Psy-Niveen Fahmy نيفين فهمي

Psy-Niveen Fahmy نيفين فهمي عضو منتسب لدي جمعية العاملين بمجال الصحة النفسية

مشكلتك مش إنك بتحب الاهتمام ، مشكلتك إنك ربطت قيمتك بيهكل ما يزيد إعجاب الناس… تحس إنك كويسوكل ما يقل… تحس إنك مش كفايةب...
04/05/2026

مشكلتك مش إنك بتحب الاهتمام ، مشكلتك إنك ربطت قيمتك بيه
كل ما يزيد إعجاب الناس… تحس إنك كويس
وكل ما يقل… تحس إنك مش كفاية

بس الحقيقة؟
إنت كفاية… حتى من غير تصفيق حد 👏



الأفكار مجرد زوار لعقلك 🧠مش كل فكرة تعدي في دماغك تستحق إنك توقف عندها وتصدقها
01/05/2026

الأفكار مجرد زوار لعقلك 🧠
مش كل فكرة تعدي في دماغك تستحق إنك توقف عندها وتصدقها


بكل حب وامتنان 🤍شكرًا من قلبي لكل حد حضر المحاضرة وكان جزء من المساحة دي وجودكم، تفاعلكم، وكلامكم خلّى اللقاء له معنى أع...
16/04/2026

بكل حب وامتنان 🤍

شكرًا من قلبي لكل حد حضر المحاضرة وكان جزء من المساحة دي
وجودكم، تفاعلكم، وكلامكم خلّى اللقاء له معنى أعمق بكتير

الفيدباك اللي وصلني منكم لمسني جدًا
وخلّاني أحس إن الرسالة وصلت، وإن في وعي بصحتنا النفسية
وممتنة لكل كلمة، ولكل إحساس صادق .

الرحلة لسه مستمرة… ووجودكم هو اللي بيكملها 😌




✨ صباح السعادة على قلوبكم ✨محاضرة النهارده مش مجرد مناقشة كتاب…دي مساحة وعي وفهم لكل وجع اتكوّن جوانا من غير ما نفهم سبب...
15/04/2026

✨ صباح السعادة على قلوبكم ✨

محاضرة النهارده مش مجرد مناقشة كتاب…
دي مساحة وعي وفهم لكل وجع اتكوّن جوانا من غير ما نفهم سببه 🥺

📖 "أبي الذي أكره" مش مجرد كتاب
مناقشة مهمة لكل إنسان اتعرّض لإساءة سببتله حيرة وألم مش مفهوم
مهمة لكل أم بتحاول تربي وبتسأل نفسها:
“أنا صح ولا بغلط؟”
مهمة لكل معالج بيدوّر على جذور الوجع مش بس أعراضه

النهارده هنفهم…
مش هنحكم، ومش هنلوم، لكن هنقرب خطوة من التعافي 🤍

🕘 في انتظاركم إن شاء الله الساعة 9 مساءً
وجودكم هيفرق 🌸🤍

https://t.me/+0nRKiBUaim4zMzU0

أحيانًا بنفضل نطبطب على جروحنا من بعيدنخاف نقرب منها أو حتى نسميها بأسمائها.لكن الحقيقة إن الجرح اللي بنتجاهلهبيفضل جوان...
14/04/2026

أحيانًا بنفضل نطبطب على جروحنا من بعيد
نخاف نقرب منها أو حتى نسميها بأسمائها.

لكن الحقيقة إن الجرح اللي بنتجاهله
بيفضل جوانا بيكرر نفس في علاقتنا وحياتنا

كتاب "أبي الذي أكره"
لدكتور / عماد رشاد بياخدنا في رحلة مواجهة حقيقية
مش للوم، لكن للفهم… ثم التعافي.

📖 في المحاضرة هنتكلم عن:
• الفرق بين أخطاء التربية والإساءة
• إزاي نميز بين الحب المؤذي والحب الآمن
• معنى "السجن النفسي"… وإزاي ممكن نكون عايشين جواه
• ليه بنحس بالذنب رغم إننا اتأذينا
• إزاي نبدأ نفتح باب الخروج بدون ما نجلد نفسنا

👥 وهنبدأ أول خطوة في الرحلة
نسمع حكايات حقيقية وراها أساءات وأوجاع

كل حكاية وراها نوع ألم مختلف:
إهمال – أذى نفسي – عنف – تحرش

ميعادنا غدا ان شاء الله الأربعاء الساعة ٩م (مجاااانا)

مع المحاضر / نيفين فهمي

أنضم لينا من خلال جروب التليجرام 👇

https://t.me/+0nRKiBUaim4zMzU0

يمكن تلاقي نفسك في حكاية منهم
ويمكن تكتشف إنك مش لوحدك.

🔓 "أيا كانت الإساءة … تأكد أن هناك طريق للتعافي "
لو في وجع جواك مش مفهوم فالمحاضرة دي ليك.




ياترى في كام “بسنت” حوالينابتبتسم قدامنا، وبتحارب لوحدها في صمت؟هي مكنتش عايزة تموتهي كانت عايزة توقف وجع مبقاش له آخركا...
12/04/2026

ياترى في كام “بسنت” حوالينا
بتبتسم قدامنا، وبتحارب لوحدها في صمت؟

هي مكنتش عايزة تموت
هي كانت عايزة توقف وجع مبقاش له آخر
كانت عايزة تصرخ… وصوتها يتسمع 🥺

🗯 بسنت قالت في اللايف
إنها كانت بتعاني من اكتئاب حاد
مريض الاكتئاب بيصحى كل يوم… داخل معركة محدش شايفها
حتى لو ضحك… وخرج… وقال “أنا كويس”

بس لما بيكون لوحده… دماغه مش بترحمه 🧠

بيبدأ صوت تاني يشتغل:
جلد ذات… أفكار سوداوية… ميول أنتحا_رية
إحساس إن مفيش أمل… وإن كل الأبواب اتقفلت

🗯 بسنت نزلت قبلها بوست قالت “خدوا بالكم من ولادي”
وده كان جرس إنذار لأهلها والناس الي بتحبها .

الوحدة مش معناها إن الإنسان لوحده ممكن يكون وسط ناس كتير
بس محدش حاسس بيه

🗯 بسنت قالت “أنا عمري ما كان إيماني ضعيف”

🖤 الاكتئاب مش ضعف… ولا بعد عن الله
ده حالة بتغيّر نظرتك لنفسك وللحياة تشويه معرفي
بتخليك شايف الضلمة… حتى لو النور موجود
فاقد الشغف… وفاقد الأمل

🕳 كأن عقلك حرفيا لابس نظارة سودة 🕳

واللي بيوصل للنقطة دي
بيكون اتكسر على مراحل:
كلمة وجعته… إهمال… تقليل… خذلان… ضغط… صدمات
لحد ما طاقته خلصت وصوته الداخلي بقى أقسى من أي حد

في اللحظة دي .. هو مش محتاج نصايح
ولا حد يقوله “استحمل”
هو محتاج حد يسمعه بصدق
يحسسه إنه مش لوحده
وإنه لسه يستاهل يعيش

🗯 محتاج مساعدة حقيقية " متخصص _ معالج "
حد يطمنه إن لسه في أمل
ويساعده يشوف الأمور بشكل أهدى وأوضح

لو تعرف حد بيعاني من اكتئاب
متسبهوش لوحده مع أفكاره حتى لو باين هادي
ممكن يكون ده هدوء ما قبل الانهيار

خلي بالك من كلامك
اللي بيقول “أنا تعبان” ممكن يكون بيستغيث
واللي بيهزر عن الموت… ممكن يكون بيتوجع بجد

بلاش نحكم… بلاش نقلّل من وجع حد
لأن كلمة ممكن تنقذ إنسان
وكلمة تانية ممكن تكسّره أكتر

العلاقات المفروض تبقى أمان… مش ضغط وخذلان
وأحيانًا… كلمة من قلب رحيم بتكون طوق نجاة

الله يرحمها ويسامحها ويغفر لها
ويحفظ أولادها من بعدها 💔




10/04/2026

‏إن الصلاة على النبي تجارةٌ
‏فاظفر بها تنجو من الدركاتِ :))

05/04/2026

الحقيقة إن أصعب صراع مش مع الظروف
الصراع الحقيقي بيكون جواك بينك وبين نفسك
بين النسخة القديمة اللي متعودة على الأمان،
والنسخة الجديدة اللي عايزة تكبر… حتى لو هتتوجع.

كل مرة بتأجل خطوة
أنت مش بتحمي نفسك، أنت بس بتأجل حياتك.

وكل مرة بتواجه خوفك— even لو بخطوة صغيرة

أنت كأنك بتقول لنفسك:
"أنا أستحق أحاول… حتى لو فشلت."

أحيانا مشكلتك مش في الطريق
مشكلتك إنك واقف مكانك وخايف تمشي.

كل حاجة عظيمة بدأت بخطوة صغيرة ومهزوزة
بس صاحبها ما وقفش.
النضج مش إنك تبقى قوي طول الوقت،
النضج إنك تكمل… رغم إنك مش قوي.

مش مطلوب منك تبقى مثالي ، مطلوب منك تبقى صادق
وتحاول بجد.

يمكن الطريق طويل
ويمكن محدش شايف تعبك ، بس يكفي إنك أنت شايف نفسك
وشايف كل مرة ما استسلمتش فيها.

الناس بتشوف النتيجة،
بس ربنا شايف الرحلة كلها 🤍

فكمل… حتى لو لوحدك.
في يوم… هتشكر نفسك إنك ما وقفتش.

لو تعبت؟ عادي.
لو اتأخرت؟ عادي.
لو وقعت؟ عادي جدًا.

بس اللي مش عادي… إنك تستسلم

افتكر دايمًا:
أنت مش بتحاول وخلاص… أنت بتبني نسخة أقوى منك كل يوم.
امشي حتى لو ببطء… المهم متوقفش 👌🤍

إغلاق باب غرفتي ليس مجرد فعلٍ عابر،بل إعلان صريح أنني اكتفيت من العالم اليوم.إغلاق هاتفي ليس هروبًا،بل استرداد لحقّي في ...
03/04/2026

إغلاق باب غرفتي ليس مجرد فعلٍ عابر،
بل إعلان صريح أنني اكتفيت من العالم اليوم.

إغلاق هاتفي ليس هروبًا،
بل استرداد لحقّي في الصمت،
بعد ضجيجٍ استهلك ما يكفي من روحي.

إطفاء النور ليس ظلامًا،
بل مساحة أرى فيها نفسي بوضوح،
دون تشويش الوجوه، ولا ثِقل التوقعات.

هدوء الليل، والأربع حيطان
ليسا وحدة، بل حضنٌ مؤقت، أعيد فيه ترتيب فوضاي،
وأجمع شتات قلبي بهدوء.

هنا
لا أُطالب بأن أكون قوية، ولا مضطرة لأن أُفسّر،
ولا أُجبر على الاحتمال أكثر أو التبرير .

هنا فقط
أسمح لنفسي أن تخلع دروعها، أن تهدأ، ونتنفس بعمق،
وكأنها تنجو… للمرة الأولى.

هذه اللحظات
ليست انسحابًا من الحياة،
بل عودة صادقة إليها بنسخةٍ أقلّ تعبًا،
وأكثر سلامًا. 😌❤️
#بقلم

صباح الخير 😍 قبل ما يومك يبدأخد لحظة مع نفسك كده وأسألها:"أنا هواجه النهارده اليوم بعقلي… ولا بأفكاري القديمة؟"لأن مش كل...
25/03/2026

صباح الخير 😍
قبل ما يومك يبدأ
خد لحظة مع نفسك كده وأسألها:
"أنا هواجه النهارده اليوم بعقلي… ولا بأفكاري القديمة؟"

لأن مش كل فكرة بتيجي في دماغك حقيقية
ولا كل إحساس لازم تمشي وراه

في أفكار بتتخلق من خوف قديم
ومن تجارب وجعتك مريت بها قبل كده
وبتحاول تفرض نفسها على يوم جديد مالوش ذنب

الفكرة الإيجابية مش إنك تضحك غصب عنك
ولا تنكر تعبك

الفكرة الإيجابية الحقيقية هي:
إنك تبقى واعي
إنك تختار
إنك تقول لنفسك:
"أنا شايفك… بس مش هسيبك تتحكم في يومي"

كل يوم بيبدأ من جواك من يقينك بأنك تستحق تكون سعيد
بيبدأ من فكرة فخليها أيجابية
بيبدأ من معنى يغير يومك فتتغير حياتك
من قرار صغير بينك وبين نفسك

فخلي بداية يومك:
وعي… مش اندفاع
رحمة… مش قسوة
اختيار… مش استسلام

كل عام وأنتم إلي الله أقرب 🌙أعاده الله علينا وعليكم بالفرح والخير والسعادة 🤍
20/03/2026

كل عام وأنتم إلي الله أقرب 🌙

أعاده الله علينا وعليكم بالفرح والخير والسعادة 🤍

أقتربت رحلتنا علي الانتهاء 🌙ومما لا خلاف عليه أن طيبعة النفس البشرية الخطأ ، وحاولنا جاهدين أن نقترب من الله ونزيل الفجو...
16/03/2026

أقتربت رحلتنا علي الانتهاء 🌙

ومما لا خلاف عليه
أن طيبعة النفس البشرية الخطأ ، وحاولنا جاهدين أن نقترب من الله ونزيل الفجوة بالطاعة والرضا والسجود والركوع .

مما لأ شك فيه
أننا مقصرين مهما حاولنا ولكن كن علي يقين أنك لست ذنبك

أنت لست ذنبك
لا تُعرِّف نفسك بخطأٍ فعلته، ولا تجعل ذنبًا ارتكبته يسرق منك الأمل.

أنت لست ذنبك
أنت إنسان حاول، وتضعف ، ثم تعود لتبحث عن الطريق.

الله لا ينظر إليك كقائمة من الأخطاء
بل كقلبٍ ما زال يعرف طريق الرجوع.

كم من ذنبٍ كان بداية توبة ،وكم من دمعة ندمٍ كانت طريق نجاة.

فلا تقل: أنا لا أستحق
بل قل: يا رب أنا عبدك… وأنت أهل المغفرة.

ما دام في صدرك نفس، فباب التوبة مفتوح،
وما دام قلبك يتحرك نحو الله
فأنت لم تضِع.

أنت لست ذنبك ... أنت توبتك.


Address

Alexandria

Website

Alerts

Be the first to know and let us send you an email when Psy-Niveen Fahmy نيفين فهمي posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Psy-Niveen Fahmy نيفين فهمي:

Shortcuts

Share

Category