11/09/2025
" محتاج اروح لحد أفضفض "
" محتاج رأي حد متخصص في موضوع شاغلني "
ده اكتر فكرة منتشره عند العملاء اللي بتدور علي ثيرابست 🤷🏻♀️
في البوست ده هدفنا نعرف يعني اي علاج نفسي ؟!
مبدئيا العلاج النفسي مش وقت بنقعد نفضفض و نحكي ❌
ولا بنروح ناخد رأي المعالج في حياتنا ❌
كمان مش الهدف نعرف مين الغلطان في الحوار ❌
العلاج النفسي هو " رحلة منظمة "
بتبدأ ايوة بالحكي عن حياتنا و اللي حصل و المواقف المزعجة و المواقف و الأوقات الحلوة و الناس اللي في حياتنا ،
ده في البداية عشان المعالج يفهم إنت مين ؟
و حياتك اتشكلت ازاي ؟
و اي الأحداث اللي لا تزال مؤلمة و متخزنة في اللاوعي
و في المرحلة التانية من العلاج النفسي مهم التعاون بينك و بين المعالج في أهدافك من الرحلة العلاجية ،
وعلي أساس قائمة المشكلات و قائمة الأهداف و أهميتها ليك بتبدأ في خطوات لفهم افكارك و مشاعرك او بتدأ رحلة معالجة الأحداث الصدمية اللي لسة غرقان فيها ،
كل ده ليه أسس علمية في التشخيص بالاختبارات النفسية اللي بتكشف عن قوائم المشكلات اللي بتعاني منها ،
و بعدها رحلة الخطوات العلاجية بناء علي كل برنامج علاجي بيساعد في اي نوع من المشاكل سواء علاج معرفي سلوكي او علاج جدلي سلوكي او برامج علاج الصدمات او حتي التحليل النفسي لفهم صراعات اللاوعي ،
المعالج دوره توفير مساحة آمنه للفهم و الاحتواء و النمو النفسي ،
مش دوره يقولك اعمل اي و متعملش اي !
دور المعالج يساعدك ازاي تفهم نفسك و تفهم احتياجاتك و تتعامل مع حياتك و تاخد قراراتك بنفسك👌
قولنا في التعليقات اي تاني محتاج تعرفه عن العلاج النفسي 🤷🏻♀️
