18/11/2024
السلام عليكم هنتكلم النهارده عن مشكله كبيره وهي انه ممكن تلاقي ان عندك دوالي وتروح تعمل عمليه تشيل بيها الدوالي اللي على الخصيه لان التحاليل مطلعه ان السائل المنوي قل وتعمل فعلا العمليه وتلاقي نفسك زي ما انت ما فيش تغيير بل الحاله ساءت وتبدا تسال ايه المشكله اللي عندي وتقول الدكتور قال لي انت عندك دوالي لازم تعمل العمليه
✍️ طيب بكل وضوح زي ما في نجار مش شاطر في مهنته وكهربائي مش شاطر في مهنته
في ايضا للاسف دكتور مش شاطر في مهنته ✋
لانه مش كل اللي عنده تحليل السائل المنوي منخفض وعنده شويه دوالي تبقى هي السبب ممكن جدا يكون عندك التهاب بروستات لازم تكون نسبه الدوالي عاليه في الجهتين ومفيش اي التهابات ساعتها نعمل العمليه .... لكن غير كده ممكن جهه واحده يكون فيها دوالي وتعيش بيها العمر كله وتخلف عادي ما نضطرش نعمل عمليه لان البروستات سليمه
ولاني مش هقدر اوجه كل الاطباء واقوله خلي بالك وشخص صح لكن اقدر اوجه المريض واقول له خلي بالك واول ما يتقال لك انت عندك دوالي هي اللي مقصره اطلب على طول ان انا اعمل اشعه على البروستات عشان اتاكد انها سليمه وما فيش اي التهابات او اصابه في مجرى البول والبروستات وافهم حالتك علشان ما حدش يستغل جهلك او يخطئ بجهله
تحياتي د/ علي النجار
