المركز المتقدم لتنمية قدرات ومواهب الطفل

21/12/2024

21/12/2024

بصي يا مامي 👀

🔻تعالي اقولك تشتغلي تنمية مهارات مع ابنك في البيت ازاي

🎯 اولاً
📍لازم تفهمي قدرات طفلك واحتياجاته وتحدديها بشكل مظبوط
◀️بمعنى :ان گل طفل مختلف عن الاخر حتى لو اخوات

📍حددي إيـه هي المهارات اللي طفلك محتاج يتطور فيها (زي الكلام، التركيز، الانتباه او التفاعل الاجتماعي) .

🎯ثانيا :
📍ضروري تتعلمي الأساسيات البسيطة:
◀️وده حيحصل لما تقرئي كتب أو مقالات بسيطه عن تنمية المهارات والتعلم باللعب والفن والأدوات المتاحة .

📍وتقدري كمان شوفي فيديوهات على يوتيوب بتشرح خطوات سهله وبسيطة تقدر أي أم تنفذها.

📍ثالثا:تقدري تستخدمي الألعاب التعليميه:
◀️وده طبعا على حسب المتاح والموجود زي لعبة برج الحلقات أو لضم الخرز او تركيب المكعبات وده طبعا على حسب عمر الطفل وادراكه للعبة.

🎯رابعا : لازم تحددي وقت معين بشكل منتظم

◀️بمعنى انك تخصصي 10-15 دقيقه يوميا او يوم بعد يوم مثلا للعب مع طفلك بشكل مستمر.

🎯خامسا ودي اهم حاجة
📍 خلي طفلك يشاركك يومك العادي في البيت لأن المهارات مش بس ألعاب المهارات يقدر الطفل يكتسبها من البيئة المحيطة ومن خلال التفاعل السليم مع المحيطين وما ننساش طبعا التعزيز والتشجيع بعد كل مهارة بنتعلمها صح 👏👏.
✨ تذگري دائما 👇👇
ان أكتر حاجه محتاجها طفلك هي حبك وصبرك . گوني أول معلم وأول مصدر لتعليم ابنك .🌷✨

❤️وشعاري دائما لكل الأمهات العزيزات ان 👇

21/12/2024

اعراض تاخر الكلام عند الأطفال يظهر في عدة أعراض، ومنها:
الأعراض المبكرة
1. عدم إصدار أصوات أو كلمات قبل سن 9 أشهر.
2. عدم التحدث أو تكرار الكلمات قبل سن السنه
3. عدم استخدام كلمات بسيطة مثل "أبا" أو "أما" قبل سن السنتين
4. عدم القدرة على تكوين جمل بسيطة قبل سن السنتين

# الأعراض في الأطفال الأكبر سنًا
1. صعوبة في نطق الكلمات.
2. سوء فهم اللغة.
3. التردد في الكلام.
4. استخدام الإشارات بدلاً من الكلمات.
5. صعوبة في تكرار الكلمات أو الجمل.
6. عدم القدرة على البدء في المحادثة.
7. صعوبة في الاستجابة للاسم.
8. التأخر في فهم اللغة.

04/12/2024

“الكذب عند الأطفال: الأسباب والحلول”

الكذب سلوك شائع عند الأطفال وبيحصل لعدة أسباب زي:
🔹 الخوف من العقاب.
🔹 رغبتهم في لفت الانتباه.
🔹 خيالهم الواسع، خاصة في السن الصغيرة.
🔹 تقليد الكبار أو سماعهم وهم يكذبون.

🛑 إزاي نعدّل هذا السلوك؟

1️⃣ التفاهم بدل العقاب القاسي: لما يكذب الطفل، اسأليه بهدوء عن السبب بدل ما تخوفيه أو تعاقبيه. الشعور بالأمان بيشجعه على الصدق.

2️⃣ كوني قدوة حسنة: الأطفال بيقلدوا الكبار، فلو شافوكِ صادقة في كلامك، هيبدأ يتعلم منك أهمية الصدق.

3️⃣ التشجيع على الصراحة: لما يعترف الطفل بخطئه، امدحيه لأنه قال الحقيقة بدل ما تركزي على الغلط. ده هيعزز ثقته في نفسه ويخليه يفضل الصدق.

4️⃣ فهم دوافع الكذب: لو الطفل بيكذب عشان يلفت الانتباه، اعرفي إنه محتاج اهتمام أكبر. لو بسبب الخيال، وضحي له الفرق بين الحقيقة والتخيل.

5️⃣ احكي قصص عن الصدق: استخدمي الحكايات البسيطة اللي توضح قيمة الصدق وتأثيره الإيجابي.

💡 تذكري:
الكذب عند الأطفال سلوك بيحتاج صبر وتفهم. بدعمك واهتمامك، هيقدروا يتعلموا إن الصدق هو الطريق الصحيح

04/12/2024

02/12/2024

معلمي العزيز
تحية طيبة وبعد....
أنا تلميذ مختلف
لا أحب الجلوس كثيرا
فهلا تركتني أساعدك في الصف؟
أنا تلميذ مختلف
أرى كلماتك مبعثرة على السبورة
فهلا أجلستني في المقعد الأمامي؟
أنا لا أستطيع منع ساقي من الحركة
فهلا كففت عن أمري بالهدوء؟
أنا تلميذ مختلف
كل ما أتمناه
أن أفهم ما تقوله
أحب الشرح بمثال
بقصة
أحب البراهين
عقلي لا يستوعب الحفظ
أحب التجربة
لا أشعر أني بخير وأنا أحفظ تلك الكلمات
تدور في رأسي وتتطاير
معلمي ...
أنا لا أحتاج غضبك علي أنا فقط أحتاج تشجيعك كلما استطعت فعل شيء
أتعرف معلمي ...
أنا أبذل قصارى جهدي لأكون مثل ذلك التلميذ الذي تحبه
هل من الممكن أن تحبني أنا أيضا؟
معلمي ....
أنا تائه
أحتاجك فقط ترشدني
معلمي ....
إن نوبات غضبي خارجة عن إرادتي
أحتاج من يخفف عني في تلك اللحظات
لا أحتاج لمن ينهرني
معلمي .....
أخاف من نظرتك
أخاف من تلك الزمجرة التي تسبق عقابي
معلمي كن معي
أنا استوعب جيدا حين تكون معي
أنا لدي الكثير أستطيع تقديمه
أستطيع تغيير العالم بأسره
إن كنت معي
أتعرف معلمي ؟
كثيرا أطلب من أمي أن تدعني في المنزل
فالمدرسة موحشة
رمادية
مخيفة
أحتاج من يطمئنني قليلا
أحتاجك معلمي
كلماتي مبعثرة
ولكني أثق بأنك تفهمني جيدا
لأنك معلمي
التوقيع
تلميذك الفرط حركاوي
انا
ومازلت ومازلت ومازلت
😭😭😭😭
إهداء لكل معلم يقف في صف تلميذه دون أي تمييز😍

01/12/2024

😵 مافيش حاجة اسمها جلسات تعديل سلوك لطفل ٣ او ٤ او ٥ او ٦ سنين

📍تعديل السلوك بيتم للبيئة المحيطة
ارشاد اسري فقط
👻 السلوك ده شئ مكتسب شوف مين بيعمله الاول

😳يعني اجيب طفل اقعده قدامي علي كرسي بالنص ساعة واقوله عيب ياحبيبي ماتفش علي عمو ماهو انتي ضحكتي علي اول تفه 🥴
ضحكتي علي اول ضربة 👿
ضحكتي علي اول عضة 👹
ضحكتي علي اول اول اول اول 🧶

👱‍♀️لا انا بنتي بتقول كل حاجة كل حاجة وبتعترف من اول قلم

طيب ياماما انتي بتتكلمي مع امك اصحابك اخواتك جيرانك وبتحكي قدامها اه 😞

😠طيب يبقي البت مجبتش السلوك ده من السوبر ماركت 📍

👺لا انا ابني بيتعصب وبيشتم ويكسر

📍طيب يا حبيبتي باباه اخباره ايه جده وانتي وعمه بيتفرج علي ايه في التليفيزيون و التليفون و التابلت

⁉️دوروا ياجماعة ماوراء السلوك .

💝الطفل عامل زى كاميرا الفيديو بيقعد يصور ويسجل كل الاحداث اللى حواليه من الاب والام والأخوات والجد والجدة حتى الجيران وكل مايختلط بييهم

🚫علشان كدة قبل ما نحاول نعدل اي سلوك عند الطفل ضروري جدا نكتشف مصدر السلوك في البيئة المحيطة ونمنعه تماما وحنلاحظ اختفاء السلوك الغير مرغوب فيه تدريجيا 👌

30/11/2024

من الأنشطة المهمة المفيدة جدا لتحسين عملية الانتباه ولتحسين مهمة النقل من على السبورة وهي انشطة النسخ او تقليد النموذج