Serenity Mental Health Clinic

01/01/2026

بنشوف تعبكم… وبنقدّر وجودكم.
بنسمع أنفاسكم المتلاحقة من الزحمة… وبنحاول نهدي الإيقاع شوية.
مش هنقدر نلغي الضغط، بس نقدر نخلق لحظات نرجّع بيها النفس.
احتفال بسيط… وقلب ممتن.
سنة سعيدة على فريق يصنع فرق حقيقي كل يوم 🤍

31/12/2025

مع كل بداية سنة بنفتكر الوعود اللي مكملتش،
والأهداف اللي اتأجلت،
والمعارك اللي لسه جوانا.

بس يمكن المرة دي،
البداية مش إنك تغيّر كل حاجة…
البداية إنك تسمح لنفسك تبدأ.

2026 بداية سلامك مع نفسك.
خطوة هادية. قرار بسيط.
والباقي… يمشي معاك.

Serenity Clinic
مساحتك للأمان، للفهم، وللبداية من جديد.

21/12/2025

في عالم صوته عالي،
التأمل بيكون فعل وعي.. مش هروب.

التأمل مش إنك توقف أفكارك،
ولا إنك تبقى هادي طول الوقت،
لكن إنك تتعلم تلاحظ
من غير مقاومة
ومن غير حكم.

من منظور نفسي التأمل المنتظم بيساعد على
• تهدئة استجابة التوتر
• تنظيم المشاعر
• تحسين التركيز
• وتعزيز الإحساس بالأمان الداخلي

مش محتاج وقت طويل،
ولا ظروف مثالية،
دقيقة حضور صادق
ممكن تغير إيقاع يوم كامل.

خد النهارده
كدعوة بسيطة
إنك تبطأ
وتسمع نفسك
ولو للحظة.

18/12/2025

يسر Serenity Clinic أن تعلن عن إنضمام الطبيبة النفسية د. رضوى عبدالحميد إلى الفريق الطبي للعيادة.

تشغل د. رضوى عبدالحميد منصب طبيبة نفسية بمستشفى الخانكة للصحة النفسية، وتمتلك خبرة إكلينيكية في تشخيص وعلاج الاضطرابات النفسية لدى البالغين، وفق أسس علمية ومعايير مهنية معتمدة.

المؤهلات العلمية والتدريبية
• ماجستير الطب النفسي – جامعة عين شمس
• تدريب معتمد في العلاج بنظم العائلة الداخلية (IFS – Level 1) – الولايات المتحدة الأمريكية

نطاق الممارسة الإكلينيكية
الفصام – ثنائي القطب – الاكتئاب – القلق – الوسواس القهري – نوبات الهلع – اضطرابات الشخصية – اضطراب كرب ما بعد الصدمة (PTSD)
مع اهتمام خاص بعلاج الصدمات النفسية.

يأتي هذا الانضمام في إطار التزام Serenity Clinic بتقديم رعاية نفسية متخصصة قائمة على الممارسة الإكلينيكية المبنية على الدليل العلمي، مع احترام كامل لخصوصية المرضى وجودة الخدمة المقدمة.

📍 الإسكندرية – 601 طريق الحرية (زيزينيا) – أبراج الدلتا (برج الفيروز)
📞 للحجز والاستفسار:
03 5755780 – 01550418851

10/12/2025

في موسم الخصومات أنت فعلاً بتشتري؟
ولا عقلك بيتلعب بيه من غير ما تحس؟

الألوان، الكلمات، العروض، العجلة…
كل ده مش صدفة.
دي استراتيجيات نفسية مدروسة بتأثر على قرارات الشراء أكتر من احتياجك الحقيقي للمنتج.

الكاروسيل ده هيساعدك تفهم
🔹 ليه الأحمر بيخليك تستعجل؟
🔹 ليه الأزرق يخليك تثق في المنتج؟
🔹 وليه الأبيض يخليك تقبل السعر بسهولة؟
🔹 وإزاي العقل بياخد قرار الشراء قبل ما أنت تفكر؟

الفكرة مش إنك متشتريش…
لكن إنك تكون واعي ومتحكم مش متأثر.

بعد ما تشوف الكاروسيل، جاوب بصراحة
كام مرة اشتريت حاجة "علشان العرض مش هيتكرر؟"

شاركنا برقم
(1) مرة بس
(2) أكتر من مرة
(3) كتير… ومش عايز أتكلم 😅

01/12/2025

ليه الخصومات بتتحكم في عقلك… حتى لو مش محتاج؟

إحنا مش بنعيش موسم تخفيضات…
إحنا بنعيش هجمه نفسية مدروسه كل عنصر فيها معمول علشان يلمس نقطة ضعف في الدماغ.

المنتج نفسه مش اللي بيقنعك…
اللي بيقنعك هو “الجو النفسي” اللي اتبنى حواليه.

🔹وهم الندرة (Scarcity Bias)

لما تشوف
“آخر قطعتين”، “لفترة محدودة”، “الكمية هتخلص”…
دماغك وقتها بيفتكر إنك “هتخسر حاجة مهمة” لو اتأخرت.
فتتصرف بسرعة بدون تفكير.

🔹تضخيم المكسب (The Discount Illusion)

لو المنتج تمنه 3000 ومكتوب “بعد الخصم 1500”،
دماغك تركز على “وفرت 1500”
مش على:
“هو أنا محتاج ده أصلاً؟”

🔹التعويض العاطفي (Emotional Reward)

الشراء وقت الخصومات بيعمل دوبامين…
إحساس إنك كسبت صفقة.
فتتحول عملية الشراء لمكافأة—even لو الحاجة غير ضرورية.

🔹الإلحاح الوهمي (Urgency Trap)

تايمر بيعدّ
03:12 دقيقة وتنتهي الصفقة!
ده بيقلّل قدرتك على التفكير المنطقي…
ويخليك تاخد قرار سريع بدل قرار صح.

🔹 مقارنة سعر غلط (Anchoring Effect)

المحل بيعرض السعر الأصلي رقم ضخم
ثم “بعد الخصم” رقم صغير.
الرقم الكبير يثبت في دماغك كـ “مرجع”…
فأي خصم بعده هيبان إنجاز.

🔷 في النهاية
الخصومات مش دايماً “فرصة”
أحياناً هي مسرح كامل معمول علشان عقلك يتسرّع قبل ما يفكر.

قبل ما تشتري… جرّب تسأل نفسك سؤال واحد بس
"لو مفيش خصم… هل كنت هشتري الحاجة دي؟"

لو الإجابة "لأ"
يبقى الخصم هنا مش مكسب
اللي هتكسبه بجد… هو إنك اخترت بعقلك مش بعاطفتك.

قرر من احتياجك… مش من الغُلوّ اللي حوالين السعر.
وساعتها هتكتشف إن أكبر توفير…
هو إنك متشتريش حاجة مش فارقة معاك من البداية.

02/11/2025

يسر Serenity Clinic الإعلان عن انضمام
الأخصائية النفسية الإكلينيكية أ/ آلاء محمد إلى فريق العمل.

أ/ آلاء محمد تمتلك خبرة علمية وعملية واسعة في مجال الصحة النفسية، وتشمل مؤهلاتها:

ـ دبلوم علم النفس الإكلينيكي – جامعة طنطا.
ـ دبلوم تخصصي في العلاج النفسي.
ـ الدبلومة الدولية للتعامل مع السلوكيات الإدمانية – معهد NET.
ـ تدريبات متخصصة في العلاج المعرفي السلوكي (CBT) للاكتئاب، القلق، الوسواس القهري، واضطرابات الشخصية.
ـ معالج جدلي سلوكي (DBT) معتمد من معهد AIP.
ـ متخصصة في علاج اضطرابات الشخصية الحدّية بالعلاج الجدلي السلوكي.
ـ دبلوم العلاج الزواجي ببرنامج Gottman Method للعلاج الزواجي.

يأتي انضمامها تعزيزاً لرسالة العيادة في تقديم رعاية نفسية متخصصة قائمة على أحدث الأساليب العلاجية المبنية على أسس علمية.

📍 العنوان: الإسكندرية – 601 طريق الحرية (زيزينيا) – أبراج الدلتا (برج الفيروز) – أعلى مترو ماركت

📞 للحجز والاستفسار:
03 5755780 – 01550418851

31/10/2025

الصدمات النفسية ممكن تسيب أثر عميق جوا الإنسان،
لكن فهمها هو أول خطوة للعلاج.
محاضرة د. هشام الدباح – مدرس الطب النفسي بجامعة الإسكندرية – بمستشفى المعمورة للطب النفسي حول الصدمات النفسية وطرق التعامل معها.

------------محاضرة ألقاها د.هشام الدباح مدرس الطب النفسي جامعة الإسكندرية عن الصدمات النفسية وطرق علاجها.------------مستشفى المعمورة للطب النفسي Mamoura Psyc...

23/10/2025

حاسس إن مزاجك متغير من أول ما الجو قلب؟
مش دايماً السبب فيك… أوقات بيكون اكتئاب موسمي، وده طبيعي أكتر مما تتخيل.

في البوست ده هتلاقي 5 نصايح بسيطة تساعدك تتعامل مع الحالة دي بهدوء،
وتعدي الخريف بطاقة أهدى وسلام أكتر 🌤️

قولولنا في التعليقات ⬇️
بتحسوا إن المود بيتغير مع الجو ولا لأ؟

20/10/2025

فيه مواسم بتغير في الجو
وفيه مواسم بتغير في اللي جوانا.

مع بداية الخريف فيه ناس بتحس إن المود بينزل فجأة،
الدنيا تبقى تقيلة، النوم يزيد، والتركيز يقل.

مش دايماً السبب خارجي، أوقات بيكون ده رد فعل طبيعي لتغير الإضاءة والهرمونات،
لكن كمان أوقات بيبقى انعكاس لتعب كنا ساكتين عليه طول الوقت.

خليك واعي للإشارات الصغيرة
لما تحس إنك بتنسحب أو بتفقد حماسك من غير سبب،
ده مش ضعف، ده صوت نفسك بيطلب منك تهتم بيها أكتر.

خد وقتك بس متنساش تتحرك ناحية النور —
اتكلم، اخرج، دور على اللي يطمنك،
وما تعتبرش المساعدة رفاهية.. دي خطوة نضج ووعي.

الخريف مش دايم، لكن سلامك النفسي يستحق يفضل ثابت.

12/09/2025

تعرف على فريق عيادة سيرنيتي، فريق متكامل من الأطباء والمعالجين النفسيين، يجمع بين مختلف التخصصات والمدارس العلاجية، ليقدم لك الدعم المناسب بإهتمام وخبرة.

بنقدملك بيئة آمنة، وإستشارات متخصصة تناسب احتياجاتك.

معاً نخطو نحو راحة بالك

احجز جلستك الآن وابدأ رحلتك نحو التوازن النفسي

📍 العنوان: الأسكندرية ــ601 طريق الحرية (زيزينيا ) ــ أبراج الدلتا (برج الفيروز) أعلى مترو ماركت

📞 للحجز والاستفسار:
03 5755780 ــ01550418851

04/09/2025

بمناسبة المولد النبوي الشريف 🌙
نسأل الله أن يملأ حياتكم بالسكينة النفسية، والطمأنينة، والسعادة الدائمة.
في serenity نسعى دائماً لدعم راحتكم النفسية.