عيادة الدكتور محمد عبد العزيز لامراض ومناظير الجهاز الهضمي والكبد

24/10/2025

الجمعيه الاوروبيه للأمراض المناعيه و الروماتيزميه

06/10/2025

بخصوص تكرار اساءه فهم الناس للوضع داخل المستشفيات الجامعيه

وجب علي الأطباء(باعتبارهم اول حاجه الناس بتخبط فيهم وبتظن إن ف ايدهم مصباح علاء الدين وأنهم المفروض يصلحوا كل مشكله موجوده) أننا نعمل اللي ف أيدينا وهو تكرار الإيضاح والشرح عسي ربنا يبدل حالنا وأحوال الناس للأفضل والناس تدرك المشكله الاساسيه وتبطل تعامل اطباء اقسام الطوارئ علي أنهم المسئولين ديما

وان تكون نفس المنصه اللي الناس بتاخدها كوسيلة ادانه للأطباء انها تكون منصه توضيح وشرح لبعض الأجزاء الغايبه عن حدود وعي الناس

مستشفى طب الطوارئ بجامعه طنطا
او مستشفى الطوارئ او اللي جنب الفرنساوي او اللي قدام الشامله... كلها مسميات للمستشفى اللي بتستقبل حالات الطوارئ داخل طنطا

الناس محتاجه تفهم انها مش مستشفى خاصه او عياده.. وانها مستشفى بتخدم الناس كلها طول الوقت سابقا او حاليا ايام التلات والاربع والخميس وأول ايام الجمع من الشهر لحد يوم ١٥ ف الشهر

الاولويه الاساسيه ف المستشفى هو خطوره الحاله.. يعني مهما كان وضع حضرتك المادي او العلمي او الاجتماعي ف ده ابدا مش اولويه.. الاولويه الوحيده هو هل حالتك خطره ولا لا.. وده مش استهانه باوضاع الناس والله.. لكن الغالبيه مش مستوعبه الاعداد اللي بتتدافع ع المستشفى في أيام العمل مع وجود قصر ف المستلزمات بشكل واضح

كل حد من الناس وأقاربها بيكون ملهوف ع الحاله اللي معاه وعاوز الموجود من الطقم الطبي يعيرها اهتمام.. بس للاسف الناس بتشوف حالتها بس لكن الدكاتره بيبصوا للحالات بميزان مختلف عن ميزان العاطفه وهو ميزان مين أخطر من مين.. او يتعامل مع مين الاول ويؤجل مين.. ناهيك بقى عن أن اغلب القرارات ف المستشفى مش بتكون ف ايد الدكاتره اللي بتقابلهم.. بالعكس اغلب القرارات بتكون من دكتور تاني اعلى رتبه من الدكتور الي بتقابله.. ف الدكتور اللي بيقابلك لما بيقولك هننتظر الرد او هنحجزك لما يتحدد او هتدخل عمليات لما المرور يجي هو بيصدقك الحديث مش قاصد يطفشك او يهملك او يكون متباطئ معاك

ف رجاء شخصي باسم كل الأطباء ف المستشفى :

١.متروحش مستشفى الطوارئ غير ف الاحتياج الشديد وعدم وجود بديل زي العيادات الخاصه.. أما ف حاله الرغبه ف الكشف غير الطارئ ف برجاء التوجه للعيادات الشامله بالجامعه يوميا ماعدا الجمعه من الساعه ٨ ص ل الساعه ١ ظهرا

٢.بلاش ابدا يكون التعامل وحش مع أي حد بيقدم لحضرتك خدمه داخل المستشفى و التعامل بنيه انهم مهملين وان كان ده لا ينفي الإهمال او التقصير احيانا

٣. الطبيب او الطبيبه اللي بيقابلوا حضرتك هم بشر مش ملايكه ف عندهم قدر من التحمل مختلف بينهم وبيكون كل واحد منهم مستمر عمله ف الجامعه بشكل متواصل لا يقل عن ٣٠ ساعه.. ف رجاء احترام كونهم أفراد بشريه لها قدر من الاستيعاب النفسي والجسماني ف رجاءا الالتزام باللي بيطلبوه منكم إلا لو حصل تقصير منهم ف ممكن وقتها التصعيد بسؤال طبيب تاني أو طبيب اكبر او تبليغ نقطه الشرطه او مدير المستشفى دون التعدي ع حد منهم

٤. ف اوقات معينه بيتم فيها تغيير الدكاتره والاستلام والتسلم وده بيشمل الساعات ٨ ص و ٤ عصرا و٨ مساءا و ١٢ مساءا باختلاف التخصصات.. خلال الساعات المذكوره ممكن حضرتك تلاقي الطبيب اللي معاك اتبدل بحد تاني بس بيكونوا بلغوا بعض ف متقلقش من ده واسمع كلام الدكتور الجديد ووافيه بالمعلومات اللي يطلبها

٥. احنا مبننفيش التقصير مننا او من زمايلنا لكن قدر المستطاع بلاش التصعيد السئ للموقف.. لو حد ما ساعدش حضرتك اطلب من حد تاني وهتلاقي اكيد اللي يساعدك

٦.الدكتور لما بيطلب من حضرتك اشعه او تحليل وحضرتك مش شايف ليهم لازمه ف هو مش غرضه يكلفك او يشغلك او يمشيك.. هو بيطلب ده لانه بيكون شايف شئ معين عاوز يثبت وجوده او ينفيه بغض النظر عن معلومات الشعب اللي مصدرها النت الجميل

٧. لما الدكتور يطلب منك اشعه او تحليل ويطلعوا كويسين احمد ربنا ف غيرك بيطلعوا سيئين.. والدكتور مش بيكون جاهل لو طلب تحليل وطلع كويس.. هو بيطلب ده لاستبعاد مشكله معينه وحصر الاسباب

٨. بالله عليكم الناس اللي مهمله ف أهلها بالشهور وأحيانا سنين وجايب الحاله ف وضع سئ ومش صابر ع اللي موجودين وقت الخدمه الطبيه... حضرتك المتسبب الأول ف المشكله باهمالك... ف بلاش الحميه اللي بتظهر فجأه عند الاهالي تحت مسمي(عاوز ابص عليه بصه يا دكتور... يا دكتور انا ابن عمته وجاي م السفر سيبني اشوفه.. يا دكتور اعملوله اللازم وننقله اي مكان....) انت بس اسمع كلام الدكتور و هو هيوجهك ولما يطلب مرافق واحد مع الحاله ياريت نسمع الكلام عشان سرعه الخدمه

٩.العنف والزعيق عمره ما بيجيب نتيجه او بيزود الاهتمام لان ببساطه هتلاقي الدكتور ساب الحاله ف انت الخسران لأنك اللي ف احتياج له.. وده مش انعدام ضمير ولكن محدش هيقبل الاهانه

١٠. قدر المستطاع زمايلنا الدكاتره تراعي ضميرها وتستخدم الامكانيات المتاحه للتخفيف ع الناس وتعامل الناس كويس لأن اللي جايلك جايلك ف اسوء حال ليه ف بلاش تبقي انت والمرض عليه

١١. بلاش تصنيف الناس ب ده يستاهل او ده مدمن او او او.. الناس ف الوضع ده سواسيه ميفرقش بينهم غير وضعهم المرضى

١٢. بلاش ك طبيب تخالف ضميرك او تستحل حرمه الحاله اللي قدامك ومتترددش ابدا ف طلب مساعده من زميلك عشان انجاز الأمر وبلاش تظلم اي حاله "وعنت الوجوه للحي القيوم وقد خاب من حمل ظلما"

١٤. حط قدام عينك انك هتتحاسب ع اي شئ هتعمله وبلاش تزود ع الحاله ف شئ او تقصر معاها.. هتدور بينا الدايره وهنكون ف وقت احنا المرضى.. ف اعمل ديما لليوم ده... أحسن حتى يحسن الله إليك

١٥. مستشفي الفرنساوي أو الجراحات او اي مكان يحمل مسمي مستشفيات جامعه طنطا لا يتم التوجه إليها الا لو تحمل قسم استقبال طوارئ ..ما دون ذلك حضرتك بتظلم المريض اللي معاك لو توجهت لمكان غير مجهز لاستقبال حالات الطوارئ ..الأمر مش مكان أو سرير وخلاص ..ولكنه بيحتاج لجاهزيه مسبقه حضرتك غير مدرك أبعادها لان حضرتك مش طبيب ..ف لا يصح التوجه إلي أحدي هذه المستشفيات مباشرة

عسى الكلام ده يفرق مع الناس ويساعدهم.... دمتم سالمين ❤️❤️

Patch Habib

01/10/2025

https://www.facebook.com/share/16Jz2YZed4/

نصيحة أمينه لكل مريض و طبيب

لو حضرتك ذهبت لعيادة دكتور مزدحمه و انت ترى أنك لا تريد الإنتظار لساعات .. ممكن تذهب لدكتور آخر عيادته خالية ..

لو حضرتك عندك ألم بسيط أو أعراض بسيطة و ترى أنها لا تحتاج لخبرة كبيرة ..ممكن تذهب لدكتور شاب أو مستوصف قرب بيتك ..مش لازم تروح لدكتور كبير و تنتظر ساعات

الدكتور الكبير خبرته يحتاجها الحالات الصعبة و الجراحات التي تحتاج خبرة و إمكانيات..لكن الحاجات البسيطة ممكن يعالجها أطباء كثيرين شباب عادي جدا ..

لو حضرتك شايف أسعار الطبيب ده غالية عليك ولا تناسب ظروفك و أكبر من قدراتك..روح لدكتور تاني .. الدكاتره كتير الحمد لله..عادي جدا

كل طبيب له طريقة و أسلوب و منظومة و تفاصيل خاصة به

الدكتور المحترم الشبعان ابن الناس مش حيزعل منك لو عملت العملية في حته تانيه .. عادي جدا ..و طبعا تكمل علاجك و متابعتك مع اللي عمل العملية ..و ان شاء الله بالشفا

أحيانا شخص ينشر كلام سيء و تشويه سمعة عن طبيب لمجرد ان الطبيب ده مش بيعمل اللي على مزاجه ..حتى بدون خطأ طبي ..لمجرد سوء الظن أو سوء الفهم
--------
بالنسبة للطبيب
بعض الأطباء الشباب أو المبتدئين يتضايق ان مريض عمل العملية عند زميل آخر أو دكتور تاني ..

عزيزي الطبيب
لا يضايقك أبدا ان مريض كشف عندك لكن لم يرتاح لك او لم يعجبه شكلك او أسعارك ..و ذهب لزميل آخر يعمل الجراحة أو الكشف عنده .. عادة بيكون هذا خير من الله لك ..و له .. الكيمياء بينكم لم تكن جيدة ..و غالبا لو كملتوا مع بعض حتحصل مشاكل لك و له
ده خير و كويس ان ربنا نجاك

و لو انت إنسان طيب و تتحرى الحلال فعادة ربنا ينقذك من الأشخاص السيئين..دائما تشكر الله انه نجاك من شر أو شخص مش كويس نفسيا
-------------
و تذكر أن المكر السيء يصيب أهله ..و من يحمل نية سيئة تصيبه الحياة على قدر نيته

و المكر و الشر اصبح منتشر في مجتمعاتنا المريضة نفسيا التي تدعي التقوى و الصلاح بينما أغلبهم يتاجرون بالشعارات و يبررون لأنفسهم كل الخطايا.. هؤلاء يستحقون ما يصيبهم الله به من بلاء و مضاعفات

انت كطبيب دايما يكون عندك نية في عملك ..نية لوجه الله..و هي انك تعمل كل شيء صح و كامل زي آخر الأبحاث و الكتب بما يرضي الله بكل التفاصيل
بغض النظر عن رضا الناس

ممكن ده ما يعجبش البعض ..او حد من زمايلك يعمل نفس العملية بس يلغي أجزاء مقابل توفير في التكلفة ..ده شيء لا يخصك ..لأنك تعامل الله سبحانه وتعالى و ليس إرضاء الزبون و جمع أكبر قدر من العيانين و عمل أكبر قدر ممكن من العمليات

ربنا يكفينا و يكفيكم شر المعقدين نفسيا و المنافقين و تجار الشعارات و المطففين و الحاقدين و اصحاب النفوس السوداء

27/09/2025

🤔 هل الصيام متعب لأصحاب مشاكل الجهاز الهضمي؟ وهل بيأثر على مرض كرونز؟
🦠 الدراسات الحديثة أظهرت إن الصيام مفيد للأمعاء ومرضى كرونز:
• يساعد على تقليل الالتهابات المعوية ويخفف هجمات المرض.
• يعزز التوازن بين البكتيريا المفيدة والضارة في الأمعاء، ويزيد من نمو البكتيريا المضادة للالتهابات مثل Lactobacillus و Bifidobacterium.
• يقوي حاجز الأمعاء ويقلل من تسرب المواد الضارة، مما يحمي الجسم من الالتهابات المزمنة.
• يحسن الأعراض الهضمية مثل الإسهال، الانتفاخ، ألم البطن، ويقلل التهيج المزمن للأمعاء.
• قد يساعد في تحسين امتصاص العناصر الغذائية وتقليل نقص الفيتامينات والمعادن الذي يعاني منه مرضى كرونز.
💡 الصيام المتقطع الأكثر شيوعاً:
1️⃣ 16/8: صيام 16 ساعة وأكل 8 ساعات
2️⃣ أكل-توقف-أكل: صيام 24 ساعة مرة أو مرتين أسبوعياً
3️⃣ 5:2: يومين فقط 500-600 سعر حراري، والباقي أكل طبيعي
⚠️ ملاحظات مهمة:
• إذا شعرت بتعب أو زيادة أعراض، غالباً السبب عادات غذائية غير صحية أو إرهاق زائد للأمعاء، وليس الصيام نفسه.
• يجب استشارة طبيب الجهاز الهضمي قبل الصيام، خصوصاً لمرضى كرونز أو خلال الهجمات الحادة.
• اهتم بنوعية الأكل، الكمية، والتوقيت سواء في رمضان أو أثناء الصيام المتقطع.
• الصيام يعزز عمليات الإصلاح الخلوي في الأمعاء، ويقلل من الالتهاب المزمن الذي يفاقم أعراض مرض كرونز.
📌 الصيام المتقطع آمن للأصحاء، لكن استشر طبيبك إذا كنت: سكري، ضغط منخفض، نقص وزن، اضطرابات أكل، حامل أو رضاعة.
يمكنك المشاركه بتجربتك عن تاثير الصيام بانواعه سواء الصيام الديني في رمضان او الصيام المتقطع او الصيام التطوعي من خلال هذا الاستبيان
https://forms.gle/WknF3zBCvRYuxr2S6
https://forms.gle/WknF3zBCvRYuxr2S6

23/09/2025

https://www.facebook.com/share/v/1CaMKkSvwF/ ليس من المعتاد نشر مقاطع اجتماعيه و لكن الكلام في الصميم و الخبز و الجلوتين اجتمع الجميع علي ضرره نظرا للتعديلات الجينيه في القمح و عمليه تصنيع الدقيق ...ابتعدوا عنه رجاءا

18/09/2025

صحة جهازك المناعي من صحة جهازك الهضمي والعكس صحيح ، فهناك علاقة وثيقة جداً بين صحة الجهازين ولذلك في ظل انتشار العديد من الأمراض المناعية لابد من الحفاظ قدر الإمكان على الجهاز المناعي 💪🏼

النهاردة هنتكلم عن أهم العناصر التي ستساعدك في الحفاظ على صحة جهازك المناعي 🤝🏼

١) البروتين وجهاز المناعة
أثبتت الدراسات أن نقص البروتين يمكن أن يؤدي إلى استنفاذ الخلايا المناعية وعدم قدرة الجسم على تكوين اجسام مضادة .
▪️يمكن الحصول على البروتين من خلال :-
البيض - الاسماك -الفراخ - الكينوا - البروكلي - الرز البني - المكسرات - المشروم - زبدة المكسرات .

٢) أحماض اوميجا ٣ الدهنية وجهاز المناعة
الأنظمة الغذائية منخفضة أحماض اوميجا ٣ الدهنية مرتبط بالإصابة بالأمراض المناعية و الأمراض الالتهابية .
▪️يمكن الحصول على أحماض اوميجا ٣ الدهنية من خلال :-
السردين - السلمون - الخضروات الورقية - التونة - سمك الماكريل .

٣) الألياف وجهاز المناعة
تعتبر الألياف وقود الجهاز الهضمي وتعمل على إزالة السموم من الجسم وتدعم جهاز المناعة بشكل عام .
▪️يمكن الحصول عليها من خلال:-
الخضروات والفواكه الطازجة .

٤) فيتامينات ب وجهاز المناعة
- فيتامينات ب ١ و ب ٢ : لهم دور هام في تحويل الطعام إلى طاقة والحفاظ على صحة العيون والنظر .
- فيتامين ب ٥ : يعزز انتاج الأجسام المضادة وانتاج خلايا الدم الحمراء .
- فيتامين ب ٦ : مهم للمخ وللحفاظ على صحة الجهاز المناعي والعصبي .
- فيتامين ب ١٢ : له دور هام في ضبط عمل الجهاز العصبي .
▪️يمكن الحصول على فيتامينات ب من خلال:-
السبانخ - القرنبيط - الجمبري - التونة - السلمون - الخس - السردين - اللحم البقري .

٥) فيتامين سي وجهاز المناعة
يعمل على تقليل الوقت وشدة الأعراض المرتبطة بالالتهابات الفيروسية في الجهاز التنفسي وتعزيز وظائف الخلايا البلعومية . كما يحسن من استشفاء الالتهابات بسبب نشاط مضادات الأكسدة .
▪️ يمكن الحصول عليه من خلال:-
الفواكة الحمضية - الفلفل الحلو - الكرنب - البروكلي - الاسبارجوس - السلق .

٦) الحديد / النحاس وجهاز المناعة
يرتبط النحاس بنمو الخلايا المناعية وزيادة الالتهابات بينما يرتبط الحديد بالاستجابة للأجسام المضادة وعمل الخلايا البلعومية.
▪️يمكن الحصول عليهم من خلال:-
السبانخ - الكمون - الخس - السمسم - الكاچو - الكرنب - البنجر - الكرات .

٧) التوابل وجهاز المناعة
هناك بعض أنواع التوابل مثل القرفة - الجنزبيل - التوم البودر - الكركم - الغنيين بمضادات الأكسدة .


ودمتم بألف صحة وسلامة 🤍
متنساش تتابع صفحتنا عشان تعرف كل ما يهمك عن الجهاز الهضمي والكبد مع دكتور محمد عبد العزيز/ استشاري امراض الجهاز الهضمي والكبد والمناظير .

للإستفسارات يسعدنا تواصلك من خلال رسائل الصفحة أو عن طريق الواتس أب على :

01003866395

"ملحوظة لا يوجد تواصل واتس أب إلا من خلال الرقم الموضح"

لينك قناة اليوتيوب:

https://www.youtube.com/-Aziz

17/09/2025

13/09/2025

بعض نتائج المناقشات في الحالات خلال فتره تبادل الخبرات بالجامعه الامريكيه في بيروت الحبيبه
١.تشخيص مرض كرونز يعتمد اكثر علي دلالات التهابيه واضحه في العينه و المنظار مع وجوب ارتفاع موشرات الالتهاب المتعددة
٢.يجب الوضع في الاعتبار المشاكل الوظيفيه و النمو البكتيري الضار قبل اتخاذ قرار بعدم الاستجابه
٣.لرنين الامعاء،دور كبير جدا في تقييم الأمعاء الدقيقه افضل من الاشعه المقطعية
٤.التعديل الغذائي مهم و لكن في حاله ثبوت وجود عدم تحمل حقيقي مثبت بفحوصات أجسام مضاده للجلوتين ig A
٥.تشخيص،عدم تحمل اللاكتوز بيتم بأختبار شريحه بالمنظار لبيان وجود الانزيم من عدمه و ليس التحليل الجيني
٦.تنظيم النوم و الحاله النفسيه مهم جدا
٧.بفضل البدء بالعلاج البيولوجي في الحالات الشديده مبكرا و في صغار السن مع وجود مشاكل المعده
٨.لا يتم الاعتماد علي وجود الميكروب الحلزوني فقط كمسبب للألم مدام لا يوجد التهابات او تقرحات

12/09/2025

الكينوا هي حبوب كاملة لها العديد من الفوائد الصحية تتمثل بعضها فيما يلي :-

١- غنية بالألياف مما يجعلها مصدر رائع لدعم صحة الجهاز الهضمي عن طريق تعزيز حركة الأمعاء المنتظمة وزيادة البكتيريا النافعة في الأمعاء ، وزيادة إحساسك بالشبع .

٢- خالية من الجلوتين إلى جانب احتوائها على عناصر غذائية مهمة مثل ؛ الزنك والمغنيسيوم وحمض الفوليك .

٣- مصدر ممتاز للبروتين بسبب احتواء الكينوا على الـ ٩ أحماض الامينية الأساسية التي لا يستطيع الجسم صنعها بمفرده .

٤- تحتوي على مضادات الأكسدة مما يعني حماية الخلايا من التلف وتعزيز الصحة بوجه عام .

٥- تنظيم مستويات السكر في الدم والدهون الثلاثية وتنظيم عملية التمثيل الغذائي .

ودمتم بألف صحة وسلامة 🤍

متنساش تتابع صفحتنا عشان تعرف كل ما يهمك عن الجهاز الهضمي والكبد مع دكتور محمد عبد العزيز/ استشاري امراض الجهاز الهضمي والكبد والمناظير .

للإستفسارات يسعدنا تواصلك من خلال رسائل الصفحة أو عن طريق الواتس أب على :

01003866395

"ملحوظة لا يوجد تواصل واتس أب إلا من خلال الرقم الموضح"

لينك قناة اليوتيوب:

https://www.youtube.com/-Aziz

09/09/2025

بِسْمِ اللَّـهِ الرَّحْمَـٰنِ الرَّحِيمِ
وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ
صدق اللَّهُ العظيم

كل حاجة موجودة حوالينا لها فوائد ، هي برضو لها اضرار لو زادت عن حدها 🤷🏻‍♂️ واكبر مثال هو عنصر الحديد ، فـ وجوده مهم جداً ونقصه بيسبب مشاكل كتيرة في الجسم وزيادته برضو بتسبب مشاكل خطيرة .
فالنهاردة هنتكلم عن الفوائد الصحية للحديد واضرار زيادة ترسبه في الجسم بالإضافة إلى مصادر الحصول عليه🤝🏼
✴️الفوائد الصحية للحديد في الجسم ✔️

1) يعزز الهيموجلوبين

تتمثل الوظيفة الرئيسية للحديد فى تكوين الهيموجلوبين ، وهو بروتين خلايا الدم الحمراء ودوره الرئيسى هو نقل الأكسجين فى الدم .

2) يقلل من التعب

يساعد الحديد فى منع التعب الغير مبرر ، والذى يمكن أن يؤثر على كل من الرجال والنساء. حتى لو كنت شخص مش بتعاني من فقر الدم ، فقلة الحديد بتقلل من مستويات الطاقة . وده منتشر بشكل خاص عند النساء خلال سنوات الإنجاب .

3) يحسن قدرة تحمل العضلات

تساعد المستويات الكافية من الحديد على توفير الأكسجين الضرورى لتقلص العضلات والقدرة على التحمل.

4) يعزز جهاز المناعة

الحديد ضرورى لزيادة قدرة الجسم على مكافحة الأمراض والالتهابات .

5) يقلل من الكدمات

الأشخاص الذين يعانون من الكدمات بسهولة لديهم نقص في مستويات الحديد . وذلك لأن الهيموجلوبين يؤثر على إنتاج الصفائح الدموية ووظيفتها ، والتى تتحكم فى تخثر الدم . كما تعتبر الكدمات المتكررة مؤشرًا على أن التجلط الداخلى لا يعمل كما ينبغى .

✴️ أضرار ترسب وتراكم الحديد الزائد في الجسم ❌

١) ألم في المفاصل .
٢) تغير لون الجلد .
٣) وجع البطن .
٤) الضعف وفقدان الوزن .
٥) تدمير خلايا الأعضاء مثل الكبد ، البنكرياس ، القلب .
٦) تلف الغدد الكظرية .

✴️ مصادر الحصول على الحديد

🔶 المصادر الغذائية للحديد 🥘

▪️الخضروات الورقية : وخاصةً الداكنة منها . فهي تعتبر من أفضل مصادر الحديد مثل؛ السبانخ، الكرنب، الجرجير، ولتحسين الاستفادة من الحديد يفضل تناولها مع فيتامين سي، مثل ؛ البرتقال والفلفل الأحمر والفراولة .

▪️اللحوم والدواجن : تحتوي جميع اللحوم والدواجن على الحديد، وأفضل المصادر هي اللحوم الحمراء . يمكن أن يؤدي تناول اللحوم أو الدواجن مع الخضروات الورقية ، إلى جانب الفاكهة الغنية بفيتامين سي إلى زيادة امتصاص الحديد .

▪️الكبدة : تعتبر الكبدة هو أكثر لحوم الأعضاء شيوعًا الغنية بالحديد .

▪️المأكولات البحرية : مثل الجندوفلي ، الجمبري، السلمون، التونة و السردين .

▪️البقوليات : مثل الفاصولياء، الحمص، فول الصويا ، البازلاء ، العدس ، الفول .

▪️المكسرات والبذور : مثل الكاجو، الفستق، الصنوبر، كما تحتوي كل من المكسرات النيئة والمحمصة على كميات مماثلة من الحديد .

📌 ملحوظة :

يجب عدم تناول الأطعمة الغنية بالكالسيوم في نفس الوقت مع الأطعمة الغنية بالحديد لأن الكالسيوم بيقلل من امتصاص الحديد .

🔶مكملات الحديد

قبل ما تفكر تاخد مكملات حديد سواء كانت اقراص أو حقن لازم تستشير طبيبك الأول لأن ممكن تفكر إن الأعراض اللي بتعاني منها سببها نقص الحديد لكن هي اعراض مرتبطة بحالة صحية تانية 🤦🏻‍♂️ وبالتالي ممكن يترسب الحديد وده بيسبب مشاكل كبيرة💔 ولذلك لا ينصح باستخدام مكملات الحديد إلا في حالات النقص المشخص .

🔸الجرعة 💊

الجرعات الموصى بها من مكملات الحديد التى يتم تناولها عن طريق الفم لمعظم البالغين تتراوح من 8 ملليجرام إلى 27 ملليجرام. عادة ما تنطبق الجرعات الأعلى على النساء الحوامل والأشخاص الذين يعانون من نقص الحديد .

اضغط لايك وتابع مقالات "صحتك تهمنا"👍🏼

.