29/09/2025
منقول .....
معلومات سريعه
في بعض الأمور مهمه جدا لصحة فراخك أولهم إهمال نزول بكتيريا نافعه بعد
مضاد حيوي أو مضاد كوكسيديا وكلوستريديا
وهنا لازم تعرف
عزيزي المربي دي مش تكلفه أو توفير
التوفير مش هينفع يكون علي حساب صحة فراخك لأن هنا الاهميه
في إنتاج معدل لحم اعلي وصحة فراخ افضل
طيب ليه بتقول كده
اولا
المضاد الحيوي
لما بتعالج بالمضاد الحيوي
المضاد بيقضي علي البكتيريا الضاره وجزء من البكتيريا النافعة
وهنا بيحصل خلل في الميكروفلورا الأمعاء تبقي مكشوفه لعدوي جديده او فرط في نمو بكتيريا ضاره مثل E.coli أو الكلوستريديا
وهنا يجي دور البكتيريا النافعة لتعويض النقص وإعادة التوازن الطبيعي بسرعه طيب بعد الكوكسيديا
الكوكسيديا بتسبب تلف للغشاء المخاطي المبطن للأمعاء يحصل نزف وتدمير للرغابات
دا يخلي امتصاص ضعيف ويتيح للبكتيريا الضاره خصوصا الكلوستريديا أنها تعيد استعمار الأمعاء
نزول البكتيريا النافعة بيعيد بناء الغشاء المخاطي وتنشيط مناعة الأمعاء ومنع احتلال الضارة
طيب بعد الكلوستريديا
الكلوستريديا بتفرز سموم (توكسينات) وتعمل نخر في الأمعاء
حتى بعد علاجها يبقى فيه خلل شديد في الفلورا
البروبيوتيك تنشط نمو البكتيريا المفيدة مثل اللاكتوباسيلس والبيفيدو تقلل إنتاج السموم وتدعم التئام الأمعاء
البكتيريا النافعة عموما مهمه جدا بعد كل نزول المضاد عموما ودا ليساعد في عملية اعاده توازن
الامعاء ونمو صحي
