https://www.facebook.com/107440408459551/

Dr. Mohamed Ellibany دكتور محمد الليباني, Gamal abd elnaser Street, Alexandria (2025)

10/08/2022

مين اللي أقنعك إن الحلويات في الدايت من المحظورات!! 🤔

مش معني إنك بدأتي دايت إنك خلاص هتمشي على عجين في الأكل متلغبطهوش، بالعكس ده الدايت اللي يحرمك من الأكل فهو مش مناسب ليكي؛ لأن هييجي وقت ومتقدريش تقاومي الأكل اللي اتحرمتي منه وبالتالي رجيمك معرض للانهيار في أي وقت.

كلمة السر في الدايت هي التوازن مش المنع والحرمان، وبناء على الكلام ده فعادي جدًا تاكلي أنواع مختلفة من الحلويات مع الدايت.. ولكن في كم ملحوظة لازم تاخدي بالك منها:

↩ خلي كمية السعرات الحرارية اللي هتاخديها من الحلويات ضمن السعرات الحرارية الكلية المسموحة خلال اليوم، وحاولي تخليها مرة واحدة في الأسبوع.
↩ حاولي تتناولي الحلويات اللي انتي بتصنعيها في بيتك؛ علشان تقدري تتحكمي في كمية السكّر والزبدة.
↩ خلي الحلويات بعد تناولك وجبة أساسية زي الفطار والغدا، ده هيمنع إن السكر يعلى في الجسم مرة واحدة، بالإضافة إنه هيساعدك تتناول كميات قليلة منها.

وأهم نصيحة إنك متاخديش بكلام اللي حواليكي وتمنعى أي أكل نفسك فيه، لازم تتابعي مع أخصائي تغذية علاجية علشان يفصلك نظام غذائي متكامل ويناسبك. ♥️

08/08/2022

الدايت حلاوته في بساطته. ✅

كل ما كان الدايت سهل والمسموح اللي فيه أكتر من الممنوع، فده بينعكس على النتيجة بشكل إيجابي؛ لأنك بتخس وفي نفس الوقت نفسيتك بتتحسن ومبتحسش إنك محروم من حاجة نفسك فيها، وده بيخليك تتعود على النظام الغذائي الصحي وبيكون أسلوب حياة بالنسبالك.👌

ده بالظبط اللي بيتم في مع د. محمد الليباني اللي بيبدأ بأننا نسمعك ونعرف احتياجك الغذائي، وبعد عمل التحاليل اللازمة بنقدر نحطك على طريق النظام الغذائي الصحي اللي يساعدك تتخلص من الوزن الزائد، من غير ما تشتكي من أي صعوبة أو حرمان فيه.

لو عاوز تعرف تفاصيل أكتر عن كيفية الاشتراك والمتابعة ابعتلنا، وفريقنا الطبي هيتواصل معاك بمكالمة مجانية هتعرف فيها كل تفاصيل النظام. ♥️

06/08/2022

الحقيقة إن مفيش مشروب هيقدر يسيح الدهون ويخسسك، مفيش حاجة ممكن تعمل كده غير النظام الغذائي الصحي، وممارسة الرياضة حتى لو هتمشي نص ساعة يوميًا، لكن في بعض المشروبات اللي ممكن تفرق في رفع معدل حرقك، من ضمنها: 👇

↩ الشاي الأخضر والأسود: لاحتوائهم على الكافيين ومضادات الأكسدة واللي بيكون ليهم دور في زيادة النشاط البدني وبالتالي حرق بعض السعرات الحرارية.
↩ القهوة: بتقلل من امتصاص النشويات، وبتقلل من الإحساس بالجوع، ومع الانتظام عليها بتزود من معدل حرق السعرات الحرارية.
↩ الزنجبيل: بيعزز الشعور بالشبع وبيقلل الشهية وبيساعد على عملية التمثيل الغذائي.
↩ خل اللتفاح: لأنه بيحتوي على حمض الأسيتيك، وهو مركب بيقلل من مستويات الأنسولين، وتحسين التمثيل الغذائي وتقليل الشهية.

ولكن لازم نتناول المشروبات دي بكمية معقولة من غير إفراط أو إضافة السكر ليها، وأفضل مشروب بين كل دول هو المياه اللي بتساعد على تخليص الجسم من السموم، وبتحسن من عملية الهضم، وبتزود قدرة الجسم على حرق السعرات الزايدة. 💯

04/08/2022

" ليه مبخسش بشكل ملحوظ رغم إني ماشية على الدايت بحذافيره! "😥

لو الدايت بتاعك مناسب ليكي ومش بيحرمك من حاجة ومع ذلك وزنك بينزل بصعوبة، فلازم تبقى عارفة إن في عوامل بتأثر في حرق الدهون وخسارة الوزن غير السعرات اللي بتكتسبيها من الأكل نفسه.

أهم العوامل دي:
⬅ قصور الغدة الدرقية: لو معدل إفراز هرمونات الغدة الدرقية بطئ فده هيضعف باقي نشاط الجسم والعمليات اللي بيقوم بيها وأهمها عملية التمثيل الغذائي.
⬅ الجينات: الاستعداد الوراثي من العوامل اللي ليها دور في الحد من قدرة الجسم على حرق الدهون، وللأسف مفيش علاج في الحالة دي، إلا إن ممارسة الرياضة بشكل مستمر بيكون فعال مع غالبية الحالات.
⬅ التقدم في العمر: لأن العضلات بتضعف مع مرور الوقت وده بيزود تراكم الدهون في الجسم وبيقلل من معدل الحرق.
⬅ قلة النوم: يساعد النوم لساعات كافية على استقرار معدل حرق الدهون بشكل إيجابي، وقلة النوم ممكن يزود فرص الإصابة بالسمنة والسكري.
⬅ التغيرات الهرمونية: وخصوصًا عند السيدات، وأشهر أوقات بيحصل فيها تغيرات هرمونية فترة البلوغ، والحمل، وانقطاع الطمث.

علشان كده لو بتشتكي من ضعف الحرق عندك لازم تستشيري أخصائي تغذية علاجية علشان تقدري تمشي على دايت صحي ويخلصك من الأسباب اللي موقفة حرقك. ♥️

02/08/2022

الصيف يعني أفراح وخطوبات يعني محتاجين نظبط المقاسات. 😉

وعلشان تكوني متألقة ومستعدة دايمًا بجسم رشيق، بنقدملك أفضل خطة هتساعدك تتخلصي من الدهون المتراكمة والوزن الزايد من خلال الدايت الأونلاين مع د. محمد الليباني، اللي هيحددلك نظام غذائي مناسب لحالتك الصحية وعاداتك الغذائية، وده هيساعدك تخسي بصحة وأمان وبدون أي حرمان. 👌

اشتركي معانا دلوقتي ومتشيليش هم مقاس الـ Dress تاني. ♥️

31/07/2022

مع الدايت الأونلاين هتصيف من غير ما تقريف.😉

لأنك مش هتضطر تستنى مشوار العيادة كل أسبوع، فمن خلال فريقنا الطبي وتحت إشراف د. محمد الليباني هنتابع معاك يوميًا من خلال جروبات الواتساب، وهنحددلك نظام غذائي أسبوعي مناسب لاحتياجاتك الغذائية، وهنقدملك كل النصايح اللي هتساعدك تخس بأمان وهتلاحظ فرق كبير في أسابيع قليلة.

اشترك معانا دلوقتي في الدايت الأونلاين ومتشيلش هم الدايت وإنت في المصيف. ♥️

21/07/2022

دهون البطن ملهاش أمان.🥺

لأنها مش بس بتأثر على مظهرك وتناسق جسمك وبتظهر في أي لبس بتلبسه، ده كمان دهون البطن تعتبر من أخطر أنواع الدهون؛ لأنها عبارة عن دهون نشطة بتفرز مواد كيميائية باستمرار فبتأثر على عمل الهرمونات بالجسم، وكمان على أعضاء حيوية زي الكبد والكلى.

في شوية نصايح وخطوات لو قدرت تلتزم بيهم هتقدر تتخلص من الدهون دي وتقلل من مخاطرها زي إنك:
✅تقلل من كمية السعرات الحرارية اللي داخلة جسمك عن طريق الإكثار من تناول البروتينات والألياف وتتجنب السكريات أو الإقلال منها قدر الإمكان، وكمان قلل من كميات الأطعمة اللي بتحتوي على نشويات.
✅تمارس التمارين الرياضية الحركية زي نط الحبل والجري والمشي يوميًا لمدة نص ساعة.
✅تشرب كمية كافية من المياه على مدار اليوم من لترين لـ 3 يوميًا.
✅متعتمدش على الأطعمة المقلية والسريعة بشكل كبير وعلشان منحرمش نفسنا منها بشكل تام ممكن تتناولها مرة في الأسبوع.
✅توقف قلق وتوتر واكتئاب طول الوقت، لأن ده من أبرز الأسباب اللي بتسبب إفراز هرمون الكورتيزول اللي بيزود الشعور بالجوع.
✅تنام ما لا يقل عن 6 ساعات يوميًا فقلة النوم من العوامل اللي بتساعد على تراكم الدهون بالجسم.

الخطوات دي مع اتباعك لنظام غذائي صحي ومفيد لجسمك كفيل يقضي على دهون البطن ويظبط شكل جسمك تمامًا. ♥️

18/07/2022

في أسباب كتير بتزود الوزن بشكل سريع وملهاش علاقة بالأكل.❗

مش شرط علشان مبتاكلش كتير يبقى متتخنش، لأن مش كمية الأكل اللي هتحدد وزنك المثالي بالعكس تقدر تاكل كميات كبيرة ومتنوعة من الأكل بس في إطار العناصر الغذائية الأساسية لجسمك، وهنا بنرجع لجودة ونوعية الأكل مش كميته، لكن في البوست ده هدفنا نوضح وجود عوامل تانية بتساعد على زيادة الوزن لو إنت ملتزم بنظام غذائي صحي وبرضه وزنك ثابت أو زايد فغالبًا هيكون بسبب عامل أو أكتر من اللي تحت دول ⬇.
◾ الإصابة بقصور في الغدة الدرقية.
◾ وجود تكيسات على المبايض لدى السيدات.
◾ الشعور بالتوتر والدخول في مود الاكتئاب لفترات طويلة.
◾ تناول بعض الأدوية اللي بتحبس المياه داخل الجسم زي أدوية الضغط والاكتئاب.
◾ عدم أخذ عدد ساعات كافية من النوم في المساء.
◾ احتباس المياه بسبب الجفاف أو الملح الزائد.
◾ سوء التغذية نتيجة نقص العناصر الغذائية في الجسم.
◾ الجلوس لفترات طويلة وقلة الحركة.

لو عندك واحدة من الأسباب دي فالحل الأمثل ليك هي استشارة ومتابعة أخصائي تغذية علاجية علشان يقدر يحدد الخلل اللي سببلك ارتفاع في الوزن وتبدأ الدايت اللي يناسبك ويخلصك منه بكل أمان. ♥️

15/07/2022

" كل براحتك ميهمكش وبلع بعد الأكل بكوباية شاي هتسيحلك كل الدهون اللي اكتسبتها. "🥳

طبعًا الجملة دي ملهاش أي أساس من الصحة، مفيش حاجة ممكن تخسسك وتخلصك من الدهون غير نظام غذائي متوزان ومتكامل العناصر الغذائية، بالإضافة لو في أي مشكلة بتساعد على زيادة الوزن نعالجها، لكن مش الشاي الأخضر اللي هيحققلك أمنية الجسم المثالي من غير ما تاخد خطوة فعلية لإنقاص الوزن.

◀ الشاي الأخضر ليه فوائد كتيرة منقدرش ننكرها باعتباره مشروب طبيعي عشبي بيحتوي على مضادات للأكسدة وبيسرع من عملية التمثيل الغذائي، وممكن يساعد في خفض الكوليسترول الضار في الدم وليه دور كويس في الحماية من الإصابة بالسكري من النوع التاني.

لكن بشكل عام الشاي الأخضر ملهوش دور فعال وأساسي في تخليص الجسم من الدهون وتقليل الوزن، والاعتماد عليه بس مش هيمنحك أي نتيجة بالعكس في دراسات أثبتت إن الإفراط في شرب الشاي الأخضر ممكن يكون ليه آثار جانبية؛ لأنه بيحتوي على نسبة من الكافيين اللي معروف إنها بتزود القلق والتوتر وبتسبب الإصابة بالأرق وقلة النوم، بالإضافة كمان إن الشاي الأخضر بيحتوي على مركب الكاتيشين وده ممكن يسبب الأنيميا لأنه بيمنع امتصاص الحديد على المدى الطويل.

الخلاصة إن الشاي الأخضر مشروب كويس ويفضل إنك تشربه من غير سكر علشان تستفيد من خصائصه لكن اشربه باعتدال ومتفكرش إنك هتخس عليه. ♥️

Dr. Mohamed Ellibany دكتور محمد الليباني

10/08/2022

08/08/2022

06/08/2022

04/08/2022

02/08/2022

31/07/2022

21/07/2022

18/07/2022

15/07/2022

Address

Website

Alerts

Shortcuts

Share

Category