برديس رزق- Bardis Rezk

برديس رزق- Bardis Rezk Contact information, map and directions, contact form, opening hours, services, ratings, photos, videos and announcements from برديس رزق- Bardis Rezk, Mental Health Service, Alexandria.

أخصائي نفسي إكلينيكي وعلاج الإدمان
متخصصون في حالات القلق، الاكتئاب، الإدمان، اضطرابات الشخصية، ثنائي القطب، والفصام في بدايته
لو محتاج مساعدة حقيقية 👥
ابعتلنا رسالة 📩

📌📌لو في حياتك علاقة مهمة بالنسبالك وعاوز تحافظ عليها عاتب وعبر عن اللي مضايقكبلاش تخزن بس عاتب صحعاتب بدون لوم و بدون تق...
16/09/2025

📌📌لو في حياتك علاقة مهمة بالنسبالك وعاوز تحافظ عليها

عاتب وعبر عن اللي مضايقك
بلاش تخزن

بس عاتب صح
عاتب بدون لوم و بدون تقطيم لأن ده عمره ما كان عتاب

والتخزين في الغالب أخرته فقد

حتى لو استمرت العلاقة بتكون شكل بس

العتاب بيحمي العلاقات
رغم إن العتاب صعب
بس في الآخر مفيش علاقات ناجحة من غير تعب🥰🤎👑

ًا #الانتكاسة #الإدمان

(وَمَا تَوْفِيقِي إِلَّا بالله عليه توكلت وَ إليه أُنِيبُ)الحمد لله 🙏 تم قبول تسجلي رسمياً للحصول على درجة الدكتوراه في ...
12/09/2025

(وَمَا تَوْفِيقِي إِلَّا بالله عليه توكلت وَ إليه أُنِيبُ)
الحمد لله 🙏

تم قبول تسجلي رسمياً للحصول على درجة الدكتوراه في مجال الصحه النفسيه

وبهذه المناسبه وبكل امتنان واعتزاز، أتقدم بخالص الشكر لدكاترتي واساتذتي على الدعم الدائم الذي قدموه لي منذ اليوم الاول وحتى هذه اللحظه ، لقد كنتم قدوةً ملهمةً بكل المقاييس وأقدر بشدة توجيهاتِكِم القيمة وتحفيزكِم المستمر الذي لا يقدر بثمن🙏🌷💙



برديس رزق- Bardis Rezk

📌📌فرق كبير بين الشخص اللي مهم عنده وجودك والشخص اللي وجودك بيسعدهاقولك ازاي.... اللي مهم عنده وجودك هيعرف يحافظ عليكهيحب...
11/09/2025

📌📌فرق كبير بين الشخص اللي مهم عنده وجودك والشخص اللي وجودك بيسعده
اقولك ازاي....
اللي مهم عنده وجودك هيعرف يحافظ عليك
هيحب كل حاجه بيعملها معاك
مش هيحس بيومه غير وانت فيه
هيعد ساعات يومه بس عشان يشوفك
مهما ظهر اي شخص مش هيعرف يشاركه نفس التفاصيل اللي اختارك علشان تكون فيها
لما تختفي بيدور عليك في كل مكان علشان الحياه بتبقى وحشه من غيرك...
لما بيزعل منك حياته بتقف وبيعمل اي حاجه علشان يتكلم معاك حتى لو هيجي على حساب نفسه المهم ان بعدك مش بيبقى مسموح
اما اللي بيسعده وجودك....
اول ما بريق ظهورك بيقل
او بيظهر حاجه تفوق وجودك جنابك
بيتم الاستغناء عنك بمنتهى السهوله
وكأن وقتك ودورك في حياته مؤقت...
عرفت ان الفرق كبير😎
🤎👑🙏

ًا #الانتكاسة #الإدمان

📌📌📌في ليلة هادئة، جلس العقل والقلب يتناقشان في صمتٍ داخلي لا يسمعه أحد:القلب (بصوت مليء بالمشاعر):"لماذا دائمًا تكبّلني ...
06/09/2025

📌📌📌في ليلة هادئة، جلس العقل والقلب يتناقشان في صمتٍ داخلي لا يسمعه أحد:

القلب (بصوت مليء بالمشاعر):
"لماذا دائمًا تكبّلني بالمنطق والحسابات؟ أنا أريد أن أحب بلا حدود، أن أندفع بلا خوف، أن أعيش اللحظة كما هي."

العقل (هادئًا وحازمًا):
"وأنا أخاف عليك يا صديقي. اندفاعك قد يؤلمك، وقد يجعلك تكرر نفس الأخطاء. دوري أن أحميك من جراح الماضي."

القلب:
"لكن بدون مغامرة لن يكون للحياة طعم. أنا أبحث عن الدفء، عن الشعور الحقيقي. ماذا تفيدني الحسابات إن بقيت وحيدًا؟"

العقل:
"وماذا تفيدك المشاعر إن جعلتك أسيرًا للألم؟ نحن نحتاج أن نلتقي في منتصف الطريق… أن أحب بما يكفي، وأحمي نفسي بما يكفي."

ابتسم الاثنان في داخلهما، وكأنهما أدركا الحقيقة:
الحياة لا تكتمل بالعقل وحده ولا بالقلب وحده، بل باتزانهما معًا. ًا #الانتكاسة #الإدمان

في ستات بتعيش العمر كله وهي موجوعة…مش وجع جسم، لأ…ده وجع نفس، وجع قلب، وجع خزلان وكسرة مفيش دوا ليها!في ست بتصحى كل يوم ...
30/08/2025

في ستات بتعيش العمر كله وهي موجوعة…
مش وجع جسم، لأ…
ده وجع نفس، وجع قلب، وجع خزلان وكسرة مفيش دوا ليها!

في ست بتصحى كل يوم شايلة هم بيتها، ولادها، شغلها، ومسؤليات مالهاش آخر
وهي أصلاً مش قادرة تشيل نفسها…
بتضحك قدام الكل… وبتعيط كل يوم بالليل في صمت
بتحس إنها لو وقعت… محدش هيسندها
ولو اشتكت… هيتقال عليها نكدية!

في ست بتعدّي على كرامتها وبتعدّي على وجعها
وبتفضل تبني وتحافظ وتدي وتدي… وهي مش لاقية كلمة "تستاهلي"
ولا حضن صادق، ولا كلمة تقدير تشفي قلبها

بتكتم جرحها عشان محدش يتعب
بتسند اللي حواليها وهي نفسها مش متسندة
ولو وقعت؟ كله يقول: "ما كانتش قد المسؤولية!"

الست دي… مش بس تستاهل تتحب
دي تستاهل راجل يحس بيها من غير ما تحكي
راجل يعرف إنها لما تسكت، بتنزف
وإن ضحكتها أوقات بتكون سترة على انهيار داخلي

راجل ما يوجعهاش
ولا يقلل منها
ولا يطلب منها تكون حديد وهو مش حتى نص سند
راجل يعرف إن الست الطيبة لو اتقهرت… مش هترجع تاني!

هي محتاجة "راحة"، و"أمان"، و"كتف" تِميل عليه وهي بتقع
لأنها لو لقت ده… هتدي حب يكفي دنيا بحالها

قدّرها… قبل ما تخسرها
لأن الطيبة لما تنكسر… ما بتتصلحش 🤎🌹

ًا #الانتكاسة #الإدمان

📌📌📌الحُزن دا حاجة وحشة جدًا يا جماعة وخاصةً الحُزن الداخلي اللي الواحد بيعيشه بينه وبين نفسه من غير ما يحسس اللي حواليه ...
22/08/2025

📌📌📌الحُزن دا حاجة وحشة جدًا يا جماعة وخاصةً الحُزن الداخلي اللي الواحد بيعيشه بينه وبين نفسه من غير ما يحسس اللي حواليه بهمّه أو باللي واجع قلبه، دايمًا بشوف إن الحُزن الداخلي هو الأصعب لإنّه بياكُل في روح البني آدم، مخليك لا عارف تنام ولا تاكُل ولا تشرب، كُل حاجة في نظرك شبه بعضها، مَفيش شيء مُبهر، دايمًا عينيك حزينة، صوتك حزين، حتى ردود أفعالك بطيئة وفيها خيبة أمل غريبة وكأنك زعلان من الدُنيا كُلها عشان حاسس إنّك ما تستحقش كُل الحُزن دا ولا قلبك الطيب يستحق كُل المُعاناة دي، وكُله كوم وإن الإنسان تصعب عليه نفسه دا كوم تاني خالص.

ًا ًا #الانتكاسة #الإدمان

الشخصية النرجسيهاول ما يميز الشخص النرجسى .. انه مش بيبقى عارف انه كده اصلا😂 !!النرجسيه ترسخت فيه لدرجة انه عنده يقين و ...
18/08/2025

الشخصية النرجسيه

اول ما يميز الشخص النرجسى .. انه مش بيبقى عارف انه كده اصلا😂 !!

النرجسيه ترسخت فيه لدرجة انه عنده يقين و عقيدة ان هي دى طبيعة البشر العادية .. هو نرجسى من غير ما يفكر ..
نرجسى بالفطرة ..
نرجسى بالسليقة ...

و دا يجرنا للميزتين التانية و التالتة ..
انه مينفعش معاه عتاب ..
لأنه اصلا مش عارف انت بتعاتبه على ايه ؟!!
يابني انت أذيتنى
_اللي هو ازاي يعني ؟!
بقولك خدعتني
_لأ طبعا .. انا في العادي جدا .. انت بس اللي بتبالغ وبتحب الدراما !!

و بالتالي الميزة التالتة .. مش بيحس بالذنب أصلًا ..
علشان كدة متتوقعش منه توبة ابدا ..
لأنه اصلا ايه ؟!
مش بيعمل حاجة !!

الشخص النرجسى .. متصالح جدا مع نفسه .. هاديء جدا .. عنده القدرة انه يعتصر قلبك بقبضة باردة دون ان يطرف له رمش ..
عنده القدرة انه يطعنك في ضهرك وياكل لحمك و يضحك في وشك و هو بيسألك : مالك فيك إية ؟!

الشخص النرجسى.. في الغرام بقى قلبه كبير اوي .. اوي ... اوي ...
قد اتوبيس النقل العام كدة وقت الذروة .. ممكن يساع من الحبايب الف ..
ممكن يحبك و يبقى صادق جدا في مشاعره على فكرة ..
و يحب واحد تاني و هو صادق برضه ..
و يعشق تالت و والله برضه صادق ..

عارف الشخص اللي لما تسأله بيحب مين تلاقيه يقولك في عمق و هو مضيق عينيه ومتأثر و بيتنهد : انا بحب الحب .. يا سلااااام الله يفتح على اللى خلفوك
و هو متصالح برضه مع نفسه في الحتة دي ..

يعني كلامك معاه في اللحظة دي عن الخيانة و الاخلاص وجرح المشاعر وازاى قادر يشوف غيرك و الكلام الفاضي دا بيبقى نوع من أنواع العبث بالنسبة له ..

الشخص النرجسى.. يحب يتشتم على فكرة !!
يحب تبهدله و تسبه و تلعنه و انت بتواجهه بوساخته .. لأنه فضلا عن انه مش بيحس بالذنب فهو كمان في اللحظة دي بيحس انك ظالمه كمان !!

اه و الله شتيمتك ليه بتديله قوة انه يرد عليك و يبجح و تلاقيه ممكن يصرخ باستمتاع مرضي .. ايوااا انا نرجسى .. انا كذاااب .. انا خاااااين .. انا غداااار ..
هو مش بيقول كدة اعتراف .. لأ .. هو بيقول كدة علشان انت تحس بالذنب انك غلطت فيه !!
نوع من انواع الالعاب النفسية ..

📌📌📌الشخصية النرجسيه مش على طول بيبقى فاقد الشعور بالذنب .. بتيجي عليه لحظة يشعر بالذنب برضه .. و في اللحظة دي بيحتاج انه يطهر نفسه .. و افضل و سيلة عند الشخصية النرجسى انه يعترف !!

تلاقيه عمال يرمي في اعترافات في لحظة من لحظات العمق ..

يا جماعة انا وحش و ممكن اكون غلطت و عارف اني ظلمت ناس كتير .. بس انا مش بكون قاصد ..

الاعتراف دا بيريحه جدا .. وبيرمى بية المسؤلية على حاجات تانية
و في ناس بتفهم غلط ان الاعتراف دا بداية لطريق الاصلاح انه يعترف بغلطه .

عند الشخصية النرجسيه الاعتراف مجرد تفريغ للطاقة السلبية و بالنسبة له مرحلة الاعتراف هي المرحلة الاولى و الاخيرة في عملية الاصلاح !!
و بعدها ....
بيرجع لوساخته عادي يعني !!

الشخصية النرجسيه بيبقى حريص اوي انه يحافظ على الاشخاص السذج حواليه .. علشان متعته انه يمارس اسلوبه على ناس مش فاهمة اصلا انه نرجسى و دا بيرسخ عنده احساسه الطبيعي انه مش نرجسى فعلا !!
و الدليل الناس الجمال (السذج) اللي لسة ملمومة حواليه
لعبة نفسية معقدة زي ما قلت لكم ..

اوحش انواع الشخصيات ده هو الشخصية النرجسى الغلبانة !!
و دا متكتشفش انه شخصية وحشه إلا بعد ما تعاشره وقت طويل . اوي تكمن في النقطة دي .. انك ممكن تضيع معاه عمر بحاله و تكتشف في الاخر ان عمرك راح هدر مع شخصية وحشه زى ده ..

البوست دا مش القصد منه انك تعرف ان صاحب الشخصية النرجسى هو بس الشخص اللي بيكذب عليك او بيخونك او بيغدر بيك وبتبقى عارفة .. لأ ..

الهدف انك تعرف ان الشخصية ده الى في حياتك .. ممكن جدا .. متكونش اكتشفتها لحد دلوقتي !

ًا #الانتكاسة #الإدمان

📌📌التعب الجسدي بعد يوم شغل طويل احسن مليون مرة من التعب النفسي بعد يوم فراغ و تفكير و ملل .عارفه الإنسان بيموت أمتي ؟- أ...
17/08/2025

📌📌التعب الجسدي بعد يوم شغل طويل احسن مليون مرة من التعب النفسي بعد يوم فراغ و تفكير و ملل .
عارفه الإنسان بيموت أمتي ؟
- أمتي؟
‏= لما يفقد ، شغفه وجنونه
لما يعيش الحياة بروتين ممل ، لما يعيش علشان يموت من غير هدف .

Bardis Rezk
ًا

16/08/2025

📌📌مراحل التعافي و التوجه للتعافي علي خطوات صحيحه بتفرق في حياة المدمن.
ًا #الانتكاسة #الإدمان

16/08/2025

الشخصيه النرجسيه وما تمارسه من أساليب وحيل مع المحيطين....
علي شاشة قناة الاسكندريه ق٥ في برنامج حديث المساء مع الاعلاميه/ريم علام
ًا #الانتكاسة #الإدمان

16/08/2025

📌📌فترة الأعياد والمناسبات هي اكتر فتره المدمنين المتعافين ممكن ينتكسو فيها الا إذااااااا..............
ًا #الانتكاسة #الانتكاسة #الإدمان

16/08/2025

📌📌التنشئه الاجتماعيه هي البذره الاولي لتحديد سلوك الطفل منذ الصغر.
ًا #الانتكاسة #الإدمان

Address

Alexandria
12655

Website

Alerts

Be the first to know and let us send you an email when برديس رزق- Bardis Rezk posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category