عيادة دكتورة/أميرة محمود كردي لطب الأطفال وحديثي الولادةDr.Amira Kordy

12/01/2025

مع بداية موسم الحساسية ، دي علامات ممكن تساعدك -كطبيب او أم- في ترجيح تشخيص حساسية الانف من اول نظرة للطفل
١- تجعد بجلد الانف او nasal crease : نتيجة حك الانف المستمر او ما يسمي "تحية مرضي الحساسية" -صورة رقم ٥
٢- هالات غامقة تحت العين او allergic shiner
٣- تشقق و التهابات بالشفتين او chelitis : نتيجة التنفس عن طريق الفم بشكل مستمر.
٤- تجعد تحت جفن العين السفلي او Dennie-Morgan lines.
٥- تحية مرضي الحساسية او Allergic salute: دي حركة مشهورة عند الاطفال المصابين بالبرد او الحساسية بيستخدموها لحك الانف و ادمانها بيؤدي لرقم -١- او تجعد جلد الانف
شكرا ... دامت أطفالكم بخير ❤
#داميرةمحمودكردي
#استشاري طب الاطفال وحديثي الولادة

18/07/2024

صيفي إنتي وطفلك ولكن :

١ : خليه في الظل قدر الإمكان بلاش تفضلي في الميه طول المصيف ومن ١٠ ل ٣ ظهرا ما تنزلوش الميه اقعدي في الضل.

٢ : ال sun block لايستخدم قبل ٦ شهور بيعمل حساسية والتهاب للجلد.

٣ : المايوه يكون بكم وشورت يغطي لحد ركبته وما يكونش شفاش عشان يحجب أشعة الشمس

٤ : لازم طفلك يلبس قبعة ( برنيطه يعني ) مش كاب عشان توفر الظل للوجه والرقبة والأذنين.

٥ : العيال الكبيره حطي sun block علي الوجه والكتاف والذراعين والرجلين ولبسوهم برنيطه وسيطروا عليهم ما يقعدوش في الشمس طول اليوم وكترو مية الشرب عشان ما تخلصش

٦ : لو ظهر علامات لحروق الشمس أو الجفاف ذي الهياج والاحمرار في الجلد والبكاء المفرط لازم تبعدي عن الشمس فورًا وحطي كمادات باردة على المناطق المصابة وناخد إجازة من الشمس المحرقة .

٧ : لازم الرضاعه الكويسه سواء الطبيعي او الصناعي وطبعا اللي بيشرب ميه ما تنسيش نفسك وشربيه كميات ميه مناسبه.

10/07/2024

09/07/2024

زيادة الوزن الوراثي وعلاجها بيتم بالأدوية والجلسات قريبا جهاز قياس واذابة نسبة الدهون بالجسم

09/07/2024

كل الماميز الجديدة 👇👇
إيه هو وقت الشاور المناسب للبيبي؟🛁

- أولا الشاور عادى يبقى كل يوم في الصيف الجو حر جداااا، وفى فترة الشتاء بيكون مرة واحدة فى الأسبوع.
- تكوني مدفية الأوضة اللي فيها الشاور أو الأقرب له بحيث لما يخرج ميقعدش في مكان فيه تهوية.
- يفضّل ياخد الشاور بالليل علشان ينام على طول.
- بالنسبة لحديثي الولادة عادي جدا ياخدوا شاور حتى لو السرة لسه موقعتش وييجى عليها مياه وصابون عادي.

عايزة أقولك متخافيش من إستحمام البيبي بإستمرار لأنه مهم جدا جدا لصحة ومناعة أطفالنا🚿 👶 😍 .

16/05/2024

🛑استعدادات الصيف واهم الاسئلة عنه
الناموس بيحب ناس معينه فعلا 👀 الاطفال ،و الحوامل، و اللى اجسامهم سخنه او عرقانه و اللى لابس اسود او لبس ربيعى فيه ورود، و اللى فصيلة دمه O
🎯 أحمى إبنى ازاى؟
1️⃣ حتنضفى البيت من اى فتافيت او بقايا اكل، خصوصا الأركان..بيتجمعوا فيها
2️⃣ حتشيلى اى مياه راكده، علشان بيحطوا فيها البيض و يتكاثروا....لو فيه طبق مياه تحت التكييف...او مياه بتتجمع تحت الحوض...او بتسيبى هدوم منقوعه فى فانيش او كلور فتره
3️⃣ حتطلعى الزبالة اول باول و دايما تغطيها
4️⃣ حتركبى سلك للشبابيك ١٥ مل
5️⃣ لو ماعندكيش سلك، حتعملى ناموسيه للبيبى خصوصا لو اصغر من شهرين
6️⃣ و حتهوى الشقه بالنهار و على العصر تبدأى تقفلى قبل ما يدخل يعشش فى الشقه
6️⃣ لو فتحتى الشبابيك لازم تقفلى نور الاوضه و تشغلى المروحه...الناموس لا بيحب الضلمه ولا طيارات الهوا لانها بتعوقه فى الطيران
7️⃣ حتستخدمى روائح طبيعية تبعد الناموس
✅ اهمهم الريحان و زيت اللافندر و زيت النعناع و حاجه اسمها سيترونيلا...هاتيهم من العطار...و ممكن تلاقى عنده خلطه جاهزة...تخففيهم و ترشيهم فى البيت...و ممكن ترشى على غطا البيبى
✅ فيه كمان التوم و الروز مارى و القرنفل

8️⃣ لو عندك جهاز ريد السائل...غلط يشتغل و الطفل فى الاوضه...الريحه غلط على صدره...شغليه و الاوضه فاضيه...و بعدين اطفيه و هوى الاوضه بمروحه مثلا و بعدين دخلى الطفل

❌ ممنوع اى مبيد حشرى جنب الطفل....كارثه..اوعى 🙏

9️⃣ الطفل لبسه له شروط
✅ لبس مش غامق...و مش عليه رسومات خصوصا الربيع و الحاجات الفلورى اللى كلها ورود بتاعة البنات.
✅ اللبس يكون مريح مش ضيق...و مناسب لدرجات الحرارة...لان العرق و ثانى اكسيد الكاربون بيجذبوا الناموس للطفل بالذات
✅ الافضل يلبس بنطلون لو الجو يسمح، او يتغطى بكوفراه
❌ ممنوع اى عطور او لوشن او زيت له ريحه....لان الناموس فيه عطور معينه بتجذبه جدا

🔟 حنستخدم ايه لإبعاد الناموس عن الطفل؟
حتجيبى سبراى OFF او بدائله اللى بتحتوى على نفس الماده، طب ايه هو الOFF؟
🎯 ده بيحتوى على ماده اسمها DEET
✅ دى مش مبيد حشرى....دى ماده بتعمل طبقة على الجلد، الطبقى دى بتزحلق الناموسه و تخليها ما تعرفش تستقر على الجلد علشان تقرص.....
❌ مش صحيح ان ريحته بتطرد الناموس
✅ المادة دى لها تركيزات...ايه الفرق بينهم؟ كل ما التركيز زاد مده الحمايه بتزيد
ال ١٠% بيحميك ساعتين
ال ٣٠% بيحميك ٥ ساعات
الازيد بيحمى وقت اطول...

✅ الحد الأقصى المسموح للأطفال حسب توصيات الجمعية الامريكيه لطب الاطفال و نظيراتها على مستوى العالم هو ٣٠% للاطفال اكبر من شهرين
❌ ممنوع ترشيه لو طفلك اصغر من شهرين...اعمليله ناموسيه
❌ جربيه بحرص لو طفلك عنده ربو او حساسية صدر

🎯 طب أرشه ازاى و فين؟
✅ تطلعى مكان مفتوح او تفتحى تيار هوا قبل ما ترشى
✅ حترشى على ايدك مش على جلد الطفل مباشرة
✅ حتدهنى بايدك طبقى خفيفة جدا جدا على الاماكن المكشوفه....خاصة الرجلين لان الناموس بيحب المكان ده جدا
❌ ممنوع ندهن على العين او الفم...ممكن جوانب الخدود...لان الناموس برده بيحب المكان ده
❌ ممنوع يترش تحت الهدوم
❌ ممنوع يتحط على جروح او دمامل ...
و الدهان يكون قبل النوم مباشرة او قبل التعرض للناموس
✅ حتغسلى ايدك كويس بالماء و الصابون
✅ و لما الطفل يصحى، حتغسلى الاماكن كويس...علشان ما يقومش الصبح يلعب فيهم و يحط ايده فى الفم مثلا

❌ بلاش تشترى ال OFF اللى بيكون معاه واقى للشمس sunscreen ...بيحتاج يتجدد بسرعه جدا و مفعوله بيروح

❌ السبراى دايما لازم يكون بعيد عن ايد الطفل....بعد كا تخلصى لازم ترفعيه فى مكان بعيد

نصيحه مهمه...بلاش تسيبوا طفل يلعب فى النجيله و رجليه مكشوفه...الناموس حيتعبه جداااا

🎯 طيب لو ابنى عنده قرصة ناموسه اتصرف ازاى؟
✅ اول تصرف انك تجيبى حاجه ساقعه، او حتة تلج تهدى المكان
✅ ممكن شوية مياه متخففين بخل ...حيهدوها...بس بتلسع بسيط فى الاول
✅ ممكن قطعه خيار ساقعه

1️⃣ لو قرصة بسيطه، حتحيبى كالاماين لوشن و تدهنيه....
2️⃣ لو قرصه صعبه، حتجيبى مرهم فيه هيدروكورتيزون و يتدهن نقطه بسيطه جدا ، على القرصه بس، لمدة ٥ ايام فقط...فقط...
و ممكن الطفل ياخد فنسيتل نقط اليوم ده لو بيهرش جامد و طبعا يكون عمره يسمح

3️⃣ لو الطفل شفايفه ورمت...لازم انزل مستشفى فورا...دى علامه تحسس شديد

غير كده ما تتخضيش...القرصه بيبقى شكلها يزعل خصوصا في الأطفال ..
لو القرصه فى الجفن ممكن العين تورم شوية...بس حنروح للدكتور لو استمر الورم او زاد او العين احمرت

✅ ممكن تحطى جيل صبار...ممكن زيت لافندر بس يكون معمول للاطفال

❌ بلاش معجون اسنان...لانه فيه فلورايد و ده ممنوع للاطفال
❌ و بلاش عسل...هو صحيح حيرطب و يهديها...بس الناموس حيتلم عليه بعدها اكتر

12/05/2024

👈 المشاية ممكن تسبب تقوس لطفلك لو وزنه تقيل ..
👈 بتمنعي التوافق اللي بيحصل بين البصر واللمس وحركه المفاصل " بمعني ان قعدته فيها بتحجب رؤيته لرجله وهي بتتحرك وبتتنقل وبتحس بالارض ..
👈 بنستعملها للضرورة اقصاها ٥ او ١٠ دقايق وتكوني ربطاها
👈 بنستعملها ككرسي للاكل مثلا واخرنا الشهر التاسع علشان يتعلم يقف ويتسند ويزق ويتنقل ..
👈 حوادثها للاسف وحشه مابين كسر او شرخ ....الخ
مش ممنوعة لكن أضرارها في بعض الأحيان اكتر من فوائدها
وطفلك هيمشي ويتحرك من غيرها

12/05/2024

اهم بوست عن التطعيم الإضافي 🚨
ضروري كل ام تقرأه كويس📣
🛑تطعيم الروتا

دا فيروس بيسبب التهاب في المعده والامعاء وبينتج عنه نزله معويه فيروسيه ..بيكون معاها اسهال شديد زي الميه وترجيع وحراره وألم شديد في البطن ودا طبعا بيؤدي للجفاف ..غالبا الطفل المصاب لازم يتحجز في المستشفي للعلاج بالمحاليل لان حالته بتتدهور بسرعه جدا للاسف �

�هل التطعيم ضد فيروس الروتا بيمنع الاصابه تماماً؟؟
تطعيم فعال جدا وبيمنع بنسبة ٩٥٪ ،، والـ ٥٪‏ اللي بيجيلهم الروتا وهم واخدين التطعيم بتكون الأعراض اخف بكتييير

�ناخده امته وهو عباره عن إيه؟؟

هو عباره عن تطعيم بالفم

يبدأ من عمر ٦ اسابيع علي الاقل
ولازم الجرعه الأولي قبل مايتم الطفل ١٥ اسبوع من العمر
والجرعة الأخيرة قبل ما يتم الطفل ٨ شهور من العمر

�أنواعه؟؟
#روتاركس
ودا عباره جرعتين بالفم فرق بينهم شهر لشهرين
#روتاتك
ودا عباره عن ٣ جرعات بالفم فرق بينهم شهر لشهرين

�ايه الفرق ما بين الروتاتك والروتاركس ؟؟

مفيش فرق تقريبا والاتنين بنفس الكفاءه ونفس درجة الوقاية ولكن كل واحد ليه مسار مختلف حسب تقنية تصنيع كل واحد فيها
#المهم احنا لنا درجة الحمايه ومفيش فرق بينهم خالص�

#ملحوظه: مينفعش ندي نوع ونكمل بالتاني
اخدنا روتاركس نكمل عليه
اخدنا روتاتك نكمل عليه

�مين اللي مينفعش ياخده ؟؟
لو الطفل عنده حساسية من اللاتكس ( المطاط)
او عنده انسداد معوي سابق
او نقص شديد في المناعه

�خلاص هتدي التطعيم ؟؟
وقفي الرضاعه قبلها بنص ساعه ع الاقل

�مفيش اي موانع تفصله عن اي تطعيم اياً كان،، والفصل بينه وبين تطعيم شلل الأطفال الفموي ١٤ يوم،، مُختلف عليه

🛑تطعيم المكورات الرئوية

يعني ايه ؟؟
دي بكتيريا عنيفه بتسبب بعض الامراض الخطيرة زي
*التهاب السحايا بالمخ
*التهاب رئوي
*تسمم الدم
*التهاب الأذن

والبكتيريا دي بتتنقل عن طريق الهوا من شخص مصاب بيها عن طريق العطس و الكحه يعني سريعة العدوي �

�يعني لو ابني اخد التطعيم مش هيجيله حاجه من الامراض دي لا قدر الله؟؟

التطعيم بيحمي من البكتيريا اللي بتسبب الامراض دي ودا بيكون بنسبة ٧٥ ٪ علي الاقل ودي نسبة كويسه بجانب مضاعفات الامراض دي لا قدر الله .. �

�أنواعه ايه؟؟
Prevenar 13
ودا بيحمي من ١٣ سلاله من الميكروب
#سينفلوركس Synflorix
ودا بيحمي من ١٠ سلالات من الميكروب بس بيشتغل بطريقة cross protection واللي بتمكنه من الحماية ضد سلالات تانيه غير محتواه �

الشركات المصٰنعه مختلفه
لكن الاتنين نفس الكفاءه ونفس درجة الحماية تقريبا مع ان البريفنار بيحتوي علي عدد سلالات اكتر نظرياً بس مفيش اي اثبات للفرق بينهم بوضوح �

�بيتاخد امته وازاي؟؟
هو عباره عن حقنه بالعضل وروتين في معظم الدول تحت سن ٥ سنوات... الا احنا �

�بيتاخد تحت سن ٥ سنين وممكن يتاخد لاكتر من ٥ سنين في حالات نقص المناعه فقط

�اقل وقت ممكن يتاخد فيه من عمر شهر ونص
وافضل اوقاته في سن :
شهرين ,اربع شهور ,ستة شهور...وجرعه منشطه علي سن ١٢-١٥ شهر

�يعني يادكتور لو ابني ٧ شهور يبقي راح عليه ��؟؟؟
لا طبعا ...ركزوا في النقطه دي اوي..!!

�لو طفلك اقل من ٦ شهور ومأخدش التطعيم!!
بياخد ٣ جرعات فرق بينهم شهر لشهرين
وجرعه منشطه علي سن ١٣-١٥ شهر

� لو طفلك عدي سن ٦ شهور ومكملش سنه ومأخدوش ( ٧-١١) شهر !!
بياخد جرعتين فرق بينهم شهر
وجرعة منشطه بعد سن سنه

�ل و طفلك عدي سن سنه ومكملش سنتين
(١٢-٢٣) شهر ومأخدوش!!
بياخد جرعتين بس فرق بينهم شهرين

� لو طفلك عدي سن سنتين ومأخدوش !!
بياخد جرعه واحده بس

�وصلت ؟؟
اكيد وصلت � عارفكم شاطرين طبعا �

�طيب هل ليه اي مضاعفات؟؟
آمن تماماً...وزيه زي اي تطعيم شوية وجع واحمرا مكان التطعيم علي حرارة بسيطه فتختفي في يومين تقريباً

�مين اللي مياخدوش؟؟
اي طفله حصله حساسيه منه
#ويتأجل لو الطفل تعبان �

🛑 �

*مسموح لجميع الاعمار من سن ٦ شهور

*ضروري جدا ومهم جداً جداً للاطفال اللي بيعانوا من حساسية الصدر والانف...واطفال الداون.. واللي بيتعبوا كتير �

*آمن للحوامل بتصريح من منظمة اللقاح ومكافحة العدوي الامريكيه CDC ..بيحمى الام من المضاعفات القوية لفيروس الانفلونزا..�

*ممنوع للاطفال اللي عندهم حساسيه من البيض اوحصلهم حساسيه منه قبل كده

*ممنوع للاطفال اللي بياخدوا علاج كورتيزون ( شراب او اقراص ) متواصل لفتره لا تقل عن اسبوعين او بياخدوا علاج كيماوي ( ربنا يشفيهم)

*مفيش تعارض بينه وبين اي تطعيم تاني

*الجسم بيكتسب مناعة بعد اسبوعين من التطعيم ودا بيكون ضد الانفلونزا الفيروسيه influenza..ملوش علاقه بنزلات البرد العاديه common cold..يعنى اللي ابنها تعب مره بعد مصل الانفلونزا مصادفةً فدا مفيش علاقه بينه وبين التطعيم �

#جرعته

� من ٦ شهور حتي ٣٥ شهر نصف الجرعه (( ربع سم))

�من ٣٦ شهر فما فوق الجرعه كامله
(( نصف سم))

�الاطفال من ٦ شهور حتي ٨ سنوات لو أول مره بياخدوه بنكرر ليهم الجرعه بعد شهر ك activation وبعد كده جرعه واحده في بداية كل فصل شتا

�لكن من سن ال ٩ سنوات فما فوق .. جرعه فقط ولا يشترط فيها التكرار

فيه جدول مع صورة البوست �

* افضل وقت ليه ؟؟
شهر ٩ وشهر ١٠ و ١١ ولكنه مسموح حتي شهر ٤

*التطعيم مفيد جداوبيقلل من حدة الامراض الفيروسيه بنسبة تتعدي ٣٠ ٪ �

تقدر تاخده في المصل واللقاح او الدكتور المتابع 👌

🛑تطعيم الإلتهاب الكبدي أ

فيروس يصيب الكبد ويسبب التهاب وحرارة وفقدان في الشهية وتغير لون البول مع اصفرار العين ،، وهو أكثر مايصيب الأطفال ومعدي جداً عن طريق البراز.

�جرعاته
بالحقن العضلي

جرعتين من بعد سن سنه
بفاصل ٦-١٢ شهر بين الجرعتين

موجود بإسم Havrix-Avaxim

�مضاعفاته
حرارة - صداع- تورم واحمرار مكان الحقنة

�غير مسموح به
لمن سبق لهم الإصابة بالعدوي
لو حصل منه تحسس
الاطفال تحت سن سنة

🛑تطعيم الجديرى المائئ

الجديري مرض فيروسي بيسببه فيروس (ڤارسيلا) VARICELLA وهو مرض شديد العدوي ومن أشهر أمراض الطفوله وبالاخص قبل سن ١٢ سنه

�طيب نحمي اولادنا ازاي ؟؟ وهل اللي ياخد التطعيم مش هيجيله ؟؟واسمهم ايه؟؟
اسمهم في السوق
فاريلريكس
فاريفاكس
افضل طرق الحمايه ( التطعيم) ودا بيحمي بنسبة ٩٠٪ ولو حظه سئ وكان من ١٠ ٪ بيجي المرض بسيط جدا وبينتهي بسرعه �

�عبارة عن ايه ؟؟ وبيتاخد امته وازاي ؟؟
عباره عن حقنه تحت الجلد
مسموح من بعد سن سنة
*لو الطفل أقل من ١٣ سنه
بياخد جرعتين فرق بينهم علي الاقل ( ٣شهور )
*ولو أكبر من ١٣ سنه والبالغين
بياخد جرعتين فرق بينهم ( شهر)

�مين مينفعش ياخده؟؟
*الحوامل
*الاشخاص اللي اصيبوا بالجديري قبل كده
( ياتطعيم يا اصابه..واحد فيهم بس)�
*الاشخاص اللي مناعتهم قليله سواء بياخدوا كيماوي او كورتيزون لفترات طويله او مصابي الايدز �
*الأشخاص اللي اخدوا جرعه منه وحصل منه حساسيه

#ملحوظه:تطعيم الجديري تطعيم فيروسي حي فلازم نفصل بينه وبين اي تطعيم حي زي
( الحصبه_الحصبه الالماني -النكافيه) MMR ..شهر او يتاخدوا في نفس اليوم�

🛑تطعيم الحمي الشوكية ( الإلتهاب السحائي)

الحمي الشوكية مرض خطير ومميت ل ١٥٪‏ من الحالات المصابع بيه ،،وبينتج عنه التهاب في سحايا المخ والتدهور فيه سريع ولو حصل شفاء منه بيسيب اعاقه للأسف

�التطعيم :
حقنة تحت الجلد ،، بدايةً من سن سنتين ،، وهو تطعيم رباعي يشمل ٤ سلالات 135-ACYW ،،الجرعة الواحدة تمنح الجسم مناعة ٣ سنوات
تطعيم الحمي الشوكية في الدول العربية زي السعودية مختلف السلالات MCV4 ،، ودا بيتاخد من سن ٩ شهور،، مفيش حد يتلخبط �

�مضاعفاته
حرارة - همدان - تورم واحمرار مكان التطعيم

�الممنوعين من التطعيم دا ؟؟

�اللي حصلهم حساسية منه في جرعة قبل كدا أو من تطعيم الدفتريا

�الأطفال المصابين بمتلازمة غيلان باريه (شلل متصاعد من الأسفل للأعلي حتي يصل للجهاز التنفسي)

�الأطفال المتحسسين من مادة اللاتكس

�نقطة عايزة اوضحها

01/05/2024

👈 الطفل اول سنه الي سنه ونص بيبقي فيه نسبة تقوس بسيط بنتابعها مع دكتور الاطفال لحد ماطفلك يتحرك ويمشي
👈 لو فيه نسبه تقوس عاليه بنتابع ونشوف ان كانت مخلبيه ولا فيه مشكله تانيه محتاجه تدخل جراحي ولا لا

24/04/2024

بلاااااااش مضاد من نفسك
الالتهابات الفيروسية الهيربس والنزلات المعوية الروتا منتشرين جدا

24/04/2024

خصم خاص علي تطعيم الجدري لكل اطفالنا
لمدة أسبوع
اعداد محدودة بالحجز