18/01/2026
الحالة دي كانت فتق إربي مختنق،
وده من أخطر مضاعفات الفتق،
لأن الأمعاء بتدخل في الفتق ويتمنع عنها الدم.
مع التأخير، جزء من الأمعاء حصل له غرغرينا،
وده بيخلّي التدخل الجراحي ضرورة فورية مش اختيار.
أثناء العملية، اتشال الجزء المتأثر من الأمعاء، واتعمل توصيل للأمعاء ببعضها تاني
(Resection & Anastomosis)، وبعدها اتصلّح الفتق الحمد لله.
المريض خرج بالسلامة، حالته مستقرة، ومركّب درنقتين للاطمئنان والمتابعة، وإن شاء الله يتم شفاؤه على خير 🙏
نصيحة مهمة:
الفتق مش حاجة بسيطة زي ما ناس كتير فاكرة
أي فتق:
• بيكبر مع الوقت
• بيوجع أو يضغط
• مش بيرجع مكانه بسهولة
لازم يتشاف بدري
التدخل في الوقت الصح بيمنع مضاعفات خطيرة وعمليات كبيرة، وبيخلّي الجراحة أسهل والتعافي أسرع
دايمًا خليك في الأمان… الكشف المبكر يفرق كتير
دايما تكونو بصحة كويسة ♥️
