Marwa Art Therapy

Marwa Art Therapy ببساطة مارسة الفنون المختلفة
تخلصك من أى مشاعر سلبية أو قلق أو زعل أو إكتئاب و كمان أساعدك تستمتع وتعمل عمل فنى بدون أى خبرة فنية.

دكتورة/مروة صابر حسنين
إستشارى صحة نفسية و إرشاد أسري و معالج بالفن دولي معتمد .

خريجة كلية الآداب جامعة الاسكندرية،
محاضر دولى معتمد للغة الانجليزية من جامعة نوتينج هيل و عملت بتدريس اللغة في الاكاديمية العربية للتكنولوجيا والنقل البحرى و عملت على مدار ١٣ سنه داخل وخارج العديد من المعاهد اللغوية المرموقة.
مصورة فوتوغرافية مصرية شاركت في العديد من المعارض المحلية والدولية و حاصله على المركز الخامس على العالم في مسابقة اليونسكو متحدون مع التراث .
فنانه تشكيليه شاركت في العديد من المعارض الفنية و نالت العديد من شهادات التقدير و الدروع التذكارية.
أهتمت بمجال مساعدة الاخرين من خلال الفن بمختلف أنواعه حيث بدأت كمدرب حياة للفن العلاجى باعتماد أكاديمية ترانسفورميشن لوس انجلوس _أمريكا ، ثم أخصائية صحة نفسية و أخصائية علاج بالفن معتمدة من كلية التربية النوعية جامعة عين شمس(محليا) و كلية لندن للتصميم و الفن(دوليا) كما حضرت العديد من الورش الداعمة و المتخصصة للعلاج بالفن و أصبحت معالج لاضطراب الكرب مابعد الصدمة باعتماد جامعة نوتينج هيل .
عضو إتحاد المعالجين النفسين العرب.
و زميل كلية لندن للتصميم والفن ،
و زميل البورد البريطانى للصحة النفسية ،
و زميل و عضو البورد البريطانى للعلاج بالفن.
ماجستير و دكتوراه صحة نفسية و إرشاد أسري

و هي المؤسسة لمنصة Marwa Art Therapy، التي تهدف إلى استخدام التعبير الإبداعي كأداة فعالة للشفاء، واكتشاف الذات، وتعزيز المرونة النفسية حيث تعمل مع أفراد من خلفيات ثقافية متنوعة، وتركز في نهجها على قيمة عملية الإبداع أكثر من المنتج النهائي و ذلك لنشر الطاقة الإيجابية و التعامل مع مختلف ظروف الحياة .
لها قناه على اليوتيوب داعمة للطاقة الايجابية و داعمة لاصوات الاسترخاء والنوم مايعرف باسم
ASMR

مش كل تعب بيبان.. ومش كل قوة لازم تتقال..مرّيت بأسبوع صعب، ولسه مش راجعة 100% كويسة،بس راجعة و مكملة بخطوة هادية ثابته ل...
20/11/2025

مش كل تعب بيبان.. ومش كل قوة لازم تتقال..
مرّيت بأسبوع صعب، ولسه مش راجعة 100% كويسة،
بس راجعة و مكملة بخطوة هادية ثابته لأن الهدوء قوة برضو.
لكل ست بتكمّل رغم التعب:
إنتِ أرقى نسخة من القوة و قوتك مش في سرعتك ..
قوتك إنك تقومي كل مرة.

Marwa Saber
Marwa Art Therapy


أنا مش بقف بس جسمي أحيانًا بيجبرني أبطّأأمبارح أقنعت نفسي أنى كويسة و نزلت و أتحركت ورايا حاجات بعملها .. لحد لحظة صرخت ...
16/11/2025

أنا مش بقف بس جسمي أحيانًا بيجبرني أبطّأ
أمبارح أقنعت نفسي أنى كويسة و نزلت و أتحركت ورايا حاجات بعملها .. لحد لحظة صرخت فيها و أدركت إنى بضغط على نفسي و أن أنا فعلا تعبانه ..
و هوب فجأة دخلت الطوارئ ..
نزلة معوية والتهاب معدة من آثار نزله البرد الحادة اللى سافرت و رجعت بيها ..
أمبارح أخدت بالى فرق الزوايا من وأنا اللى نايمة ببص للمحلول و بين أنى أكون أنا اللى بهون على المريض.
حتى الأقوياء بيحتاجوا يهدّوا شوية.
ومع إن عندي مهام لازم تتعمل وشغل لازم يكمل،
قررت آخد فترة راحة قصيرة إحترامًا لجسمي وصوته.
القوة مش إنك ماتوقفيش..
القوة إنك تسمعي جسمك،
وترجعي تكملّي أهدى وأقوى.
Marwa Saber
Marwa Art Therapy

#مروةصابر

في ناس فاكرة إن التعافي بيحصل لما “تشد حيلك” وتجبر نفسك تعدّي..بس الحقيقة؟التعافي عمره ما كان حرب… ولا قوة خارقة… ولا إج...
15/11/2025

في ناس فاكرة إن التعافي بيحصل لما “تشد حيلك” وتجبر نفسك تعدّي..
بس الحقيقة؟
التعافي عمره ما كان حرب… ولا قوة خارقة… ولا إجبار.
أنت/ي بتتعافى لما تسمح لنفسك.
تسمح تحس… ترتاح…
تسمح للمشاعر اللي كبتها سنين تطلع وتتنفس.
في جلسات العلاج… خصوصًا العلاج بالفن…
أنا دايمًا بشوف إن أول خطوة للعافية مش “يلا قوم”…
هي “خليك هنا… اسمع نفسك… وشوف جسمك بيقول إيه”.
الرسم أوقات كتير بيعبّر قبل ما الكلام يقدر…
والورقة بتستحمل اللي أنت مش قادر تستحمله جوه.
التعافي إذن أنك تكون بني آدم و مش بطل طول الوقت.
Marwa Saber
Marwa Art Therapy


في فرق كبير بين إنك متوتر…وبين إنك قلقان.التوتر بييجي يزورك… علشان ينبهك.القلق؟ بيقرر يعيش معاك.التوتر يقولك "استعد"،الق...
13/11/2025

في فرق كبير بين إنك متوتر…
وبين إنك قلقان.
التوتر بييجي يزورك… علشان ينبهك.
القلق؟ بيقرر يعيش معاك.
التوتر يقولك "استعد"،
القلق يقولك "انت مش كفاية".
شوف الصورة… واسأل نفسك 👇
أنت دلوقتي متوتر؟ ولا قلقان؟
🎨 💚

مش كل توتر = قلق.أوقات كتير جسمك بيحاول يقولك "خد بالك مني" مش "أنا بخاف".التوتر إشـارة 🔔القلق سجن 🌀الفرق بسيط… بس إدراك...
13/11/2025

مش كل توتر = قلق.
أوقات كتير جسمك بيحاول يقولك "خد بالك مني" مش "أنا بخاف".
التوتر إشـارة 🔔
القلق سجن 🌀
الفرق بسيط… بس إدراكه ممكن يغيّر حياتك.
⬅️ إنت بتحس انهى فيهم أكتر؟ التوتر ولا القلق؟
Marwa Saber
Marwa Art Therapy


مش كل إنجذاب "حب".أوقات هو ذاكرة بتتحرك…ماضي لابس وش جديد.اللاوعي بيفضل يختار "اللي شبه"علشان يحاول يداوي نفس الوجع،فيقع...
12/11/2025

مش كل إنجذاب "حب".
أوقات هو ذاكرة بتتحرك…
ماضي لابس وش جديد.
اللاوعي بيفضل يختار "اللي شبه"
علشان يحاول يداوي نفس الوجع،
فيقع في نفس النمط من جديد.

لحد ما تفهم إن الحكاية مش فيهم،
الحكاية في "جواك".
في العلاج بالفن بنفك الرموز دي،
اللون اللي بتكرريه، الخط اللي بيرتجف،
كلهم بيحكوا عنك قبل ما تتكلمي.

ولما تشفي جواك…
مش هتنجذبي تاني لـ"رمز"،
هتحبي "إنسان".
Marwa Saber
Marwa Art Therapy

سيبهم يفتكروا اللي عايزينه…أنت مش محتاج تشرح، ولا تثبت، ولا تبرر.اللي يعرف قيمتك حيشوفها من غير مجهود،واللي مش شايفها… م...
11/11/2025

سيبهم يفتكروا اللي عايزينه…
أنت مش محتاج تشرح، ولا تثبت، ولا تبرر.
اللي يعرف قيمتك حيشوفها من غير مجهود،
واللي مش شايفها… مش دوره يشوفها أصلًا.
🖌️ في العلاج بالفن بتتعلم إن التعبير عن الذات مش محتاج موافقة أو تصفيق،
مجرد إنك ترسم، تلوّن، أو تكتب اللي جواك…
ده كفاية يكون إثبات إنك بتتعافى، مش بتتنافس🧠

Marwa Saber
Marwa Art Therapy


🧠 🤨 لما تحس/ي إن دماغك “مش شغال زي الأول”...تنسى وسط الكلام، تفقد تركيزك بسرعة، تتضايق من أقل حاجة، تبعد عن الناس، وتحس ...
10/11/2025

🧠 🤨 لما تحس/ي إن دماغك “مش شغال زي الأول”...
تنسى وسط الكلام، تفقد تركيزك بسرعة، تتضايق من أقل حاجة، تبعد عن الناس، وتحس إنك "مطفي".
ده مش كسل ولا ضعف.
ده دماغك بيحاول يحميك من زيادة التحميل.
بيعمل "pause" علشان يقولك: كفاية... محتاج أتنفّس.
🎨 العلاج بالفن هنا بيبقى زي نافذة تهوية للعقل.
بيرجعك تحس، تفكر، وتفهم نفسك من غير ضغط.
مجرد ألوان، خطوط، ومساحة أمان تسيب فيها دماغك يرتاح ويبدأ من جديد.

Marwa Saber
Marwa Art Therapy


هو انت/ي فعلًا اتعافيت؟ولا بس بطّلت/ي تفكر/ي في الوجع؟أوقات بتخدع/ي نفسك إنك تمام،لكن جواك لسه اللوحة ناقصة لون، ولسه ال...
09/11/2025

هو انت/ي فعلًا اتعافيت؟
ولا بس بطّلت/ي تفكر/ي في الوجع؟
أوقات بتخدع/ي نفسك إنك تمام،
لكن جواك لسه اللوحة ناقصة لون، ولسه الحتة اللي وجعتك ما اترسمتش.
العلاج مش إنك تمسح/ي الوجع،
العلاج إنك تعبر/ي عنه...
ترسمه، تكتبه، تواجهه، وتفهم إن الفن ممكن يكون طريقك للشفا.
Marwa Saber
Marwa Art Therapy

اللى بتتمناه مش صعب على ربنا بس أنت/أنتى أدعي من قلبك و أشتغل/ي بردو من قلبك ✌🏻♥جمعة حلوة للجميع 🙏🏻💕 Marwa Saber Marwa A...
07/11/2025

اللى بتتمناه مش صعب على ربنا بس أنت/أنتى أدعي من قلبك و أشتغل/ي بردو من قلبك ✌🏻♥
جمعة حلوة للجميع 🙏🏻💕

Marwa Saber
Marwa Art Therapy


#مروةصابر

أجمل حاجة في المعرض… إن حبايبي كانوا جنبي ♥♥♥اللوحة ليا، بس الفرح لينا كلنا 😉❤مشهد واحد بيجمع الفن، والدعم، والحب.شكراً ...
06/11/2025

أجمل حاجة في المعرض… إن حبايبي كانوا جنبي ♥♥♥
اللوحة ليا، بس الفرح لينا كلنا 😉❤
مشهد واحد بيجمع الفن، والدعم، والحب.
شكراً لوجودكم في كل خطوة 🎨
فضلا قولوا ماشاء الله و أدعوا لي ربنا يخليهم لي 🙏🏻🧿💕
Marwa Saber
Marwa Art Therapy

من افتتاح معرض "ألوان من الحياة" بتنظيم
شكرا خاص لحضرتك .boutros و لذوقك و إحتوائك الراقي 🙏🏻😍


#مروةصابر

مفهمش في الحسابات اوى لكن متأكده أن ال ٩٠% أكتر من ال ١٠% و أن ممكن أى شخص يتعلم و يتدرب ازاى يتفاعل معاهم و ازاى يقدر ي...
05/11/2025

مفهمش في الحسابات اوى لكن متأكده أن ال ٩٠% أكتر من ال ١٠% و أن ممكن أى شخص يتعلم و يتدرب ازاى يتفاعل معاهم و ازاى يقدر يحول تفكيره من سلبي لإيجابي و يعرف يتقبل و يفكر و يقرر و يحل أى حاجة تواجهه ..
مواقف الحياة هتفضل تحصلك كل يوم .. فحاول تكون مستعد . 💪🏻💕

Marwa Saber
Marwa Art Therapy


#مروةصابر

Address

Alexandria

Opening Hours

Monday 9am - 10pm
Tuesday 9am - 10pm
Wednesday 9am - 10pm
Thursday 9am - 10pm
Saturday 9am - 10pm
Sunday 9am - 10pm

Telephone

+201141143849

Website

Alerts

Be the first to know and let us send you an email when Marwa Art Therapy posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category