09/06/2021
انهارده هنتكلم عن موضوع مهم جدا ويهم معظمنا وهو الانزلاق الغضروفي وآلام اسفل الضهر
,,,,,الام اسفل الضهر حاجه بنعاني منها كلنا وطبعا بدرجات متفاوته وبتاثر علي يومنا وحياتنا بشكل عام .
طيب ايه هو الانزلاق الغضروفي ؟
ده بيبقي عباره عن نتوء كده او تمزق في القرص الغضروفي بين الفقرات ويعتبر اكتر مكان عرضه لكده هو المكان بين الفقرتين القطنيتين الرابعه والخامسه .
طيب ايه اعراضه او اللي بنحس بيه لو في انزلاق غضروفي؟
⁃ بتحس بالم بمجرد ما بتمشي لمسافات قصيره .
⁃ الالم بيزيد عند الجلوس او الوقوف .
⁃ الالم بيمتد لحد الحوض والفخد والساق .
⁃ تنميل في الجزء المتصل بالعصب المصاب.
وطبعا في حالات كتير بيجيلها من غير اعراض واضحه وظاهره كده ومش بيعرف غير لما بيعمل اشعه علي العمود الفقري .
طيب كده عرفنا هو ايه الانزلاق الغضروفي ده وعرفنا اعراضه .....
ايه بقي اسبابه ؟
⁃ الام الانزلاق الغضروفي ده بتظهر لما القرص الغضروفي بيتحرك من مكانه الطبيعي وده بيحصل بسبب حاجات كتير زي مثلا اننا نشيل حاجات من علي الارض بشكل غلط .
⁃ في عوامل كتير بتسبب الموضوع ده منها اللي بيؤثر علي كميه السائل الموجوده في الديسك الغضروفي وده بيخليه اقل مرونه وده اللي بيخليه عرضه الانزلاق بشكل اكبر.
⁃ العمر : الانزلاق الغضروفي ممكن يحصل في اي عمر بس بيبقي بين الفئه العمريه 20 - 50 بشكل اكبر .
⁃ السمنه : زياده الوزن بتضغط علي الضهر بشكل عام .
⁃ ممارسات حياتيه غلط : زي اننا نشيل حاجات تقيله بشكل غلط والجلوس والنوم وحاجات كتير بنعملها في يومنا.
نيجي بقي للمهم دور العلاج الطبيعي في الموضوع ده
بعد تقييم الحاله بيبدا دكتور العلاج الطبيعي يحط خطه علاجيه مناسبه لكل حاله وطبعا العلاج بيعتمد علي تقنيات حديثه ومختلفه بيطبقها دكتور العلاج الطبيعي بالاضافه لتقويه العضلات والاربطة الموجوده في الضهر وكل ده طبعا بجانب التعليمات والارشادات اللي بيتعلمها المريض علشان يقدر يمارس انشطته وحياته اليوميه بشكل صحي وسليم.
مستنينكم تنورونا او تتواصلو معانا عبر رسايل الصفحه او اتصلو بينا لاي استفسارات او للحجز .
01553600449 📞
العنوان : 12 شارع النصر , المنشيه , الاسكندريه .
