What are the opening hours?

Monday 7pm - 9pm Wednesday 7pm - 9pm Thursday 7pm - 9pm Saturday 7pm - 9pm

https://www.facebook.com/106415171268415/

عيادة د.وفاء الشيمى Dr. Wafaa Elshimy clinic, ك١٦ طريق اسكندرية مطروح الرئيسى-الدرايسة/بجوار شارع خير الله/أعلى مصوغات هبة الله. (امام بيت الجملة ماركت), Alexandria (2025)

31/08/2025

بالرغم من إن مشاكل القلب ممكن تأثر بالسلب علي صحة الحامل والجنين، لكن ده مش معناه أبداً إنها مينفعش تحمل☺️

لكن معناه إنها تهتم بصحتها أكتر، وتلتزم بالمتابعة الدورية مع الدكتور، وتلتزم كمان بالكام نصيحة دول علشان تعدي فترة حملها بسلام من غير أي مضاعفات.👇

-تبعد عن الأكل اللي مليان دهون وكوليسترول، وتاكل أكل مفيد وصحي لصحة القلب.
-تلتزم بالأدوية اللي بيكتبها الدكتور خاصة الفوليك أسيد.
-تبعد عن أي مسببات للتوتر أو الإنفعال علشان متتعرضش لإرتفاع في ضغط الدم.
-وبلاش المجهود الكبير في شغل البيت وشيل حاجات تقيلة.

ك16 طريق اسكندرية مطروح-الدرايسة - بجوار شارع خير الله - أعلى مصوغات هبة الله. (أمام بيت الجملة )

ت / 4367505

01228477984

12/08/2025

عيادة د / وفاء الشيمي - إستشاري النساء والتوليد وعلاج العقم
سرعة_الحمل 🧑‍🔬 😎
سرعة الحمل أو الإنجاب 👶 بتعتمد على سرعة علاج الأسباب اللي ممكن تكون مانعة، وكل ما كان التشخيص مبني على خبرة وفهم للحالة، كل ما كانت فرص الحل أكبر 💪.

على مدار سنوات في عيادة د / وفاء الشيمي - إستشاري النساء والتوليد وعلاج العقم، تم التعامل مع عدد كبير من حالات تأخر الحمل، وساعدت الخبرة المتراكمة في الوصول لنتائج إيجابية مع كتير من السيدات، بفضل الله ثم التشخيص السليم والمتابعة المستمرة.

في بعض الحالات زي تكيس المبايض، مهم نعرف إن فيه خطوات أساسية بتساعد في العلاج :
1️⃣ الأول بنعمل أشعة تلفزيونية وتحاليل هرمونات للتأكد من الحالة.
2️⃣ بعد كده بنشتغل على تقليل الوزن بنسبة مناسبة للجسم.
3️⃣ ضبط مستويات الهرمونات.
4️⃣ وأحيانًا آخر خطوة بتكون منشطات التبويض تحت إشراف طبي.

الأهم إن كل خطوة صح بتقربك من الهدف، والمتابعة المستمرة بتفتح أبواب لفرص أكبر بإذن الله.
لو حابة تعرفي أكتر عن الخطوات أو طرق العلاج، ممكن تكتبي سؤالك في التعليقات أو تتواصلي مع العيادة و سيتم الرد على استفساراتكم في أسرع وقت ممكن.

📞 لحجز موعد الكشف أو الاستفسار :
ت/4367505
01228477984
📍 العنوان: ك16 طريق اسكندرية مطروح - الدرايسة - بجوار شارع خير الله - أعلى مصوغات هبه الله (أمام بيت الجملة ماركت)
🕖 المواعيد: من 7 ل 9 مساء يوميًا عدا الجمعة

12/08/2025

أوقات الحامل في الشهور الأخيرة بتحس بألم شبه ألم الطلق وبتفتكر إنها خلاص هتولد وتكلم جوزها وأهلها، وفي الأخر يطلع مقلب ومش هتولد ولا حاجة 😂🤭

ده ببساطة إسمه الطلق الكاذب وعلشان الحامل تفرق بينه وبين الطلق الحقيقي تاخد بالها من 3 حاجات🙂

- لو الألم جامد وغير محتمل تماماً يبقي ده طلق حقيقي، لكن لو محتمل وبيروح ويجي يبقي ده طلق كاذب.

- لو الألم راح بالمشي والحركة يبقي ده طلق كاذب، مرحش يبقي طلق حقيقي.

- لو الألم موجود بس مفيش أعراض زي إفرازات، درجة حرارة الجسم عالية شوية، والبطن نازلة بشكل كبير يبقي ده طلق كاذب.

ياتري إتعرضتوا لطلق كاذب قبل كده؟!، إحكولنا حسيتوا بإيه وإتصرفتوا إزاي؟🙂

ك16 طريق اسكندرية مطروح-الدرايسة - بجوار شارع خير الله - أعلى مصوغات هبة الله. (أمام بيت الجملة ماركت)

ت / 4367505
ت / 01228477984

10/08/2025

"يا دكتور هي جرعة الفوليك أسيد إيه فايدتها وقت الحمل!"🤔
طول رحلتك في الحمل بيكون فيه دروع حماية بيساعدوكي تحافظي على حملك بكل أمان ومنهم الفوليك أسيد. 💪

الفوليك أسيد من أهم الأحماض اللي بتساهم في نمو الجنين، وبنوصفه للحامل في أول ثلاثة شهور في الحمل ولازم يتاخد كل يوم وبجرعة محددة.

وده لإنه بيحمي الجنين من أي تشوهات، ده غير إنه بيساعد علي إنتاج كرات الدم الحمراء اللي بتحمي الحامل من إصابتها بالأنيميا.

جرعة الفوليك أسيد المطلوبة بتكون حوالى 400 مجم فى أول 3 أشهر، وبتزيد الجرعة لحوالى 500 مجم يومياً، لحد نهاية الشهر الثالث.

العنوان

الاسكندرية -العجمى
ك16 طريق اسكندرية مطروح -الدرايسة -بجوار شارع خير الله -اعلى مصوغات هبه الله (أمام بيت الجمله ماركت )

ت / 4367505

01228477984

07/08/2025

"هتولدي طبيعي😟" كلمة مش هترعب أي حامل بعد ما تعرف إنها تقدر تولد طبيعي من غير ماتحس بأي ألم☺️

لإن البنج النصفي اللي بتاخده الحامل أول ما يبدأ الطلق بيمنع إحساسها بالألم تماماً من أول وقت الطلق لحد ما تولد وتخرج من المستشفي كمان، لإنه بيخدر الأعصاب ومش بيخلي الأم تحس بأي ألم.😍

والتخدير النصفي مفيش منه أي خطر وينفع لكل الحوامل حتي اللي ضهرها في الأصل بيتعبها.☺️

العنوان
الاسكندرية -العجمى
ك16 طريق اسكندرية مطروح -الدرايسة-بجوار شارع خير الله -أعلى مصوغات هبه الله (أمام بيت الجمله ماركت )

ت / 4367505
01228477984

05/08/2025

"منذ اليوم الاول للحمل و يكون سؤال الولادة و كيفيتها مطروحا و في كثير من الاحيان مصدر للقلق. و الحقيقة أن الولادة في الاصل هي الولادة الطبيعية.. طبيعية في بدايتها و تقدمها و خروج المولود لحياته الجديدة.

و الولادة الطبيعية هي النتيجة المتوقعة لانقباضات رحم طبيعية تدفع الجنين للمرور برأسه من حوض مناسب موسعا لأنسجة قناة الولادة (عنق الرحم - المهبل - العجان) خلال مدة زمنية مناسبة و بدون إعياء له أو لك.

تضمنت العبارة السابقة سبعة شروط لحدوث الولادة الطبيعية و فقدان أحد هذه الشروط يكون أحد أسباب إجراء ولادة قيصرية، و هنا يجب أن نذكرك أن بعض هذه الشروط ممكن تشخيصها أثناء الحمل، و في هذه الحالة يتم تحديد طريقة الولادة القيصرية و إجرائها قبل بدء الولادة الفعلية و بعض هذه الشروط لا يتم تشخيص اعتلالها إلا أثناء الولادة و في هذه الحالة تبدأ الولادة بصورة طبيعية و لكن تتحول إلى ولادة قيصرية فيما بعد.

سنركز الآن عليك.. فالهدف هو التوعية لك و لأسرتك للوصول إلى ولادة آمنة لكي و للمولود القادم بإذن الله.

الشرط الأول هو انقباضات رحمية طبيعية:

وهذا من الشروط التي يتم تشخيصها أثناء الولادة الفعلية و لكن يمكنك توقع أن الانقباضات طبيعية طالما أن تقدم الولادة يسير بصورة جيدة بمعنى أن عنق الرحم يتوسع بمقدار 1 سم في الساعة على الأقل.

الشرط الثاني هو مرور الجنين برأسه:

و هذا من الشروط التي يتم تشخيصها أثناء الحمل أو أثناء الولادة.

فعدم مجيء الجنين برأسه (مجيء بالمقعدة أو الكتف) يعني أن الولادة الطبيعية تمثل خطر غير مبرر و الولادة بقيصرية أأمن لكي و لطفلك.

أما أثناء الولادة فمن الممكن مجيء الجنين برأسه و لكن بصورة لا تناسب الولادة الطبيعية.. فدخول و خروج رأس الجنين من الحوض يشبه تماما دخول رأس الطفل بملابسه، فحين يدفع الطفل برأسه ليمررها من ملابسه يجب أن يمر بأم رأسه.. أما لو مالت رأسه فلن تمر..كذلك أثناء الولادة قد تميل رأس الجنين أو تنفرد أثناء الولادة فلا تمر من الحوض و يتم اللجوء للولادة القيصرية.

الشرط الثالث هو الحوض المناسب:

و هذا الشرط ممكن تشخيصه بالفترة الأخيرة من الحمل أو أثناء الولادة حيث أن التشخيص ليس ضيق أو اتساع الحوض و لكن التشخيص هو “هل حوضك مناسب لطفلك أم لا؟” قد يكون الحوض جيدا و لكن الطفل أكبر من أن يمر منه و قد يكون الحوض صغيرا و الجنين أيضا فيمر بسهولة. و لذلك تشخيص أن الحوض مناسب أم لا قد يكون بنهاية الحمل إذا أتضح أن حجم الجنين أكبر من أن يمر بالحوض أما التشخيص الأغلب هو حين تأخذي فرصتك للولادة الطبيعية و تتضح صعوبة مرور الجنين أثناء تقدم الولادة و الذي يكون بطيئا و غير طبيعي.

الشرط الرابع هو توسع الانسجة

و هذا الشرط لا يتم تشخيصه إلا أثناء الولادة و المعني به هو عنق الرحم الذي قد لا يتوسع لسبب خاص بتكوين أنسجته سواء خلقيا أو نتيجة عمليات سابقة بعنق الرحم.

الشرط الخامس هو المدة المناسبة

و هذا في الحقيقة هو أهم شرط. فحين يعتل أي من عناصر الولادة سواء قوة الدفع (الطلق) أو المدفوع (الجنين) أو الممر (الحوض و الأنسجة) ينعكس هذا على معدل اتساع عنق الرحم ليتباطىء أو يتوقف تماما. و الطبيعي ألا يقل معدل اتساع عنق الرحم عن 1.2 سم في الساعة للولادة الأولى و 1.5سم في الساعة للولادة المتكررة، و ما هو أقل من ذلك فهو انعكاس لمشكلة في أحد عناصر الولادة السابق ذكرها و يتم اللجوء للولادة القيصرية إذا استمر البطء أو توقف الاتساع لمدة 4 ساعات تقريبا (قد تقل أو تطول حسب حالة الولادة و الام و الجنين).

الشرط السادس هو بدون إعياء الجنين

و قد يكون إعياء الجنين أثناء الولادة متوقعا أو حدث فعلا و في الحالتين يتم توليد الجنين بأسرع الطرق الممكنة. فلو كان إعياء الجنين متوقعا مثل أن يكون هناك علامات قصور بوظائف المشيمة يتم تحديد موعد للولادة القيصرية و إجرائها بدون تعريض الجنين لمخاطر الولادة الطبيعية. أما أثناء الولادة لو ظهر إعياء الجنين (عدم تحمل الجنين للإنقباضات الرحمية و بالتالي تعرضه للاختناق المؤقت اثناء الانقباضات) فلو كان عنق الرحم في تمام الاتساع و ليس هناك ما يمنع الولادة بمساعدة الشفط يتم اللجوء لذلك أما لو كان عنق الرحم لم يصل تمام اتساعه بعد يتم اللجوء للولادة بعملية قيصرية حفاظا على حياة الجنين و صحته.

الشرط السابع هو بدون إعياء الأم:

و إعياء الأم عادة حين تكون هناك مشاكل طبية مصاحبة للحمل مثل السكر أو ارتفاع ضغط الدم أو أمراض القلب..الخ و لكل حالة شروط للجوء لعملية قيصرية و ليس بكل الحالات. أي ليس كل مريضة لديها سكر مع الحمل يتم إجراء قيصرية بل بعض الحالات فقط و عند توفر شروط معينة لكل حالة.

و يبقى سؤال كثيرا ما يتم طرحه على طبيب التوليد:" هل الولادة الطبيعية أفضل أم الولادة القيصرية؟"

و الاجابة هي:

حين تبدء آلام المخاض فليس هناك سبب خارجي يمنع تقدم الولادة و حدوثها بصورة طبيعية.. فلو لم تحدث و بدا أن الولادة تسير بصورة غير طبيعية فالأفضل و الأءمن لكي و لطفلك إجراء ولادة قيصرية.

مع تمنياتي بولادة آمنة

الاسكندرية -العجمى
ك16 طريق اسكندرية مطروح -الدرايسة -بجوار شارع خير الله -اعلى مصوغات هبه الله (أمام بيت الجمله ماركت )
ت/4367505

01228477984

25/07/2025

عيادة #دكتورةوفاءالشيمي
🍼 إستعدي لتجربة ولادة مميزة ومريحة😌
عمليات الولادة القيصرية والطبيعية مع دكتورة وفاء الشيمي و المستشفيات المتعاقد معها:
✅ ولادة درجة أولى بسعر الإقتصادي – لأنك تستاهلي الأفضل 💃.
✅ الولادة شاملة "التاب بلوك" لعمليات الولادة بدون ألم.
✅ السعر شامل كل المصاريف – مش هتدفعي جنيه زيادة.
✅ المستشفيات:
🌟 قصر الشفا.
🌟 الوفاء.
🌟 فاطمة الزهراء.
🌟 العلا.
📢 مبروك مقدماً لكل أم 🙏
تقدم عيادة دكتورة وفاء الشيمي:
🤰🏻 متابعة الحمل الحرج وحالات تأخر الحمل والعقم عند السيدات.
🔹 علاج ضعف مخزون المبيض وتكيسات المبيض.
🔹 مناظير جراحية متقدمة.
الولادة مع طبيب استشاري تفرق أكيد 😎 💡
مع #دكتورةوفاءالشيمي، هتضمني :
🔹 خبرة طويلة في التعامل مع كل أنواع الولادات المختلفة ، حتى الحالات المعقدة.
🔹 رعاية متكاملة ليكي وللبيبي، من أول لحظة الحمل لحد بعد الولادة.
🔹 أحدث التقنيات لل Pain control زي التاب بلوك، لو حابة الولادة بدون ألم.
🔹 اهتمام خاص بيكي علشان تكوني مطمئنة و مرتاحة طول الوقت انتي و البيبي.
🎯 رحلة الأمومة تبدأ بقرارات كتير من أهمها إختيار طبيب النساء و التوليد –
إحجزي الكشف أو حددي ميعاد أونلاين الآن لزيارة عيادة دكتورة وفاء الشيمي، استشاري النساء والتوليد وعلاج العقم بكل سهولة وراحة.
📱 للحجز أو الاستعلام:
☎️ 4367505 – 01228477984
📲 كلمينا على الواتساب أو رسائل الصفحة، أو سيبيلنا كومنت دلوقتي للحجز أو أي استفسار.
📍 العنوان:
الاسكندرية-العجمى
ك16 طريق إسكندرية مطروح – الدرايسة
بجوار شارع خير الله – أعلى مصوغات هبه الله
(أمام بيت الجملة ماركت).
🕒 المواعيد:
سبت، اتنين، أربعاء، وخميس
من الساعة 7 م إلى 9 م

17/04/2025

🌸 تجاربكم شهادة نجاحنا.. وكل كلمة منكم بتفرق أكيد 🌸
في عيادة د/وفاء الشيمي – استشاري النساء والتوليد وعلاج تأخر الحمل والعقم
كل تجربة بتشاركوها معانا بتكون مصدر فخر لينا، وبنشوف فيها نتيجة تعبنا معاكم خطوة بخطوة علشان نوصل لأفضل رعاية طبية ليكي 🌟

مشوار الحمل مش سهل، بس مع الدعم الصح بيكون أهون وأجمل 💕
علشان كده في عيادة د/وفاء الشيمي، بنقدملك:
✅ متابعة دقيقة للحمل العادي والحمل الحرج.
✅ تشخيص وعلاج حالات تأخر الحمل، العقم، وتكيسات المبيض.
✅ مناظير جراحية متقدمة للتعامل مع أدق الحالات.
✅ توليد آمن ومريح بخبرة استشارية في كل أنواع الولادات.
✅ أحدث تقنيات الولادة بدون ألم زي التاب بلوك، علشان راحتك مهمة.
✅ رعاية مستمرة ليكي وللبيبي من أول لحظة لحد بعد الولادة.

📩 لو مريتي بتجربة معانا، شاركيها في الكومنتات أو ابعتيها في رسالة، وهتنور بوستاتنا الجاية بإذن الله ✨
رأيك هو اللي بيدينا القوة نكمل، ويطمن كل أم لسه بتبدأ الرحلة 🌷

📍 عنوان العيادة:

الاسكندرية-العجمى
ك16 طريق إسكندرية مطروح – الدرايسة
بجوار شارع خير الله – أعلى مصوغات هبه الله
(أمام بيت الجملة ماركت).

🕒 المواعيد:
السبت – الاتنين – الأربعاء – الخميس
من 7 م إلى 9 م

📱 للحجز أو الاستعلام:
☎️ 4367505 – 01228477984
📲 كلمينا على الواتساب أو رسائل الصفحة، أو سيبي كومنت دلوقتي

30/03/2025

كل عام وانتم بخير

17/02/2025

اللحظات اللي الحامل بتحس فيها بحركة الجنين بتبقي أسعد اللحظات في فترة حملها 😍والنهاردة هكلمكم عن أسرار كتير تخص حركة الجنين😍

حركة الجنين بتبدأ الحامل تحس بيها في نهاية الشهر الرابع لأول الخامس، وكل ما بيكبر كل ما حركاته بتختلف، ومع إختلاف كل حركة بيختلف المعني🙂

- يعني لما الحركة تكون رقيقة جداً ده معناه إنه لسة بيتعلم يتحرك، والحركة دي بتكون في الشهر الرابع والخامس.

- ولما الحركة تبقي أقوي شوية والحامل تحس أوقات بلكم في البطن ده معناه إنه بيتحرك وبيمد إيده ورجله، والحركة دي هتحسيها في الشهر السادس وممكن أول السابع.

- أما لو حسيتي بحركات كتير كإن في كركبة في البطن ده معناه إنه مش عارف ينام وبيحاول يتقلب علشان يلاقي وضع يريحه.

- ولما تحسي بزغزعة وحركة رقيقة ده معناه إنه بيلعب ومبسوط.☺️

وفي الأوقات اللي الحامل بتاكل فيها حاجة مسكرة أو تشرب حاجة فيها كافيين زي الشاي والقهوة، أو لما بتغير وضعية الجلوس بعد فترة كبيرة في الأوقات دي بتحس بالحركة بشكل أكبر☺️

قوليلنا بقي حسيتي بإيه من الحركات دي، وكان إيه إحساسك وقتها؟🙂

ك16 طريق اسكندرية مطروح-الدرايسة - بجوار شارع خير الله - أعلى مصوغات هبة الله. (أمام بيت الجملة )

16/02/2025

السلام عليكم و رحمة الله

لاي زوجة تبحث عن الامومة انتظام الدورة دا من العلامات المطمئنة بنسبة ٩٥ ٪؜

لان عدم انتظام المواعيد يساوي عدم انتظام التبويض

و وجود دم ما بين الدورتين يعني :

خلل في بطانة الرحم المستقبلة للجنين سواء خلل وظيفي و بتشتكي الحالة من تنقيط قبل نزول الدورة

او خلل عضوي و بتشتكي الحالة من تنقيط تقريبا مستمر بين الدورتين و هنا يلزم عمل سونار

النزيف مع العلاقة الزوجية يعني وجود التهاب بعنق الرحم و ربما وجود قرحة

اهتمي بانتظام دورتك و حساب مواعيدها و تسجيلها

متوفر لدينا الكشف عن قرح عنق الرحم و علاجها بالكي الكيميائي

متابعات التبويض بالسونار و بتحليل بلاني لمعرفة موعد الاباضة بدقة و دا مفيد في حالة سفر الزوج او صعوبة انتظام العلاقة الزوجية لاي سبب

ك16 طريق اسكندرية مطروح-الدرايسة - بجوار شارع خير الله - أعلى مصوغات هبة الله. (أمام بيت الجملة )

عيادة د.وفاء الشيمى Dr. Wafaa Elshimy clinic

31/08/2025

12/08/2025

12/08/2025

10/08/2025

07/08/2025

05/08/2025

25/07/2025

17/04/2025

30/03/2025

17/02/2025

16/02/2025

Address

Opening Hours

Telephone

Website

Alerts

Shortcuts

Share

Category

Monday	7pm - 9pm
Wednesday	7pm - 9pm
Thursday	7pm - 9pm
Saturday	7pm - 9pm