15/11/2023
انت .. ايوه انت الكلام ده ليك👀❤️🫵
المرض النفسي هو مرض زي كتير من الامراض الي ممكن يتعرض لها اي بنادم ف الدنيا ومحدش بيختار يكون مريض نفسي دا نصيبه من الدنيا زي ما في غيرهم كتير بيعانو من امراض مختلفه
اوعا تتكسف من نفسك لو عندك اي مرض نفسي مريض البرد عمره ما اتكسف يقول انا بردان
اوعا تخبي ادويتك وتبقي بتاخدها وانت قلقان ان حد يشوفك مريض الكانسر عمره ما بيخبي ادويته من الناس
اوعا تحبس نفسك ف البيت خوفا من انك يجيلك نوبه ف الشارع وتتكسف من نفسك قدام الناس مريض السكر عمره ما بيتكسف من نفسه لما بيجيله نوبه سكر قدام حد
واجه مرضك واتعامل معاه واوعى تتكسف منه او تخبيه وخليك عارف ان اول خطوه ف العلاج هو ثقتك ف نفسك ووعيك الكبير ومعرفتك بالمرض دا عشان تعرف تتعامل معاه وتعدي رحله العلاج
والدعم الاول بيجي من الاهل كونوا داعمين لولادكوا اوعوا تتكسفوا من ولادكو لو عندهم مشكله اوعوا تسمحوا لحد يحسسهم بانهم اقل منهم او عندهم نقص وتبقو واقفين تتفرجوا ومش بتردوا حقهم
واخيرا اوعى تسمح للمجتمع انه يخليك ضعيف او تبقي واقف عاجز
انت بطل ولو مش قد دا ربنا مكنش اختارك ''ولا يكلف الله نفسا الا وسعها ''ف اقعد مع نفسك وفكر كويس ان اكيد ف طاقه جواك قادره تواجه ده اقعد مع نفسك وخرج الطاقه الي جواك وثق فى نفسك واتعرف ع مرضك وابدأ حط لنفسك رولز وخطط وازاي نهزم المرض دا وحافظ ع ادويتك و واجهه المجتمع وان شاء لله تخلص المرحله دي ع خير
انا موجوده هنا عشان اسمعكو وادعمكو ونحط خطط مع بعض ونعرف ازاي هنتعامل صح مع مرضنا ..💖
