صيدليات سليم

27/09/2025

الجلطات

رحم الله أشرف عريس أسوان اللي مات في بدلة الفرح
وتحول فرحه إلي جنازة

الموت مالوش ميعاد ولا زمان ولا مكان
ولا ندري نفس ما ذا تكسب غدا
ولا تدري نفس بأي أرض تموت

ازاي شباب في العشرينيات أو الثلاثينيات أو شخص في مرحلة عمرية متقدمة
يتوقف قلبه فجأة
وتجي له جلطة
في شرايين القلب التاجية
ويموت بالسكتة القلبية
أو جلطة كبيرة شرايين المخ
ويموت فجأة بالسكتة الدماغية

ويعني ايه جلطة المخ
والسكتة الدماغية
ويعني ايه السكتة القلبية

الجلطة يعني كتلة من خلايا الدم
بتتجمع وتلزق في بعضها
وتلزق في جدار الشريان وتقفله
فالدم اللي وظيفته يجري في الشريان
ويروح يغذي الخلايا يتوقف
والخلايا اللي مش واصل لها الدم
تتوقف عن العمل
وقد تتلف وتموت

نوعين من الخلايا لما بيموتوا
مفيش خلايا تانية تعوضهم
وتنمو مكانهم
هما
خلايا المخ
وخلايا القلب

لما شريان القلب الكبير تتكون جواه جلطة كبيرة
وينسد انسدادا كليا تاما
يتوقف القلب
وقد تحدث السكتة القلبية والوفاة
لو لم يتم انعاش القلب
واذابة الجلطة
وتركيب دعامات

الكلام نفسه ينطبق علي المخ

لو الجلطة كبيرة
وفي شريان كبير بيغذي مساحة كبيرة من المخ أو يغذي جذع المخ مراكز التنفس والحياة
ممكن تحصل سكتة دماغية
يتوقف المخ عن العمل
وربما تحدث الوفاة
وهل ممكن وجع البطن
يكون من مقدمات الجلطة
هل وجع البطن ممكن يكون سببه جلطة ؟!
ايوه
جلطة الشريان التاجي الخلفي
تسبب وجع وحموضة
وحرقان في المعدة
كذلك جلطة شرايين الأمعاء
وكمان تسلخ وتمدد الأورطي
ممكن تحصل جواه جلطة

ايه اللي يخلي شاب صغير تجي له جلطة ؟!

التدخين
المسكنات
مشروبات الطاقة والمنشطات
المخدرات
تاريخ وراثي بارتفاع الكولسترول والدهون وقابلية التجلط
وطبعا الضغط المرتفع ومرض السكر
وحديثا وأخيرا الإصابة بڤيروس كورونا تسبب جلطات
فيروس الكورونا نفسه مش التطعيمات هي السبب الأخطر والأكثر انتشارا للجلطات القلبية والموت المفاجيء والتطعيمات قللت بنسبة كبيرة حدوث الوفيات

ايه أهم علامة تحذيرية لجلطة المخ
صداع تنميل في جانب من الجسم اختلال درجة الوعي

علامات تحذيرية لجلطة القلب
وجع أو عدم ارتياح في منطقة الصدر
نهجان خفيف
عرق
ثقل في الذراع الأيسر

هل الوقت يفرق في جلطات المخ والقلب؟!
الدقايق والساعات الأولي الوقت الذهبي Golden time لإذابة الجلطة بالأدوية أو بالقسطرة والدعامات

هل الزعل والتوتر والصدمات العاطفية ممكن تعمل جلطة ؟!
طبعا ممكن تكسر القلب وتؤدي الي اعتلال عضلة القلب ويمكن تتسبب في جلطة في المخ او القلب

هل كوڤ يد ١٩ بسبب جلطات ؟!

نعم كورونا المستجد مرض أوعية دموية قد يتسبب في جلطات في القلب والرئة والكيد والكلي والمخ
نؤكد مرة تانية كورونا نفسه مش التطعيمات هي السبب الرئيسي

حفظكم الله من الجلطات

إسأل

07/02/2025

هذه المهنة العظيمة هي رسالة قبل أن تكون مصدر للرزق
أمننا الله أمانة و نحن مسؤلون
أسأل الله أن يعيننا على أداء هذه الأمانة و توصيل الرسالة .

12/12/2024

#منقول

29/10/2024

ليه تحتار و تدور و تلف على نواقص الأدوية
احنا وفرناها لك و ممكن تطلبها من

14/10/2024

مطلوب آنسة أو سيدة للعمل بصيدلية د إسلام سليم بقرية حسين أبو اليسر النوبارية
للتفاصيل تواصل معنا .

22/09/2024

📍عشان ندخل الشتا لازم نكون مستعدين ليه☺️..

وعشان تكون مستعد ومناعتك اقوي انت واطفالك✨
يبقي لازم تاخد مصل الانفلونزا الموسمية 2024- 2025..

🛡 INFLUVAC TETRA 2024/2025 🛡

ليه بننصح بـ Influvac ( مصل الانفلونزا الموسمية) ؟

☑ لانه متطابق مع مواصفات منظة الصحة العالمية ( WHO ) لهذا العام و كل عام .
☑ يوفر الحماية ضد أربع سلالات من فيروسات الإنفلونزا .
☑ يعطي استجابة مناعية أقوى من أى منتج أو مصل اخر .
☑ يصلح للكبار وللأطفال من عمر 6 شهور .
☑ آمن على الحوامل والمرضعات وكبار السن .

🔸 موعد أخذ الجرعة:
في نهاية فصل الصيف شهر سبتمبر وأكتوبر يعني لازم تتحرك وتحجز جرعتك انت واطفالك مع صيدليات سليم 💚

🔸 الجرعات :

- جميع الفئات العمرية من عمر 6 شهور لأى عمر جرعة واحدة كاملة .
- أى شخص أكبر من 9 سنوات جرعة واحده فقط 0.5 مل .
- الأطفال من عمر 6 شهور - 9 سنوات : إذا لم يتم إعطاء لقاح الأنفلونزا الموسمية في أى عام سابق، يتم أخد جرعتين بينهم 4 أسابيع ( شهر ) ، كل جرعة 0.5 مل .

🔸 موانع التطعيم :
من لديهم حساسية من البيض، الفورمالدهيد، جنتاميسن ( مضاد حيوى)
#متوفر الآن في صيدليات سليم 💚
💚

25/09/2023

(25) September 💉💊

اليوم العالمي للصّيادلة ...
المهنة الّتي تجمع بين الإنسانية والرّحمة ...
بين الصّدق والنّزاهة ... بين الجرأة والخبرة ...
بين القدرة في التّعامل والصّبر والتّحمّل ...

كلّ عام وجميع الصّيادلة بخير. 👨🏻‍⚕️👩🏻‍⚕️
كلّ عام والصّيدلانيّ هو الجنديّ المجهول في منظومة الدّواء.
كلّ عام وهو الخبير الأوّل بالدّواء.

"فلا دواء بدوننا"💊

2023/9/25
ّيادلة💙

Cpd

09/07/2023

عزيزي #المريض
في حاله نقص دواء :
امامك خيارين و هما :
١.تستمع لنصيحه الصيدلي بالمثيل او البديل......
٢.تدور عليه من غير متسأله حينزل إمتي؟ طب يغلوه و ينزلوه!! او الاقيه فين ؟

🤔🫡لأن الصيدلي لا يعرف الأجابات و الله العظيم تلاته.
#الله يعين الجميع و يشفي كل مريض
#فلسنا
#ياختاي
منقول

28/06/2023

25/04/2023

نداء عاجل لازم يوصل لكل أم

مش في مصر بس ، وكل الدول العربيه كمان

اي طفل بدء في الترجيع والاسهال

قومي حالا حلي ٣ أكياس من اكياس معالجه الجفاف

اسمها هيدروسيف

هتحلي ال ٣ أكياس علي ٦٠٠ سم ماء

اللي هي تقريبا زجاجه مياه معدنيه صغيره

دي اهم حاجه في العلاج علي الاطلاق

ولو بيرجع كتير

ياخد حقنه ترجيع اسمها دانست او زوفران

ولو مش هتعرفي تديله الحقنه

يبقي ياخد لازقه علي اللسان اسمها اوندالينز

او قرص بيدوب علي اللسان اسمه setronomet

دي اهم خطوه في علاج النزله المعويه يا جماعه

والخطوات دي فعلا بتنقذ حياه الطفل قبل ما يدخل في جفاف

24/01/2023

عندك سكر؟
" اعمل تحليل eGFR" كل سنة
اللي هوه تحليل وظايف كلي بدقة
وما تنساش تحليل
Albumin/creatinine ratio
في البول
التحاليل دي رخيصة ومهمة
منقول

16/12/2022

طبعا مفيش حد تقريبا ماوقفش عند كشك او بقال وجاب الكرواسون المغلف بغض النظر عن الماركة
تعالو اقولك القرف ده عبارة عن ايه
علشان لو انت فاكره تصبيره او حاجه صحية ,ومصدق نفسك وماشي بنظرية ده انا ماباكلش وبتخن من الهوا , اديك في ثوابتك بقى علشان لما تتخن ماتتفاجئش
اولا القطعة 430 سعر حراري لو وزنها 100 جرام والنشويات فيها 53 جرام يعني في مقام رغيفين عيش العجيب اللي شبه الربع جنيه الفضه وسكر 18 جرام دهون 22 جرام ...

خد المكونات الاساسية بقى :
دقيق ،قمح،زيوت نباتية مهدرجةو غير مهدرجة،سكر،ماء،جلوكوز،كاكاو بودرة،
شراب السوربيتول،خميرة ،لبن بودرة ، شرش لبن بودرة ،ملح طعام ،مستحلبات عذائية ،عجينة بندق

اقولك بقى واحدة واحدة كل داهية من دول بتعمل ايه " شراب الفركتوز الجلوكوز"
من مسببات الكبد الدهني و لان الكبد بيفشل في فك شفرته الغذائية وتحيوله الي طاقة بيحوله لدهون مباشرة وبيسبب مقاومة الانسولين ومرض السكر وده بيديك سعرات عاليه وطعم حلو وصفر قيمة غذائية

"الزيوت النباتية المهدرجة"
ودي بقى يا نجم النجوم بتعمل اضطرابات وظائف الكبد وامراض القلب و الاوعية الدموية وليها اترباط ببعض انواع السرطانات واخطر من السمنة البلدي او والله

"عندك مادة سوربات البوتاسيوم الحافظة للطعام"
مفيش دراسات وتجارب وافيه عن اثاراها الجاتبية بس هي مادة مشبوهة وشمال عموما

المثبتات والمستحلبات E420
" السوربيتول"
في ناس بيوجعلها بطنها علشان كده لما تحف جامد في المعجنات المغلفة زي الكرواسون و الكيك واللي زيهم بطنك بتوجعك بسرعة

E282 (200-299 المواد الحافظة)
بروبيونات الكالسيوم
ملهاش اضرار اللهم ممكن تعمل بعض العسر في الجهاز الهضمي لو اجمالي الكالسيوم المتناول اليومي عالي

الخلاصه تقريبا مفيش حاجه في الكشك صحية
مفيش حاجه من الشارع صحية
عايز تاكله طفاسه من وقت للتاني انت حر
لكن تديه لاطفالك على انه اكل صحي
اسمحلي كده انت محتاج وقفه مع نفسك سواء ام او اب
ده مايفرقش عن علبة سجاير بتديها لطفلك