https://www.facebook.com/121974548156068/

Dr/Kholoud Amr

Home
Egypt
Alexandria
Dr/Kholoud Amr

د.خلود عمرو
اخصائية التغذية العلاجية وعلاج السمنة ..اخ?

د/خلود عمرو
اخصائية التغذية العلاجية وعلاج السمنة وعلاج النحافة
عضو الجمعية البريطانية لعلاج السمنة
حاصلة على دبلوم الميزوثيرابى وتنسيق القوام

14/05/2025

لو مش بتاكلوا فروالة🍓🍓 الفترة دي فايتكم كتير
بعيدا عن طعمها الجميل وسعراتها القليلة واننا نقدر ندخلها في وصفات كتير
هي غنية بفيتامين C ومضادات الاكسدة والالياف
مفيدة جدا للاطفال والكبار
بتحبوا الفروالة ازاي ؟

13/05/2025

لو بتواجهك المشكلة دي لما طلعت الهدوم الصيفي اسأل عن تحدي الانقاذ السريع قبل الصيف
جسمك هيختلف في 30 يوم فقط 👌🏼
للأستفسار او الحجز : ابعتولنا 📩dm او واتساب 01501266788

31/03/2025

معروفة عيد يبقي رنجة وفسيخ 🤷🏻‍♀️😂
‎مبدأيا احنا متفقين اننا مينفعش نحرم نفسنا من حاجة بنحبها وخصوصا لو عادة وكل الناس بتعملها عشان الدايت لان رد فعل جسمنا هيأذينا بعد كده
‎ثانيا الرنجة من الاسماك المفيدة لانها غنية بالبروتين والاوميجا3 وفيتامين د لكن المشكلة في احتباس الاملاح والميه فهناخد بالنا من كام حاجة عشان نستمتع بالاكل ونقلل الاضرار
‎ -لازم نشتريها من مكان موثوق فيه ومصرح له ببيع الاسماك المملحة
‎-لازم يتنقع فى زيت وليمون 🍋‍🟩وخل على الأقل ساعتين وأزالة الرأس والأحشاء وفى حالة الرنجة لازم تتعمل ع النار
‎-لازم نشرب ميه كتيييييير🥛🥛
‎-نكتر من الخضروات الفريش والورقيات البقدونس والخيار والخس والجرجير والبصل اخضر🥬🥒🫑🥕
‎-متنسوش الليمون 🍋🍋لتجنب الأصابة بحموضة المعدة والبصل 🧅لانهم من مطهرات الجهاز الهضمى
‎-نقلل كمية النشويات اللي مع الوجبة
‎-لازم تشرب ميه كتيييييير 🥛🥛🥛
‎-ابعد عن المياه الغازية لأنها تساعد على أحتباس الماء بالجسم
‎-احرص على تناول البرتقال والموز والكانتلوب 🍊🍌🍈 لانها غنية بالبوتاسيوم وبتساعد على اخراج الملح الزيادة من الجسم
‎-يفضل تناول الكركدية وعصير او مغلي البقدونس والكرفس لأنه بيساعد على ادرار البول فبيساعد على التخلص من الماء الزائد والأملاح والسموم
‎-اشرب ميه كتيير 🥛🥛
‎-خطأ كبير معظمنا بنعمله اننا ناكل الحلويات عشان نعادل الملوحة او نضيع طعم الفسيخ ده بيصعب حركة خروج الماء والاملاح الزايده
‎-نحاول نتحرك او نمشي او نعمل اي رياضه علي الأقل نص ساعة
‎-العشاء لازم يكون خفيف ومستحب ان يكون زبادى او رايب بدون سكر + 2 خيار او 2 كيوى
‎-للحوامل 🤰مسموح بتناول قطعة صغيره من الرنجة (شريحة اد كف الأيد ) وغير مستحب تناول الفسيخ لانه ممكن يسبب تسمم
‎-ينصح بالأبتعاد عن الفسيخ للأطفال ومرضى القلب والكلى والكبد وقرحة المعدة ولكن يمكن تناول قطع صغيرة من الرنجة
‎-بلاش تقف على الميزان في نفس اليوم لأنك هتكون زايد ميه
‎-واخيرا اشرب ميه كتييييير 😂
‎كل سنة وانتم طيبيين ❤️

31/03/2025

خلينا متفقين ان كحك وبسكويت العيد من الحاجات اللي بتيجي مرة في السنة ومستحيل مناكلش منها
كلوا ودوقوا براحتكم بس بالعقل
نحاول نخلي الكحك او البسكويت سناك بعد وجبة كاملة
نختار القطع اللي بنحبها ونحطهها في طبق ناكل منه منفضلش رايحيين جايين علي العلبة
مفيش اكل يوم ممكن يضيع اللي وصلناله لكن للاسف الافراط في الاكل هو المشكلة
كل سنة وانتم طيبين وفي أحسن حال 🤍

30/03/2025

الترمس من افضل السناكس اللي ممكن تاكلوها في العيد ومناسبة للدايت لأنه بيحتوي علي نسبة عالية من الالياف والبروتين وده بيساعد علي الشعور بالشبع وبالتالي بيقلل استهلاكنا من السعرات علي مدار اليوم
لكن مهم جدا اننا نقلل الملح فيه عشان ميسببش ارتفاع ضغط الدم او احتباس سوائل وكمان منحاولش نفرط في الكميات عشان نتجنب مشاكل الجهاز الهضمي
بتحبوا تاكلوا الترمس ازاي؟

29/03/2025

الحمد لله عملنا انجازات حلوة جدا في شهر رمضان ✌🏻مبسوطة جدا بكل اللي حققوا التارجت وان شاء الله نكمل بعد العيد
العيادة اجازة وهنرجع يوم السبت القادم 5 أبريل 🤍
كل سنة وانتم طيبين ربنا يعيده عليكم بالخير واليمن والبركات غير فاقدين ولا مفقودين

29/03/2025

الحمد لله 🤍✨
لو ملحقتيش توصلي لهدفك في شهر رمضان يالا بينا نحققه قبل الصيف ونعمل فورمة الساحل💪🏻
للأستفسارات و الحجز :ابعتولنا dm 📩او من خلال الواتساب علي 01501266788

28/03/2025

الكنافة الأقرب لقلبي 😌🤍كرات الكنافة بالكريمة
كوب كنافة مفرومة+ معلقة كبيرة سمنة بلدي سايحة ونخلطهم سوا كويس اوي
حشوة الكريمة:
كوب لبن +معلقة كبيرة نشا +فانيليا خام بدون سكر +معلقة سكر دايت ونرفعهم علي النار لحد ما يتقلوا
نحط الكنافة في فنجان ونضغط عليها كويس وفي النص حشوة الكريمة ونكمل كنافة عليها وندخلها فرن علي ١٨٠ تقريبا (٢٠-٢٥دقيقة)
الكمية دي هتعمل ٣ كور صغيرة
نطلعها ونحط عليها مكسرات و ممكن شربات لايت (اختياري)

28/03/2025

وصلنا للنتيجة دي بنظام غذائي فقط بدون اي أدوية او جلسات
لو لغبطتوا جامد في الشتا وشهر رمضان مستنينك بعد العيد نصلح اللي باظ قبل الصيف ✌🏻
للأستفسارات او الحجز :ابعتولنا 📩dm او واتساب 01501266788

28/03/2025

سلطة مختلفة وخطيييرة غنية بالالياف والبروتين تنفع للسحور وتنفع مع الفطار وتنفع لبعد رمضان
*المكونات*
شرائح صدور فراخ مشويه
٢ شريحة رومي مدخن مقطع مربعات صغيرة
خس
فاصوليا حمراء
فلفل اخضر واصفر واحمر
معلقة ذرة حلوة
جزر مبشور

* الدريسينج*
معلقتين كبار زبادي
معلقة مايونيز لايت
معلقة مسطردة
ملح وفلفل اسمر

جربوها وقولولي رأيكم
🌙

26/03/2025

جلسات الميزوثيرابي للتخلص من الدهون الموضعية والشد والنضارة نتيجتها مع النظام الغذائي ممتازة جدا الحمد لله 👌🏼🤍
للأستفسارات والحجز : ابعتولنا 📩dm او من خلال الواتساب 01501266788

25/03/2025

جلاش او بقلاوة بالمكسرات زي ما بتحبوا تسموها بس طعمها جميل وسعراتها قليلة
هنعمل تشريبة عبارة عن (نص معلقة سمنة بلدي و ربع كوب لبن وفانيليا )
هنجيب ٣ ورقات جلاش
نتني الورقه علي اتنين وندهن بينهم بالتشريبه ونحشي بالمكسرات المجروشه
نلفها رول بمساعدة شاليمو او ستيك الشيش طاووق ونحطها في صينية
نرصهم كلهم ونقطعهم بالشكل اللي نحبه و ونكمل علي وشهم باقي التشريبة وندخلهم الفرن علي درجة ١٨٠ حوالي ٢٥ دقيقه
ونطلعهم من الفرن نحط عليهم الشربات اللايت (في الوصفات اللي فاتت)
لكن في الوصفة دي استخدمت الجاهز من وحقيقي رائع ومنجز ومش بيسيب اي آثر او طعم يضايق
الطريقة دي خفيفة جدا وطعمها حلو وهتعحبكم جدا 🤍

Address

٦٩ سيدي جابر/امام محطة ترام كيلوباترا حمامات بعد صيدلية بسطاويسي/الدور الارضي
Alexandria

Telephone

+201501266788

Website

facebook.com

Alerts

Be the first to know and let us send you an email when Dr/Kholoud Amr posts news and promotions. Your email address will not be used for any other purpose, and you can unsubscribe at any time.