21/05/2025
اكيد سمعتى عن الفيروس بتاع الفراخ :
"اوعى تاكل فراخ ولا بيض لمدة 3 شهور!"
مش شهرين ونص يعنى ؟!
تؤ تؤ لا هما 3 شهور علشان الفراخ تكون خفت من الفيروس المرعب وبقت زى الفل 😂😂
حاجة فى منتهى الاستفزاز واستخفاف بعقول الناس وبيعتمدوا على ان معلومة زى دى هتنتشر زى النار فى الهشيم .
كل ده كلام فارغ و مالوش اى اساس من الصحة ؟! مفيش أي مرض ولا ڤيروس ولا حاجة من دي❌🦠
كل الحكاية إنها إشاعة الهدف منها رفع الأسعار قبل موسم العيد اللى بيكون فى صالح اللحوم ....اشاعة تجارية للتلاعب باسعار الدواجن مش اكتر من كده ؟
وكمان بعض المربين بيحاولوا يضغطوا على السوق عشان الأسعار مش عاجباهم 💸
يعني القصة كلها مفيهاش أي سبب صحي أصلاً
يبقى نعمل إيه؟!
نسمع كلام العلم ونتجاهل الكلام الفاضي 🤓✔
كلوا فراخ وبيض وانتوا متطمنين 🐔🥚 بس حافظى على صحتك وصحة اسرتك بالنصايح دي:
✨ نظّفى الفراخ كويس جداً بالمية والخل قبل الطبخ أو حتى قبل ما تحطيها في الفريزر ❄
✨ صفيها كويس وحطها في كيس مع اخراج الهوا عشان نتجنب حروق التجميد 🧊
✨ الفراخ السليمة شكلها معروف: لون طبيعي، ريحة كويسة، ملمسها مظبوط
لو لحمتها غامقة أوي (أحمر – بنفسجي – أزرق) أو شكلها غريب، سيبك منها فورًا 🚫
✨ البيض؟ اغسليه بس قبل الاستخدام مش قبل ما تدخليه التلاجة! 🧼🥚
القشرة مسامية ولو غسلتيه بدري ممكن تدخل ميكروبات جواها
✨ خلي بالك من المطاعم اللي بتعمل عروض مغرية أوي اليومين دول 🍗
غالبًا بيستخدموا دواجن تعبانة أو نافقة بسبب الحر الشديد
اعملى أكلك في البيت وانت مطمنة ومتابعة كل خطوة بنفسك ❤🩹🏠
مفيش أي ڤيروس في الفراخ ولا البيض الحمد لله.
وكل اللي فوق ده بس علشان نحافظ على صحتنا ونتعامل مع الأكل بوعي
بلاش نمشي ورا التريندات والفيديوهات اللي بتخوف من غير دليل علمي 🎥❌
وخدى المعلومة من المتخصص مش من حد لسه سايب المطبخ من يومين
استشارى
للحجز يمكنك التواصل معنا هاتفيا على الارقام : 01158222213 / 3571092
واتساب 01158222213
الاتصال للحجز من 10:30 ص الى 4 عصرا
مواعيد العمل من 1 ظ الى 4 م يوميا ماعدا الجمعة
فترة مسائية ايام الاحد والثلاثاء والخميس من 6م الى 8م
العنوان : 81 ش جمال عبد الناصر -السيوف -بجوار كافيتريا بحبح
