خواطر دكتورة تغذية د/ هند حسين

خواطر دكتورة تغذية د/ هند حسين اهلا بيكم، الصفحة دي هدفها نفهم معلومات عن أكلنا تساعدنا نعيش بصحة وسعادة 🧡💚
(1)

*بكالوريوس الطب و الجراحه كلية الطب جامعة الاسكندرية
* دبلومه و ماجستير التغذية العلاجية- المعهد العالي للصحة العامة- جامعة الاسكندرية

23/04/2026

جسمك مش "مأريف" وخلاص..🥲ده ممكن يكون ناقصه B12!
​كتير بنصحى من النوم حاسين إننا "مش تمام"، مود مش مظبوط، جسم تقيل، وتركيز ضايع.. ونقول يمكن إرهاق شغل ! بس الحقيقة إن جسمك ممكن يكون بيبعتلك رسايل استغاثة لأن فيتامين B12 اللي هو "الدينامو" بتاعك ناقص.
​ حقولكم على أكتر ٤ علامات جسمك بيقولك بيهم "أنا محتاج B12 "👇
​1️⃣ ماكينة التركيز "مهنجة": تلاقي نفسك داخل الأوضة وناسي كنت عايز إيه، أو الكلمة على طرف لسانك ومش فاكرها. و ده لإن نقص B12 بيأثر بشكل سلبي علي الجهاز العصبي المركزي ، فبيعمل "ضباب" في التفكير أو ما يعرف ب Brain Fog و عدم قدرة علي التركيز و دراسات كتير ربطت بين نقص B12 و تدهور وظايف المخ عند كبار السن ٠
2️⃣ الاحساس بالتنميل: و تلاقي عندك الشعور الغريب بتاع "الشكشكة" في إيدك أو رجلك مش مجرد تنميل، ده معناه نقص B12 اللي دوره يحافظ علي الغلاف اللي بيحمي أعصابك .

3️⃣ تعب "المجهود الصفر": لو بتنهج من أقل مشوار أو حاسس إن مفيش عندك طاقة من أول اليوم، و ده لإن من غير فيتامين B12 كفاية، كرات الدم الحمراء الطبيعية مش حتكون كفاية، و بالتالي مش عارفة تشيل أكسجين كفاية لجسمك، و علي فكرة ده ممكن يخليك بردو سقعان طول الوقت و حاسس ببرودة في إيديك و رجليك٠
4️⃣ اللسان الملتهب والوش الشاحب: لو بصيت في المراية ولقيت وشك لونه "مخطوف" أو اصفر أو لسانك فيه التهاب و لون احمر و ممكن يكون معاه التهاب و قرح في الفم، بدون مبرر، دي علامة واضحة جداً بنعرف منها نقص B12.

​و هنا عايزة اوضح لكم حاجة مهمة، عشان تتجنب نقص B12، ركز على المصادر الحيوانية زي البيض، اللحوم، والأسماك. ولو إنت شخص نباتي تماماً، لازم تتابع مع متخصص عشان تاخد مكملات غذائية أو أطعمة مدعمة، لأن B12 مش موجود بشكل طبيعي في المصادر النباتية.
​يا ترى حسيت بكام عرض من دول مؤخراً؟

​دمتم بصحة و سعادة ❤️🤲
​

23/04/2026

بتنام كويس وبرضه بتصحى طاقتك خلصانة؟ حاسس بحاجات غريبة في جسمك وبترميها على ضغط الشغل والإجهاد؟ 🤔

في الفيديو ده، هكشفلكم عن رسايل تحذيرية وعلامات خفية بيبعتها جسمك عشان يقولك: "أنا عندي نقص في دينامو الطاقة ومايسترو الأعصاب.. فيتامين B12!" ⚡🩸

كملوا الفيديو للآخر عشان تعرفوا إيه هي الأعراض دي اللي كتير مننا بيعاني منها ومبيتخيلش إن حلها بسيط جداً! 🔍
و حتلاقوا ان شاءالله انهاردة علي الصفحة بوست فيه أهم و أشهر اعراض نقص فيتامين B12)
💬 بعد ما تشوفوا الفيديو.. شاركوني في الكومنتات، طلع عندكم كام علامة منهم؟ وهل هتعملوا التحليل قريب؟ 👇📱 للمتابعة اونلاين (واتساب):
+20 155 136 5364

#تخسيس #اسكندرية

21/04/2026

انتقل الدكتور ضياء العوضي إلي دار الحق ، و اتفقنا او اختلفنا معه في منهجه و آرائه و اسلوبه في عرضها ، فلا نملك له الآن إلا الدعاء بالرحمة والمغفرة فهو بين يدي مولاه الرحمن الرحيم .

و لكن ما علينا ان نعيه هو ان كل ما كان مبنيا على علم فمن شأنه ان ينفع البشر .
وكل ما كان مبنيا على مجرد اجتهادات بدون دليل علمي قوي … من الممكن ان يلحق بصحة الإنسان ضررا بالغا.
وفي مجال التغذية العلاجية لا يمكننا الاخذ بنصائح عابرة ، فهي كسائر فروع الطب ، ما يطبق فيه يؤثر بشكل مباشر و قوي على صحة الإنسان .
فأي نظام غذائي يجب ان يكون مبني على أساس علمي واضح… و ليس تجارب او اجتهادات شخصية او فردية ، النظام غذائي( او النصائح الغذائية ) يجب ان يكون له مرجعية علمية.

1️⃣ فما نتناوله من مأكولات و مشروبات له تأثير مباشر علي مستوي السكر و الدهون بالدم، ضغط الدم،وظائف الكبد والكلى و كذلك الهرمونات.
👈و بالتالي التغيير الغذائي = تأثير فسيولوجي مباشر.

2️⃣ اختلاف الحالات يستدعي اختلاف النظام الغذائي و النصائح الغذائية .
فمريض السكر مختلف عن الشخص السليم.
و مريض الكلى له احتياطات و معايير خاصة في ما يتبعه من نظام غذائي .
فكل حالة لها احتياج مختلف.
👈لا يوجد نظام واحد مناسب لكل الناس.

3️⃣ أي نظام علمي يعتمد على 3 ركائز:
👈Randomized Clinical Trials
تجارب إكلينيكية عشوائية مُحكمة

👈Systematic Reviews
مراجعات علمية شاملة للأدلة

👈Clinical Guidelines
إرشادات طبية مبنية على الأدلة

📌 تصدر عن جهات علمية موثوق فيها مثل.
👈World Health Organization
منظمة الصحة العالمية

👈American Diabetes Association
الجمعية الأمريكية للسكري

👈Academy of Nutrition and Dietetics
أكاديمية علم التغذية
👈و ما لا يعتمد علي هذه الركائز و لم يصدر عن جهات علمية موثوق فيها، هو رأي او اجتهاد شخصي لا يمكن الأخذ به او تعميمه.

4️⃣ فالأنظمة التي تفتقد المرجعية العلمية قد تسبب ضررا بالغا.
👈فقد تسبب اضطراب في سكر الدم يصل لحد يهدد حياة الإنسان .
👈و قد تؤدي إلي تدهور وظائف الكلى أو الكبد.
👈و قد تؤدي إلي نقص عناصر غذائية هامة جدا .
👈و للاسف من الممكن ايضا ان تقلل فاعلية العلاج الدوائي الصحيح المطلوب للحالة.

📌 فتخصص التغذية العلاجية يعتمد علي :
✔️ تقييم الحالة الصحية للشخص إكلينيكيا .
✔️ و ربطها بنتائج التحاليل .
✔️ و تحديد الهدف العلاجي.
✔️ و تصميم النظام المناسب و التوصيات الغذائية المناسبة للحالة.
✔️ مع استمرار المتابعة و تعديل النظام الغذائي وفقا لاستجابة الحالة و تطورها .

التغذية العلاجية ليست اجتهادات فردية ولا تجارب عشوائية…
بل هي علم له اسس وقواعد وادلة ينبغي الالتزام بها.

(اللهم علمنا ما ينفعنا، وانفعنا بما علمتنا، وزدنا علما )

سواء كنت بره إسكندرية، في محافظة تانية، أو حتى بره مصر، أو شغلك واخد كل وقتك…دلوقتي تقدر تتابع معايا "أونلاين" خطوة بخطو...
21/04/2026

سواء كنت بره إسكندرية، في محافظة تانية، أو حتى بره مصر، أو شغلك واخد كل وقتك…
دلوقتي تقدر تتابع معايا "أونلاين" خطوة بخطوة! 📱👩‍⚕️
الاستشارات الأونلاين مش مجرد دايت وخلاص 👌
دي متابعة غذائية متكاملة بتناسب هدفك وحالتك الصحية:
✔️ لو عايز تخس أو تزود وزن بشكل صحي
✔️ لو عندك مرض مزمن زي السكر أو الضغط
✔️ لو محتاج تحسن مناعتك أو طاقتك اليومية
✔️ أو حتى عايز تعيش لايف ستايل صحي أفضل
بنصمم مع بعض نظامك الغذائي حسب المتاح في بيتك 🏡
وبنتابع مع بعض الوزن، المقاسات، والتقدم أول بأول 📊
وكمان بكون معاك يومياً للرد على أي سؤال عشان تفضل متحمس وتوصل لنتيجة حقيقية 💪✨
📱
ADC الاسكندرية لعلاج امراض السكر والسمنة وامراض الغدد الصماء
☎️ للحجز والاستعلام بالمركز:
📍 العنوان: الإسكندرية - ٨ ش كلية الطب فوق صيدلية اوكسفورد الجديدة - الدور الثالث.
34866637 - 34802018 - 01010636505
📱 للمتابعة اونلاين (واتساب):
+20 155 136 5364
⏰ مواعيد العمل بالمركز:
👈السبت: ٩ص-١م
👈الثلاثاء: ١م-٥ م
👈و ايضا الأحد : ٦م-٨ م
👈بدءا من الأحد ٣ مايو ٢٠٢٦
مستني إيه؟
ابدأ رحلتك الصحية من مكانك وفي الوقت اللي يناسبك 👇💬
دمتم بصحة ممتازة ومناعة قوية 🌹
#اسكندرية

21/04/2026

صباحكم خير و بركة 🍃
عايزين نركز شوية في حدوتة الكبد الدهني ده … المرض الصامت اللي عند ناس كتير ومحدش واخد باله منه ، عشان الدهون بتكون متراكمة علي الكبد لكن
من غير ألم ولا أعراض واضحة في البداية…
و للأسف لو اتساب بدون علاج بيأثر بشكل سلبي و بالتدريج على واحد من أهم أعضاء الجسم ..الكبد.

👈 فالكبد مركز مهم جدًا لـ:
1️⃣تنظيم السكر في الدم
2️⃣تكسير الدهون
3️⃣التخلص من السموم
4️⃣المساهمة في الحرق (التمثيل الغذائي).
و وظايف تانية كتييييييير من غيرها توازن الجسم كله يتلخبط 😞

⚠️ طيب يعني إيه كبد دهني؟
يعني ببساطة تراكم دهون داخل خلايا الكبد
📌 و الاسم الأحدث علميًا اه
MASLD (Metabolic dysfunction-associated steatotic liver disease يعني مرض الكبد الدهني المرتبط بخلل التمثيل الغذائي)

❗ ليه بيحصل؟ حقولكم اشهر الأسباب
1️⃣زيادة السعرات
2️⃣السكريات 3️⃣والمشروبات المحلاة
3️⃣قلة الحركة
4️⃣زيادة دهون البطن
5️⃣مقاومة الإنسولين .

و خدوا بالكم من السبب الجاي ده :
⚠️ الاسراف في اكل الفاكهة ، عشان فيها سكر اسمه سكر الفركتوز ، و ده بيتكسر في الكبد مباشرة، والزيادة منه ممكن تتحول لدهون داخل الكبد بعملية اسمها De novo lipogenesis = تصنيع دهون جديدة)
📌 و سكر الفركتوز ده موجود بكثرة في:
👈العصاير (حتى الطبيعية بكميات كبيرة)
👈المشروبات الغازية و الحلويات (فيها سكر الفركتوز الصناعي وده أسوأ من الطبيعي)

🚨و مهم هنا نعرف ان الكبد الدهني بدون تدخل ممكن يؤدي ل :

👈التهابات في الكبد
👈تدهور في كفاءة الكبد
👈وفي مراحل متقدمة: تليّف

💚 لكن الخبر الحلو
ان الكبد الدهني من أكتر الحالات اللي بتتحسن 👌لو اهتمينا بعلاجه بدري .

✅ نعمل إيه بشكل عملي؟
✔️ نقلل السكريات والمشروبات المليانة سكر و العصاير الطبيعية.
✔️ نسيب فواصل بين الوجبات و بلاش التلقيط طول اليوم .
✔️ نهتم بالبروتين في كل وجبة
✔️ الحركة يومية حتى لو 10–15 دقيقة بعد الأكل
✔️ اذا كان في زيادة وزن او سمنة نزول 5–10% من الوزن = فرق كبير جدًا
🍃يبأه الخلاصة👇
الكبد الدهني حالة صامتة بدون اعراض …لكن تأثيره سلبي لو ما اتعالجش .
وفي نفس الوقت ، من أكتر الحالات اللي بتتحسن بتعديل نمط الحياة ✔️
ويارب دايما بصحة وسعادة 🤲🌹

الصورة دي بتقربلك اللي بيحصل جوه جسمك كل يوم… خصوصًا مع تقلبات الربيع 🦠🛡️🌸مع تغيير الفصول، ناس كتير بتلاحظ إنها بتتعب أس...
20/04/2026

الصورة دي بتقربلك اللي بيحصل جوه جسمك كل يوم… خصوصًا مع تقلبات الربيع 🦠🛡️🌸
مع تغيير الفصول، ناس كتير بتلاحظ إنها بتتعب أسرع…
والسبب مش الجو بس، لكن كمان أسلوب أكلنا.
❌ لما بتختار الأكل اللي يضعف مناعتك، زي السكريات والمقليات الكتير ، الاصناف دي بتعملك حالة اسمها
Low-grade inflammation (يعني التهاب مزمن بسيط في الجسم)
الحالة دي بتأثر على المناعة بشكل غير مباشر:
فبتقلل كفاءة خلايا الدم البيضاء ودي جيش المناعة بتاعك )
و بتزود ما يعرف بالإجهاد التأكسدي او ال (Oxidative stress يعني إجهاد الخلايا)
و بتضعف الاستجابة المناعية مع الوقت
📌 النتيجة:
مش إن المناعة “تنهار”… لكن تبقى أبطأ وأقل كفاءة في مقاومة العدوى.
و كأنك بتحارب الميكروبات اللي حواليك بدرع مكسور .

✅ و العكس تماما بيحصل لما بتختار الأكل يدعم مناعتك،
و علي فكره ده ممكن يكون بأصناف بسيطة ومتوفرة لكن ليها دور مثبت في دعم الجهاز المناعي.
زي الجوافة ، الفلفل الرومي ، اللمون ، و التوم.
و ده لأن الاصناف غنية بڤيتامين سي ومضادات الأكسدة او ال (Antioxidants و دي مركبات بتحمي الخلايا)

🛡️ فيتعملك الآتي ؟
بتدعم كفاءة خلايا المناعة
و بتساعد الجسم يقلل تأثير الإجهاد التأكسدي
و تحسن الاستجابة المناعية بشكل عام
و كأنك بتحارب الميكروبات بدرع قوي جدا .
👩‍⚕️ و ضروري ناخد بالنا إن المناعة مش بتتقوي بين يوم وليلة…
لكن بتتبني من عادات يومية صغيرة و تركيز في اصناف الاكل اللي بنختارها علي مدار شهور و سنين.
✔️ أكل متوازن = جهاز مناعي شغال بكفاءة
❌ أكل عشوائي = كفاءة أقل مع الوقت
💬 سؤالي لكم :
إيه أكتر حاجة بتعملها في أكلك بتحس إنها فعلاً فرقت مع مناعتك؟مركز ADC الاسكندرية لعلاج امراض السكر والسمنة وامراض الغدد الصماء
☎️ للحجز والاستعلام بالمركز:
📍 العنوان: الإسكندرية - ٨ ش كلية الطب فوق صيدلية اوكسفورد الجديدة - الدور الثالث.
34866637 - 34802018 - 01010636505
📱 للمتابعة اونلاين (واتساب):
+20 155 136 5364
⏰ مواعيد العمل بالمركز:
👈السبت: ٩ص-١م
👈الثلاثاء: ١م-٥ م
👈و ايضا الأحد : ٦م-٨ م
👈بدءا من الأحد ٣ مايو ٢٠٢٦


دمتم بمناعة قوية وصحة ممتازة 🌹

#اسكندرية

19/04/2026

⚡ ما تيجوا قبل ما ناخد حقن و لا اقراص ڤيتامين B12 نعرف الاول ايه هو ڤيتامين B12 و إيه حكايته 🤔🤔

فيتامين B12 (و اسمه العلمي كوبالامين Cobalamin) من أهم الفيتامينات اللي الجسم بيعتمد عليها في وظايف كتير .

⁉️ إيه اهم وظايفه دي ؟مهم جدا ل

🩸 تكوين كرات الدم الحمراء.
🧠 و الحفاظ على الأعصاب، و بالتحديد علي ال (Myelin sheath الغلاف الواقي للأعصاب)
🧬 و كمان تصنيع الـ DNA (المادة الوراثية داخل الخلايا)
يعني ببساطة: أي نقص فيه بيأثر على الدم + الأعصاب + الطاقة.

⚠️ اهم اعراض نقص ڤيتامين B12 اللي لازم ناخد بالنا منها
👈إرهاق مستمر 😩
👈ضعف تركيز 🧠
👈تنميل أو وخز في الأطراف ⚡
👈دوخة أو عدم اتزان.

و الجسم ما بيعرفش يصنع ڤيتامين B12 فلازم ناخده من الأكل او من المكملات الغذائية.
🍽️ موجود فين ؟
B12 موجود بس في الكل اللي جاي من المصادر الحيوانية زي :
الكبدة ، اللحوم الحمراء، السمك ، البيض ، و اللبن ومنتجاته .

🚨 مين أكتر ناس معرضين لنقص ڤيتامين B12؟
👈النباتيين 🌱
👈كبار السن 👵
👈الناس اللي عملت عمليات لعلاج السمنة .
👈اصحاب امراض الجهاز الهضمي اللي بيعانوا من سوء الامتصاص زي Celiac disease
👈و كمان مستخدمي ادوية metformin (ميتفورمين) زي الجلوكوڤاج أو أدوية الحموضة لفترات طويلة 💊

🧪 ليه ممكن النقص يحصل رغم اننا بناكل اكل فيه ڤيتامينB12؟
لأن امتصاص B12 عملية معقدة:
👈بتحتاج حمض المعدة (Gastric acid)
و بروتين اسمه intrinsic factor (عامل داخلي من المعدة)
👈و بعد كده بيتم امتصاصه في الأمعاء الدقيقة
و أي خلل في السلسلة دي بتسبب نقص حتى لو الأكل كويس .

💉 و في حالة نقصه العلاج مش واحد لكل الناس
👈لو كان النقص بسيط : المكملات الفموية (Oral supplements = الأقراص) بتكون الحل
👈اما اذا كان نقص شديد أو سوء امتصاص ، فالحقن (حقن عضلية) بتكون افضل .
❗ و طبعا القرار في الحالتين بيكون بناءًا على التحليل مش التخمين.

🧾 إمتى نعمل تحليل؟
👈تعب غير مبرر
👈أعراض عصبية (تنميل/ضعف تركيز)
👈أنيميا غير واضحة السبب.

التحاليل المهمة:
👈CBC (صورة دم كاملة)
👈
Serum B12 (مستوى فيتامين B12 بالدم).
و في تحاليل اكثر دقة بنطلبها من المريض اذا احتاج الامر .

دي كانت حكاية ڤيتامين B12 بأختصار.

دمتم بصحة و سعادة 🌹🤲

مساء الخير والسعادة ❤️ كتير مننا بيقلق من كلمة (أكل صحي) و بصراحة كدة بيحسها صعبة ومعقدة و كمان مكلفة ". 🥺 بس الحقيقة؟ أ...
19/04/2026

مساء الخير والسعادة ❤️ كتير مننا بيقلق من كلمة (أكل صحي) و بصراحة كدة بيحسها صعبة ومعقدة و كمان مكلفة ". 🥺
بس الحقيقة؟ أبسط مما تتخيلوا ! 😎
مجرد إنك تفكر قبل ما تاكل و تبدأ تقسم طبقك صح ، دي أول خطوة ناحية الأكل الصحي .شوفوا الطبق ده.. و تعالوا نحاول اد ما نقدر كل ما ناكل نقسم طبقنا زيه👇

👈نص طبقك خضار وفاكهة (خيار، طماطم، جرجير، جزر، برتقال..)🥗🍊 وده بيديك ألياف وفيتامينات و معادن لمناعة قوية وهضم سليم.

👈ربع طبقك بروتين (فراخ ، بيض مسلوق، فول، جبنة قريش..)🥚🍗 و ده طبعا مهم لبنا العضلات و المحافظة عليها و الاحساس بالشبع لفترة طويلة.

👈اما الربع اللي فاضل فده نشويات صحية ( عيش بلدي، فريك، بطاطس مشوية ، ..) 🌾🥔 و ده مصدر طاقة مهم جدا لجسمك 🔋.

وشوية زيتون أو سوداني ، دهون صحية مهمة لقلبك وعقلك 🫒🥜.
الأكل الصحي لا حرمان ولا وصفات خيالية ، و لا أننا طول النهار نحسب سعرات و جرامات 😇الأكل الصحي توازن و تفسيمة صح لأكلك جسمك محتاجها عشان يشتغل بأعلي كفاءة.

ابدأوا النهاردة وظبطوا تقسيمات أطباقكم، وهتحسوا بفرق كبير جداً في صحتكم، طاقتكم، وحتى مودكم! 🔥

قولولي في الكومنتات.. إيه أكتر تقسيم للطبق بتحسوا إنكم بتنسوه؟ الربع النشويات ولا الربع البروتين؟ 👇📝

دمتم بصحة و سعادة 💪🌹

#اسكندرية

"آخد ڤيتامين ب١٢ حقن ولا أقراص؟" 🤔💉💊من أكتر الاسئلة اللي بنسألها لما نعمل تحاليل ونكتشف إن في نقص في فيتامين B12!و قبل ...
16/04/2026

"آخد ڤيتامين ب١٢ حقن ولا أقراص؟" 🤔💉💊
من أكتر الاسئلة اللي بنسألها لما نعمل تحاليل ونكتشف إن في نقص في فيتامين B12!

و قبل ما اجاوبكم ، خلونا نتفق الأول إن فيتامين B12 ده هو "دينامو الطاقة ومايسترو الأعصاب" في جسمنا! ⚡️ هو اللي بيحافظ على صحة أعصابنا، وبيساعد في تكوين كرات الدم الحمراء اللي بتشيل الأكسجين، وبيدخل في تصنيع الحمض النووي او (DNA). و عشان من غيره؟ بنحس بإرهاق دائم، همدان، دوخة، وتنميل في الأطراف.

👈طيب، نرجع لسؤالنا المهم.. أخد حقن ولا أمشي على أقراص؟
الإجابة ببساطة: "حسب حالتك وكفاءة جهازك الهضمي!" 🩺

💊 إمتى الأقراص تكون كفاية وممتازة؟

👈لو النقص عندك بسيط أو متوسط.

👈لو إنت شخص نباتي (Vegan/Vegetarian)ومحتاج جرعة وقائية تعوض بيها نقص الفيتامين من مصادره الحيوانية.

👈 و طبعا مهم جدا يكون معدتك وجهازك الهضمي كويسين ومفيش أي مشاكل في الامتصاص.

💉 إمتى الحقن تكون ضرورية ومفيش بديل ليها؟

👈لو النقص حاد جداً ومسبب أنيميا شديدة أو مأثر على الأعصاب.

👈لو عامل عمليات سمنة (زي تكميم المعدة أو تحويل المسار) لأن الامتصاص عندك بيكون ضعيف جداً.

👈لو عندك أمراض في المعدة أو الأمعاء (زي التهابات المعدة المزمنة ) بتمنع امتصاص الفيتامين من الأكل أو الأقراص.. هنا الحقنة بتنقذ الموقف لأنها بتدخل على الدم مباشرة وتوفر علينا طريق المعدة! 🩸

👩‍⚕️ نصيحتي ليكم:
بلاش ناخد حقن أو أدوية من نفسنا لمجرد إننا حاسين بشوية إرهاق. التحليل هو الفيصل، والطبيب هو اللي يحدد الأنسب لجسمك.

طمنوني عليكم، مين فيكم بيحلل B12 بانتظام؟ ومين كان بياخده حقن ومين أقراص؟ هرد على استفساراتكم في الكومنتات 👇💬
ADC الاسكندرية لعلاج امراض السكر والسمنة وامراض الغدد الصماء
☎️ للحجز والاستعلام بالمركز:
📍 العنوان: الإسكندرية - ٨ ش كلية الطب فوق صيدلية اوكسفورد الجديدة - الدور الثالث.
34866637 - 34802018 - 01010636505
📱 للمتابعة اونلاين (واتساب):
+20 155 136 5364
⏰ مواعيد العمل بالمركز:
👈السبت: ٩ص-١م
👈الثلاثاء: ١م-٥ م
👈و ايضا الأحد : ٦م-٨ م
👈بدءا من الأحد ٣ مايو ٢٠٢٦

دمتم في أحسن صحة وأعلى طاقة 💪🌹

#أنيميا #اسكندرية

14/04/2026

خايف تبدأ محاولة نزول وزن فتحس بهبوط وتعب 😰 طيب قلقان تبدأ دايت يستنزف وقتك ومجهودك بدون نتيجة 😥

في الفيديو ده حقولكم علي أهم التحاليل اللي لازم نعملها قبل ما نبدأ رحلة نزول الوزن عشان نضمن إننا نخس كويس و في وقت كويس 👍ومن غير ما نتعب و لا جسمنا يعاندنا !🛑

👀 اتفرجوا على الفيديو للآخر عشان تعرفوا إيه هي التحاليل دي بالظبط واكتبوها عندكم!
💬 وقولولي في التعليقات: عمركم عملتوا تحاليل قبل ما تبدأوا دايت ولا بتبدأوا على طول؟ هرد على كل أسئلتكم في اقرب وقت إن شاء الله 👇

💾 اعملوا Save للفيديو عشان هتحتاجوه قبل أي دايت، و Share لأي حد بيبدأ دايت عشان تفيدوه! ✈️

📱 للمتابعة اونلاين (واتساب):
+20 155 136 5364

دمتم بصحة و سعادة 🌹🤲

#تخسيس #اسكندرية

تعالوا نستغل يوم الأجازة و نحاول نفصل من زحمة الأيام …تعالوا نتمتع بالجو الجميل ده عشان نشحن طاقتنا و ناخد نسمة حلوة تر...
13/04/2026

تعالوا نستغل يوم الأجازة و نحاول نفصل من زحمة الأيام …تعالوا نتمتع بالجو الجميل ده عشان نشحن طاقتنا و ناخد نسمة حلوة ترد الروح ☀️🌷
الأكل نعمة من ربنا علينا مفيش شك في كدة، بس مش عايزين نخليه المتعة الوحيدة او الاساسية في حياتنا ، نعم ربنا كتير و من اجملها الطبيعة الحلوة و الجو الجميل 🌹❤️شاركونا بصورة أو كومنت.. إيه أكتر حاجة بتحسسكم ببهجة الربيع النهاردة؟ وهل فعلاً الخروج للطبيعة بيفرق في طاقتكم؟ مستنية أسمع رأيكم! 👇✨
#طاقةايجابية #الربيع #طبيعة #راحةنفسية

13/04/2026

صباح الخير و البركة 🍃
🐟 عايزين شم النسيم من غير تعب المعدة و لا بهدلة القولون و لا ارتفاع الضغط ؟ ينفع! طبعًا ينفع ان شاء الله ، بس احنا ناخد بالنا👇
و الحقيقه المشكلة مش في الأكل نفسه… المشكلة بنأكل إزاي وقد إيه!
تعالوا أقولكم علي ٧ حاجات مهمة جدا تخلينا نستمتع بأكل شم النسيم من غير تعب و لا بهدلة 😍👇
1️⃣ ما تسيبش نفسك تجوع طول اليوم
وبعدين تاكل الفسيخ والرنجة ❌
✔️ كُل حاجة خفيفة الأول (سلطة / خضار / زبادي)، ده بيقلل الكمية وبيخفف امتصاص الصوديوم ( الملح) .
2️⃣ الكمية أهم من النوع، قطعة او ٢ رنجة أو فسيخ كفاية جدًا، لأنهم غنيين جدًا بـ الصوديوم ودع طبعا ممكن يرفع الضغط ويعمل احتباس سوائل
3️⃣ اللمون و والبصل مهمين جدًا 🍋🧅
لإن فيتامين C ومضادات الأكسدة اللي فيهم بيساعدوا في تقليل تأثير الأملاح و بيحسنوا الهضم.
4️⃣ اشرب مياه كتير على مدار اليوم ، الجسم محتاج مايه عشان يتخلص من الصوديوم ويقلل الانتفاخ والعطش
5️⃣ الترمس مفيد… بس باعتدال، فيه بروتين وألياف
❌ لكن الزيادة منه ممكن تعمل انتفاخ ومغص
6️⃣ بلاش مشروبات غازية 🚫🥤بتزود الانتفاخ ومش بترطب الجسم، بالعكس ممكن تزود الإحساس بالعطش.
7️⃣ لو عندك ضغط أو مشاكل في الكلي خليك حذر جدًا ⚠️الأكل المملح زي الفسيخ والرنجة ممكن يسبب ارتفاع مفاجئ في الضغط
والأفضل تقلل جدًا أو تتجنب.

عايزين ناكل اللي بنحبه و اللي بيبسطنا بس بالعقل و بوعي و بحرص علي صحتنا 🌹🙏
💬 قولولي انتم من
فريق الرنجة 🐟 ولا فريق الفسيخ؟ 😄

Address

Alexandria
21525

Telephone

+201224718043

Website

Alerts

Be the first to know and let us send you an email when خواطر دكتورة تغذية د/ هند حسين posts news and promotions. Your email address will not be used for any other purpose, and you can unsubscribe at any time.

Shortcuts

Share

Category