https://www.facebook.com/319185194606466/

christin William, alexandria, Alexandria (2026)

22/02/2026

📺مسلسل الست موناليزا 📺
⬅️ بيحكى عن تجارب حقيقية لبنات ضحايا ل اشباة الرجال
🔺اللى️ بنشوفة و بنسمعة من الناس ال عايشين ف بيت عيلة و علشان بتحبة بتفضل تيجى على نفسها علشانة بس للأسف مفيش فايدة🤷‍♀️

▪️ #حسن هو الشخص الندل ال ملهوش علاقة بالرجولة بأى شكل من الاشكال وللأسف بقى النوع دة منتشر الفترة الاخيرة بشكل كبير علشان كدة بنلاحظ نسبة الطلاق بتزيد ف اخر فترة 📈

▪️ #الحموات مش هقول ان كلهم كدة لان صوابعك مش زى بعضها بس للأسف فى كتير منهم من ال بتشجع ابنها انة يتعامل كدة مع مراتة😈

🔹️ #موناليزا عدت مواقف كتير مكنش ينفع تعديها وعدت كدب بكل انواعة كان بيحصل قدامها و تمثيل لأعلى مستوى و بردو كانت بتصدق اة حلو تكونى طيبة بس مش للدرجة لحد ما بقت هى كمان بتكدب على أهلها ❌️❌️

🔹️بس هما مسكين فى كلمة اصل انتى《 بنت اصول 》مش هتعملى كدة 😂😂
↩️مين قال ان《 بنت الاصول》 هى ال بتستحمل الاهانة و الكدب و الذل و المعاملة الوحشة بنت الاصول بتعرف الاصول كويس مع ابن الاصول ال بيحافظ عليها و يصونها✔️ غير كدة لأ

🔘الخلاصة:-

📌الخطوبة فيها مواقف كتير تعرفى منها اذا كان الشخص مناسب و لا لأ ⬅️ حكمى عقلك و قلبك مع بعض مع ان مش كلة بيظهر ف الخطوبة دى حقيقة و فى ناس استاذة فى التمثيل👌

📌لازم تعرف ان العلاقة ال تكون بتدارى او بتكدب فيها على أهلك دى علاقة فاشلة 🤷‍♀️ و مستحيل تتصلح فى يوم من الايام

📌الجوازة الناحجة بتنجح بالطرفين 🤝عمرها ما بتنجح بطرف واحد 💔

خلينا نشوف هيحصل اية فى الحلقات الجاية؟؟ 😊

✍️

09/02/2026

🍀اضطراب القلق الشديد 🍀
🔅من انواع الاضطرابات المهلكة نفسياً على اصحابها خصوصًا المصاحبة⬅️《 للأفكار الكارثية😶‍🌫️》 و 《التهويييل😱 》
🔅اصحاب الاضطراب دة بيعانوا بطريقة صعبة فى حروب داخلية صعب توقف
🔅كتير مننا بنتعرض للقلق لكن امتى بنحس ان الموضوع بدأ يبقى خطر لما تبقى عارف و متأكد انك بتقلق من اقل حاجة او بتقلق من حاجات ميتقلقش منها ممكن تسبب زعل لكن مش لدرجة القلق الشديد
💠الأعراض المصاحبة :-
🔹️الخنقة و ضيق التنفس 🥵
🔹️احساس ان العالم مش مفهوم و انك تايهة ف افكارك 😶‍🌫️
🔹️وجع فى الصدر🥲
🔹️اطراف الاصابع ساقعة متلجة 🥶
🔹️ضربات قلب سريعة 💔
🔹️هياج ف التنفس 🫠
🔹️تنميل ف الرأس 🤯
🔹️احساسك انك منفصل عن الواقع فى بعض الاحيان
📌شعور الشخص انة فى دوامة مش عارف يخرج منها و انة نفسة اى حد يفوقة و يخرجة من الدايرة دى و مهما يحاول يخرج بترجع الافكار بطربقة اقوى 🫣وقتها لازم 👇
🔘العلاج :-
🔸️علاج دوائى فى حالة عدم القدرة ع السيطرة و انة المؤشر عدى الدرجة الطبيعية 📈
🔸️انخفاض النشاط ف مجال العمل / الدراسة / الحياة الشخصية / التركيز ...كل مجال منهم اصبح فية خلل وقتها لازم 👈 علاج دوائى 💊يساعد فى الرجوع للمستوى الطبيعى ✔️
🔸️العلاج المعرفى السلوكى و تعديل الأفكار ✔️
🔸️تمارين الاسترخاء والتنفس العميق ✔️
✍️

16/01/2026

📺مسلسل ميدتيرم📺

🍀 مسلسل شدنا كلنا لأنة بيحكى بأختصار معاناة حقيقية بنشوفها ف جيل teenagers ف الوقت الحالى ال معظمة سبق سنة بالوعى الزيادة بس ف نفس الوقت هو اكتر جيل اتربى وسط امراض نفسية كتير🙈🥹

🍀 جملة ان اسواء حاجة ان الجيل دة بيحاول يعالج نفسة بنفسة دى اكتر حاجة خطر ممكن تتعمل او انة يسأل chat gbt و ينفذ ال يقولة لمجرد انة خايف أو مكسل أو غير قادر يروح لدكتور نفسى ❌️❌️ دة أكبر غلط ممكن تعملة ف حق نفسك او《 انك تاخد ادوية chat gbt وصفهالك 》❌️❌️❌️❌️

🥹مسلسل ميدتيرم هدفة انة يوصلنا امراض الجيل دة مظهرتش غير لما هما قرروا يفتحوا قلبهم ❤️‍🩹 لحد يطمنوا لية غير كدة هيفضل المرض النفسى ف مكان مقفول جواهم ومش هيطلع 🔐

🍀 و حتى لما حبوا يطلعوا اسرارهم طلعوها لحد غير الأهل و دة اكبر مشكلة ممكن تقابلنا اننا مش عارفين نحتوى و لا نفهم اولادنا و لا حتى حابين نفهمهم كل ال بنشوفوا اننا نربيهم زى ما احنا اتربينا 🙈❌️

🍀بس للأسف مش بس الوقت اتغير. .كل حاجة اتغيرت مع الوقت الطريقة و الفهم و الوعى و لو انت كأب و انتى كأم مكنتوش قريبين منهم هيدورا على حد برا يسمعوهم و يفهموهم
معظم جيل teenagers بسنبة كبيرة عندهم depression و borderline و anxiety من بيئة الطفولة و طلع بيها و بيلبس ١٠٠ وش علشان ميبانش علية ....جيل عايش يكتم جواة علشان عارف لو حكى و اتكلم مش هيترحم من الناس ال حوالية و أولهم اهلة 💁‍♀️🙇‍♂️

💠كل نماذج الأهالى ال شوفناها ف المسلسل بنسبة كبيرة للأسف حقيقية و دة ال خلى gab توسع بين الوالدين و أطفالهم و بيروحوا لناس برا علشان بس يخرجوا ال جواهم ال مش عارفين يطلعوا براحتهم قدام اهلهم او انهم يروحوا لدكاترة من غير ما أهلهم يعرفوا 🤦‍♀️

🔘الخلاصة :-

📌قربوا من ولادكوا افهموهم ✔️/ اسمعوهم ✔️/طبطبوا ✔️/ اعرف وجهة نظرهم لية شايفاها كدة ✔️/ اتناقش ✔️/ اخلق لغة حوار بينكم✔️ / صاحبهم✔️ /بلاش orders❌️ و أهم نقطة اقبلوهم زى ما هما ✔️✔️✔️

💠متسبهمش يمشوا ورا دماغهم او ناس غريبة توجهم لمجرد انهم بس سمعوهم👂 .. دة دورك كأب و دورك كأم حمايتهم 🫂

💠على اد ما teenagers اكتر جيل عندهم وعى بس هو فعلا جيل مظلوم جداا و معاش طفولتة بطريقة صح و جواة كل واحد منهم حكايات و قصص كتير انتو كابأء أولى تسمعوها و تدعموهم بدل حد غريب 👨‍👩‍👧‍👦
انت فعلا ال هتخاف علية بجد بس بطريقة يفهماها هو مش طريقتك انت 🥰
🍀شكرا بجد لكل صناع المسلسل ال قدروا يوصلولنا طريقة تفكير الجيل 《 Gen z 》دة و ازاى نقدر نفهمهم ❤️‍🩹

#ميدتيرم
✍️

16/01/2026

🥰🙏❤️‍🩹

11/01/2026

📺مسلسل لاترد ولا تستبدل 📺

🍀من المسلسلات الجميلة و ال فعلا بتناقش قضية مهمة بين الراجل🤵‍♂️ و الست🤵‍♀️ و طريقة التربية 👏👇

👈خلينا نبدأ ب #طة الشاب ال بيجرى و بيعافر و بيحاول يشتغل شغلانة و ٢ علشان يقدر يكفى بيتة و بنتة و علاجها 👸 و اختة ال جوزها سابها و اتخلى عنها و هى حامل و مع ذلك معترضش 🤐 و لا قال انا مش مسئول و سابها لا بالعكس كمل و كان راضى 💪

👈حتى لما حاول يساعد #ريم و عارف انة بيحبها ...بس عقلة كان مسيطر اكتر من قلبة و كان بيعقل الامور و عارف انة على كل المستويات مش هينفع يكمل معاها لكن متخلاش عنها ولا سبها ف ازمتها حتى بعد ما خد الفلوس دفعالها تانى وفضل جمبها للأخر 😍 مفرقتش معاة قد ما فرق معاة انة ينقذها وقت ضعفها و تعبها 🫂

👈 #طة كان بيحاول يوصل ل #ريم اهتمامة و انة متواجد معاها و دايما مكنش بيقول اسمها كدة طول الوقت لازم يقول 《استاذة 》...و دة علشان يفهمنا انة مش هيقدر يكسر الحدود ✋️لحد اخر وقت 😍

👈 حتى لما كانت تعبانة اول حاجة فكروا فيها اهلها انهم يتصلوا ب #طة ..الشخص المسئول مش مجرد كلمة و خلاص 👌

📌لو خدنا نظرة سريعة عن طريقة #طة مع بنتة هنلاقية دايما بيحضنها و يطبطب عليها و بنتة بتتعامل بنفس الكلام اول ما #طة كان بيعيط و نفسيتو تعبانة بتطبطب علية و ال بيعملوا مع بنتة او مراتة او حتى الغريب👈 #ريم ..هو اكيد دة ال اتعود و اتربى علية + شيل المسئولية و الالتزام بيها + المعنى الحرفى للرجولة ✅️

🟢 #المسؤوليه مش سهل حد يتقال علية الكلمة دى ...ببساطة الكلمة دى《 افعال مش اقوال》
#الراجل الحقيقى بيظهر ف افعالة ف اخلاقة ف اهتمامة ف حنيتة مش مجرد فلوس و المهم طلباتك تبقى موجودة و خلاص❌️❌️...

🟢اى واحدة قبل ما تتجوز هى كانت عايشة ف بيت اهلها متصان كرامتها و عايشة زى الفل لما بتقرر تتجوز انت معملتش انجاز انت بتاخد واحدة من بيت اهلها و اخواتها و بتدخل فى حياة جديدة معاك علشان تحافظ عليها و تصونها لو مش عارف تعمل كدة متاخدش الخطوة دى احسن✋️

#نادر
👈 شخص انانى دايما بيفكر بعقلة مقدرش يحب #ريم لكن بعد ما سبها و أطلقوا حاول كتير يرجعلها و يقرب ليها ووقت ما يحب يقرب يقرب بمزاجة هو و بس ...طب ما هى كانت معاك أحلوت ف عينة اول ما بدأ يحس انها هتروح لحد تانى و بيتعامل معاها انها لعبة مش ست ليها مشاعر ... طريقة حبة ل #ريم هو اداء واجب معرفش ازاى يحبها 💔

👈 #ريم مكنتش عايزة اكتر من حضن🫂 حتى الدعم وقت ضعف المريض مقدرش يديهولها ❌️ و مش بس كدة مكنش عايز يقرب منها و كأنة قرفان( متفتكرش انك بتخاف علية فى فرق كبير) ...المريض بياخد بالة من طريقة الكلام و لغة الجسد الشخص ال قدامة خصوصًا لو كان حد قريب منة و لما رفضت ترجع رفع التأمين عليها كأنة بيقولها لو مش معايا مش هتقدرى تعملى العملية و هتعيشى ع الغسيل...استقوى ع واحدة مريضة و ضعيفة كان ممكن يستنى لحد ما تعملها و بعد كدة يرفع التأمين لكن دى طريقة الشخص ال ضعيف ال بيجى على المريض او على واحدة ضعيفة ملهوش أى علاقة بالرجولة ❌️

📌لو خدنا نظرة سريعة على طفولة #نادر هنلاقى انة بنسبة كبيرة مكنش بيتحضن و ميعرفش يعنى اية تعاطف او دعم او احتواء ميعرفش غير اداء الواجب كدة بالنسبالة = دة الحب ❌️

💫الخلاصة :-⤵️
🍀البنت مش بتدور على واحد تكمل حياتها معاة ماديًا كويس و بس....البنت مسابتش بيت ابوها علشان تتهان ف بيتك
🍀الست بتدور على راجل فية الأمان و السند و الأحتواء ال للأسف رجالة كتير مش بتفهمة ....لغة التفاهم بين الراجل و الست لو محصلش كل فترة تجديد فيها هتنتهى العلاقة مهما كانت قوتها💔

💠من الاخر حاول كأب / حاولى كأم تحضنى إبنك و تعلمية إزاى يتعاطف و يحتوى و يبقى حنين مع الست ال معاة ازاى يقدر يشيل المسؤوليه و يعرف معنى الرجولة الحقيقة ال اى ست بتدور عليها ف شريك حياتها ❤️...

💠افتكر ان الأطفال هما اسفنجة لتربيتك و رسمتك ال هتكمل لما تكبر ...الرجولة مش سهلة اى حد ياخدها خلى بالك من تربية اولادك و إنة ميبقاش مجرد كلمة ذكر ف البطاقة و بس و افتكر أن مش كل ذكر راجل لكن كل راجل اكيد اقوى ذكر ✔️👌

📌نهاية المسلسل كانت متزنة وواقعية جدا 👌👏مكنش ينفع يحصل اكتر من كدة ..لكن قدروا يوصلوا ان العلاقات الصحية مش بالتعليم و لا بالفلوس لكن بالنفوس ❤️‍🩹

شابوووة 👏👏
✍️

15/12/2025

📺مسلسل لاترد ولا تستبدل 📺

🍀المسلسل بيستهدف 👈 المرضى ال مرتبطة حياتهم بجهاز طول عمرهم و ان دة هيبقى السيستم الجديد زى الاكل و الشرب كدة + خصوصًا لو الوضع الجديد دة مرتبط بأستقرار العلاقة الزوجية لو منفعش زرع أو عملية معينة 🥹

▪️دور #ريم بتجسد معاناة مرضى الكلى او الفشل الكلوى بصفة خاصة و كمية الوجع سواء من الغسيل أو القسطرة والأهم الوجع النفسى أنة يبقى عارف ان حياتة مرهونة بجهاز و مجبر يروح الغسيل و معندوش option تانى 🥹

🍀اد اية صعب الاحساس و التوتر ان لو فوت يوم حتى من غير قصد ممكن تحصل مضاعفات خطيرة 🫣
👈... #ديناالشربينى مفوتتش تفصيلة من مشاعر و اداء و معايشة للدور بأتقان كبير لانة مش مجرد تمثيل دى احداث حقيقية و بتحصل ع أرض الواقع 👌علشان توصلنا انهم اكتر ناس محتاجين دعم و سندة 🫂

🍀 #المريض بيركز اووى وقت تعبة مين ال وقف جمبة👭 و مين ال شاف ومشى😏 و مين ال متحركش اصلا 😶 بيركز ان اول ناس هيفكر انهم واقفين جمبة هما اخر ناس تقدم المساعدة....و اخر واحد ( الغريب) ف توقعاتة هو اول واحد جرى يقدم المساعدة 🏃‍♂️...💁‍♀️

🍀وقتها بيحس انة اتخذل و اتصدم و كل توقعاتة طلعت غلط .....و بيتفاجئ بالناس ال حقيقية ال مكنش شايفهم اصلا هما اول ناس بيجروا و يتصرفوا علشان ينقذوة 🫣

📌الخلاصة ⬇️:-
🍀 #الصحة هى اهم نعمة لازم نشكر ربنا عليها ❤️🙏
هى فعلا
حاول ت #اسند #اسأل #صلى #طبطب #ادعم حتى لو بكلمة أو بضحكة حتى لو المريض مطلبش صدقنى هتفرق اوووى معاهم شجعهم يكملوا او يحاربو اى مرض خليك النور ( الحاجة الحلوة ) وسط الوجع 😍❤️

👏😍
✍️

11/12/2025

😍🙏🙈

08/12/2025

🔷️ما هو اضطراب الشخصيه الحدية :-

♻️️الصورة الحقيقة لأصحاب الشخصية الحدية مش بس ال بتشوفها قدامك 🎭 فى حاجات كتير مدراية وراها و اد اية اصحابها مش بيقدروا يسيطروا على انفعالاتهم 🥹 رغم معافرتهم الشديدة ليها
🍀الحديين :-
🔸️️المشاعر عندهم مش زى أى اضطراب تانى ...دة بيبقى اصعب و اقوى بمراحل 🔝
▪️الزعل من موقف عابر مش مجرد شعور عادى لأ .....دة موقف بيمر عليهم كفيل يرجع كل المشاهد القديمة ف دماغة و بيعاد تذكرها مرة تانية🎞 🙇‍♀️

▪️احساس الحزن عندهم مش بيعدى بهدوء او ياخد وقتة و خلاص و يروح لحالة لا ..بيبقى وجع شديد + كسرة قلب 💔 و depression

▪️حتى الفرح مش مجرد انبساط لا ممكن توصل لل extreem🔝 أو الهوس 🟰 الاندفاعية 🔝و ال ممكن وقتها يعمل اى حاجة حتى لو هو عارف انة بيعدى الحدود الطبيعية لان الفرح وقتها بيبقى مبالغ فيه و مش قادر يسيطر 📉

▪️شعور ️الفقد أو الهجر عندهم فعلا بياكلهم من جوة 💔😶‍🌫️هو من المشاعر الصعبة علينا كلنا و ناس كتير بتتأثر بية و دة الطبيعى بس الشعور دة بالأخص عندهم هو الأهم و الأقوى و الأساسي

▪️التخلى او الترك هو مصدر القلق الشديد بالنسبة لهم حتى لو العلاقة سامة🧛 لكنهم يكرهون الهجر و التخلى او الترك فهم بداخلهم شعور بالفراغ الداخلى الشديد فهم تركوا انفسهم قبل ان يتركهم الاخر 🙇‍♂️

▪️المواقف البسيطة ال بنعدى بيها ...عندهم مش بسيطة و عادية تفكيرهم فيها بشكل دقيق جداا و احساس الاحراج من اى مواقف حتى لو بغير قصد ال ممكن اى حد يتقبلة مش بيمر مرور الكرام عادى كدة عليهم دة احساس مميت جدا و ال بيترجم عندهم بالخزى و العار 🥲❌️
⤵️
▪️و ال منة بيبدأ يشعر انة بلا قيمة و مرفوض بسبب موقف اى شخص هيعادية لو من غير قصد و هيكمل ... لكن معاهم الموضوع مختلف جداا و ال ممكن يوصلهم بعد كدة للغضب الشديد🔝 😡⤵️
▪ح️تى الغضب بيوصل لل extreem و الممكن يأذى نفسة لمجرد فصل نفسة عن المشاعر الداخلية القوية و دة بيخلية يعمل ال cutting و هى 《عملية الالهاء 》ال بيعملها بطريقة غير واعية لانة غير قادر ع تحمل الألم النفسى
▪️ فهما يحرقون انفسهم قبل ان يحرقوا الاخرين
▪️فهما الابيض أو الاسود لا يعرفون الوسط ( الرمادى )و لا يعترفون بية
▪️فهما. ( all or non) الكل او لا شىء
▪️فهما(top or bottom ) ف القمة 🔝او ف القاع⬇️

▪️يسعون الى الاهتمام المبالغ فية و يحاربون من اجلة و لكنهم اذا شعروا بأى خطر يتركون قبل ان يتركهم الاخر و كأنهم يفعلون ذلك بهدف حماية الذات من الهجر و الترك 🫳

🍀اصحاب الاضطراب دة(الحديين) هما ابطال بجد لانهم مش بس شخصية واحدة دول كذا شخصية ف بعض و كمية الصراعات و المعافرة اليومية ال بيواجهوها علشان بس اليوم يعدى ❤️‍🩹👏🙏 شابوة 《BPD》
✍️

12/11/2025

📺مسلسل ورد و شوكولاتة 📺

#محمد فراج👈 #صلاح بيجسد الشخصية النرجسية= Narcissistic personality بكل معانيها و الابتزاز العاطفى مع الضحية ال هو اقوى سلاح للنرجسى و بيختار الوقت الصح ال فية الضحية بتبدأ تفوق و تبعد بيحاول بأى طريقة يستجدى العلاقة تانى سواء 《 بهدايا أو قصة حزينة يحكى فيها اد اية كان بيعانى من أهلة أو يدعى مرض .》.

💥النرجسى مش بيستسلم بسهولة ان الضحية تعدى من تحت ايدة كدة او تبدأ تحس انة متلاعب وقتها بيحس ان الأمور بدأت تخرج عن سيطرتة فا لازم يرجع من تانى يخلى الضحية تثق فية. و هنلاقى #صلاح عمل الموقف دة مع #مروة ف اكتر من مرة 😏

من الشخصيات ال بيتغذى عليها #صلاح و رجعوها لية كذا مرة بعد إهانات و تقليل دة بيثبت ل #صلاح اد اية انها مش هتقدر تستغنى عنة

رغم ان أي واحدة طييعية هتاخد خطوات رجوع أو انها تفوق و تبدأ تعقل الامور لكن مروة بردو عندها احتياج معين للأسف #صلاح عارف نقطة ضعفها و بيلعب ع كدة علشان كدة سابت الجوازة ال ف النور و راحت للشخص المتلاعب النرجسى رغم كل الوعود الكاذبة و التبرير على اى مواقف المهم يظهر بدور البرئ و الحنون و ال بيحاول يرضيها و بيجى ع نفسة علشانها 😅

💥هتلاقية دايما مخبى أسرار محدش يعرفها غيرة و أى حد يحاول يعرفها هيأذية بأى طريقة 👿

مسلسل فعلا بيفهمنا طريقة الشخص النرجسى ال بيقدر يستغل احتياج الاخر بس لمصلحتة هو وبس و بيثبت لنفسة انة قادر ياخد اى شخص صعب حد يوصلة أو ف مكانة عليا لكن هو قدر يحصل علية و مش بس كدة لأ يكون كمان متحكم فية🔗
#فراج
#زينة
😊👏
✍️

09/11/2025

لية بنقلق اصلا 🤔؟!!
☆امتى نقول👈 انا حاسس انى قلقان ؟؟
☆لية بخاف من اقل موقف حتى لو مش مستدعى ؟؟
☆هل فعلا ال anixety بيظهر ف يوم و ليلة و لا بيبقى نتيجة تراكمات و ضغوط نفسية ؟؟؟
☆الأهم هل الاحساس دة معايا من زمان ولا لسة جديد عليا ؟؟

🔥ال anxiety لية كذا شكل و كذا نوع :-
👈كل شخص عندة اللوزة الدماغية شغالة بشكل مختلف لكن اصحاب ال high anxiety 🔝 عندهم الAmygdala بتشتغل بشكل مختلف ⤵️

⭕️ تلاقى نفسك ف حوار داخلى معاها و تسألها ⁉️

🟢انت:-لية بتنبهينى و بتشتغلى جامد و كل الأعراض دى و الموقف مش مستدعى كل دة ؟؟!!
🔸️هى :- amygdala او اللوزة الدماغية بعمل كدة بهدف حمايتك من اى خطر
🟢انت :- الموقف بسيط و عادى أهدى بقى شوية 🤌
🔸️هى :- لأ لأنى ببساطة متبرجمة منك على كدة من و انت صغير مع أى موقف بتتشد اعصابك 😰
🟢انت :- طب ممكن نهدى شوية هقنعك ان الموقف عدى و خلص 🙂
🔸️هى :- مش هسيبك بسهولة كدة ❌️...لان مع اى موقف هشغل جهاز الانذار قبل الوقوع فى خطر لان ببساطة عودت اللوزة الدماغية = amygdala انها متفرقش بين القلق العادى او موقف بسيط و الموقف الكبير او الخطر الحقيقى
🚨 تفكير مفرط/ سرعة ف ضربات القلب/ الدوخة / التنميل / التعرق / برودة ف الاطراف / وجع ف الصدر و العضلات

📌العلاج :
✔️جلسات العلاج النفسى عن طريق 《cbt》و تمارين اليقظة الذهنية و التأمل و تمارين اخرى هتساعد الجسم ينظم مستقبلات اللوزة الدماغية و يعد برمجتها من الاول 😊 لا تقلق ابدأ ف التغير💪🫡
✍️

28/10/2025

💥ما هو القلق المزمن 🤔 ؟؟؟
👈القلق المزمن المعروف ب( chronic anxiety disorder ) ⤵️:-

⬅️هو الشعور الدائم بالقلق و التوتر و عدم الاسترخاء و هو إن الجهاز العصبى دايمآ ف حالة استعداد حتى لو الموقف مش مستدعى كل القلق و التوتر لكن الجسم للأسف خلاص خد وضع الهجوم و الاستعداد الدفاعى و الشعور بأى خطر حتى لو بسيط 😵

⬅️هتلاقى نفسك دايماً مش عارف تحس بالهدوء و شعور الهدوء هو ال جديد بالنسبالك 🤔

-:👇Chronic anxiety disorder ⬅️ أعراض💥

١) ضربات القلب السريعة حتى و أنت ف مكانك مش بتعمل اى مجهود 🫀🤦‍♀️

٢) الشعور بالفزع الدائم و ال بيفضل مستمر غالباً طول اليوم 😟

٣) الشعور بأرتجاف والقلق حتى ف نبرة الصوت 🥹

٤) احساس الايد بالبرودة حتى لو الجو حر و دة غالباً بسبب هبوط بسيط ف ضغط الدم 😔

٥) احساس بالدوخة و التعرق أحيانآ 🤕

٦) عدم القدرة ع سماع اى صوت حتى لو بسيط ( الشخص هنا بييقى مستوى الضغوط النفسية واصلة لأعلى درجة ) 🙉

٧) عدم القدرة ع النوم بعمق او النوم بشكل عام ( نوم فترات بسيطة ) 🙇‍♀️

٨) احلام مزعجة 😵

٩) وجع فى الصدر و الجسم 😥

١٠) شد عضلي 😞

💥القلق من اصعب الاضطربات خصوصًا لو فضل مستمر القلق المزمن بيعطل الشخص بسبب التفكير المفرط و عدم القدرة ع الهدوء او الاسترخاء

📌العلاج :-

🟢العلاج الدوائى أحيانآ بيساعد خصوصا in case chronic anxiety disorder لان اكتر حاجة تقدر تساعد المخ ع الهدوء من التفكير و التقليل من هياج الجهاز العصبي طول الوقت و إفراز السترتونين لإعادة التوازن الطبيعى فهو ناقل عصبي وهرمون يلعب دورًا رئيسيًا في الجسم، ويُعرف غالبًا بـ "هرمون السعادة" لأنه يساعد في تنظيم المزاج والنوم والشهية

🟢العلاج cbt من الاساليب المهمة جدا لتغير الافكار 😶‍🌫️

🟢تمارين الاسترخاء💆‍♀️ و التنفس تساعد على اعادة ضربات القلب للمستوى الطبيعى ❤️‍🩹

🟢تمارين اليقظة الذهنية تساعد على التركيز على اللحظة الحالية 🥰
✍️

christin William

22/02/2026

09/02/2026

16/01/2026

16/01/2026

11/01/2026

15/12/2025

11/12/2025

08/12/2025

12/11/2025

09/11/2025

28/10/2025

Address

Website

Alerts

Shortcuts

Share

Category