29/09/2022
عايز تعرف عندك التهاب مرارة ولا لأ، تابع الأعراض اللي بتحس بيها لما بتاكل دهون ومقليات.
- لو حسيت بألم في البطن خصوصًا الجزء العلوي وبيزيد مع لمس البطن وألم في الكتف اليمين وممكن ينتشر للظهر، فالتشخيص المبدئي هو التهاب المرارة.
طيب في الحالة دي نتصرف إزاي؟
أول خطوة، وقف أكل الدهون والمقليات على قد ما تقدر؛ لأن ده بيكون سبب أساسي في الشعور بألم المرارة، والخطوة دي تعتبر مؤقتة لحد ما نكشف في العيادة، ولو فعلًا اتضح لنا أنه من المرارة، ساعتها بيكون الحل في الاستئصال بالمنظار، واللي بيكون إجراء بسيط والمريض بيخرج في نفس اليوم من المستشفى، ويرجع المريض للحياة الطبيعية فوراً و التعافي بالكامل في خلال أسبوع.
