02/01/2026
لما بنكون متوترين وبنمر بضغط عصبي ونفسي
هرمونات زي الكرتيزول بترتفع وبتديلك شعور مزيف بإنك جعان ومحتاج تاكل كوسيلة للتأقلم مع التوتر والضغط اللي بتمر بيه.
طيب تواجه ده إزاي؟
1- اول حاجة لازم تعملها تتخلص من الحاجات اللي بتحبها في التلاجة او المطبخ( نوتيلا- شوكولاتة-شيبسي-بيبسي) لإن مجرد وجودها وعقلك الباطن عارف إنها موجودة بمجرد ماهتتحط في توتر هتجري عليها تاكلها.
2- لما تحس انك بتفكر في الاكل وهتلغبط الدايت علشان متضايق, البس وأنزل اتمشي 15-30 دقيقة تحت البيت واطلع تاني.
قعادك في البيت مش هيغير من الشعور ده بالعكس هيزوده
3- أشرب مياه وكل فاكهة بتحبها علشان الCravings للسكريات يقل منك وتخدع عقلك بإنك دخلته سكريات بس بصورة صحية.
4- أشغل نفسك وكلم صديق ليك (بس صديق ميقولكش يلا ننزل ناكل 😂)
5- اقف قدام المرايا.... لو جسمك راضي عنه أسأل نفسك ليه أضيع اللي وصلت ليه بالعك اللي هعكه ده ؟ لو مش راضي عنه قول ليه هخربها اكتر بدل ما احاول اصلح اللي مش مخليني راضي عن شكلي؟
من الأخر... حديثك مع نفسك مهم جداً .... انت دايماً في معركة بينك وبين نفسك مفيش أي حد هيقدر يتحكم في قرارك غيرك انت .
