Dr.Shawky Elnaggar - د.شوقى النجار

30/04/2026

الحالة اللى بتحلف إنها ما بتقمش م السرير
ومش عارفة ضهرها بيوجعها ليه !

25/04/2026

لما الحالة تقولى نبض البيبى سريع ولا بطئ عشان أعرف ده ولد ولا بنت ...

25/04/2026

هو ايه الفرق ‼️ ولادة
🔴 الـ TAP Block (تخدير موضعي لجدار البطن)
بتبسيط شديد هو حقن مخدر بين عضلات البطن (تحت رؤية بالسونار)، علشان تخدير "أعصاب"جدرا البطن بتاعت الجرح.. مفعوله من يوم ليوم ونصف تقريباً.

🔴 الـ PCA (جهاز التسكين الذاتي): جهاز صغير متوصل بالوريد بيديلك مسكنات قوية بضغطة زر منك عند الحاجة "غالبا بيحتوى ميكس مسكنات قوية مع بعض المواد المخدرة زى المورفين وقرايبه😁" ، وده بيعمل تسكين ألم كامل لفترات طويلة وتحكم كامل للمريضة في الألم طول ما حضرتك موجودة ف المستشفى " محدش بيروّح البيت بالمخدرات.. ولو خرجتى بيه فبيكون فى الجهاز مجموعة مسكنات فى محلول فقط بدون مواد مخدرة".

ليه يادكتور شوقى مش بتفضل الPCA ! ‼️
مش بفضّله بعد الولادة وبنحتفظ بيه فقط لحالات الأورام او جراحات النسا اللى بتقعدفى المستشفى اكتر من يوم.

طب ليه ؟؟ علشان تأثيراته السلبية كتيرة ..منها
١- البيبي: المسكنات القوية او المخدرة بتوصل للطفل عن طريق الرضاعة، فبتخليه "نايم وكسلان" ومش بيقدر يرضع كويس في أول ساعات.
٢- حركة الأم: بيسبب دوخة و "توهان" يخلي الحركة صعبة.. وده أحنا مش بنفضله بعد الولادة.
٣- حركة الامعاء: يبطئ حركة الأمعاء، مما يسبب غازات وانتفاخات مزعجة جداً بعد جراحة البطن (القيصرية) وكمان بيزود الشعور بالغثيان والرغبة في القيء.

تابعونا
Dr.Shawky Elnaggar - د.شوقى النجار

واتس اب
010 64949665

24/04/2026

❌❌محلول الحديد مينفعش يتعلق فى البيت ❌❌
❌ومش بيتعلق فى العيادة ❌
متغامريش بحياتك ، حساسية محاليل الحديد بتكون سريعة وعنيفة وغير متوقعة .. ممكن تكونى اخدتى محلول الحديد قبل كده ٦٠ مرة وعدت كويسة ، وتظهر الحساسية فى المرة الـ ٦١
لااااااازم يتعلق فى مستشفى او مستوصف مُجهز بجهاز اكسجين واسعافات أولية على الاقل.

من فضلك تحت اى ظرف متاخديش المغامرة دى ،
واحدة من كل ١٠٠ بيجيلهم حساسية حديد
واحدة من كل ١٠٠٠ ممكن يحصلهم صدمة تؤدى للوفاة

18/04/2026

"اللهم صلّ على نبينا محمد صلاةً ينفك بها الكرب، وتنحلّ بها العُقَد، وتفتح لنا بها أبواب الخير عندك"

17/04/2026

بعد كل جراحة للبطن أو الحوض زى استئصال الرحم أو ورم الليفي أو كيس المبيض،الجسم بيحتاج فترة نقاهة ورعاية خاصة علشان يتعافى بسرعة ويقلل المضاعفات.

١- النشاط البدني🔴

الحركة: البدء بالمشي الخفيف داخل المنزل بعد 24 ساعة لتنشيط الدورة الدموية ومنه الجلطات.

الراحة: الالتزام بالراحة التامة وتجنب أي مجهود عضلي شاق.
الأوزان: يُمنع حمل أوزان ثقيلة (أكثر من 5 كجم) لمدة 6 أسابيع.

٢- العناية بالجرح🔴
النظافة: الحفاظ على جفاف ونظافة مكان الجرح تماماً بدون ماء او رطوبة.

المتابعة: مراجعة الطبيب فوراً عند ملاحظة (نزيف، إفرازات، تورم، أو احمرار شديد).

٣- النظام الغذائي🔴
السوائل: شرب ٦: ٨ أكواب من السوائل لتجنب الإمساك والجلطات.

الأكل: وجبات سهلة الهضم والتركيز على البروتينات لحوم واسماك وكمان الألياف (خضروات وفواكه) لتسريع التئام الأنسجة ورفع المناعة.

٤- ممنوعات 🔴
العلاقة الزوجية: يمنع الجماع لمدة 6 أسابيع لضمان الشفاء الداخلي الكامل.

القيادة: تجنب القيادة لمدة أسبوعين على الأقل.

اللغبطة فى الأدوية المكتوبة ف الروشتة سواء جرعاتها أو مدة العلاج.

🏆 لو بتاخدى أى ادوية لامراض مزمنة ؛ ضغط ، سكر ، غدة ... او غيرها بنرجع ناخد العلاج بتاعها بانتظام من يوم العملية.

تابعينا
Dr.Shawky Elnaggar - د.شوقى النجار

واتس آب
010 64949665

15/04/2026

أشمعنى الكبده!
اللى اول م الست تعرف انها حامل .. تسأل هو انا ينفع اكل كبده !

13/04/2026

هاابى شم نسيم داى
🦋🦋🦋🫰

10/04/2026

بيجلك صداع ‼️
بتصحى الصبح مصدّعة !
فى مقدّمة الراس أو ورا عينيكى

ده غالبا صداع صداع توتري
(Tension Headache)
بيتركز في منطقة الجبهة أو وراء العين
وواحد من اهم أسبابه هو الموبايل ،
ايوة إجهاد العين الرقمي واحد من أشهر أسباب الصداع انتشاراً أثناء الحمل وغير الحمل كمان.
Digital Eye Strain

ازاى الموبايل بيعمل صداع ❓
(كل ده بيزيد مع الحمل بسبب التغيرات الهرمونية وجفاف العين وزيادة حساسية الضوء) ..

١- إرهاق العضلات: عضلات العين بتتحرك بشكل مكثف للتركيز على الخطوط الصغيرة والحركة السريعة، ومع تغير الهرمونات، العضلات دي بتجهد أسرع، وده بيسمع في الرأس.

٢- الضوء الأزرق: اللى بيطلع من الشاشات بيأثر على جودة النوم وبتزود التوتر العصبي، والاتنين دول كفيلين يعملوا صداع مزمن طول اليوم.. علشان كده بنحصى عندنا صداع.

٣- وضعية الجسم: واحنا بنستخدم الموبايل وده بيعمل شد في عضلات الرقبة والكتف، وهو سبب رئيسي للصداع "التوتري".

✅ ازاى نحمى نفسنا ✅
- الحد الاقصى للاستخدام الترفيهى للشاشات ميعديش ساعتين طول اليوم .

- ممنوع الموبايل قبل النوم بـ نص ساعة أو ساعة.

- الترطيب مهم جدا بكثرة شرب السوائل او قطرات مرطبة للعين (بعد استشارة طبيب العيون).

- كمادات مياه باردة للعين لمدة ٥ دقايق بتساعد كتير .

للشغل: لو مضطرة، لازم تاخدي راحة 15 دقيقة كل ساعتين بعيد تماماً عن أي شاشة.

-كبّرى الخط ف الموبايل وحاولى تستخدمى وضع حماية العين.

وأخيراً
#صداع الشاشات مشهور جدا حالياً بسبب ارتباطنا كلنا بالموبايل طول اليوم تقريبا.. فخلى بالك.
وكمان مش لازم ننسى ان فى اسباب تانية للصداع زى الضغط العالى والجيوب والانفية و اضطرابات سكر الدم ..

09/04/2026

يااابنتى ياحبيبتى ... مينفعش تنطّى 🤣🤣

09/04/2026

"رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ"
الحمد لله... الكلام ده لما بيجى من حالة بتخاف جدا وقلقانة جدا جدا ، بيبسطنى جدا 🤲🏼🤲🏼

09/04/2026