11/05/2026
أحلي ريڤيو من أحلي منوره 🥹♥️♥️♥️
SaHar Zayed
“أنا بجد محتاجة أشارك تجربتي ❤️
أنا من الناس اللي لفت على دكاترة كتير جدًا عشان أخس… وفي كل مرة كنت ببدأ وما بكملش. يا إما مكنش عندي إرادة، يا إما أمشي أسبوع وأقف، يا إما ألاقي كل الحلول عبارة عن أدوية وحاجات تخليني أتعب أو أول ما أبطلها أرجع أتخن تاني.
وصلت لمرحلة فقدت فيها الشغف خالص وسبت فكرة الرجيم أصلًا.
في وقت أنا أصلًا مكنتش بفكر أبدأ فيه، اتعرفت على دكتوره سحر ذايد بصراحة قلت أجرب، خصوصًا إني كنت فقدت الأمل شوية… لكن من أول كلامها حسيت براحة وتشجيع.
اللي فرق معايا فعلًا إن المتابعة كانت مستمرة بجد، مش مجرد نظام وخلاص. أنا متابعة معاها أونلاين من البيت، وكل يوم تقريبًا متابعة الصبح وبالليل، أبعتلها أكلي طول اليوم (فطار – غدا – عشا – سناك)، وهي تشوف يومي ماشي إزاي وتظبطلي اليوم اللي بعده على حسب ظروفي.
وأهم حاجة بالنسبالي؟ إني حتى لما كنت بلخبط أو “بعك” 😅 مكنتش تسيبني أو تحسسني بالفشل، بالعكس كانت تشجعني جدًا وتخليني أرجع أكمل من غير تأنيب.
كمان كانت بتبعتلي تمارين بسيطة أعملها من البيت حتى لو ربع ساعة بس، وكل ده من غير أدوية، ومن غير حبوب حرق، ومن غير حرمان. وأنا أصلًا كنت كل شوية أقولها: “طب مفيش حاجة تساعد؟” لكنها كانت مؤمنة إننا نمشي صح الأول.
والحمد لله ❤️
بدأت وأنا 92 كيلو، ودلوقتي بقيت 84 كيلو في حوالي شهرين ونص، ونزول بشكل صحي ومن غير ما أحس إني محرومة، بالعكس كنت باكل حاجات بحبها.
بجد شكرًا من قلبي يا دكتورة سحر على صبرك ودعمك وتشجيعك 🌷
ولو حد زيي جرب كتير وفقد الشغف أو مش بيكمل… بجد ادّوا نفسكم فرصة، والمتابعة الصح بتفرق جدًا ❤️هعملها منشن ف اول كومنت🥹❤️
