27/12/2024
👈للأسف أغلب الناس بيميلوا للي بيجملهم الدنيا وميكونش واضح من الأول.. وده اللي خلي نصابين كتير لابسين بالطو أبيض (أو من غير بالطوا حتى) وماليين السوشيال ميديا وماسكين منتجات (ملهاش أي تلاتين لازمة طبية) ومستغلين نقطة ضعف أو احتياج أو ألم عند حضرتك وبيخشلك منها ..
👈يعني أنا لما بتسأل عن رأيي في مكمل غذائي معين في الغالب بيكون ردي إنه مكمل غذائي مش اكتر ..يعني متستناش منه يحللك مشاكلك الصحية (المكمل الغذائي نفسه لا يقي ولا يعالج أي مرض)..بس للأسف مبتسمعش وبيتراح لغيري اللي لازم يطبلهم عن المنتج ده ويهئيلهم إنه اكسير السعادة الأبدية لأي مرض أو تعب.
👈بلاش تنساقوا ورا الأدوية والمكملات الللي مالية السوشيال ميديا وتصدقوها أيا كان مين طالع بيشكر فيها وبيقولكم اشتروها لأن كلها ما هي إلا دعاية مش أكتر بغرض البيع..افتكر دايما إنه مفيش حاجة ببلاش..فلو كان العرض مجانيا يبقي حضرتك السلعة.
