غدير سامي - Ghadeer Samy

25/02/2025

رمضان 🌙

الرحله الداخليه اللي بتعيد روحك وجسمك لوضع ظبط المصنع

فكرة انك بتأجل الاكل والشرب لوقت معين بتعرفك اد ايه انت ممكن تقاوم رغباتك وتقدر تسيطر علي نفسك وتروضها

انت في رمضان قدرت تستغني عن عادات كنت فاكر ان صعب جداا انك تستغني عنها زي القهوه او النسكافية اللي اليوم مبيبتديش غير بيه
30 يوم بتصحي وتكمل من غير كافيين الصبح

عادات كمان كنت طول الوقت بتوهم نفسك انك معندكش وقت ليها خالص زي انك تصلي السنه مثلا او النوافل او أنك تواظب كل يوم علي ورد قرآني
وطلع في وقت انك تعمل دة كل يوم

تهذيب روحنا بالصيام مع العبادات
أفضل فرصه ليك انك تسمع صوتك الداخلي اللي متشوشر عليه طول الوقت
وانك تعيد ترتيب امور حياتك وأولوياتك .

كل عام وانتم جميعا طيبين وبخير 🌿

28/01/2025

🌸🌸

18/12/2024

خطط ٢٠٢٥ 🌿📒🖊️

06/08/2024

25/06/2024

خايف تاخد خطوة جديدة في حياتك ..

خايف تغير شغلك اللي ضاغطك
خايف تخرج من علاقة سامة
خايف تحب وخايف تفارق
خايف تاخد حقك لتزعل حد

مشاعر الخوف مشاعر مهمة مينغعش تتجاهلها
بس كمان مينفعش تعطلك عن قرارات مهمة وتوقف حياتك .
#مشكاة

21/06/2024

سنن وآداب العمل..

#نور


‏

03/06/2024

كل ما تمر بتجارب اكتر وتكتسب خبرات اكتر حيصعب عليك الناس بدل ما كنت بتضايق منهم

31/05/2024

كل ما بيزيد تصالحك مع نفسك وتقبلك ليها

كل ما بيزيد تقبلك لاختلافات الناس عنك ولعيويبهم ......

28/05/2024

كل مرة حاولت فيهاعلشان توصل لحاجة ومعرفتش
و كل طريق مشيت فيه وبعد تعب وفي الاخر موصلتش
كل مرة كنت بتفشل فيها انت بتؤجر عليها

حتي لو منجحتش تأكد ان مجهودك وتعبك مراحش ع الارض

انت عليك فقط السعي
اما النتيجة فتيجي في الوقت المناسب اللي ربنا شايفه
واللي اكيد حيكون فيه نفع اكتر ليك وتذكر
ربنا سبحانة وتعالي بيقول

{وَأَنْ لَيْسَ لِلإِنسَانِ إِلَّا مَا سَعَى * وَأَنَّ سَعْيَهُ سَوْفَ يُرَى * ثُمَّ يُجْزَاهُ الْجَزَاءَ الأَوْفَى} [النجم:٣٩ - ٤١].

#مشكاة


#ثيرابيست

12/05/2024

12/05/2024

اخطر وأسوء شئ ممكن تعملة في حياتك
انك تكون منافق مع نفسك
موهوم ومعيش نفسك دور مش دورك ومفهما انك حد تاني ..
اصعب واهم قرار تاخدة انك تواجهه نفسك وتكون صريح معاها
ودي بداية لاي خطوة تغيير حقيقية في حياتك

#مشكاة

05/05/2024

في ناس بتضيع عمرها كلة بتدور ع السعادة😌

وناس عايشة السعادة طول الوقت 🥰

الناس دي ازاي سعيدة علي طول رغم ان ممكن تلاقي عندهم مشاكل كبيرة وضغوط كتيرة 😭

الناس دي حست ولمست السعادة لانها قررت تكون سعيدة 😀

دورت في كل تفصيلة صغيرة في يومها وفي كل موقف بسيط بيعدي عليهم ع السعادة والحتة الحلوة اللي جوة الموقف🤩

الناس دي كمان راضية بكل اقدارها وظروفها ومتأقلمة معاها كمان ☺️

ناس عارفين اننا في دار ابتلاء مش في الجنة فقرروا يتعاملوا برضا 💕

والرضا في حد ذاتة سعااااادة😍