09/09/2024
*Influvac Tetra*

تطعيم_الانفلونزا
إيه هو تطعيم الانفلونزا ؟
فى اى حرب و علشان تتغلب على عدوك ، لازم تكون فاهمه و عارفه كويس
و ده ببساطة شديدة معنى كلمة لقاح
اللقاح معناه ان احنا جبنا الفيروس المسبب للانفلونزا مقتول مش مضعف killed vaccine
( علشان ميضركش و لا يخليك تتعب)
و بعدين بنحقنه ف جسمك ، و كده يقدر جسمك او جهازك المناعى يتعرف عليه
و يكوّن ليه اجسام مضادة
من غير ما يسببلك لك اى مشاكل
يعنى من الاخر حركة دفاعية استباقية لتحفيز جهازك المناعي
و بالتالي عند اصابتك بالفيروس الحقيقى الحى مرة ثانية
جسمك يقدر يتغلب عليه بمنتهى السهولة
------------------------------------------------------------
طيب هو ليه بينزل كل سنة تطعيم انفلونزا جديد ؟؟
ده لان الفيروس عدو صعب ، دايما بيغير من تركيبه وشكله الخارجي كل فترة علشان جهازك المناعى ميتعرفش عليه
فعلشان كده التطعيم كل سنة لازم يتجدد
------------------------------------------------------------
يعنى انا لو اخدت التطعيم ده مش هيجيلى انفلونزا؟
اولا انا عايز اتفق معاك على حاجة قبل ما اجاوبك :
** لازم تبقى عارف ان فيه فرق ما بين الانفلونزا و دور البرد العادى
الانفلونزا أعراضها زى البرد بس على أشد ومعاها كحة وسخونة وتكسير فى الجسم
التطعيم اللى انا بتكلم عنه هيحميك من الانفلونزا الفيروسية................................................
احب اقولك ان التطعيم ضد الانفلونزا الفيروسية يمنحك 4 حاجات :
1. حماية ٩٠ ٪ من الانفلونزا الفيروسية الموسمية
2. بيقلل حدة الأعراض
3. يقصر مدة الأعراض
4. والأهم إنه بيمنع المضاعفات
------------------------------------------------------------
طيب هو مين اللى لازم يتطعم ؟؟
كلنا بلا استثناء لازم نتطعم ، و خصوصا اننا محتاجين مناعة قوية علشان نحصن نفسنا
من اى دور انفلونزا ممكن يجيلنا
فيضعف مناعتنا و نكون عرضة لا قدر الله لاى فيروس تانى ( كورونا )
بس لو حبيت اوجه كلامى لناس بعينها :
1. الاطفال ثم الاطفال ثم الاطفال *******
2. مرضى حساسية الصدر
لإن دور الإنفلونزا والبرد من الأسباب اللي ممكن تدخله في ازمة صدرية لا قدر الله
3. مرضى الجيوب الانفية
4. الأمراض المزمنة يعنى سكر، ضغط ، ...
5. ذو المناعة الضعيفة ، اللى مع اى دور برد بيحصلهم مشاكل كتير
6. كبار السن
7. الحوامل بس بعد استشارة طبيب النساء والولادة
8. المرضعات
------------------------------------------------------------
المفروض نتطعم إمتى ؟
يُفضل إعطاءه فى بداية موسم الشتاء
عشان مفعوله يحمينا
(بيبدا مفعوله علطول و بيستغرق من ايام إسبوعين لظهور تأثيره كاملا )
يعني افضل توقيت بداية من شهر ٩
ولا يُنصح بإعطاءه أثناء أدوار البرد لكن مش ممنوع
------------------------------------------------------------
Influvac Tetra - إنفلوفاك تيترا
التطعيم الرباعي
ده بقي فيه ( سلالتين من نوع A + سلالتين من نوع B)
------------------------------------------------------------
طيب هى الجرعة إيه يادكتور ؟ وهل ينفع لكل الأعمار ؟؟
الجرعة عبارة عن سرنجة 0.5 سم
اولا : الأطفال
Influvac Tetra آمن للأطفال من ٦ شهور
ثانيا : نخلى بالنا ان الطفل اللى عمره اقل من ٩ سنوات و كان اول مرة يأخذ التطعيم فى حياته
لازم يكرر الجرعة بعد شهر
ثالثا : ٩ سنين فيما فوق
بياخذ التطعيم مرة واحدة فقط
رابعا .التطعيم يُعطى فى عضلة الكتف بعمق
و ممكن تحت الجلد (في الذراع مثلا)
------------------------------------------------------------
طيب فى موانع يادكتور للتطعيم او اعراض ؟؟
بالنسبة لموانع الاستخدام :
1. اى حد عنده حساسية من البيض ولو ان ده.تم.استبعاده او لمضاد حيوى من نوع جينتاميسين ، نيومايسين
2. اي حد عنده حساسية من تطعيم الانفلونزا او احد مكوناته عموما
3. اى حد عنده حساسية من بعض المركبات زى
( Formaldehyde, methyltriphenylphosphonium bromide, polysorbate 80)
** بالنسبة للاعراض الجانبية :
1. فى بعض الحالات وجع بسيط وإحمرار أو تورم مكان الحقنة
2. نادرا ما يسبب سخونة أو صداع وآلام بالجسم
3. وحالات نادرة جدا جدا يحدث حساسية أو طفح جلدى
و بالمناسبة مفيش اى تعارض بين تطعيم الانفلونزا الموسمى و اى تطعيمات
و خلى بالك لازم التطعيم يكون محفوظ فى درجة الحرارة منخفضة من ٢ الى ٨ علشان ميبوظش
يعنى تتأكدى من اى مصدره علشان تضمن فاعليته وده بتضمنه فاكسيرا بجميع فروعها .
و علشان انهى كلامى فيه شوية ملاحظات لازم نأكد عليها :
** اللقاح يؤجل و لكنه غير ممنوع لو كان الشخص عنده عدوى او درجة حرارته عالية
** اللقاح بيتاخد حقن عميق ف عضلة الكتف ، و يجوز انه يتحقن تحت الجلد
** اللقاح بيضمن لك الحماية من أدوار الأنفلونزا المتكررة
