د.نسرين أحمد أبو العدل

17/06/2025

السلام عليكم ورحمة الله وبركاته
تشرفت علي مدي الأسبوع الماضي بحضور مؤتمر الجمعيه الاوروبيه لأمراض الروماتيزم و المفاصل المناعيه EULAR و الذي أقيم في مدينه برشلونه اسبانيا
تمت مناقشه احدث الأبحاث العلمية و التوصيات العالميه
اراكم علي خير من الأسبوع القادم في العياده ان شاء الله
كل عام و حضراتكم بخير
❤️❤️

27/05/2025

و لان مايو مينفعش يخلص و متكلمناش عن الحمل و الذئبه الحمراء 🦋🦋🤰🤰

حنقول شويه نقط نصائح ✅✅و شويه نقط تصحيح مفاهيم غلط ❌❌

أولا النصائح: ✅✅

1️⃣اتاكدي ان المرض مش نشط لمده لا تقل عن ٦ شهور قبل التخطيط للحمل ده حيحميكي من مضاعفات كتير ممكن تحصل

2️⃣راجعي مع طبيبك الأدويه الممنوعه في الحمل و قبل الحمل بفترات كبيره

3️⃣أوعي توقفي علاجك الموصوف لك من الطبيب المعالج و أنتي حامل علشان خايفه علي البيبي متقلقيش الادويه الصح مش حتأثر علي الكتكوت 👶بالعكس حتحميه و تكمل نموه بصوره طبيعيه

4️⃣اتبعي نظام غذائي قليل الملح أثناء الحمل لمنع زيادة الوزن وارتفاع ضغط الدم

5️⃣لو طبيبك وصفلك الادويه الي بتزود نسبه السيوله خلال فتره الحمل خصوصا لو أنتي من مرضي متلازمه الانتي فوسفولبيد خديها دون تردد مع المتابعه الدوريه طبعا

المفاهيم الخاطئه ❌❌❌:

1️⃣انه مرض جلدي فقط

2️⃣انه مرض معدي

3️⃣مش لازم مرض الذئبه يأثر علي كل أجهزه الجسم اغلب
المرضي الأعراض بتتراوح من بسيطه لمتوسطه و بتستجيب للعلاج بصوره رائعه بفضل الله تعالى 🤲🏻👌

4️⃣مش كل مريض شبه التاني ممكن نبطل منتديات فتكات الي بتخلينا نتوهم و حيحصلنا كل حاجه مش لطيفه 🫣

5️⃣مش لازم مرحله الحمل مع مريضه الذئبه تحمل مضاعفات بالعكس مع العلاج المظبوط ، المتابعه المستمره اغلب الحمل بيكمل بصوره طبيعيه بفضل الله 👩‍🍼👶👶👩‍🍼

6️⃣و اهم مفهوم خطا في الحمل ان الذئبه بتأثر علي خصوبتك أو قدرتك علي الحمل ؛ فرص حدوث الحمل عندك زيك زي أي سيده مش مريضه 🤰🤰🤰

رزق الله كل منكم بالذريه الصالحه المعافاه و كتب لكم السلامه في كل مرحله من مراحل الحمل 🤰🤰❤️❤️❤️

17/05/2025

السلام عليكم ورحمة الله وبركاته

نصائح هامه لخفض نسبه الكوليسترول الضار بالدم و الدهون
الثلاثية

دمتم في رعايه الله و امنه 🙏🙏❤️❤️

17/05/2025

مايو و التوعيه عن مرض الذئبه الحمراء 🦋🦋🦋

معلومه مهمه جدا جدا

مواصفات كريم واق الشمس الي نستخدمه لتجنب تأثير الشمس الضار علي نشاط مرض الذئبه الحمراء 🌞🌞

1️⃣🧴🧴🧴يحتوي على عامل حماية من الشمس (SPF) لا يقل عن 50

2️⃣التأكد من أنه يحجب الأشعة فوق البنفسجية A وB

3️⃣لازم يدهن قبل الخروج من المنزل علي الأقل بنصف ساعه 🕥👌

4️⃣مراعاة تجديده ودهانه على الجسم مرة أخرى مرة كل ساعتين.

💡💡واقي الشمس هنا جزء من العلاج مش رفاهية لان الأشعة فوق البنفسجيه ممكن تنشط المرض و لا قدر الله يحدث هجمة.

👇🏻👇🏻كمان أوعوا تنسوا دول

• يُفضل ارتداء قمصان او تيشرتات بأكمام طويلة وبنطلونات طويلة وقبعة عريضة الحواف لحماية الجلد 🧢🎩👒👒

• لازم نتجنب التعرض لأشعة الشمس المباشرة بين الساعة العاشرة صباحًا والرابعة مساءً؛ وذلك عندما تكون أشعتها أقوى ما يمكن☀️☀️☀️

صيف سعيد عليكم ❤️❤️

16/05/2025

مايو و الذئبه الحمراء🦋🦋🦋

مش كل مريض زي التاني 👌

مش كل مريضه ذئبه بيحصلها كل الأعراض أو المضاعفات 👌

ممكن يكون كل الموضوع أعراض بسيطه في الجلد و المفاصل و مع العلاج و المتابعه تكون في احسن صحه و حال 🤲🏻🤲🏻

متعكم الله بالصحه والعافية يارب 🤲🏻

المعلومات دي مهمه جدا 👇🏻 اقروها بعنايه 👌

14/05/2025

أمتي تزور طبيب الروماتيزم أو تشك ان عندك مرض الذئبه الحمراء ؟؟
لو عندك ٤ أو اكتر من العلامات أو الأعراض دي 👇🏻👇🏻؟
حمله توعيه عن مرض الذئبه الحمراء برعايه شركه استرازنيكا. 🦋🦋🦋🦋🦋

14/05/2025

مساء الفل
حبيت أشاركم حمله توعيه عن مرض الذئبه الحمراء ب رعايه شركه استرازنيكا
🦋🦋🦋🦋
تحيه من قلبي ل بطلات و فراشات الذئبه الحمراء 🦋🦋🦋

11/05/2025

شكرا جزيلا لكل الي شرفونا النهارده 🌹🌹❤️❤️

شكرا فريق العمل من مجمع عيادات المدينه الطبي

شكرا ل شركه مينا فارما توزيع عينات مجانيه هيدروكين و وان الفا فيتامين د

شكرا شركه استرازنيكا علي كتيب التوعيه ل مرضي الذئبه
الحمراء

شكرا شركه أمجن علي توفير جهاز قياس كثافه العظام لكل الي شرفونا

نشوفكم علي خير يا رب دايما ❤️❤️

07/05/2025

السلام عليكم ورحمة الله وبركاته
استأذن حضراتكم الي ان شاء الله حيشرفنا الاحد المحاضره ممكن يملي الفورم دي 👇🏻❤️❤️🙏
في انتظار صديقاتي العزيزات أبطال الذئبه الحمراء ❤️❤️❤️

د نسرين أبو العدل. الأحد ١١ مايو الساعه ١٢ م

07/05/2025

صباح الخير
ثاني سؤال : الأرق و لغبطه النوم 🥱😴🛌
افتكروا دايما ان الله عز وجل قال في سوره النبأ:
"و جعلنا نومكم سباتا و جعلنا الليل لباسا و جعلنا النهار معاشا "

06/05/2025

في انتظاركم إن شاء الله الأحد القادم ١١ مايو الساعه ١٢ م
حيكون يوم جميل بإذن الله
في مفاجآت كثيرة ☺️❤️❤️

لو بتحس بتعب مستمر، آلام في المفاصل، أو أعراض مش مفهومة؟
ممكن يكون السبب مرض الذئبة الحمراء

ندعوك لحضور محاضرة توعوية مجانية
مع د. نسرين أبو العدل
مدرس واستشاري الأمراض الروماتيزمية والمفاصل المناعية
موضوع المحاضرة:
✨ الذئبة الحمراء… إيه هي؟ وأعراضها إزاي بنكتشفها؟

📅 الموعد:
الأحد11 مايو – من الساعة 12 إلى 1 ظهرًا
(🕦 الحضور من الساعة 11:30 بالأسبقية)

المميزات:
🎁 عينات مجانية
📄 بروشور توعوي شامل
❓ فرصة لطرح الأسئلة والتفاعل مع الدكتورة مباشرة

📍 المكان:
مجمع المدينة الطبي – الدور الأول

احجز مكانك قبل العدد ما يكمّل
للاستعلام والحجز:
📞 01200363435 – 01016619218

05/05/2025

🥇اول سؤال
🦴🦴المفاصل مع الذئبه الحمراء
Sarah Sarhan ❤️❤️