاوز تسمعه 😉( leading open-ended questions)
٤- ما تديش اوامر .... اتفق معاه ( لانه اصلا زهقان اوامر من مامته و من باباه و المدرسين و المدربين و السواق و عم عبده البواب 😂)
٥- اوعي يكون الميزان اول اهتماماتك لان ده الحاجة الوحيده اللي لا انت ولا الطفل ولا مامته ولا اي حد يقدر يتحكم فيه ١٠٠٪؜

في كبسولة
السكري

28/03/2021

الفرق بين الصورتين: نفس الوزن بس ٢٠٠ جرام اقل و لكن ٣٠ يوم من الاكل الصحي 🥗🥒🥬🍅🍑🍓🍇
في فرق بين الصورتين ولا دي تهيؤات عندي بس ؟؟😊😊

The difference between the 2 pictures: almost the same weight, only 200 grams less but 30 days of clean eating.🥗🥒🍇🍓🥬🍑🍅
Can you spot the difference or is it just me? 😊😊

15/03/2021

“You can never have enough of salads” says me 😊😊
دايما بنحتار في العشاء لو احنا ماشيين علي دايت
السلطة دي من احلي الحاجات اللي ممكن تتاكل كعشاء اسمها Mediterranean salad
او سلطة البحر المتوسط ( لان دايت البحر المتوسط بيعتمد علي البقوليات و الالبان و زيت الزيتون بصورة كبيرة و هو من اكتر انواع الدايت المفيدة لصحة القلب)
فيها خضروات ✅: طماطم و بقدونس
و زيتون
البان ✅: جبنة فيتا
بقول✅ : عدس بجبة
الدرسنج: دبس رمان و ملح و زيت زيتون
و لانها مليانة بروتين ( اللي موجود في العدس و الجبنة) و دهون صحية (زيت زيتون) فهي مشبعة جدا و مفيدة و خفيفة جدا بالرغم من انها وجبة متكاملة.

#سلطة

07/03/2021

الاكل مش حلو او وحش
الاكل اخضر او اصفر او احمر
ده مبدأ traffic light diet او دايت اشارة المرور
الاكل الاخضر :🥗🥚🍳🥕🥦🥝🍓🍇🍅
مفيد جدا و سعراته قليلة
الاكل الاصفر : 🥑🧀🥩🌰🥜🧋
مفيد و سعراته عالية
الاكل الاحمر: 🍩🍪🍬🍭🍡🍕🍟
مش مفيد و سعراته عالية جدا

دايت اشارة المرور هو من افضل انواع الدايت المخصصة للاطفال
عن طريقه بيتعلموا ازاي يختاروا اكلهم صح بالطريقة اللي تناسبهم.
د. اميرة عارف
اخصائية التغذية العلاجية و السمنة و النحافة
ماجستير تغذية الاطفال - المعهد العالي للصحة العامة
مؤسسة .clinic.eg

03/03/2021

Teaching kids that the number on the scale is not what determines their value
It’s their motivation, consistency & willpower
The more they move the closer they approach their goal ( which-by the way- still is not their number on that scale)
Their goal is to install a habit that lasts a lifetime
Their goal is to build resilience that will be their strongest weapon against hardships

& by wearing pedometers (step counters), kids compete with themselves seeking higher numbers than the day before
The end result ..... a new habit is installed.
Photo credit goes to the amazing kids who enrolled in my program winter round

24/02/2021

Salmon avocado quinoa salad
Proteins✅(salmon & quinoa)
Omega 3 ✅✅(salmon & avocado)
Vitamins ✅✅✅(veggies)
Healthy carbs✅✅ (quinoa)
Ingredients: salmon, avocado , quinoa, lettuce , spring onions, sweet red peppers
Dressing: mustard , honey, salt, lemon , olive oil

24/02/2021

السناكس من اكتر الوجبات اللي الاطفال بتلجأ فيها للشوكلاته و الحلويات 🍩🍪🍫
لو عاوزة طفلك ياكل اكل صحي في وقت السناكس دايما اسبقيه بخطوة .... قبل ما يقول جعان عاوز شيبسي او نودلز لازم تكوني محضرة نفسك .... بطبق فاكهة مقطعة و مغسولة و ممكن معاها شوية صوص شوكلاته معمول في البيت 🍒🍑🍇🍓
او مثلا خيار و جزر و جنبه صوص معمول من الزبادي او الحمص 🥒🥕
او حتي فشار 🍿🍿
المهم ان السناكس يبقي متخطط لها من اول اليوم و جاهزة وقت الطلب
د اميرة عارف
ماجستير تغذية الاطفال - المعهد العالي للصحة العامة
مؤسسة .clinic.eg

20/02/2021

Puppies & kids
Both don’t follow orders , won’t pose in pictures & you can NOT force them to eat something they don’t like

13/02/2021

لو سألت اي طفل صغير تحب تاكل تفاح ولا تشرب عصير تفاح .... حيختار العصير
ولان العصائر بيكون كمية السكر فيها عالية فده بيخلي الطفل يستهلك كمية سعرات كتير من غير ما يحس بالرغم من ان وجباته ممكن تكون صحية
عشان كده لو انتي بتحاولي تتحكمي في السعرات اللي بيتناولها طفلك لازم تقللي استهلاكه من :
١- العصائر المعلية
٢- اللبن المنكه ( بالشوكلاته و الفراولة ....)
٣- المشروبات الغازية طبعا
و الاحسن ياكل الفاكهة صحيحة لانها بتديله كمية الياف عالية و ده حيخليه يحس بالشبع اكتر من العصير
د. اميرة عارف
ماجستير تغذية الاطفال - المعهد العالي للصحة العامة
اخصائي تغذية رياضيين معتمد من (ISSA)
International Sports Science Association

23/01/2021

الصورة دي اكبر دليل ان الاطفال ممكن تغريهم بسهولة انهم ياكلوا فاكهة
الطريقة :
١-شيلوا من قدامهم اي حلويات🍭🍬🍫
٢-حطو طبق فيه فاكهة شكلها حلو و الوانها مبهجة🥭🍇🍐🍏🍎🍋
٣- متقولش لطفل: تعالي كل فاكهة ( او خضار) .... حطي الطبق و خلاص و يكون ميعاد السناك مش طول اليوم

✅ملحوظة صغيرة: الفاكهة دي بلاستيك انا حطاها ديكور في العيادة و واضح ان الطفل اللي كان بياكلها كان مصمم 😀😀😀
✅ملحوظة تانية برضو .... العنب كمان متاكل منه 😂😂

14/01/2021

مين انا؟؟ 😊😊 قبل ما تاخدوا اي معلومة من الصفحة بتاعتي احب الاول اعرفكم بنفسي ☺️!! انا طبيبة خريجة كلية طب اسكندرية ٢٠٠٦ . حصلت علي دبلوم التغذية سنة ٢٠٠٩ من المعهد العالي للصحة العامة ثم ماجستير التغذية سنة ٢٠١٨ من المعهد العالي للصحة العامة.. اشتغلت في العديد من المراكز الطبية حتي افتتحت عيادتي الخاصة سنة ٢٠١٦ ... شغفي هو التغذية و ناس كتير بتقول اني شاطرة في مجال تغذية الاطفال خصوصا! يمكن ده لاني ام ل ٣ بنات و هما كانوا الدافع الاول ليا اني اتعلم تغذية الاطفال صح عشان افيدهم و كمان اخترت موضوع رسالة الماجستير بتاعي في المشاكل اللي بيواجهها الاطفال اثناء تناول الطعام و ده حتكلم فيه بالتفصيل بعد كدة ... خلال ال ١١ سنة اللي اشتغلت فيهم كأخصائية تغذية واجهتني مشكلة كبيرة و هو ان الطفل مش بيمتثل للارشادات.... الطفل عاوز يفهم و يطبق بمزاجه و ده خلاني اخترع طريقة مع الاطفال اني اعلمهم الاكل في خطوات بسيطة خلال ١٢ اسبوع و سميت البرنامج ده Fooducate program و الحمد لله لاقي البرنامج نجاح كبير و قبول عند الاطفال اللي بيعانوا من السمنة خصوصا! اتمني المعلومات اللي تلاقوها هنا تفيدكم و اشوفكم علي خير 😊😊