05/08/2025
نمط التعلق التجنبي: ليه بيبعد رغم إنه بيحبك ؟🤔
في العلاقات.. بعض الناس أول ما العلاقة تقرب… يهربوا!
مش لأنهم ما بيحبوش .. لكن لأن الاقتراب بيخوفهم. دول أصحاب نمط التعلّق التجنبي.
🧠 إيه هو نمط التعلق التجنبي؟
هو نمط اتكوّن من الطفولة بسبب تجربة متكررة من الإهمال العاطفي أو الشعور إن المشاعر مش مرحّب بيها. النتيجة؟
تعلم الطفل وقتها إنه "الأمان = الاعتماد على النفس فقط".
🔍 أسباب التعلق التجنبي:
👈 بيتربّى في بيت المشاعر فيه مش مُعترف بيها أو بتُقابل بتجاهل.
👈 لما يعبر عن احتياجه، يتعرض للسخرية أو الإهمال.
👈 يُمدَح لما يكون مستقل وكأنه ضعف لو احتاج حد.
👈 بيتعلّم يخبّي ألمه ويعتمد على نفسه بس.
😶 صفاته في العلاقة:
👈 بيهرب من المواجهة.
👈 بيحس إن القرب العاطفي خطر.
👈 بيسكت بدل ما يتكلم.
👈 بيسيب مساحة كبيرة بينه وبين اللي بيحبهم.
لو شريكك عنده تعلق تجنبي… تتعامل إزاي؟🤔
1. ما تضغطش عليه
الضغط العاطفي بيخوفه أكتر. خليك صبور، وسيبه يتكلم بطريقته.
2. افصل بينك وبينه
تعلّقه مش انت السبب فيه. دي طريقة دفاعه عن نفسه. ما تاخدش انسحابه بشكل شخصي.
3. وفر له أمان بدون كلام كتير
اثبت، كن واضح، ما تتقلبش. التجنبي بيحب الثبات والهدوء.
4. شجّعه على التعبير تدريجيًا
امدح أي محاولة منه للتعبير، حتى لو بسيطة. ده بياخد وقت!
5. خد بالك من احتياجاتك انت كمان
ما تفضلش دايمًا في دور "المنقذ". اسأل نفسك: هل العلاقة دي بتغذيني ولا بتستنزفني؟
💬 خليك فاكر :
الشخص التجنبي مش بارد… هو مجروح. 💔
بس مش كل مجروح بيعرف يحب…
إلا لو قرر يواجه خوفه، مش يهرب منه. 👌
#اليكسن
