10/08/2023
معدل الحرق عندي ضعيف...
عايز دواء يعلي الحرق...😍
قبل ما تسال السؤال ده
في سؤال اهم هو ليه معدل حرقك ضعيف😂
الاسباب كتير وطالما مفيش سبب مرضي
يبقي الاسباب ممكن تكون السن تكرار الرجيم اكتر من مره قله الحركه طبيعه الجسم🤓
وكلها معناها حاجه واحده بس ان كتله او وزن الدهون في جسمك عالي وده طبيعي بيخلي معدل نزول الوزن اقل💪
طب ايه الحل
الحل مش سهل ولابسيط دي معركه بينك وبين الدهون اللي بتحبك ومش عايزه تسيبك ابدا😱
وعلشان كده لازم تكون اذكي من الدهون دي
-رجيم متوازن مايدخلش الجسم فيه في مرحله الجوع لان اي رجيم قاسي هايقلل الحرق اكتر👍
-بلاش اليويو دايت اسبوع مظبوط واسبوع اجازه ...🎂🍕
-تنظيم مواعيد الاكل مهم والافطار بدري اهم وجبه
-الميه مهمه اهم من كل الاعشاب اللي في الدنيا
-كل الوجبات مهمه مفيش حاجه اسمها اشيل وجبه
-الرياضه مهمه جدا حتي لو كانت المشي بس طبعا مش في كارفور وخليك فاكر ان طالما كتله الدهون عاليه فاغالبا كتله العضلات قليله وعشان كده هاتلاقي نفسك دايما كسلان او تعبان او بتتحجج باي حجه علشان ماتتحركش😈👏
نيجي لاهم سؤال ادويه ايه ممكن تعلي الحرق
ادويه الحرق نوعين اما طبيعيه عباره عن فيتامينات ومكملات غذائيه ودي ملهاش اي اضرار بس نتيجتها ضعيفه
او ادويه بتسرع ضربات القلب ودي مش اي حد يقدر ياخدها لانها بتعلي الضغط وكمان لما بتبطلها بترجع زي ماكنت والاهم ان لازم معاها رياضه😤
احسن حاجه تعلي الحرق هي الاراده والحركه والصبر وبس
وخليها تحدي لنفسك خلي اللي حواليك ينبهروا ويشوفوا اد ايه ممكن تعمل اللي نفسك فيه وصدقني الرجيم مش سهل بس النتيجه فعلا تستاهل كل لحظه تعب😘👌💃
