https://www.facebook.com/1229841923709374/

أحمد صبحي-Ahmed Sobhy

Home
Egypt
Alexandria
أحمد صبحي-Ahmed Sobhy

للتدريب بمجالات الصحة النفسية والتربية الخاصة

ب دكتوراه الصحة النفسية بمجال التكامل الحسي والعلاج الوظيفي
ماجستير التربة الخاصة قسم الصحة النفسية
أخصائي القياس النفسي والإعاقات العقلية
رئيس وحدة التدخل المبكر والاعاقات العقلية بمؤسسة الصحة النفسية بالإسكندرية

19/11/2025

🎧✨ قبل ما نقلق من صعوبة علاج فرط الاستجابة السمعية عند الطفل… لازم نفهم الصورة كاملة!

الطفل اللي يعاني من مشاكل في الاستجابة السمعية يحتاج قبل أي شيء إلى:
🔍 تشخيص علمي دقيق
🧠 فهم لطريقة استقباله للأصوات
🎯 تحديد نوع الخلل في المعالجة السمعية

لأن العلاج الصح يبدأ من التحديد الصح…
ولو تمت خطوات التشخيص بشكل مهني وواضح، رحلة الطفل في التأهيل تكون أسهل وأوضح ونتائجها أسرع بإذن الله 🌟

وفي هذا الفيديو بنشرح دور جهاز وبرنامج الـ AVID في تحسين التكامل السمعي–البصري
وكيف يُستخدم كأداة فعّالة لدعم الأطفال اللي يعانوا من:
🔸 فرط أو ضعف الاستجابة السمعية
🔸 مشاكل الانتباه
🔸 اضطرابات المعالجة الحسية

جهاز AVID واحد من أقوى التقنيات في تنشيط الدماغ وتنظيم معالجة الأصوات بطريقة تدريجية وآمنة للأطفال 🎧✨

لمتابعه سلسله الفيديوهات المتابعه علي 👇👇

https://www.facebook.com/share/1DkUUnWsaz/

19/07/2025

Muscle Weakness ضعف القوة العضلية عند حالات متلازمة داون
Heel drop و Stair climbing من اشهر التمارين اللي بيستخدمها اخصائي العلاج الوظيفي داخل الغرفة الحسية مع حالات Down syndrome بشكل خاص ودي تمارين ضمن تمارين العلاج الطبيعي بس احنا بنوظفها بطريقة مختلفة شويه تساعدنا على تنفيذ المهمة المطلوبة
وبنستخدمها علشان نعزز بيها من التحكم الحركي والتوازن وتعزز بشكل عام قدرة الجسم على الاتزان واستخدام وتحفيز الحس العضلي العميق .
طيب ليه بنستخدمها مع حالات Down syndrome
لان معظم الحالات دي بنقدر نفهمها الغرض من الهدف بالذات لما تكون الاعاقات العقلية عندهم بسيطة ولأن الحالات دي عندهم (Muscle Weakness) ضعف في القوة العضلية ومن خلال تمارين زي التمرين دا بتقدر نساعد في تأهيلهم بصورة افضل بكتير من اللي بيكونوا عليها .
وفيه بعض التمارين اللي لا غنى عنها طبعا داخل الغرفة الحسية زي
✔️ الجلوس على كرة علاجية (Therapy Ball Sitting)
✔️المشي على خط مستقيم (Balance Line Walk)
✔️الوصول إلى اداوت بوضعية الجلوس (Reaching While Sitting) وغيرها من الأهداف المهم جدا البداية بيها أثناء وضع خطط العلاج الوظيفي والتكامل الحسي
بالتوفيق للجميع

03/07/2025

التدريب على القدرات النمائية واضطراب التعلم المحدد مع فريق مركز اتزان للطب النفسي والتأهيل بمحافظة قنا تحت إشراف قسم التأهيل د/هبة عبدالسلام
كل الشكر والتقدير للاستقبال الطيب من المركز

05/06/2025

كل عام وانتم بخير عيد اضحى مبارك عليكم اجمعين واسال الله العظيم أن يجمعنا العام القادم في هذا اليوم مع حجاج بيته الحرام بعرفة ملبيين دعوته لحج بيت الله

15/04/2025

برنامج MAP للقدرات النمائية ذاكرة وانتباه وادراك
المنشور دا باذن الله هكتب فيه شرح مبسط عن البرنامج
ـــــــــــــــــــــــــــــــــــــــــــــــــــــــــــــــ 👇
البرنامج دا فايدته ايه ؟
دا برنامج بقدر من خلاله احدد نسبة القصور اللي موجودة في المجالات النمائية ( أولية أو ثانوية )
أولية 👈 الذاكرة Memory - الإنتباهAttention - الإدراك perception
ومن هنا جه اختصار كلمة MAP
كمان من خلال المجالات الأولية بنقدر نتنبئ بقدرة المفحوص على التعامل مع مجالين مهمين جدا وهو مجال الفهم وحل المشكلات واللي بيعتمدا بشكل كبير على ربط المجالات الثلاثه الأولية مع بعض
✔️ وكمان في المقياس جزء مهم جدا وهو جزء أولي بقدر من خلال عرض المفحوص عليه احكم اني ينفع أطبق المقياس اصلا ولا لأ ودا لان الجانب دا هو جانب أولي لكل المهارات اللي هتتعرض على المفحوص في المقياس وليه كتاب مخصص (كتاب تقييم جانب الفهم السمعي)
ـــــــــــــــــــــــــــــــــــــــــــــــــــــــــــــــ 👇
طيب هو بيقيس بس القدرات النمائية ؟
لا دا بيقيس وبيطلع نسبة مئوية للمجال وبعد كدا بنطلع مقابل مئيني للنسبة المئوية وبعد كدا بنحدد فئة المشكلة سواء شديدة أو شديدة جدا او بسيطة وهكذا
بعد كدا المرحلة التانيه وهي مرحلة تسجيل الأهداف واللي بيتم فيها استخراج كل نقاط الضعف اللي تم تسجيلها في المجالات المختلفة وعمل اهداف عليها ربع ثانوية وبعد كدا يتم قياس نسبة التطور اللي تمت عند المفحوص
ـــــــــــــــــــــــــــــــــــــــــــــــــــــــــــــــ 👇
هو البرنامج بيتم تطبيقه من سن كام سنة ؟
البرنامج بيتم تطبيقه من سن 5 سنوات وبيشمل جميع الأعمار بعد ال5 سنوات
ـــــــــــــــــــــــــــــــــــــــــــــــــــــــــــــــ 👇
ايه محتويات البرنامج ؟
البرنامج محتوياته عبارة عن
✔️ 3 كتب قياس مهارة
✔️ كتاب القياس الأولي للفهم المسعي
✔️كراسات التصحيح
✔️ملف التقارير
✔️ملف إستخراج الدرجات
✔️شرائح الإنتباه
✔️شرائح التطابق
✔️ كروت الارقام والأشكال

ـــــــــــــــــــــــــــــــــــــــــــــــــــــــــــــــ 👇
ازاي احصل على البرنامج
من خلال المؤسسة العربية لتدريب العلوم النفسية فرع الاسكندرية لان دا المكان الوحيد اللي عنده المقدرة على توفير البرنامج
ـــــــــــــــــــــــــــــــــــــــــــــــــــــــــ 👇
رقم الواتس للتواصل وطلب البرنامج
1099288209

04/04/2025

👈في البوست دا هرد على سؤال مهم جدا وهو
امتى ابدا اختبر الطفل واتأكد على سلامة وظائف الدماغ والجهاز العصبي المركزي عنده واني اتنبأ بقدرة الطفل على استخدام أيده بشكل سوي سواء في الكتابة أو الاستخدامات الأخرى
وامتى اختبر جميع حواس الطفل واتأكد من سلامتها
الجواب : بنختبر الطفل من اول يوم ولادة 🙄 ازاي الكلام دا
من اول يوم ولادة عند الطفل بنقدر نعمل Reflexes test بشكل دوري علشان كل فترة زمنية حوالي 3 شهور نتأكد من تطور المنعكسات عند الطفل ونتأكد من ظهور منعكسات واطفاء منعكسات أخرى ودا بيكون دليل على تطور الجهاز العصبي ووظائف الدماغ
ومن أهم التطورات اللي بتكون ملحوظة من اول الولادة لحد بداية دخول الطفل لسن التعليم
هو تطور
Motor setting
✔️hand movements
✔️Palmar Grasp reflex
واللي من خلاله بنبدأ نتأكد من سلامة الأعصاب الطرفية لانها هي أحد العوامل الأساسية في حياة الطفل واللي بتساعده بعد كدا في عملية تعلم المهارات الأساسية الأولية والثانوية
زي مسك الاشياء - نقل الاشياء - الإشارات - المساعدة في الحبو ثم الوقوف - اتصالا بالقدرة على الرسم والكتابة ....
يعني عايز تقولي أن الطفل نقدر نختبر قدرته على الكتابة من اول يوم ولادة 👍 ايوا عايز اقول كدا ودا من خلال Palmar Grasp reflex
ونرجع نختبره تاني بعد مرور 3 شهور من الولادة من خلالhand movements
ومش كدا بس دا احنا عندنا اكتر من 45 منعكس نقدر من خلالها نرسم مستقبل الطفل الدماغي بشكل كامل
ونختبر الطفل من اول الولادة وكل ثلاث شهور علشان نتأكد من أن دماغ الطفل بينمو نمو سوي بدون اي مشكلات
وكمان علشان اتاكد من تطور الحواس عنده بشكل سوي ولو ظهر اي مشكلة اقدر أتدخل بصورة سريعه واحاول أعالجها

#المنعكسات

Address

Alexandria
المعمورةالبلد-اولش25

Telephone

+201099288209

Website

facebook.com

Alerts

Be the first to know and let us send you an email when أحمد صبحي-Ahmed Sobhy posts news and promotions. Your email address will not be used for any other purpose, and you can unsubscribe at any time.