المركز البيطري & Vet Center

03/02/2025

✅

05/01/2025

27/12/2024

تحتل مصر المركز الأول في الاستزراع السمكي
على مستوى قارة افريقيا والسادس عالميا.....

مزارع الأسماك ساعدت #مصر لرفع انتاج السمك
من 1.5 مليون طن سنويا في 2015
الي أكثر من 3 مليون طنا في 2024 🔥🔥

14/12/2024

عزيزي المربي ✍️

احذر من ١٠ اسباب بتمهد الطريق للاي بي وبتزود شراسته

١- التزاحم وزيادة كثافة الاسكان ولذلك بلاش تسكن مزرعتك اكتر من سعتها في الشتاء على اساس ان الفراخ تدفى بعضها وبلاش تقلل مساحة التربية فى العنبر وتلم الفراخ في أقل مساحة على اساس انك تدفى العنبر بأقل تكلفة .

٢- رطوبة الفرشة ولذلك لابد من تجفيفها بأي طريقة ممكنة علشان تقلل انبعاث الامونيا منها .

٣- التهوية السيئة لانها بتسبب تراكم الامونيا والغازات الضارة اللي بتضعف المناعة الموضعية للجهاز التنفسى وبتسهل دخول الفيروس ولذلك ، بلاش التدفئة تكون على حساب التهوية يعني مش نكتم العنبر علشان نحافظ على حرارته .

٤- انخفاض درجة حرارة العنبر وتعرض الكتاكيت للبرودة بتزود فرص التعرض للاي بي وبتزود شراسته بشكل كبير جدا ولذلك لابد من الحفاظ على درجة حرارة مناسبة لعمر الطيور ورفع درجة الحرارة اثناء الإصابة بمعدل درجة الي درجتين .

٥ - المايكوبلازما والاى كولاى لها دور كبير جدا في تنشيط الاي بي نتيجة تأثيرها المباشر على مناعة الجهاز التنفسي من ناحية وافراز انزيمات تزيد نشاط الفيروس من ناحية تانية ولذلك يجب وضع برنامج قوي ومناسب لمقاومتها بعد إجراء اختبار الحساسية وتحت إشراف طبيبك لتفادي اي آثار جانبية ممكن يسببها استخدام المضاد الحيوي .

٦- الجمبورو وما يسببه من اجهاد مناعي غالبا بيجيب وراه اي بي في ٦٠ ٪ تقريبا من المزارع الواردة الي المعمل في الوقت الحالي من السنة ولذلك لابد من وضع برنامج تحصين مناسب له بمساعدة طبيبك .

٧ - السموم الفطرية وتأثيرها السلبى على الجهاز المناعي ولذلك احرص على انك تشتغل بعلف جيد وسمومه الفطرية في الحدود المسموح بها ووضع برنامج في ماء الشرب لمقاومتها .

٨ - زيادة محتوى البروتين في العليقة ولذلك يجب الا نعطي علف ذو محتوى بروتيني خلال فترة الخطورة .

٩ - زيادة الاملاح ولذلك يجب أن نتأكد من ان محتوى ماء الشرب والعلف من الاملاح في الحدود المسموح بها .

١٠ - زيادة الكالسيوم في العلف او رش جير فيه حبيبات جيرية بتاكلها الفراخ وده بيسبب خلل في نسبة الكالسيوم الي الفسفور وبيعمل مشاكل كلوية وبيمهد الطريق للاصابة ب الاي بي الكلوي وبيزود شراسته .

#مزارع #دواجن #تسمين
#الفا #فيت #جروب

10/12/2024

سعر الدواجن اليوم الثلاثاء
الموافق 10/12/2024

سعر الابيض 76 تنفيذ 75

سعر الساسو 86 تنفيذ 85

كتكوت ابيض 32

كتكوت ساسو 19

08/12/2024

عزيزي المربي

بما ان الشتاء على الابواب ...فالنقطة دي مهمه جدا في الشتاء

✍عشان تظبط درجة الحرارة بحيث تكون مناسبة لاستقبال الكتاكيت ف انت محتاج تقيس درجتين حراره وتتأكد انهم مظبوطين:-
☝اولا درجة حرارة جو العنبر : ودى اللي اغلب الناس بتهتم بيها ... ومش هنتكلم عنها
✌ثانيا :درجة حرارة الفرشه : ودي اغلب الناس مش بتهتم بيها علي الرغم انها مهمه جدااا ... ودى المفروض ما تقلش عن 28 درجة لان لو درجة حرارة الفرشه اقل من كده هتحس الكتاكيت بالبروده حتي لو درجة حرارة جو العنبر مظبوطة ..... ودى اللى عاوزين نتكلم عنها

✍تقيس درجة حرارة الفرشه ازاي؟؟؟
بتحط ترمومتر علي عمق 1سم من سطح الفرشه وبتسيبه من ٣-٥ دقايق وبعدين تشوف القراءة كام ....القراءه دي هي درحةحرارة الفرشه

✍ممكن تعرف ان كانت الفرشة باردة ولا دافئة ببساطة وبدون قياس حرارتها ... ودى بأنك تاخد عينة عشوائية من الكتاكيت بعد نزول الكتاكيت ب 6 ساعات وتحط راحة القدم على خدك ....ان كانت دافئة يبقى الفرشة دافئة وان كانت باردة يبقى الفرشة باردة ( foot pad test )

✍ لو الفرشة باردة .... ايه اللى يحصل ؟

١-الكتاكيت هتتجمع حوالين الدفايات او في احد جوانب العنبر وهتمتنع عن الاكل والشرب ..... على الرغم من ان حرارة جو العنبر مظبوطة وناس كتير احيانا بتشك ان الترمومترات فيها مشكلة

٢-الامتناع عن الاكل والشرب في الفترة الحساسة دى من عمر الكتكوت هيأثر علي نمو وتطور الجهاز الهضمي وسلامة الامعاء وهيقلل نشاط مركز الشهيه في المخ وهنلاقي الفراخ اكلها ووزنها اقل من الطبيعي طول الدورة.

٣-هيأثر علي نمو وتطور الجهاز المناعي وامتصاص كيس المح وهتكون الفراخ ضعيفه مناعيا واكثر عرضه للاصابه بالامراض

٤-هيكون التجانس وحش والصردة عاليه

٥-هتزود الاستسقاء بعد كده ف الدوره بمعدل ٣ اضعاف وهتزود النافق من الاستسقاء للضعف

✋ وعلشان كده:-
1- لازم تدفي العنبر قبل وصول الكتاكيت بفتره كافيه ( حوالى 12 ساعة) لحد ما تكون درجة حرارة الفرشه ٢٨ درجه علي الاقل

2-بلاش تستخدم فرشه مبتله في الشتاء لأنها بتكون دايما حرارتها اقل من درجة حرارة العنبر ب ٥ : ١٠ درجات وبالتالي صعب توصل لدرجة الحرارة المظبوطه للفرشة ... دا طبعا غير انها ممكن تسبب مشاكل صحية تانية زى الاسبرجيلوس

✋لو حصل تجمع للكتاكيت بسبب برودة الفرشة :- ارفع درجة حرارة العنبر شويه لحد ما الكتاكيت تفرد وبعدين نزلها تاني للطبيعي ... بس ده مش الصح المطلق ولكن هو ادارة للازمة فقط .... والصح هو التدفئة قبل وصول الكتاكيت بفترة كافية ولو قلقان من تكلفة التدفئة فلك ان تعلم ان الفلوس اللى بتوفرها فى الوقود اقل بكتير من اللى بتخسرها بسبب برودة الكتاكيت

✊نقطة اخيرة خلى بالك منها :- احيانا بتتجمع الكتاكيت تحت مصدر التدفئه في بعض الأمراض زي السالمونيلا.... وفى الحالة دى يلزم تدخل علاجى

د/ علي شاكر

01/12/2024

دراسة جدوى لتربية 100 كتكوت بسعر كتكوت 30 جنيهًا

أولاً: التكاليف

1- تكلفة شراء الكتاكيت

عدد الكتاكيت: 100 كتكوت

سعر الكتكوت الواحد: 30 جنيهًا
إجمالي تكلفة الكتاكيت = 100 × 30 = 3000 جنيه

2. تكلفة العلف

متوسط استهلاك العلف لكل كتكوت حتى وزن البيع (2.2 كجم): 3.5 كجم

إجمالي كمية العلف المطلوبة: 100 × 3.5 = 350 كجم

سعر كيلو العلف: 22 جنيهًا
إجمالي تكلفة العلف = 350 × 22 = 7700 جنيه

3. تكاليف إضافية

تشمل الإضاءة، التدفئة، الأدوية البيطرية، والتطهير و النشاره

تخصيص 20 جنيهات لكل كتكوت لهذه المصروفات
إجمالي التكاليف الإضافية = 100 × 20 = 2000 جنيه

---

إجمالي التكاليف

3000 جنيه (كتاكيت) + 7700 جنيه (علف) + 2000 جنيه (تكاليف إضافية) = 12700 جنيه

---

ثانيًا: الإيرادات المتوقعة

1. سعر البيع المتوقع

وزن الكتكوت عند البيع: 2.2 كجم

سعر كيلو الدجاج: 70 جنيهًا

سعر البيع لكل كتكوت = 2.2 × 70 = 154 جنيهًا

2. الإيرادات الإجمالية
إجمالي الإيرادات = 100 × 154 =
15400 جنيه

---

ثالثًا: صافي الربح المتوقع

صافي الربح = الإيرادات - التكاليف
15400 - 12700 = 2700 جنيه

---

رابعًا: تأثير نسبة النفوق (5%)

عدد الكتاكيت النافقة = 100 × 5% = 5 كتاكيت

عدد الكتاكيت المتبقية = 100 - 5 = 95 كتكوت

الإيرادات بعد النفوق
إيرادات الكتاكيت المتبقية = 95 × 154 = 14630 جنيه

صافي الربح بعد النفوق
14630 - 12700 = 1930 جنيه

---

ملاحظات مهمة:

1. تقليل نسبة النفوق:

الاهتمام بالتغذية الجيدة، تهوية المكان، وتوفير الإضاءة والدفء.

2. شراء الكتاكيت والعلف من مصادر موثوقة:

لضمان جودة الكتاكيت وتحقيق معدلات تحويل جيدة

3. متابعة أسعار السوق:

26/11/2024

إذالم تحافظ علي صناعات موجوده بالفعل
و تدعم منتجينها مثل صناعه الدواجن التي تم تدميرها
و أصبحت الدواجن والبيض كذالك لمن استطاع اليه سبيلا

فلا تحدثني عن نجاح شعبه الدواجن

25/11/2024

✨ نزول 3 جنيه ⬇️⬇️
غدا في اسعار الكتاكيت 🐣🐣

25/11/2024

سعر الدواجن اليوم الاثنين
الموافق 25/11/2024

سعر الابيض 71 تنفيذ 70

سعر الساسو 79 تنفيذ 78

16/11/2024

أسعار الكتاكيت
اليوم السبت الموافق 2024/11/16

أهالي 23 تنفيذ
شركات 26 تنفيذ