عبدالله إيهاب - أخصائي التخاطب والفئات الخاصة

30/07/2025

هو ايه اختبار الذكاء IQ Test ، وبيقيس ايه وهستفاد منه في ايه ؟؟🤔 ⁉️

🔹️ اختبار الذكاء من اهم الأختبارات اللي لازم تتطبق لأي شخص حتى لو كبير مش بس الأطفال ...

🔹️و بُيستخدم لتشخيص القصور النمائي أو العقلي بالأخص لدى الأطفال الصغار..

🔹️بيقيس الاختبار 5 🤚 مؤشرات وبيتكون من اختبارات فرعية لفظية وغير لفظية.

🔸️العوامل الخمسة اللي بيتم اختبارها هي :

1️⃣ المعرفة ( المعلومات العامة المُكتسبة ).

2️⃣ الاستدلال الكمي (التعامل مع الأرقام وحل المشكلات العددية).

3️⃣ المعالجة البصرية المكانية (القدرة على رؤية الشكل الكُلي بين اجزاء منوعة من المعلومات المعروضة).

4️⃣ الذاكرة العاملة (التخزين للمعلومات في الذاكرة).

5️⃣ الاستدلال السائل (القدرة على حل المشكلات المختلفة بالتفكير).

🔹️وبنعرف منه جوانب الضعف والقوة عند الشخص وبالتالي نقدر نوجه الشخص بنسبة كبيرة سواء اكاديمياً او لمجموعة من الأنشطة المناسبة مع قدراته ونعلى بقدراته لأقصى حد .

⏩️ وسريعاً كده :

▪️ اختبار الذكاء مر بمراحل تطور كبيرة جدا بداية من نشأة الأختبار في فرنسا وصدور اول نسخة ليه عام 1916 وصولاً لعام 2003 اصدار الصورة الخامسة منه .

▪️ واصدار النسخة العربية عام 2011 بعد اعداده ليتناسب مع المجتمع العربي بفريق بحثي ضم اكتر من 110 شخص من المراجعين والمصممين .

▪️وعمل الاخصائيين على اكتر من 200 موقع بحثي من مدارس ومستشفيات ومراكز الخدمة الأجتماعية ودور الرعاية الخاصة الموزعة في محافظات مصر المختلفة .

26/07/2025

اختبار الذكاء ستانفورد بينيه الصورة الخامسة المعدلة نسخة المؤسسة العربية

09/07/2025

خطر دلع تيتة وجدو..

اولاً خلينا متفقين ان اغلبنا بيفتكر الذكريات وهو صغير عن بيت تيتة وبيكون في قمة السعادة ولكن.

خلي بالك لو كل النظام (حرفيا كله) اللي انت حطه لاولادك بيروح اول ما يروحو عن تيتة وجدو

مفيش مانع من كسر بعض القواعد في بيت تيتة اللي انت عارف انها مش هتأثر اوي على سلوكهم ومش هيدوم معاهم

لكن في اساسيات مينفعش يخترقوها واحاول اكلم تيتة وجدو عليها قدر الامكان وافهم ولادي ان الحجات دي خط احمر

مثلا انت معودهم مياكلوش حاجة حلوة من بره فجدو جاب لابنك 5او6 حجات حلوة هنا لازم تقف ؛ لان كده كتير

ممكن مثلا يختارو او ياخدو حاجة واحدة من نفسهم او 2 بالكتير ويطلعو الباقي (بعيدا عن جدو) لاطفال في الشارع

فانت بكده رفهت عنهم وعلمتهم العطاء وحسوا بيه من وهما صغيرين ، فخلي بالك.

08/07/2025

https://youtu.be/D6rzqFTlnM8
الفيديو الجديد بيتكلم عن خطورة لعبة روبلوكس ROBLOX

دلوقتي في الفيديو ده هنتكلم عن لعبة رولبوكس Roblox من كل الجوانب اللي شفناها، ونغطّي مع بعض:ليه الأطفال بيحبّوها؟حرية الإبداع وبناء العوالم بنفسهمتنوع الألعا...

07/07/2025

اهتم بأبنك الكبير اكتر وهتدعيلي 🤔❗️
بمعنى...

لو عندك طفل جديد لسه جي الدنيا اولا ربنا يباركلك فيه ولكن.

هتلاقي اخوه الكبير اتضايق اوي عشان الأهتمام اللي كان بياخده منك ومن ماما كان 100% وبقا فجأة 50%

هتعمل حاجة بسيطة عشان تقلل من موضوع الغيره ده قدر الامكان هو انك هتهتم اوي اوي بابنك الكبير واخوه مش موجود نايم مثلا

والاهتمام يكون مثلا فوق ال150%
ولو هما الاتنين مع بعض فحاول وزع الحب والاهتمام بالتساوي مع ميلك شوية للكبير

الصغير مش مستوعب اوي الحجات الصغيرة اللي ممكن تفضل بيها اخوه الكبير عنه

انا مش قصدي انك تهمل الصغير لاخالص
اما يكون الكبير مش موجود دلع يا سيدي الصغير زي ما تحب

كل ده عشان تعمل توازن بين ابنائك وتقلل من الغيره على قد ما تقدر ويحبه بعض

03/07/2025

تعويد الطفل على تنظيم ادواته و الاعتذار والتنفيس عن غضبه ومشاعره بيجي من وهو صغير اوي عن طريق:

- وضع قواعد في البيت
- تعويده على سمعان الكلام من وهو صغير
- اي حاجة بيعرف يعملها وهو صغير يبقه يعتمد على نفسه ويعملها

- واللي مش عارف يعمله ادربه ثم يعتمد على نفسه
- ادربه على ان فيه مشاعر مختلفة والطريقة المثلى للتعبير عنها
- تعويده على الاعتذار اما يغلط

- مجبلوش كل حاجة نفسه فيها اعوده فيه حاجة اسمها شغل(حتى لو كان لم العابه في البوكس) وبعد كده اكافئه وعلى حسب سنه طبعا.

02/07/2025

اخيرا قلنا سمكة 😂 ❤️❤️

01/07/2025

امتى ابني يبدأ جلسات تخاطب 🤔⁉️

الأجابة .. اول ما تعرفي انه متأخر
طب اعرف ازاي ؟

اما يكون مش زي اقرانه اللي في سنه.

لو هنتكلم عن جزئية خروج الأصوات تحديداً وده اللي هنتكلم عنه في بوست النهاردة عملتلك صورة بتوضح امتى كل صوت مفروض يخرج عند طفلك.

ممكن يتأخر سنة او يخرج الصوت بدري سنة عن الجدول حسب الفروق الفردية بين كل طفل وده طبيعي.

لكن لو اكتر من كده ممكن يكون فيه مشكلة

شارك البوست وفيد غيرك

وقولي لو ابنك حسيت انه متاخر ايه اول تصرف بتتصرفه ؟

30/06/2025

توقع الأسوأ بس خليك متفائل ؟!! 🤔
ايوا اللي هو ازاي ده ⁉️

هقولك...

انت صحيت الصبح عندك مقابلة شغل كنت بتحلم بيها من زمان ، ذاكرت جهزت حضرتك للمقابلة كويس جدا، وبعدين...

توقع انك مش هتتقبل(كده انت توقعت الأسوأ) ، وده اسوأ شيء ممكن يحصل في الموقف ده وقللت توترك اصلا وانت داخل.

لكن في نفس الوقت هيكون عندك ايمان من ناحيتين:

- انك لو اتقبلت فده بفضل الله ثم توفيقه ليا في التحضير للمقابلة (ودي احسن حاجة طالما جت من الله وعملت اللي عليك).

- او انك لو اترفضت ان ده (برده احسن حاجة وافضل شيء من الله ليك).

وشوف الدورس اللي استفدتها ايه وابني عليها ومتقعش فيها تاني.

فانت بكده توقعت الاسوأ وتفائلت بأي نتيجة وان كله خير.

30/06/2025

ماتحبش نفسك...

ايوا زي ما سمعت ماتحبهاش خالص لو عايز:

- جلد الذات.
- عدم السلام النفسي والراحة.
- التوتر والقلق.
- زعزعة ثقتك بنفسك.
- ارق ودونية.

فيه فرق بين التقبل والقبول بمعنى...

- التقبل لذاتك وشكلك وظروفك كما هي
- ولكن لا اقبل افضل كده طالما في ايدي اقدر اتصرف.

مثلا عايز شغلانة افضل ، فتقبل الشغلانة بتاعتك حاليا (حتى لو مبتحبهاش) وراعي الله في شغلك.

ولكن لا اقبل اني افضل كده وهسعى في تطوير مهاراتي للسعي لفرصة افضل.

29/06/2025

بداية جديدة ...

تكون صغيراً تتعلم تكبر تمر بمواقف تجعلك في اشد لحظات الغضب ، ولكنك لا تعلم ما هذا الشعور ، اه انه الغضب...

تتعلم كلمات جديدة تكررها دون فهم ووعي منك تظن ان الكبار يهمهمون او يتفوهون بشيء ابعد ما يكون عن الحقيقة.

في والواقع انت تتعلم ..

اذكر ذات مرة كنت صغيراً فسمعت شخصاً (لم يكن اكبر مني حينها) ولكنه قال : الف ونص؟؟

ايعد المال ؟؟ احتمال .. انا اعلم جيدا ما الالف نعم انها بعد ال تسعمئة وتسعة وتسعون اليس كذلك ؟؟

واعلم جيدا ان ال(نص) الذي يقصده هو (نصف جنيه) طبعا !!!

لا لم اكن اعلم شيئاً على الأطلاق .. ولكن بعدما تعلمت كنت ابتسم كما تبتسم انت الآن ؛ لأنه اصبح شيئاً بديهياً.

ما أحاول قوله هنا هو : ستظل تتعلم أشياء كثيرة ممكن بالشكل السهل (من صديق او كتاب) او بالشكل الصعب (بمواقف الحياة) وبالأخيرة بالذات هي التي تجعلك تنمو حقاً.

تنمو بالشكل الذي تصبح عليه الآن ، قوي ناضج ، اقرب الى الله ، هادئ متزن ، تنظر للمواقف السابقة وتحمد الله عليها وتمتن لها.

لماذا ؟ لأنها صنعتك انت ، ولكن احذر...

احذر من ظلم العباد والخراب والفساد واخد الحقوق وغيرها بدون ضوابط.

لكن ما هي الضوابط ؟ دينك ، مبادئك ، أخلاقك ، ورقيك لا تسمح لأحد بسلب أساسياتك مهما كان تصرفه.

سلامك النفسي ثم سلامك النفسي ثم سلامك النفسي.

فالتصرف والبداية الخاطئة ان أتت فمنه ولا تنتهي منك ابدا ، ارتقي وسامح وستندهش حق الدهشة بنموك ونضجك.

29/06/2025

https://youtu.be/yMsvK_9WuCk

الفيديو الجديد .. خرافات في علم النفس على يوتيوب

هنتكلم عن 10 خرافات ناس كتير كانت تعتقد فيهم