د. أحمد عبد الفتاح - طبيب أطفال وحديثي الولادة

07/06/2024

🌞🔥 يا أمهات ويا آباء مصر الحلوين! 🔥🌞

الحر الشديد جاي علينا، وولادنا محتاجين عناية خاصة في الأيام الحارة دي! عشان كده، حبيت أشارك معاكم شوية نصايح تساعدكم تحموا ولادكم وتحافظوا على صحتهم في الجو الحار.

معلومة قيمة: هل تعلموا إن الأطفال بيكونوا أكتر عرضة للإصابة بضربات الشمس والجفاف لأن جسمهم مش بيقدر يتحكم في درجة حرارته بنفس كفاءة الكبار؟ 🥵 لذلك مهم جدًا نكون حذرين ونحميهم كويس.

🏥💦 دي شوية نصايح تساعدكم:

شرب الميه كتير: تأكدوا إن ولادكم بيشربوا كمية كافية من الميه طول اليوم، حتى لو مش حاسين بالعطش. شوية موية على فترات قصيرة أفضل من كمية كبيرة مرة واحدة.

لبس خفيف وقطني: اللبس القطني والخفيف بيساعد على امتصاص العرق وبيخلي جسمهم يتنفس أكتر.

تجنبوا الشمس في وقت الظهيرة: حاولوا تخلي ولادكم يلعبوا في الأماكن المظللة أو في البيت وقت الظهيرة لما تكون الشمس قوية جدًا.

استخدام واقي الشمس: قبل ما يخرجوا، دايمًا حطوا واقي شمس على بشرتهم، خصوصًا الأماكن المكشوفة زي الوجه والذراعين.

الأكل الصحي والمنعش: قدموا لهم فواكه وخضروات طازجة لأنها مليانة ميه وفيتامينات تساعد في الترطيب.

الاستحمام بالماء الفاتر: حمام بماء فاتر يساعد على تهدئة جسمهم وخفض حرارته.

شاركوا البوست ده عشان نفيد أكبر عدد ممكن من الأمهات والآباء، وخليكم دايمًا مصدر حب وحماية لأولادكم ❤️

11/04/2021

17/05/2020

سرير بيتكم أحسن من سرير العناية
سرير بيتكم أحسن من سرير العناية
سرير بيتكم أحسن من سرير العناية
سرير بيتكم أحسن من سرير العناية

17/05/2020

ماتنزلش من بيتك الا للضرورة
ماتنزلش من بيتك الا للضرورة
ماتنزلش من بيتك الا للضرورة
ماتنزلش من بيتك الا للضرورة

12/05/2020

نقلا عن صفحة سرنجة وسماعة
دي الفرق بين أنواع الكمامات الموجوده في السوق
عشان محدش يخدعكم .. لازم تعرفوا انهي كمامة بتوفر حماية ضد #فيروس #كورونا

09/05/2020

هو لبس العيد الي بتشتروه دلوقتي في عز الزحمة
هاتلبسوه فين؟
إحنا عيدنا في الحظر

03/05/2020

بعد ما نقولك مبروك المولود الجديد ,لازم برضه نقولك على شوية حاجات تخلي بالك منهم .. واوعي تعمليهم
10 أخطاء في التعامل مع المولود الجديد:
1) تجاهل البكاء\العياط:
العياط هو لغة المولود الجديد الوحيدة ,بيستخدمها عشان يعبر عن نفسه وعن احتياجاته
سواء كان جعان او عطشان او عايز يغير الحفاضه او حتى عشان يحس باهتمامك
لازم تهتمي بيه لما يعيط عشان تحسسيه انك جنبه دايما وكمان عشان تلبي احتياجاته.
--
2) الرضاعة بمواعيد ثابته:
مينفعش تعملي جدول ثابت للرضاعه ,لازم يرضع وقت ما يطلب .. مينفعش تجبريه ياكل وهو مش جعان وماينفعش تطنشي جوعه
--
3) الحفاضه بتتغير كل قد ايه؟
كل مرة يتعمل فيها لازم تتغير ,مينفعش تستني لما يتملى ومينفعش تقولي مش مستاهله
كل ده جلد الطفل هو الي بيدفع تمنه.
--
4) التنظيف من اتجاه للتاني.
سواء من الخلف للامام او العكس ,انتي كدة بتنقلي البكتريا من مكان للتاني .. كل مكان يتنضف لوحده.
--
5) المخدة للطفل.
جسم الطفل لازم يينام في وضعية حره يعني بدون اي تدخل منك ولا ترفعي راسه بمخدة ولا تفردي جسمه ولا تجبريه يغير وضعيته ,عضم الجسم رقيق جدا وميتستحملش تدخل منك.
--
6) لو سخن اديله.
السخونية دليل ان فيه مشكلة في الجسم ,بلاش اهمال فيها لازم استشارة طبيب خصوصا في السن ده .. الجسم بيعبر عن مشاكله بطرق محدوده لازم تهتمي بكل علامة فيهم.
--
7) السرة هاتقع لوحدها.
بس قبل ما تقع لازم تطهر مرتين يوميا بالكحول الطبي وقطنه ومسح على خفيف.
--
8) صغير على الفرشاة.
نضافة الفم بتبدأ من اول يوم بعد الولاده ,بقطنه مبلله ومسح خفيف بعد كل رضاعه
--
9) شيل الطفل من ايده او رجليه.
عضم الطفل ضعيف جدا واي عنف او خشونه معاه ممكن يسبب ضرر دايم الطريقة السليمة لشيل الطفل بتحتاج فردين على الاقل اول فرد يشيله من تحت الدراعات مع فرد الصوابع لمسك الضهر والفرد التاني هايسند راس المولود عشان تفضل مستقيمه اثناء الشيل.
--
10) الدفء المبالغ فيه.
تزويد الطفل بالملابس التقيله هايسببله الضيق والاختناق ,لازم توازني في الهدوم بحيث مايكونش بردان وفي نفس الوقت ميكونش مخنوق.
--
* دي نقطة مهمه مش محتاجه رقم:
الرضاعة الطبيعية اهم وافيد غذاء للمولود يمكن مايقدرش في حياته ياكل أفيد منه في زمننا ده
لازم تعرفي ان خوفك على شكل جسمك وصدرك مايجيش حاجه جنب فايدة الرضاعة الطبيعية لطفلك .. تقدري تتابعي مع دكاترة تجميل او في نوادي رياضيه ازاي ترجعي جسمك لشكله قبل الولاده .. بس مش هاتقدري تعوضي طفلك عن فوايد لبن الأم ..
--
> اقترحي في الكومنتات موضوع البوست الي جاي .. هاينزل كمان يومين

02/05/2020

كلها ايام أوشهور والبيبي يشرف 🥳
خايفه ومش عارفه تتصرفي ازاي مع أول #طفل ليكي؟ 😵
يبقى تابعي البوست الي جاي .. 👇
هايكون عن أكتر 10 تصرفات غلط #الماميز الجديدة بتعملها مع طفلها ..
#منشن لكل حامل تعرفيها عشان البوست الي جاي هايكون مخصص ليها

30/04/2020

اللهم أنتقم ..
اللهم تقبلهم شهداء

28/04/2020

حملة جمع توقيعات لأيقاب برنامج
بندخل على اللينك ونكتب الاسم والايميل ....

14/04/2020

الي إحنا فيه اسمه " عزل ذاتي " وده طول اليوم مش بالليل بس
يعني إيه؟
يعني ماتنزليش من بيتك الا للضرورة فقط
يعني ماتاخديش أطفال معاكي وانتي نازلة
يعني مافيش زيارات عائلية ولا صحوبية
يعني اطفالك ماينزلوش لوحدهم يتسلوا في الشوارع
يعني لو مشوار ضروري وفيه زحمه = يبقى كمامه وجوانتي
يعني لما ترجعي من مشوارك =
الأحذية تفضل برا البيت مش جوه + غسيل وتطهير الايدين والرجلين والوش + تعقيم الملابس بالكحول الطبي
** شوية حقايق تهمك:
* الإهمال اسوء من الفيروس
* لحد دلوقتي مافيش اي علاج للفيروس
* الاعداد بتزيد كل يوم والوفيات بتزيد
* الفيروس بيعيش برا الجسم ٨ ساعات ومش بينزل عالارض في نفس اللحظه بيقدر يتنقل متر كامل في الهوا
* ١٤ يوم هي فترة حضانة الفيروس

30/03/2020

أسرار ماكنتيش تعرفيها عن 😉
خبير صحي وتجميلي في نفس الوقت 👌
وعشان شعرك ثروتك هانقولك ازاي زيت الزيتون بيفيد شعرك:
👇
بيطول شعرك لأنه غني بفيتامين هـ الي بيغذي بصيلات شعرك وبينشط الدورة الدموية في فروة راسك.
👇
مرطب وملمع طبيعي للشعر لأن فيه مضادات للأكسدة الي بتحمي شعرك من عوامل الجو والتراب الي بيكونوا سبب رئيسي في جفاف وضعف شعرك.
👇
علاج لحكة فروة الراس لأنه مضاد للبكتريا الي بتسبب تلوث في فروة راسك وتخليكي دايما حاسه بالحكة فيها.
👇
بيحارب القشرة وبيمنع عودتها لأنه مضاد للفطريات في فروة راسك وشعرك.
🥣🥣🥣
طب تستخدميه ازاي: 🤔
معلقتين زيت زيتون في كوب زجاجي
تدفيهم في المايكرويف لمدة 10 ثواني (او حمام مياة)
بصوابعك تدلكي فروة راسك من الجذور للأطراف
(يفضل بعد التدليك تكوني نايمة على طرف سرير بحيث شعرك يكون مفرود لأسفل بأتجاه الأرض لمدة 5 دقايق)
تغسلي شعرك بعد ساعتين من الاستخدام.
كرري الاستخدام يوميا لمدة اسبوعين
وهاتلاحظي الفرق في الطول والنعومة واللمعان وعلاج المشاكل الصحية.
- منشن للي دايما تسمع عنه وماتعرفش فوايده.
- ماتنسيش تتابعي البوست الي جاي (زيت الزيتون على سفرتك)

22/03/2020

أنشروا الأخبار الحلوة دي بقى

21/03/2020

انشروا الأمل بين الناس

20/03/2020

18/03/2020

لو مش خايف على نفسك ,خاف على أهلك
النزول من البيت للضرورة فقط

10/03/2020

ماتقلقيش الموضوع بسيط ,بس #الشير إجباري المرة دي
نبهنا قبل كدة وهانفضل ننبه أن فيروس #كورونا ضعيف
وسهل أنك تحمي نفسك أنتي وأولادك وأسرتك كلها منه
بس دلوقتي فيه خطر أكبر منه بمراحل وهو خطر #الشائعات
دي ألعن من 100 فيروس ,دي تاثيرها كارثة على الكل
ماتصدقيش اي خبر او اي بوست تشوفيه ولا حتى
مبعوت على ,أعملي الي عليكي وبس
ولو مهتمه تابعي المصادر الرسمية الموثوقة (هاكتب لكم اللينكات في الكومنتات)
نقول تاني.. ازاي تحمي نفسك:
1) كمامة طول مانتي برا بيتك.
2) غسيل بالمياة والصابون العادي مش لازم #ديتول.
3) الهدوم تشوف الشمس لأطول فترة.
4) بلاش سلام بالأيد ..بلاش بوس .. بلاش أحضان.
5) أرفعي مناعتك بالخضروات والفواكه (هاكتبهم في الكومنتات)
بس كدة اهي بسيطة .. لو ركزتي هاتلاقيها كلها عادات صحية المفروض
تبقى موجوده أصلا عندنا من غير أي تهديد أو #فيروس

06/03/2020

جبتي ماسك ليكي ولطفلك ولا لأ؟
وجبتيها منين وبكام؟!