Reem pharmacy

29/05/2024

من لحظات ام بتسال الدكتور كاتب النقط دي عشان طفلي هل استخدمها للبن بتاعه ولا استخدمها انا اشربها قبل الرضاعه ؟ لان مكتوب عليها انها للبالغين فقط فخايفه استخدمها للطفل ؟؟؟ الاجابه
______________________________________________
النقط دي للاطفال ومفيش اي قلق خالص
اولا " لانها لازم تتحط علي اللبن بشكل مباشر عشان تدي نتيجه وبالتالي انا لازم احطها علي اللبن بتاع الطفل عشان تكسر الـ lactic acid

ثانيا " لانها اصلا لا تمتص من الجهاز الهضمي يعني لو الام شربتها مش هتدخل جسمها هتنزل مع البراز ولو الجرعه كبيره علي الطفل فهي اصلا مش هتمتص هي هتنزل مع البراز

ثالثا " دي جمله مكتوبه بسبب تسجيل الدواء ودي خاصه باعمال روتينيه في عمليه تسجيل الدواء في مصر ملهاش سند علمي

25/05/2024

كل الناس الي بتستخدم حقن الساكسندا والاوزمبك واقراص الريبلسس واي دواء من مجموعة ( GLP-1) تخلي بالها من حاجه مهمه جدا وهي ان فقدان الوزن الشديد الي بيحصل في فتره صغيره دا بيؤدي الي فقدان العضلات وهشاشه في العظام وبيوصل الشخص الي ال sarcopenia لذلك مهم جدا ان المريض دا يحافظ علي التمارين الرياضيه الي تحافظ علي عضلاته وبتزود من الكتله العضليه وكمان البروتين في الاكل ويفضل يكون بيستخدم مكمل غذائي يعوض النقصان الشديد في الغذاء دا
وعشان كدا الفتره الحاليه فيه بعض الابحاث الي شغاله حاليا علي تصميم ادويه تحافظ علي الجسم من الاثر الجانبي دا يعني الشخص يخس لكن العضلات ما تتاثرش زي الادويه الي بتشتغل androgen receptors modulator

20/05/2024

ايه اسباب ان البلغم ما بيطلعش في الكحه ؟؟

بص يا سيدي البلغم دا بيطلع طبيعي جدا في جسمنا علشان يرطب الهواء الي داخل وعلشان لو فيه بكتريايه داخله الرئه يكعبلها ويمسكها والطبيعي ان الكحه بتطلعه
====================
طيب ليه ما بيطلعش في الكحه ؟

- ممكن يكون كميته زياده اوي " بسبب التهاب شعب هوائيه او تليف رئوي او التهاب رئوي او حساسيه الصدر "

- ممكن يكون لزوجته عاليه ولازق جوه " بسبب نقص السوائل في جسم المريض " جفاف" او جفاف الجو المحيط بيه "

- ممكن تكون الـ cilia الي موجوده في القصبه الهوائيه الي المفروض بتطرد البلغم بره مش شغاله " بسبب ان التدخين بيكسرها او المهدئات بتخليها مش قادره تنقبض تطردها بره "

- ممكن يكون المريض مش قادر يكح " بسبب بعض الامراض الي بتصيب عضلات لصدر مش مخلياه عارف يكح خالص

-ممكن يكون السبب ان الممر الهوائي ضيق الكحه مش عارفه تطلع البلغم زي مرضي COPD

==============================

07/05/2024

مادة ال Diacerein من الادويه الفعاله لعلاج الخشونه بس عيبه حاجتين
اولا : انه بيشتغل على interleukin مضاد التهاب يعني كل الي عليه انه يهدي الالتهابات يعني يقلل تقدم المرض وزيادة الخشونه ملهوش دعوه بالخشونه الي حصلت هو هيحافظ ع المفصل
ثانيا : بسبب انه بيقلل تقدم المرض دا الاساسي بتاعه يعني يمنع ان الالم يزيد لكن الي حصل من التهابات ملهوش فيه 👌

مشكلته » الاسهال الي بيعمله لذلك يفضل نبدا بكبسوله مره يوميا لمده شهر وبعدين نخليها مرتين بس خلي بالك لو حصل اسهال وقفه لانه بيعمل اسهال ممكن يخلي المريض يحصله جفاف فسواء كان الاسهال منه او لسبب اخر وقفه في وجود اسهال
____________________________

06/05/2024

03/05/2024

-------------------------
الفكره من التوصيه بان اي دهان في تركيبته الـ tretionine انه يستخدم مساء هو ان الـ UV الموجوده في اشعه الشمس بتكسر الماده الفعاله بنسبه تتخطى الـ 90% وهتصبح عديمه الفائده ودا سبب اننا بنوصي انه يستخدم مساء لكن سبب الالتهابات هو ان الحاله استخدمت كميه كبيره انبوبه في الاسبوع 😀 وكمان بتستخدمه لمده اكثر من ساعه ودا غلط بيخليه يقشر بعمق كبير يسبب التهابات
مره مساء لمده 10 دقائق تكفي او مره كل 3 أيام لمده نصف ساعه تكفي

---------------------------

14/04/2024

٥ علامات لو موجود ٣ منهم انت معرض بنسبه كبيره جدا للإصابه بالسكر وتصلب الشرايين :-

- زياده مساحة البطن 👌 الكرش 👌 الي اكبر من 88 سم للسيدات و 102 للرجاله ( الله يسترها الجايد لاينز راعت الرجال ).

- ارتفاع نسبه الكوليستيرول الضار LDL عن المعدل الطبيعي اعلى من 100

- قلة نسبه الكوليستيرول النافع HDL عن المعدل الطبيعي اقل من 40

-- ارتفاع متوسط ضغط الدم عن 130/80

- ارتفاع نسبه السكر التراكمي 5.7%

لو موجود ٣ حاجات من دول كدا انت معرض لتصلب الشرايين او السكر او الاثنين معا metabolic disorders بنسبة تتخطي 50% وكمان لو عملت معاهم تحليل HS- CRP بتكون النسبه اعلى كمان

11/04/2024

خلي بالك المريض الي بياخد ماده ال levofloxacine ممكن يجيلك بيشتكي برجفه او رعشه في جسمه و خصوصا لو بياخد مسكن زي ديكلوفيناك بتظهر بعد كذا يوم من الاستخدام فلو كان الكورس فترته قصير قوله استحمل مالم يكن مريض seizure او ان الامر يعوق ممارسته لعمله والفتره ٥ ايام بيظهر احيانا في اليوم الرابع

03/09/2022

----------------------------------
الترايكتين دا ايه اضراره ؟
الدواء دا مادته اسمها cyproheptadine الماده دي عباره عن مضاد هيستامين يعني بتلغي تاثير الهيستامين الي بيطلع في حاله الهساسيه والالتهابات يعني لو واحد عنده حساسيه من اي حاجه او رغبه في الهرش او رعشه بسبب البرد او رشح في الانف الدواء دا بيعالجها

يعني اول نقطه حابب اوضحها ان الدواء دا مش كورتيزون ولا ليه علاقه بالكورتيزون
عارفين هو ليه علاقه بالكورتيزون بس دا بيقلل الكورتيزون مش بيعليه !!!! تخيلو بقي معلومه هيتصدم منها الكتير من الدكاتره وانا هسيب المصادر ليها في اول تعليق
يعني الدواء مش بيعمل زي الكورتيزون يضعف المناعه وكل دا لكن هو بيقلل الكورتيزون وثبت ان له تاثير كويس في حالات الـ cushing syndrome الي بيكون عندها ورم تسبب في زياده انتاج الكورتيزون يبقي هو بيعمل عكس ما يشاع عنها

ملحوظه
بعض الناس عديمي الضمير والرحمه بيوصفو مع الترايكتين حاجه اسمها ديكسازون ودي مصيبه كبيره جدا بشكل لا تتخيلوه سيبوكم من كل حاجه بيعملها الدواء الديكسازون دا وخليكم في انه بيوقف المناعه دي اقل حاجه بيعملها وسكر وضغط وهشاشه عظام وضعف كتله عضليه وقع مناعه

-------------------------------
نرجع لموضوعنا الترايكتين بقي اضراره ايه ومين ياخده ومين ما ياخدهوش ؟
- المرضي الي عندهم مياه زرقاء علي العين " اتفقنا قبل كدا اي مضاد هيستامين بينيم لازم يكون ليه antimuscrinic effect مع المرضي دول بيعليلهم ضغط العين " المرضي العاديين مش هيحصلهم ارتفاع ضغط عين

- المرضي الي عندهم QT interval prolongation دا نوع معين من مرضي القلب

- مرضي تضخم البروستاتا BPH لان زي ما احنا عارفين اي دواء بردو antimuscrinic يمنفعش مع لمرضي دول لانه بيعمل احتباس مياه معاهم اكتر ما هي محبوسه يبقي نتجنبه معاهم

- مينفعش مع المرضي الصرع والتشنجات لانه بيعمل decrease in onset وبيطول في الـ duration بتاعه التشنجات زيه زي اي مضاد هيستامين اخر

شايفين كل الاحتياطات الي قولت عليها دي ؟ هي نفس احتياطات وصف الكونجستال حبايه البرد الي كلنا بنستخدمها شوفتو حد مات من الكونجستال ؟

-----------------------------------
طيب جرعته ايه كفاتح للشهيه ؟
جرعته 2 مجم اربع مرات يوميا يعني نصف قرص اربع مرات في اليوم وبعد اسبوع نزود الجرعه الي قرص كامل اربع مرات يوميا

طيب ليه بنبتدي بالجرعه دي ؟
لان في اول 5 ايام الي اسبوع بيعمل الدوخه والهمدان وبعد كدا الاثر الجانبي دي بيختفي تماما في الاول بنبدا بجرعه صغيره وبعدين يبقي نكملها دي الجرعه الموجوده في المراجع

لكن انا في وصفي بستخدم اول 5 ايام قرص قبل النوم وبعد كدا قرص ثلاث مرات ودي بتجيب نتيجه والفكره ن قبل النوم الفتره الاولي عشان نتلاشي تاثيره المنوم

طيب هل اعتمد عليه كمنوم ؟
ينفع تعتمد عليه كمنوم لانه اقل في ضرره من الكالميبام وغيره من المهدئات الي بتعمل مشكله ما عدا زي ما قولت المرضي التشنجات والصرع

-------------------------------------
هل ليه استخدامات تانيه ؟
ايوه ممكن يستخدم كوقايه لمرضي الصداع النصفي بجرعه قرص مره يوميا ودي مثبته

وزي م قولنا بيقفل مستقبلات السيريتونين وبالتالي بيستخدم مع المرضي الي السيريتونين بيعلي عندهم في seretonine syndrome طبعا زي ما حكيت سابقا امتي اذاي بتحصل الحاله دي لكن جرعته ايه ؟ ثلاث اقراص المريض يقرقشهم وكل ساعتين قرص لحد ما يخف

طيب هل بيتعارض مع اي ادويه ؟
بيتعارض مع كل دواء بيهدي ومع كل دواء ليه تاثير antimuscrinic effect