https://www.facebook.com/121480707712214/

Dr. Maie Elsaeed, Alexandria (2025)

11/12/2023

ازاي نعالج الكبد الدهني:
دهون الكبد من المشاكل الي أصبحت موجودة كتير و ده لأسباب كتير أهمها عادات التغذية الخاطئة و بنقول ان في دهون علي الكبد لما نسبة الدهون في الكبد تزيد عن ٥%من وزنه و بنكتشفها لما بنعمل صورة موجات فوق صوتية للكبد و عشان نقللها مهم اوي نعمل الخطوات دي 👀
١.ننتظم علي مشروب النعناع و القرنفل .
٢.بلاش زيوت نباتية و سمن نباتي مهدرج لأنهم مصدر اساسي لدهون الكبد.
٣.ياريت نستخدم الزيوت غير المشبعة زي زيت الزيتون و زيت جوز الهند و زيت السمسم و زيت بذر الكتان(الزيت الحار).
٤.نحاول ناكل مكسرات بالذات عين الجمل.
٥.نشرب عصير الرمان في أوان الرمان و عصير البطيخ في أوان البطيخ لأنهم مليانين بمادة النيتريك اوكسيد اللي بتوسع الشرايين و تحسن وظيفتها.
٦.نقنن و نقلل استخدامها للدهون المشبعة زي السمن البلدي و القشدة و اللية.
٧.نقلل الكربوهيدرات مؤقتا و نكتفي بنشويات الخضروات و الفواكة و الحبوب الكاملة.
٨.ناكل سمك و خصوصا السردين و الماكريل و السلمون عشان الأحماض الامينية و الاوميجا 3.
٩.نقلل الوجبات السريعة و الأكل برة البيت و الحلويات الشرقية😋

28/11/2023

أشهر أسباب العناد عند الأطفال:
١.مبدئيا كدة الطفل بيكون غير ناضج و غير واعي بما يكفي عشان يفهم طلباتنا و اوامرنا.
٢.مقارنة الطفل بالآخرين يعني مثلا اقوله رتب اوضتك زي اخوك او اختك أو خليك شاطر في المدرسة زي ابن خالك او ابن عمك و هكذا.
٣.ضعف و قلة التواصل بين الطفل و أمه او ابوه و طبعا ده بيحصل في ظل الانشغال و ضغوط الحياة.
٤.التقليد بمعني ان الطفل مراية بتعكس تصرفات اللي حواليه سواء بيقلد اهله او زمايله.
٥.حاجة الطفل للحرية و التمرد و ده طبيعي و بيكون ملازم لمعظم مراحل نمو الطفل.
٦.طريقة لاعتراض الطفل خصوصا لما بيكون مش واخد حقه في التعبير عن احاسيسه الايجابية و السلبية و مش واخد الرعاية و الاهتمام الكافيين من الاب و الأم.

23/11/2023

(((مص الإصبع عند الأطفال )))
مص الإصبع هو مجرد سلوك طبيعي وليس مرضي بيبدأ و الطفل في بطن أمه و يستمر بعد الولادة لمدة ٦ شهور و يبدأ يقل بالتدريج و يختفي تماما في سن ٣:٦سنوات.
أمتي يبقي مص الإصبع مشكلة؟
لما تبدأ الأسنان الدائمة تظهر و ساعتها مص الإصبع يبدأ ياخد منحني تاني و مشكلة لانه بيشوه الأسنان و كمان سقف الحلق ممكن يتغير شكله.
ازاي نحل المشكلة؟؟
١.نبدأ نفكر في حل المشكلة لما يتحول مص الإصبع لمشكلة حقيقية مش قبل كدة.
٢.معظم الحاالات بتتحسن و تختفي بتوجيهات بسيطة من الوالدين فا لازم نهدي و نصبر و نتعاون.
٣.مهم اننا نسأل و ناخد رأي اسرة مرت بنفس التجربة و عندها خبرة صحيحة .
٤.بلاش نشيل أصبع الطفل بنفسنا و كفاية ننبهه او نطلب منه بطريقة متكررة ولطيفة و حنونة.
٥.بلاش نصحي الطفل من نومه عشان يتوقف عن مص أصبعه.
٦.بلاش كل الوسائل العقابية لأنها حتزود المشكلة و حتخلي الطفل في حالة خوف و فزع و بكدة حنزود من أسباب مص الأصابع .
٧.نتكلم مع الطفل و نفهمه ببساطة و بمفردات سهلة و منملش من الكلام و النصيحة في إطار كله حب و احتواء و نصبر عليه.
٨.لما يكون الطفل كبير شوية(٧ سنوات او أكتر ) نخليه يشارك في الحوار و يختار معانا حلول بديلة و مقبولة .
٩.لازم نستخدم اسلوب التشجيع و المدح و المكافآت الحسية و نصبر .
١٠.لو حسينا اننا حننفعل علي الطفل ممكن نستعين بحد يشارك في توصيل المعلومة للطفل زي مثلا دكتور الأسنان و يشرح للطفل اضرار مص الإصبع و يستعين بطرق جذابة زي الفيديوهات و المجسمات اللي تلفت نظر الطفل.
١١.بلاش نناقش المشكلة قدام الأغراب ولا حتي اخواته.
١٢.الطفل لماح و مراقب حساس و قوي الملاحظة عشان كدة لازم نعمل قاعدة و اساس من الحب و الاحتواء و الحنية عشان يتقبل مننا اي حاجة.

17/11/2023

((( النوم و الاستيقاظ المبكر عند الاطفال)))
طبعا النوم بدري و الصحيان بدري حاجة مهمة و أساسية لصحة أولادنا و لها فوايد كتير أهمها:
١.الوقاية من أمراض الجهاز العصبي و تحسين ردود أفعال الطفل.
٢.تعزيز النمو السليم و تحفيز افراز هرمون النمو.
٣.زيادة القدرة علي التركيز و الفهم و قوة الحفظ و التعلم.
٤.تقوية الأبصار.
٥.مكافحة السمنة.

08/11/2023

العسل الأسود منجم المعادن🦴🦷💪🏻🧠

07/11/2023

اليقطين(pumpkin):
١.ملين طبيعي و منشط للكبد.
٢.يعالج الصداع سواء بأكله أو وضعه موضعي.
٣.مهدئ للأعصاب و يحسن الحالة المزاجية.
٤.غني بالبيتاكاروتين اللي بيتحول لفيتامين أ اللي بدوره مهم لصحة العين و بيقوي المناعة و بيحارب الألتهابات.
٥.مصدر للنشويات المعقدة المفيدة و الألياف.
٦.يحتوي علي نسبة عالية من فيتامين سي اللي بيعزز امتصاص الحديد و بيساعد الجسم علي مقاومة نزلات البرد.
٧.مهدئ للكحة و السعال.
٨.بيكسر العطش و بيعالج الحرارة و الحمي.

07/11/2023

أطعمة و عادات بتدمر جهاز المناعة عند الطفل:
١.السكر عشان هو غذاء أساسي للبكتيريا.
٢.المعجنات بالدقيق الأبيض.
٣.الألوان الصناعية لأنها بترهق جهاز المناعة.
٤.المواد الحافظة لأنها حمل علي الكلي و الكبد.
٥.المضادات الحيوية لأنها بتقلل فرصة جهاز المناعة للتعامل مع المكروبات و الجراثيم و تطوير اسلوبه و اسلحته لمحاربتها.
٦.الضغط النفسي علي الطفل لانه بيأخر استجابته المناعية.
٧.قلة النوم و قلة ممارسة الرياضة.
٨.قلة التعرض للشمس و استنشاق الهواء النقي.
٩.عدم الاهتمام بالنظافة سواء النظافة الشخصية او نظافة المكان اللي الطفل متواجد فيه.

05/11/2023

حلف البر:
١.مدر للبول و بيساعد في تطهير المسالك البولية و تفتيت الحصوات.
٢.بيساعد علي خفض مستوي الكوليسترول و ضبط ضغط الدم.
٣.يستخدم لانقاص الوزن عشان بيحتوي علي مادة السترال اللي بتقلل من تجمع الدهون في منطقة البطن و بيحفز عملية الأيض و حرق الدهون.
٤.يعتبر مطهر معوي و بيعالج عسر الهضم و الإمساك و بيقلل تجمع الغازات انتفاخ البطن.
٥.بيحفز البنكرياس لإنتاج الأنسولين عشان كدة بيساعد في علاج مرض السكري النوع الثاني.
٦.بيخفف ألم المفاصل.
٧.بينقي الكبد من السموم.
٨.بديل آمن للمسكنات.

31/10/2023

السمسم كنز غذائي💰:
السمسم من الأغذية المفيدة و اللي بيدخل في أصناف كتير زي اضافته لمعظم المخبوزات او استخدامه في عمل سلطة الطحينة او اضافته للعسل الاسود (نوتيلا صحية😋) و من اهم فوايده :
١.تقوية الاسنان و العظام و المفاصل عشان مليان معادن مهمة زي الكالسيوم و المغنيسيوم.
٢.تقوية جهاز المناعة و مقاومة الأمراض لانه مليان احماض دهنية و مضادات اكسدة.
٣.علاج معظم انواع الالتهابات في الجسم خصوصا التهاب الجلد و التهاب المفاصل لانه بيحتوي علي مادة (السيسامين)المضادة للالتهاب.
٤.بيعزز صحة الجهاز الهضمي و بيعالج الإمساك و بيقلل اضطرابات الجهاز الهضمي عشان مليان ألياف.
٥.الحماية من التهاب الأعصاب عشان مليان فيتامين ب١،ب٣،ب٦.

31/10/2023

اعراض جرثومة المعدة(( helicopacter pylori)):
١.وجع و حرقان بالمعدة و بيزيد لما المعدة تكون فاضية.
٢.التجشؤ المتكرر.
٣.الانتفاخ و الشعور بالامتلاء مع تناول كمية بسيطة من الأكل.
٤.فقدان الشهية.
٥.فقدان الوزن الغير مقصود.
٦.الغثيان و القئ الدموي او الأسود يشبه القهوة.
٧.ضيق التنفس.
٨.براز دموي او داكن.
٩.شحوب بشرة الوجه.

26/10/2023

البليلة🤍🤍🤍
البليلة من الاصناف الغذائية المهمة و المفيدة و المتاحة لينا كلنا و بردة كنز غذائي:
١.مصدر مهم و مفيد للسعرات الحرارية اللي بتمد الجسم بالطاقة.
٢.بتقلل التهابات المعدة و بتمنع الإمساك و الغازات عشان غنية بالالياف.
٣.تقوية اللثة و الأسنان.
٤.تقوية المناعة و بتقلل الإصابة بالسرطان عشان مليانة مضادات اكسدة.
٥.بتقوي القلب و الأوعية الدموية و بتقلل الإصابة بضغط الدم عشان مليانة ألياف اللي بتقلل مستوي الكوليسترول.
٦.البليلة من الحبوب الكاملة الغنية بالبروتين اللي بتقوي العضلات و بتساعد علي نموها.
٧.بتقوي البشرة و توحد لونها و بتقلل ظهور التجاعيد.
٨.عشان البليلة حبوب كاملة مع اللبن فا هي بتعلي التركيز و بتحسن الأداء الدراسي للاطفال.

23/10/2023

البساريا
البساريا هي سمكة صغيرة بس كنز غذائي فعلا لأنها:
١.مفيدة للقلب و بتحسن الدورة الدموية و سبب في خفض ضغط الدم المرتفع لان فيها نسبة عالية من الاوميجا ٣اللي بتقلل نسبة الكوليسترول.
٢.بتحسن صحة الدماغ و تقي من الإصابة بالالزهايمر و الخرف عشان مليانة فيتامينات مهمة و اوميجا٣.
٣.مهمة لصحة و سلامة المفاصل عشان مليانة كولاجين و دهون مفيدة.
٤.مهمة لسلامة العضلات و بتساعد علي زيادة نمو العضلات عشان فيها نسبة بروتين عالية.
٥.مهمة لصحة و قوة العظام و الاسنان عشان مليانة كالسيوم و فيتامين د.
٦.مهمة لصحة البشرة و الشعر عشان فيها نسبة فيتامين أ عالية.
٧.فيها نسبة زئبق قليلة جداااا و ده بيخليها مفيدة و مناسبة للام الحامل.
و فوايد كتير تانية 🦈

Dr. Maie Elsaeed

11/12/2023

28/11/2023

23/11/2023

17/11/2023

08/11/2023

07/11/2023

07/11/2023

05/11/2023

31/10/2023

31/10/2023

26/10/2023

23/10/2023

Address

Website

Alerts

Shortcuts

Share

Category