https://www.facebook.com/270556166145516/

Psy-Niveen Fahmy نيفين فهمي, Alexandria (2026)

24/10/2025

الله يكون في عون كل أم وأب بيحاولوا يربوا أولادهم علي الأخلاق والقيم .
المجتمع والميديا والاعلام طول الوقت بيصدروا لنا سلوكيات غير أخلاقية ومش عارفين نلاقيها منين ولا منين 🥺🤦🏻‍♀️

الضغط اللي بيتعرض له الآباء والأمهات دلوقتي مش بسيط، لأنهم بيحاولوا يزرعوا القيم في بيئة بقت بتهاجم المبادئ من كل اتجاه:

✨️- الإعلام بيضخ نماذج مشوهة كأنها القدوة.

✨️- السوشيال ميديا بقت بتقيس النجاح بالفلوس والشهرة مش بالأخلاق.

✨️- المجتمع نفسه ساعات بيتريق على اللي متمسك بالقيم كأنه متخلف.

لكن بالرغم من كده
📌 ربوا ولادكم وأتعبوا معاهم ، كل مجهود بيتعمل في التربية الصح، حتى لو ما بيبانش دلوقتي، بيؤتي ثماره بعدين.

لأن الطفل اللي اتربى على الصح حتى لو اتأثر، بيرجع لأصله لما يكبر.

📌ربنا يعين كل أم وأب ، ويثبتهم على الحق، لأن دورهم دلوقتي هو الجهاد الحقيقي .
فاللهم أعينا وأحفظ أولادنا من مغريات الحياة ولا تضلهم السبيل يا الله .

21/10/2025

قبلت التحدي
Elmasry
كفياك تفكير ، كبر دماغك شوية ، أجمد كده كلنا تعبانين ، كتر الصدمات بتقوي مالك ؟!

في جمل كتييير بنستخدمها بنية دعم بعض أو اننا نقوي إلي أدامنا
أنه يتخطى أزمته .

بس في الحقيقه أن الجمل دي وغيرها من أقسي ما يكون أثرا علي نفسية المريض النفسي .

ويبدأ يدخل في دايرة جلد ذات وإنه المفروض يكون أقوي من كده ويلوم نفسه علي هشاشته النفسية وإنه ضعيف وفي غيره قادر يتحمل ويكمل .
مع ان النصائح دي كلها غلط و التفكير الزايد غصب عنه ، وإحساسه بالأرهاق والتعب خارج عن أردته .
والصدمات بتهدنا ... التعافي منها هو الي بيقوينا .

ولأننا شعب متدين بطبعه نبدأ نحفزه بجمل زي
قرب من ربنا ، حاول تنتظم في صلاتك وغيرها من النصائح من باب دعم نفسيته ومساندته.

القرب من الله نجاة وكلنا عارفين كده
بس مش كلنا عارفين إن المرض النفسي له أبعاد تانية كتييير
عوامل وراثية وتاريخ مرضي ، خلل في كيمياء المخ ، مشاكل من الطفولة وغيرها من الأسباب .
مينفعش نحصرها فأنه مقصر في عباداته وأن ده سبب تعبه.

📌خد بالك
لو أنت واحد من الناس دي من فضلك متنصحش أي مريض نفسي بالكلام ده . ⬆️

شجعه يروح لمعالج ، فهمه أن المرض النفسي مش عيب ولا وصمة عار . وأننا معاه وإنه مش لوحده 🤝

شاركوني في التعليقات برأيكم
أي أكتر جملة نفسك الناس تبطل تقولها للمريض النفسي ؟!

وياريت المتخصصين يشاركونا بجمل علي لسان مرضاهم عشان ناخد بالنا ونفهم إنها مش كلمات دعم ولا تحفيز وإن أثرها سلبي عليهم .

Mohamed Elmasry

10/10/2025

💚 اليوم العالمي للصحة النفسية – 10 أكتوبر 💚

On this World Mental Health Day, let’s prioritize our mental well-being and be kind to our minds.

الصحة النفسية مش رفاهية… هي أساس لحياة متوازنة.

🧠 من حقك:
- تقول "تعبان" من غير ما تحس بالذنب.
- تطلب مساعدة من غير ما تتكسف.
- تريح من غير ما تبرر.

كفاية تهميش للمشاعر وكبت للألم ،كفاية وصم وخوف
خلينا نفتح مساحة للحديث، للفهم، وللتعاطف.

الصحة النفسية مش ضعف، ومش عيب… هي قوة ووعي

09/10/2025

"Don't give up! Difficult beginnings create great endings."

مفيش بداية سهلة، وكل خطوة بتاخدها بتقرّبك من حلمك. خُد نفس، وافتكر دايمًا إنك قدّها ، كمل ومتستسلمش keep going

ثق أن كل تعب بتتعبه النهاردة بيصنع نهاية تليق بك 👏💪

08/10/2025

آرون بيك أثناء عمله مع مرضى الاكتئاب لاحظ حاجة غريبة لفتت نظره ..
وهي إن المشكلة مش بس في الأحداث اللي حصلت للمرضى زمان، لكن في طريقة تفكيرهم دلوقتي
بيك لاحظ إن المريض ممكن يكون قاعد عادي وفجأة ييجي في دماغه خاطر كده سريع وسلبي من غير ما يفكر أو يقصد .
حاجة زي " أنا فاشل " " مفيش فايدة مني "
والأفكار دي بتطلع بسرعة جدًا، كأنها صوت داخلي بيعدّي على العقل من غير ما ياخد إذن ..

ومن هنا سماها الأفكار التلقائية أو Automatic Thoughts

★ اللي شد انتباه بيك
إن الأفكار التلقائية دي هي اللي بتولد المشاعر مش العكس ..

يعني لو شخص مثلًا دخل لجنة الامتحان، وأول فكرة جت في دماغه
" أنا مش فاكر أي حاجة وهسقط"
هتلاقي القلق شد عليه فورًا وبقى متوتر ومش عارف يركز
بينما لو كانت الفكرة
" اللي ذاكرته كفاية وهعرف أفتكر وأنا بحل" كان هيكون هادي أكتر

وده معناه إن الأفكار اللي بتيجي في اللحظة بتتحكم في الشعور اللي بييجي بعدها .

بيك بدأ يلاحظ الموضوع ده مع مرضاه، وخصوصًا المكتئبين، و أكتشف إن دماغهم كأنها متبرمجة تدي تفسير سلبي لكل موقف، حتى المواقف اللي مافيهاش حاجة سلبية فعلًا .

★ بيك من خلال العلاج اللي كان بيعمله معاهم، اكتشف إن تغيير الفكرة ممكن يغير الشعور، وبدأ يطلب من المرضى يلاحظوا نفسهم ويكتبوا الأفكار اللي بتعدي على بالهم وقت ما بيتدايقوا، ولما بدأوا يراجعوا الأفكار دي وجدوا إن كتير منها غير منطقي أو مش حقيقي، وإن مجرد التفكير فيها بطريقة مختلفة بيهدي المشاعر وبيغير نظرتهم للموقف .
و ده كان اكتشاف مهم جدًا في الوقت دا لأن العلاج النفسي وقتها كان بيركز على الماضي والذكريات ..
لكن بيك أثبت إن المشكلة موجودة في الطريقة اللي بتفكر بيها دلوقتي وإننا لو غيرنا التفكير هنقدر نكسر حلقة الاكتئاب
و الفكرة دي بقت حجر الأساس لمدرسة العلاج المعرفي السلوكي (CBT) اللي هي من أكتر طرق العلاج النفسي استخدامًا وفاعلية لحد النهارده

★ و الجميل بقى في اللي عمله بيك إنه ورانا إن الأفكار التلقائية مش بس موجودة عند مرضى الأكتئاب، كلنا بيجيلنا أفكار تلقائية، لكن الفرق إن المكتئب بتبقى أفكاره أغلبها سوداوية وسلبية، وبيصدقها من غير ما يشك فيها .
وعشان كدا أول خطوة للعلاج هي إننا نتعلم نلاحظ الأفكار دي و نفكر هل هي حقيقة ولا مجرد افتراض سلبي من دماغي، ومع التدريب الشخص بيتعلم يستبدلها بأفكار منطقية وأقرب للواقع، وده بيساعده يطلع من دائرة الاكتئاب .

28/08/2025

"أبي الذي أكره"...
بداية رحلة التعافي من إساءات الأبوين وصدمات النشأة
بقلم د. عماد رشاد

أحيانًا بنفضل نُطبطب على جروحنا من بعيد، نخاف نفتحها أو حتي نتكلم عنها ..
لكن في الكتاب د عماد بيعلمنا نواجه جروحنا ونتعافي منها .

📖 في مقدمة الكتاب الدكتور بيفرق بين
-أخطاء التربية
كل الأباء والامهات يرتكبون الأخطاء لكنها نابعة من الخوف والحب
ورصيد الاعتناء والإحسان قد يكون كافي ، لتمر هذه الأخطاء بأقل الأضرار الممكنة..

- الإساءة
اللي بتكون فيها كفة الإهمال أو الأذى أرجح من كفة الاعتناء والحب .

👥 الفصل الأول بعنوان "السجن "
د/ عماد رشاد
شبه أساءات الوالدين " بالسجن النفسي "
" سجن الجرم الذي لم يرتكبوه "

قضبان السجن لها ذائقة خاصة ، لها بصمة الجرم ولكنهم جميعا أبرياء وان الإنسان لا يدرك أن هناك أبواب يمكن فتحها 🔓
وان هناك حياة خارج الزنزانة .

وكيف يدرك الإنسان ذلك ؟
وقد صنع الزنزانة أحباؤنا ، أباء وأمهات، خال ، عم ،خالة ومعلمون وشيوخ .
صنعت تلك الزنازين بأسم الحب والمصلحة.

ولكن علينا أن ندرك أن هناك خروج أمن وبصيص من الأمل والتعافي فلنتجرأ ونفتح الزنزانة ونواجه الحقيقة .

مش علشان نلوم نفسنا ولا نجلدها ، لكن علشان نُشفى من الجروح الي ملناش يد فيها .

> "أيا كانت الإساءة، فالخروج من السجن الناعم ممكن..

وهنبدأ رحلتنا في أول فصل ب " 8 " مساجين
هنفتح كل يوم زنزانة ونسمع كل مسجون ونعرف حكايته
نعرف نوع الاساءة وسجنه النفسي سببه إي
" الاذي ، الإهمال، التحرش"

لو في وجع جواك أسمع معانا الحكايات .
يمكن تلاقي صوتك بين السطور. ويمكن تكتشف إنك مش لوحدك.

28/08/2025

" كل شئ يصدر مني هو ناقص من زاوية ما "

تلك هي قصتي لا أكثر ..
لم أكن في عين أبي كافية ، ولم أكن قط علي المستوي المطلوب بعين أمي ..
عشت عمري لا أريد سوي نظرة فخر واحدة تتسلل من أحدهما ..

لم يمارس إتجاهي الإيذاء الجسدي أو اللفظي ، لم يكن هناك سباب أو نزاع أو صراع ، إنما فقط التركيز الدائم والذي لا ينقطع عما لم أحققه .

يظنون أنه من التشجيع حين أحصل علي تسعين بالمائة هو التركيز علي العشرة الناقصه لا التسعين المحققه.

" يظنون أن المقارنات بفلانة وفلانة يمكن أن تحفزني وتدفعني لمزيد من بذل الجهد "
ولم تكن تفعل سوي أن تعمق داخلي مشاعر الدونية .

📌ثم أندهش أبي حين علم بإصابتي " بالوسواس القهري "
سعيا نحو كمالية لم اتسطع يوما نيلها فقط حيازة لرضاه ورضاها !

وسواس ينهشني كل يوم حين يهمس لي كما تعودت
" كل شئ تفعلينه ناقصا ، وكل نقص هو دنس ، وكل دنس ينبغي التطهر منه ، لن تكوني أبدا علي المستوي المطلوب "

📌 علينا أن ندرك أن التركيز علي أخطاء أولدنا يشعرهم بالنقص ، وأن المقارنات لا تمثل دافع أو محفز لديهم .
بل تخلق بداخلهم تشوهات نفسية قد تصاحبهم طوال العمر .

26/08/2025

إحنا مش بنمرض فجأة...
" إحنا بنسكت كتير، نكتم أكتر، ونتجاهل اللي بيصرخ جوانا، لحد ما الجسد يقرر يتكلم بصوته هو."

هل فكرت في يوم إن التعب اللي في جسمك ممكن يكون صرخة من روحك؟
مش كل وجع سببه عضوي، ومش كل مرض بييجي من العوامل الخارجية ..
في وجع بيبدأ من جُوّا، من مكان اتسكت فيه بدل ما تحكي، اتنازلت فيه بدل ما تقول "لأ " .

📌 د. جابور ماتيه
طبيب نفسي متخصص في طب الأسرة وعلاج الإدمان والصدمات النفسية...
له كتاب حلو بيناقش تأثير "التوتر النفسي وكبت المشاعر "

ازاي بيؤدي الي " أمراض جسدي خطيرة "

مثل " السرطات ، التصلب المتعدد. الذئبة ، أمراض القلب ، أضطرابات المناعة الذاتية "

الكتاب بعنوان " عندما يقول الجسد لا " ثمن التوتر الخفي ..
When the Body Says No: The Cost of Hidden Stress

📌أهم ما قاله د/ جابور

1. العقل والجسد وحدة واحدة
الصحة النفسية والعاطفية مرتبطة مباشرة بصحتك الجسدية،
مينفعش تفصل عقلك عن جسمك .

2. كبت المشاعر يضر الجسد
الأشخاص اللي بيكبتوا الغضب أو بيتجاهلوا احتياجاتهم بيعرضوا أنفسهم لأمراض مزمنة.

3. "اللطافة الزائدة" قد تكون سامة
الناس اللي بيحبوا يرضوا الجميع ويهملوا نفسهم بيتعبوا أكتر جسديًا.

4. التربية المبكرة تؤثر على المناعة
التجارب الطفولية، خاصة الصدمات أو الإهمال العاطفي، تبرمج الجسد على الاستجابة للتوتر بشكل مرضي.

5. أمراض مثل السرطان أو التصلب المتعدد مش مجرد صدفة
فيه نمط نفسي مشترك بين بعض المصابين:
مثل إنكار الذات، عدم التعبير عن الغضب، وتحمل ما لا يُحتمل.

6. الشفاء يبدأ من الوعي
إدراك مشاعرك، وضع حدود صحية، والتعبير عن الغضب بطريقة ناضجة ممكن يحسن صحتك أو يمنع المرض.

- أول خطوة للشفاء ؟
إنك تعترف... إنك تتكلم... وتبدأ تحط حدود.

الكتاب بيهزك من جوا، وبيقولك الحقيقة اللي بنهرب منها:

"لو ما أتكلمتش وقولت لأ وقت ما كان لازم تتقال ، جسمك هيقولها عنك في شكل مرض أو ألم أو إرهاق مزمن "

حبك لنفسك مش رفاهية... ده علاج وقائي.

قول " لأ " لما روحك تتعب... قبل ما جسمك يقولها بطريقته.

23/08/2025

" إلى كل من أنهكه الألم الخفي...
الذي لا يُرى بالعين لكن يُثقل القلب والروح "

إلى من تعب من تكرار كلمة (تحملي)
وابتسم رغم التعب، ومضى رغم كل شيء

اليوم مش مجرد خبر طبي،
اليوم "بشارة" فيها ضوء لناس كتير فقدوا الأمل أو تعبوا من الصمت

🌸 أمل جديد يشرق في سماء مرضي الفيبروميالجيا 🌸

علاج جديد للفيبروميالجيا، وأول خطوة حقيقية بعد سنوات من الانتظار والأبحاث...

بعد أكثر من 15 عامًا من الانتظار ...
أطلقت إدارة الغذاء والدواء الأمريكية (FDA) الضوء الأخضر
لعلاج جديد يُحدث ثورة في حياة مرضى الفيبروميالجيا:

📌 Tonmya
هو أول علاج يُوافق عليه منذ أكثر من 15 عامًا لعلاج الفيبروميالجيا، ويُؤخذ مرة واحدة يوميًا قبل النوم.

📌 ما يُميز Tonmya
- تخفيف الألم
أظهرت الدراسات السريرية تحسنًا ملحوظًا في تقليل الألم مقارنةً بالعلاج الوهمي.

- تحسين النوم
يساعد على تحسين جودة النوم، مما يُقلل من التعب والإرهاق.

- آثار جانبية أقل
يفضل طريقة تناوله تحت اللسان، يقلل من الآثار الجانبية المرتبطة بالأدوية التقليدية.

📌 متى سيكون متاحًا؟
من المتوقع أن يتوفر Tonmya تجاريًا في الربع الأخير من هذا العام.

📌ملاحظة هامة
يُرجى استشارة الطبيب المختص قبل بدء أي علاج جديد.

ما بين الألم والأمل هناك دائما مساحة للشفاء
قد يكون Tonmya بدايتك الجديدة للراحة .

هنزلكم في التعليقات نبذة عن شركةالأدوية المسؤلة عن تطوير الدواء وموقعها .

23/08/2025

يعد كلود شتاينر (Claude Steiner)
هو مؤسس مفهوم "الذكاء العاطفي العلاجي"
(Emotional Literacy)
وهو "عالم نفس أمريكي "
كان من أوائل من ركّزوا على أهمية فهم وإدارة المشاعر كجزء من الصحة النفسية. وخاصة فيما يتعلق بالعاطفة والذكاء العاطفي والعلاقات .
دافع عن " الحدود الشخصية والصحة العاطفية "
اعتبر أن عدم وجود حدود واضحة يضعف العلاقات ويدمر احترام الذات.

📌كلود تحدث عن "الاعتماد العاطفي "
(Emotional Dependency)
من ضمن إطار " العلاقات غير الناضجة "
والسيناريوهات النفسية التي يتبناها الإنسان من الطفولة، وكيف تؤثر علي علاقاته واختيارته بعد بلوغه ..
خاصة تلك التي تقوم على الرسائل السلبية
مثل: "أنت لا تقدر وحدك"، أو "أنت تحتاج للآخر لتكون سعيدًا".

📌أبرز ما قاله أو أشار إليه عن " الاعتماد العاطفي "

♦️الاعتماد العاطفي هو ناتج عن حب مشروط في الطفولة
حين يتعلم الطفل أن الحب والقبول مشروط بسلوكه، ينشأ لديه إحتياج دائم لإرضاء الآخرين كي يشعر بأنه محبوب.

♦️يعوق النضج العاطفي
الشخص الذي يعتمد عاطفيًا على شريك أو أحد أفراد أسرته يكون غير قادر على بناء علاقة متوازنة، لأن سعادته وهويته مرهونة بالآخر.

♦️يؤدي إلى علاقات مسيئة أو غير صحية
لأن التعلق يصبح بدافع الخوف من الفقد، وليس الحب الحقيقي.

♦️التحرر منه يبدأ بالوعي والذكاء العاطفي
شتاينر شجّع على "محو الأمية العاطفية" وله كتاب بهذا الاسم
ويعني أن تعلّم كيف تفهم مشاعرك، وتفصل بين ما تحتاجه فعلاً، وما تعلّمت التعلق به بشكل غير واعٍ.

♦️الاعتماد الصحي مقابل الاعتماد المرضي
وجود دعم عاطفي متبادل في العلاقات شيء صحي، لكن الاعتماد الكامل على الآخر لسدّ الفراغات النفسية هو ما يعتبره مرضيًا.

📌يقول كلود
"الاعتماد العاطفي هو الاعتقاد بأننا لا نستطيع العيش دون حب شخص آخر، وأن قيمتنا الشخصية تعتمد على نظرة الآخر لنا...

وهذا وهم ناتج عن رسائل الطفولة، يجب تفكيكه حتى نستعيد قوتنا."

وذكر في كتبه مثل "Emotional Literacy"
"Scripts People Live"

📌 أن التحرر من الاعتماد العاطفي يبدأ بـ:

- وعيك ببرمجاتك القديمة (من الطفولة).
- فصل احتياجك للحب عن شعورك بقيمتك الذاتية.
- تعلّم قول "لا" دون شعور بالذنب.
- بناء حدود شخصية صحية.

كلود كان يؤمن إن النضج العاطفي مش بيجي من
"قوة التحمل" أو "كبت المشاعر"
لكنه يأتي من الصدق، والوضوح، والتعبير عن الاحتياج بطريقة ناضجة ومحترمة.

📌 خد بالك
إنت مش التجربة الي مريت بها ولا الطفل الي لغة الحب عنده كانت مشروطة .
انت الأن إنسان بالغ حر ، ومن حقك ان تبحث عن سعادتك وعن علاقات متوازنة والشفاء بات مهمتك .

لو عجبك محتوي الصفحة أدعمنا لنستمر 🤗❤️

21/08/2025

في شعورين بيشبهوا بعض جدًا…
بس واحد فيهم بيسعدك، والتاني بيستهلكك.

الحُب… والتعلّق

📌الحُب
شعور ناضج، بيحترم المساحة، بيعرف يقول:
"أنا جنبك بأختياري، مش عشان محتاجك علشان عندي فراغ داخلي "

الحُب فيه أمان…
مفيهوش ترقُّب، ولا خوف من الخسارة،
فيه شخصين واقفين جنب بعض ،خايفين علي بعض .

📌التعلّق
صرخة مش مسموعه وراها أحتياج مكتملش ، وراها نقص
بتتعلق بشخص عشان يعوض نقص أو أحتياج ناتج عن جوع عاطفي .

النتيجة إن تكون العلاقة دي هي
"الأوكسچين" اللي لو اتسحب تنهار وحياتك تقف ..
وتنسى إنك موجود وتنسي إن نفسك ليها عليك حق ..
وإنك تستحق تكون بخير بعده.

في التعلّق…
بتشوف الشخص زي ما أنت عايز تشوفه، مش زي ما هو فعلًا
بتبني له صورة، وتعيش فيها…
وتخاف تنهار لو فكر يبعد عنك ، لأنك سلّمت له مفاتيحك كلها.

بتبني الشخص في خيالك بناء علي أحتياجاتك
وأول ما تلاقيه بتتعلق به ، دون وعي أصلا ان الشخص ده يستحقك أو لأ .. مش شايف غير انه مكمل حياتك ..

وفي الحقيقة هو بيكمل النقص الي جواك .
الي هو ممكن يكون بيمثل أبسط حقوقك ..
وتقنع نفسك إنه الوحيد الي أتخلق عشانك وتخاف تخسره ..
حتى لو وجوده مؤلم بس أنت مش عاوزه يمشي ..
خايف تواجه نفسك بعده ، خايف تكون لوحدك .

📌الحقيقة؟
اللي بتحبه بجد، مش لازم تملكه ، ومش لازم حياتك تقف بعده .
ومش كل شخص راح… كان لازم يفضل.

أسأل نفسك
هل بتحبه لأنه بيكملك؟
ولا متمسك بيه عشان خايف تواجه نفسك من غيره؟

📌الحب الحقيقي
- حرية مش سيطرة
- دعم مش تقييد
- رغبة في الاستمرار، مش خوف من الفقد
- بتحب الشخص زي ما هو، مش زي ما نفسك يكون

📌أما التعلق
- احتياج لابس قناع حب
- خوف من البُعد أكتر من حب القُرب
- بتتمسك بالشخص عشان بيملى فراغ جواك
- وبتتوجع من كل تفصيلة، لأنه أصبح محور وجودك

📌ولو مش قادر تميّز بينهم، اسأل نفسك:

"لو الشخص ده مشي، هزعل؟ ولا هضيع؟"

- الحب: دفء، ومساحة، وشراكة.
- التعلّق: قيد، وخوف، واحتياج.

اللي بيحب، بيعيش... واللي متعلق، بينهار .

📌خد بالك من قلبك
في ناس بتعيش سنين في "تعلّق" متغلف بحب...
والأوجاع اللي بتمر بها مش عشان حبيت لكن عشان نسيت تحب نفسها الأول .

حاول تفهم هو فعلا حب ولا تعلق لابس قناع حب .
خليك صادق مع نفسك واعرف إمتى تمسك، وإمتى تسيب.

لو عجبك محتوي الصفحة أدعمنا لنستمر 🤗❤️

17/08/2025

في ناس بتمشي من حياتنا ، بس بتسيب وراها ميت ليه ؟
بتسيب ألبوم صور مفتوح جواك تفضل تتفرج عليه وأنت مش عارف
هل كانوا بيحبوك فعلا؟
ولا أنت الي حبيتهم وشفت أنعكاس حبك فيهم ؟

📌فقدانك للشخص بيشكك في حقيقة الذكريات الي جمعتك به وتبدأ تسأل نفسك ..
هي اللحظات دي كانت حقيقية ؟
هي المشاعر كانت متبادلة ؟

📌تبدأ ترجع بالذاكرة وتعيد كل كلمة وكل موقف ..
تشك في كل أحساس بالأمان حسيته وتفقد الأمل في إنك ممكن تعرف تحب تاني .

📌الوجع هنا مش في إن الشخص مشي ، الوجع في صراعك وشكك في صدق مشاعر حقيقية عشتها من عدمه .
واي ان كان مشاعر الطرف التاني كانت صادقة أو لأ .

📌في حقيقة وحيدة هتفضل ثابتة وموثوق منها

" أنت كنت حقيقي ، مشاعرك كانت حقيقية "

" كل اللي أديته كان من قلبك وكنت حاسه بجد "

فإنت مش غلطان إنك صدقت ، مش ضعيف إنك حبيت ،
ومش ناقص إنك تعلقت.

اللي اتكسر جواك مش النهاية..
دي كانت بداية لفهم أعمق لنفسك ،لبداية ترميم الصورة الذاتية،
ورجوعك لحبّك لنفسك، بوعي وقوة .

ذكرياتك جزء من حياتك ومن ماضيك ومن رحلتك ، بدل ما تسجن نفسك فيها ، حاول تنساها حاول تتصالح معاها ..

📌ببساطه
أتعلم تتخلي عن الذكريات الي أصحابها أتخلوا عنك
أتعلم أنك تمر عليها بس متتأثرش ومتتوجعش .

ومع الوقت، هتعرف تختار اللي يحبك بصدق ، اللي مش هتضطر تترجمله روحك ولا تشرحله ليه انت حساس أو مختلف ..
هيفهمك كأنك لغة أتولد بيها.

وبدل الذكريات اللي بتوجع ، هيجي وقت الذكريات اللي بتطبطب
بس في الأول
خليك صادق مع وجعك وخد وقتك، وأرجعلك ، أفصل نفسك عن التجربة الي مريت بها .

لأنك تستاهل تبني رواية جديدة ، بطلها مش الذكرى،
بطلها أنت 💪

Psy-Niveen Fahmy نيفين فهمي

24/10/2025

21/10/2025

10/10/2025

09/10/2025

08/10/2025

28/08/2025

28/08/2025

26/08/2025

23/08/2025

23/08/2025

21/08/2025

17/08/2025

Address

Website

Alerts

Contact The Practice

Shortcuts

Share

Category