Doaa Eid

15/10/2025

اتفق بشده 👌👌

مؤخراً أكتشفت مهارة جديدة اسمها الصمت (عدم الرد)، وهنا انا مش بتكلم عن صمت الخوف او الضعف او لأني مش عارف أرد،
لكن بتكلم عن "فن" الصمت ،، واللي بعتبرها لا تَقِل أهمية عن فن التواصل.
و لأن الشيء الدارج في مجتمعنا اني أكون بعرف أرد وأكسب النقاش، الا ان السكوت غالباً بيكون في بعض الأوقات أقوى وأنسب رد فعل،
لانك احياناً حتى لو كنت بتتكلم في الصح ف مش دايماً هتكون بتكلم بني آدم عقله قادر يدرك ان ده الصح او ان يكون عنده شجاعة تصحيح المفاهيم و التخلي عن معتقداته الغلط والإعتراف بده.
فحفاظاً علي هدر الطاقة في مواقف بتتطلب الحكمة أكتر من الذكاء.

14/04/2025

👈 سنين الغلاسة عند المراهقين...
هي المرحلة اللي بيبدأ فيها المراهق يتصرف بطريقة مستفزة أحيانًا، بيكون عنده اعتراض على كل حاجة، وبيبقى حاسس إنه فاهم كل حاجة أكتر من أهله. المرحلة دي طبيعية جدًا وبتحصل بسبب التغيرات الهرمونية والنفسية اللي بيمر بيها، وكمان بسبب رغبته في الاستقلال وإثبات نفسه.

أعراض الغلاسة عند المراهقين:

1. الردود المستفزة والمبالغة في النقد: ممكن تلاقيه بيرد بطريقة جافة أو ساخرة على أي كلام، حتى لو كان بسيط.

2. العناد والتمرد: بيعترض على القواعد بشكل متكرر، ويحاول يفرض رأيه حتى لو كان غلط.

3. التقليل من آراء الأهل: بيحس إنه فاهم الدنيا أكتر من أهله، وإنهم قدامُه "مش فاهمين حاجة".

4. التذمر المستمر: سواء عن الدراسة، البيت، أو أي مسؤوليات، دايمًا حاسس إنه مضغوط وإنه الوحيد اللي بيعاني.

5. التصرف وكأنه لا يهتم بأي شيء: حتى لو كان الموضوع مهم، ممكن يظهر لامبالاة عشان يبين إنه مستقل.

6. الرغبة في العزلة أحيانًا: بيقضي وقت طويل في أوضته، مع السماعات في ودنه، أو على الموبايل.

7. تقليد الأصدقاء أكتر من الأهل: ممكن تلاقيه بيتبنى أفكار أصحابه أكتر من كلامك، حتى لو كانت غلط.

إزاي أتعامل معاه؟

1. ما تخدش الأمور بشكل شخصي: الغلاسة دي مش ضدك، لكنها جزء من تطوره النفسي، فحاول تتعامل بهدوء ومتضايقش.

2. سيب له مساحة شخصية: المراهق محتاج يحس إنه مستقل، فمتضغطش عليه إنه يتكلم أو يقعد مع العيلة غصب عنه.

3. اتكلم معاه بدون أوامر: بدل ما تقوله "لازم تعمل كذا"، جرب تخليه يحس إنه بياخد القرار بنفسه.

4. تجنب أسلوب السخرية أو التوبيخ: لو اتريق عليه أو انتقدته كتير، هيزيد في العناد وهيبعد أكتر.

5. خد رأيه بجدية: لما يعبر عن رأيه حتى لو كان غريب، ناقشه باحترام عشان يحس إن صوته مهم.

6. حافظ على هدوئك: لو رفع صوته، حاول تفضل هادي، لأن الغضب هيخليه يتمسك برأيه أكتر.

7. حدد حدود واضحة لكن بدون ديكتاتورية: لازم يبقى فيه قواعد في البيت، بس تتناقش معاه فيها مش تفرضها عليه.

8. اهتم بعلاقته مع أصدقائه: لو صحابه كويسين، هيكونوا مؤثرين عليه بطريقة إيجابية، فحاول تبقى عارف هو بيقضي وقته مع مين.

باختصار، المراهق مش بيكون غلس عن قصد، لكنه بيمر بمرحلة معقدة بيحاول يكتشف فيها نفسه. كل ما تعاملت معاه بصبر وتفهم، كل ما المرحلة دي عدت بسلاسة بدون مشاكل كبيرة.....

13/04/2025

👌👌

13/04/2025

معاني هامة في التربية

11/10/2024

على سبيل الإلهام ..

أول مرة اتعرفت على جارتي .. دخلت بيتها .. قعدنا على الكنبة .. حسيت ان في حاجة غريبة .. فضلت أبص حواليَّ ….بعد كام دقيقة …

ايه ده !!! ما فيش تلفزيون !!!! 😂

جارتي دي.. من أكتر الناس اللي غيرت لي حياتي .. ولادها ما يعرفوش يعني ايه ديزني 😄 وهي ناااادراً ما بتقعد على تليفونها !

حياتهم بجد ممتعة جداً جداً !!!
مبدئياً ولادها عندهم مهارات حركية ومرونة ما شفتهاش في حياتي ! بيمشوا ع الحيطة 😄
بيرسموا و بيقروا و بيلعبوا في الشارع !

بتطلع انشطة عجيبة من تحت الأرض ..

- "ألو .. لقيت متاهة الذرة 🤣🤣.. تيجي معايا؟"
- " ألو .. لقيت مكان في حشرات عمري ما شفتها .. تيجي معايا ؟ "

جابت لي هدية .. رسمة عاملاها بإديها .. هندسة اسلامية بألوان مائية .. بدل ما تطلب لي حاجة من على أمازون .. أحلى هدية جاتلي !

علمتني ان في حاجات كتير في الحياة ممكن تبقى مسلية .. بس لو نجرب ..

وبدأت أعمل كده مع ولادي .. قررت ما استسلمش من أول "لأ" … بعد ما نطفي الأجهزة .. ونزهق.. و نزهق .. "بنضطر" نلاقي حاجة !!!

هي فرصة واحدة اللي عندنا في حياتنا مع ولادنا .. بلاش نوصل في يوم نبص ورانا .. نلاقي ان معندناش أي حاجة عملناها مع بعض نفتكرها !

(النهارده روحت فطرت معاها 👇🏻👇🏻 .. و عملت انا كمان رسمة 😍😍😍… بعد شوية الولاد .. كل واحد جاب ورقة و رسموا معانا )

دوروا على الناس اللي بتفكر زيكم .. و اعملوا اللي بتحبوه مع بعض ..

10/10/2024

هل خطر ببالك يوما ماذا يرى الأعمى؟
ستقول ببساطة الموضوع سهل سأغمّض عيني!

للأسف كلامك خطأ..
عندما تغمض عينيك أو تكون بغرفة حالكة الظلام ستظل في مقدار ثابت من الاستثارة العصبية لمستقبلاتك الضوئية، وعصبك البصري سيستمر بإرسال تدفقاته العصبية للمخ .. وهذا يجعلك ترى اللون الأسود.

في الحقيقة الأعمى لا يرى شيء !
هو فاقد عصبه البصري أصلاً..
يعني حتى اللون الأسود لا يراه ..
كأن أطلب منك أن ترى من خلال خدّك أو إبهامك؟؟
هل سترى لون أسود؟
لا لن ترى شيء أصلاً..
نفس الفكرة الأعمى لا يرى شيء..
"أعرف إن مجرد تخيل الأمر صعب "!

سؤال آخر..
لا أعرف إذا كان قد خطر ببالك..
الإنسان الذي يوُلد أصم .. بأي لغة يفكر داخل عقله؟
لما سألوا الصُمّ كان الجواب: نفكر بأصواتنا الداخلية.
"بصراحة الجواب غير واضح" !
لأن أصواتنا الداخلية تكون انعكاسا للغتنا الأم..
فكيف يكون لهم أصوات داخلية غير خاضعة لأية لغة؟!
" مجرد تخيل هذا الأمر كذلك صعب "

أدركت مع الوقت لماذا يذكّرنا القرآن بنعم عادية بالنسبة لنا..
يذكرنا بالنعم الرئيسية وبالحد الأدنى منها..
ونحن نمر على آياتها مرور الكرام دون أن نتمهل لنتفكر كيف لو كانت حياتنا بدونها..؟

(قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ) !
مثلاً:
سورة النحل لم تحكِ عن نعمة البيوت الفاخرة ولكنها حكت عن نعمة وجود معنى البيوت أصلًا، وقدرتها على منح الشعور بالطمأنينة والسكينة!
"وَاللَّهُ جَعَلَ لَكُم مِّن بُيُوتِكُمْ سَكَنًا".

أو مثلا سورة الرحمن لم تحكِ عن نعمة العلوم المعقدة والشهادات الثمينة ولكن حكت عن أمر أبسط من ذلك بكثير، مجرد القدرة على التبيين والإيضاح وشرح مكنونات النفس للآخرين..
"خَلَقَ الْإِنسَانَ، عَلَّمَهُ الْبَيَانَ".

أو مثلا سورة النجم التي لم تسرد مستويات معقدة من السعادة ولكنها أشارت إلى الطيف الواسع المتباين لمشاعرك البشرية البسيطة
"وَأَنَّهُ هُوَ أَضْحَكَ وَأَبْكَىٰ"،

ولم تتكلم عن نعمة الأموال المكدسة والمقتنيات الفارهة ولكنها لفتت الانتباه إلى وجود معنى (الاقتناء) والتملك ذاته!
"وَأَنَّهُ هُوَ أَغْنَىٰ وَأَقْنَىٰ".

لا يوجد شيء يستدعي العجب عندما تنتهي سورة النجم بسؤال توبيخي من طراز خاص:

"فَبِأَيِّ آَلَاءِ رَبِّكَ تَتَمَارى"؟!

منقول

10/10/2024

يتعافى المرء ( بالاحتساب ) ..
وهو يقينك انك في الدنيا لم تصل إلى الجزاء الذي استحققته يوماً..
وأن جزائك، محفور محفوظ في كتاب..
مع رب " لا يضل ولا ينسى "..
وهو مدّخر لحياة أخرى ..
ليوم قال الله عنه : " ونراه قريبا "
احتساب جزائك هو سلوان آلامك، وشفاء حسرتك ..
فلا حزن على إحسان قدّمته ولم تجد أثره، أو بذل قابله الجحود ،
او ظلم عجزت عن دفعه، او آمال لم يأذن بها القدَر .

#وأعجبني ❤️